新寶粉麵茶餐廳

Open Now

Now Closed

今日黎左呢間宜安街既新寶打冷。我同朋友兩個人叫左3個餸，鹵水鵝片、蠔餅同埋椒鹽九肚魚因為我地早到，大約6點半，去到有卡位坐，所以坐得都幾舒服店舖有兩層，就算繁忙時間應該都唔洗點等位食物味道都唔錯，椒鹽九肚魚都炸得幾脆，而且冇骨，蠔餅都唔會太咸，味道調得岩岩好鵝片又啖啖肉我地仲有叫左幾支啤酒，呢幾個餸送酒都好唔錯我地叫左呢幾個餸已經食到好飽如果下次有機會會再試其他菜式以後係觀塘打冷又多左一個新選擇啦

搬咗嚟呢邊住成年，都係第一次入嚟呢間店。因為門面太唔起眼，同一條街亦都有太多選擇。今次想食啲新意思，又唔想行好遠，所以就入嚟。午餐都係@$50左右，街坊價。相對嚟講，個豉油炒麵，冇火腿絲都照賣$50，就比較貴。但係因為太鍾意食，所以照叫。另外本來想叫啲鴨腳飯，因為唔係間間有。但係老闆娘話未夠霖，叫我轉第二款，okok，轉叫牛腩筋飯。個牛腩筋飯真係夠霖，亦都好入味，但係更好味嘅，竟然都係碟豉油炒麵。冇標榜用豉油皇、頭抽，乜乜七七。但係成碟擺喺面前，就一陣豉油香味撲鼻而來⋯ 心諗，有料到喎，睇埋啲麵係乜嘢水準先。啲麵入口，軟硬適中，乾濕程度亦都啱口味。佢唔係靚嘅蛋麵，欠咗啲蛋味，但係做面嘅粉應該係靚嘅。但係佢做到乾濕度準，同埋豉油香，入口爽綿平衡適中，冇乜肥油滲出來⋯ 已經係近呢幾年，我食到最好味嘅豉油炒麵，贏過我在五星酒店及大酒樓食過的兩次。我肯定會返嚟食豉油炒麵。再公平啲講句，佢個例湯個樣似係例水，但係其實都飲得下，有冬瓜味、有豬骨味，唔覺有味精。

今日突然想食蠔餅，所以就走去新寶開餐先！蠔餅大大份，香口脆卜卜，蠔仔份量充足。今日既鵝件好靚呀！肥瘦岩岩好，肥而不膩，鵝肉香嫩入味。最喜歡點埋個酸汁食，開胃又增添幾分滋味👍🏻自選滷味，揀左豬頭肉同金錢肚。豬頭肉係每次必定會叫黎食😋口痕想配搭多一個餸，於是就點左金錢肚⋯但個金錢肚唔太岩自己口味⋯下次都係叫返栢葉或者墨魚好了⋯———————-最近凱匯商場開左啦，有埋停車場，近呢兩次揸車過去食飯變得方便左👍🏻（但其實觀塘地鐵站行過去都係10分鐘既腳程）

觀塘宜安街有很多食店。這一家餐廳是我偶然踏足了，而會反覆光顧的餐廳。這家餐廳有很多食客是互相認識的、或是老闆認識的熟客。大家一起打個照面，風花雪月，晚飯時間總是熱鬧非常。我就是喜歡這種舊式香港的情懷⋯蠔仔粥（細），足夠二人的份量。賣相雖然普通，但味道比起很多打冷店出色。蠔仔飽滿新鮮，一碗有很多粒蠔仔！除了蠔仔以外，還有方魚脆脆、肉碎、冬菜、芫茜！鹵水鵝翼配鵝掌。鹵水入味，掌翼煙韌，配上酸汁滋味開胃。自選鹵水三拼墨魚、豬頭肉、栢葉。是我喜愛的港式鹵水味道。配上冰凍的啤酒，一絕也。啫啫通菜煲份量十足，惹味！😋這餐叫了四道菜配上一枝青島啤酒，愉快的一餐，二人飲飽食足回家去。———————————

男人話想食潮州打冷 有間小店佢每次想食打冷都會黎 話想帶的去食 所以今次就跟佢過左黎觀塘鋪內有兩層 真係好多人全滿黎間店全出名打冷 除左打冷之外 仲有普通茶餐廳有既碟頭飯 蒸餸 小炒話明專程黎e度食打冷 當然嗌左兩個我認為打冷必食既(因為我唔太喜好內臟 所以要我男人將就一下啦🤗)必食 滷鵝片 $98因為係主角同佢影多兩張相 鹹度甜度適中 皮·脂肪·肉既比例完美 (男人話打冷一定要配啤酒🍺)(好味指數: 😋😋😋😋😋)必食 韮菜豬紅 $45韮菜豬紅係我既最愛 黎度既豬紅好入味 而且完全無腥咪(好味指數: 😋😋😋😋😋)XO醬啫啫雞煲 $65一程黎到都試下佢個小菜啦 本身想食鮮潤啫啫雞煲 可惜全港🐖🐖😷😷☠☠ 甘雖有食啫啫雞煲 黎個餸就比較遜色 雞上太多粉 醬料生粉太多太'傑'身 太鹹(好味指數: 😋)菜單以潮州打冷或者小菜價錢同其他餐廳差唔多 但佢款式種類比較多 因為兩個人食唔到太多野食 下次一定會黎食多次試下其他菜式(👍👍👍👍👍為最高)整體食物質素: 👍👍👍性價比: 👍👍👍推薦指數: 👍👍👍👍

夜晚又要揾地方食飯 星期日晚週圍都好多人 唔想等既情況下就黎左宜安街揾夜野 成條街都係叫餸食飯既餐廳 就簡呢間試試 我地上左第二層 空間較為寬敞 無咁逼即刻叫左幾道菜 最鐘意椒鹽炸豆腐 外脆內軟😆啫啫雞煲既肉質好鮮嫩👍🏻👍🏻對我呢個食肉獸黎講 一煲都真係唔夠食每次去打冷都必食既蠔仔粥 以前食過好多間都好多水同粥 呢間好足料 蠔仔好多！鹵水拼盤有少少咸 不過都值得一試👍🏻價錢黎講算中價 六個人食 每人都只係洗85蚊！

八點因太晚了，與兩妹妹本想去APM ，但又不想行太遠，還是走到新寶試試小菜．當到了才知道那兒是有打冷．不過叫了小菜，下次再嘗打冷好了東江鹽焗雞很美味，味道不錯，又夠肉又嫩，都頗大隻，要了半隻十分好吃．生炒排骨近來很想吃的，甜度剛好肉質爽，算一般的好味過以前新南苑腐乳通菜炒肉片菜通綠腐乳同椒絲很配合炒得亦不錯，因為套餐如果肉片是牛肉就更好了．整體也是不錯，而且又不是太貴而且亦有海鮮，睇牌又不是太貴但是否好味，下次再試只是服務就慢一點埋單也是160元！3個人又叫多杯飲傾計，不錯的啊！

觀塘市中心急劇發展，為應付大量嘅人流之下,觀塘嘅餐廳數目亦都唔少，真係有各式各類嘅餐廳👍🏿今日小編堂因為有人就來試試呢間傳統嘅茶餐廳食晚飯，試下佢哋嘅叫餸食飯🤤一入去坐低，餐廳原來有兩層，小編同友人就被安排坐喺下層位置，都幾好，唔使行樓梯上上面🙈睇睇餐牌，選擇都好多，仲分開唔同種類嘅食物方便合體，例如海鮮類雞肉類，牛肉類等等。價錢方面，每道菜都屬於中等價錢，可以接受👍🏿由於第一次來，想試多啲唔同種類嘅菜式，雖然得兩個人食，但係都叫咗三個餸，不如大家一齊來睇睇係啲乜啊😆👍🏿係啲餸菜未黎的時候，我地都叫左一支啤酒啤啤佢，餐廳做緊嘅主打啤酒係森寶，＄20一支👍🏿第一個餸一上枱，俾我哋嘅感覺就係，原來啲嘢嘅份量都唔細啵👍🏿👍🏿呢個係京都豬扒，價值＄58。分量唔細嘅佢，有大量洋蔥同菠蘿做配菜，豬扒本身炸得脆口鬆軟，再加上酸酸甜甜嘅京都醬，配上白飯一齊食，當然係一流啦！👍🏿第二道菜係椒鹽鮮魷👍🏿價值＄75。呢度都做得唔錯，因為以茶餐廳嘅水平來講，製作一定唔及食海鮮嗰啲餐廳做得咁好架啦，但係質素都唔差。內層嘅炸份唔厚，炸得乾身之餘，入面嗰舊魷魚又爽口又大舊👍🏿點埋個喼汁，真係10分滿分，都有9分架啦

Happy Friday 可惜今晚得自己一個食晚餐。經過呢間粉麵茶餐廳，門口寫正宗潮州打冷。見好耐無食潮州野，決定買番去慢慢嘆。方魚肉碎粥(細)＄５０－潮州粥粥底不會煮爛，粒粒分明，所以會比較似泡飯。肉碎頗多，但由於我外賣，所以回到家，方魚塊已浸淋了，但都惹味的。粥水味道適中，不會太鹹。豬大腸＄５８（併金錢牛肚＋＄７）－　盒底有大荳芽墊底，豬大腸大大件好肥味，另＋７有金錢牛肚，大約有７件，份量亦算ＯＫ，而且滷得好入味。

必食推介：椒鹽魷魚，蠔餅，黃金蝦認真抵食，食物夠大碟，招呼親切！行到攰攰哋諗住是旦搵間茶餐廳坐底食下嘢，估唔到咁有驚喜，街坊價錢食到呢個質素真係估唔到，一定會再幫襯👍🏻👍🏻

又到lunch time唔知食咩好..之後上openrice睇左一睇見到新寶所以就打左電話去叫外賣喇..我就叫左個福建炒飯..同事叫左揚州炒飯, 西炒飯等等啦..送貨速度都唔算慢..送到過黎公司都仲好熱..d飯好香..一打開勁多料個福建炒飯好足料..有冬菇, 肉粒, 蝦等等..食完真係超級飽肚而另外個西炒飯都好正..不過美中不足既係居然得腸仔無火腿..仲有幾隻蝦添..但味道都係好好味..呢間茶餐廳真係唔錯..野食夠鑊氣!食得過呀!有機會會去試下堂食

食10間20間茶餐廳吉列魚柳 , 雖然都有啲係及格 ,魚柳都嫩滑好食 , 不過呢間係最嫩滑好食嘅 , 而且肉質結實 , 一啲唔似隨隨便便做出嚟 , 係有誠意之作!  炸薯條亦都係新鮮炸起 , 又熱燙又香脆 , good ,睇嚟呢間茶記會有下次  

今天探親偶爾路過,諗下食咩好 看看門口上的餐牌寫着晚餐金菇肥牛粉絲煲個人幾喜歡 便到了這家餐廳,有很多位 坐四人卡位呢硬生生的木板,我不覺得很舒服囉 野食黎到呢肥牛粉絲煲一端上時香氣撲鼻 熱辣辣 .. 好足料呀 不過實際吃下去卻又不覺特別惹味 佢d 牛肉又唔算小,汁唔多粉絲入口質感也順滑 配料則一般紅椒, 菠蘿等,酸酸甜甜 蕃茄湯,酸酸辣辣,係唔錯,不過真係太細碗啦 白飯,普通而已 凍檸茶甜度剛剛好 服務,環境好一般,價錢實惠$48不妨一試

今天探親偶爾路過,諗下食咩好 看看門口上的餐牌寫着晚餐金菇肥牛粉絲煲個人幾喜歡 便到了這家餐廳,有很多位 坐四人卡位呢硬生生的木板,我不覺得很舒服囉 野食黎到呢肥牛粉絲煲一端上時香氣撲鼻 熱辣辣 .. 好足料呀 不過實際吃下去卻又不覺特別惹味 佢d 牛肉又唔算小,汁唔多粉絲入口質感也順滑 配料則一般紅椒, 菠蘿等,酸酸甜甜 蕃茄湯,酸酸辣辣,係唔錯,不過真係太細碗啦 白飯,普通而已 凍檸茶甜度剛剛好 服務,環境好一般,價錢實惠$48不妨一試

因是日吃了一頓豐富的早餐，因此午餐時只想吃個簡單的麵餐，但驚喜也是由此而來。簡單的紅腸火腿公仔麵，原以為只是一兩片紅腸，再加一兩塊火腿便已完事，但放在眼前的就是疑似一整碗的火腿。雖然論份量可以是相等於兩塊火腿，但經過一番努力後的心思，所表達到的就是一份小驚喜。說到食物也是不錯的，雖然不是丁底，但麵質也算不錯，易入口。而最令人驚喜的是這裡的辣椒醬，只需一小滴便已奇辣無比，喜歡辣的朋友一定不可錯過。