新德興茶餐廳 (Closed)

講起中午食lunch真係不得不推介新德興 呢間茶餐廳我同同事成日都會幫襯早餐/午餐 佢有自家員工送外賣不另收費！新德興茶餐廳 (灣仔)灣仔灣仔道220號地下B號舖抵食指數: ⭐️⭐️⭐️⭐️雪菜火鴨絲炆米粉 $56燒鴨份量雖然唔算多，但勝在鴨肉好好食😋 ，炆米粉伴隨雪菜作為調味，米粉好入味淡淡鹹香，炒得好夠火喉🔥魚香茄子炆伊麵 $53即炒伊麵夠晒鑊氣，茄子🍆炆得好淋又入味，雖然油膩感偏重，但係我鍾意❤️ 個人偏向鍾意食淋身既伊麵，佢就做到啱我口味！🥳滷水雞髀拼西多士 $38滷水髀大大隻睇相你就知😂 西多士唔使多講，內裏夾住花生醬，再點埋糖漿食，真係Perfect池👍🏻

原先之前都有成日黎食早餐後返工，覺得lunch都麻麻，不過過完年過黎食又覺得好似好食左，唔同之前，尤其係個洋蔥豬扒飯同椒鹽豬扒飯又大塊，又夠味同事食嘅梅菜肉餅飯大塊兼滑，食攞唔會孩。今日又食左碟幹炒牛河，河粉夠鍋氣，牛肉唔韌兼好有味！聽日會再黎幫襯！

首先外賣等咗40分鐘，外賣員態度都一般呢個不是重點白飯係用好差嘅米，完全係冇任何米香叉燒完全係冇水份，又咸又硬已經講咗話要半肥瘦，但係都係咁另外呢專登已經加錢要咗隻雞比，急凍雞仲要啲肉呢係鹹鹹地怪怪地總之唔好下次同埋杯檸檬水呢有浸生銹水龍頭味總之呢$54簡直係惡夢🥲🥲浸味都怪怪地，真心好怕肚痛點解呢間野仲可以生存到？好心唔好害人最怕食完個肚唔舒服🥲🥲打好評嗰陣先發現原來本身評價都勁差真係好後悔😭😭😭😭大家千祈真係唔好再叫佢哋呢間

叫左個外賣回鍋肉飯，返到去的肉既賣相好似的發黑既壞肉（唔係燶個種黑）食落去陣味好怪，應該真係變壞左，估計擺左三四日既燒肉做既。的耶菜吸左的味食落去都係怪既。連辣味都蓋唔到怪味！扒左兩啖白飯，成盒送俾垃圾桶！難食到第一次要login入黎寫第一次評語！一路打字一路少負評又話要夠幾多字，埋盞我鬧多的$@！如果係近既我實拿返去叫佢地食返，抖左十分鐘，個口都仲有陣味…..絕對想負評，作夠二百字黑名單黑名單黑名單

為他平反下，今天早餐app勁快，如圖所見4個早餐加一個單點咸牛肉包，食物不會太咸，也不會炸過頭，有些茄豆跟埋，有質量！下面留言的有些是haters吧哈、

食物質素幾好都無用，外賣人員態度極差 ，收錢將錢掉落地下 ，幫佢執完仲罵人點樣比錢， 仲要企係人地鋪頭話人 ，呢d咁既態度，以後都吾會幫襯，亦都會叫識既人吾好幫襯外賣送到 ，一肚火都食吾落啦

真係第一次等2小時外賣落單時已說明希望外賣11:30am到可是依然遲半小時,足足等了2小時外賣还有,外賣員的服務态度很差說話好大声語氣亦唔好其实我已提早1個半鐘下單依然不準時十分十分失望

今日要出到灣仔返工，做到咁上下緊係要食野。我唔熟路，同事就帶左我去呢間「新德里」。茶餐廳，諗住不過不失啦。一坐低未叫野食已經上左兩碗湯先，做野做到暈即刻有得食，呢樣抵讚。不過跟住落黎我就大失所望。第一，明明叫左凍啡，佢上熱既比我，同落單條友講，仲話返我轉頭話我講得唔清楚，話凍飲要加3蚊，所以佢就諗住拎起張單改啦，我即刻忍唔住出聲：明明你自己都寫左+3係張單到，即係落單個時你自己聽到我叫凍飲啦，扮咩姐你。跟住佢先死死氣幫我換，佢咁串我都唔知佢有無加料比我。第二，我叫左A餐咖喱吉列豬扒飯，豬扒夠晒脆，份量ok啦唔叫好大份，最不堪入目係佢個咖喱，一啲咖喱味都無，椰汁又無，咸咸甜甜都唔知食緊咩，唯一可以叫佢做「咖喱」既地方就係佢個顏色，一樣咁綠，但味道完全唔似。我都已經唔expect佢做到靚茶記咁起晒沙，但唔該起碼比啲咖喱味。今日常餐加凍飲$53，ok la...

#breakfastforlunch, #cheapeat, #wanchaithis is very random. my wife and I wanted to go to her favorite place but too crowded and dun feel like waiting under the cold. so we decided to go to some place randomly new instead. As usual, we looked at the menu, the price is reasonable, we went in. very less people for a rather bug place, didn't get the hint or too lazy to react.... well sure it helped set a low expectation....

夜晚一條友唔知食乜，路過新德興，諗住老字號，應該唔差。見到廚推就是但揀個：鮑片福建炒飯(個名好似好勁)首先，個飯上枱係熱嘅，應該係即炒，正常味道，一般福炒嘅味，無話好出眾，正常咁問題出係邊？首先係份量，$52蚊，當然唔會預你超大碟，但呢個明顯係下午茶輕食份量。一上枱，呆一呆。再嚟，鮑片當然預咗係代鮑啦，$52蚊比你食真鮑咩，但說好的鮑片呢？係有嘅，不過係鮑丁，一碗數埋，應該砌得返一片。。。所以，如果大家要抵死/大件/飽，新德興唔會係你嘅首選。

是日落足一日雨放工都夜了,所以在灣仔食埋飯先回家套餐涼瓜腩肉再加杯凍檸蜜仲有一碗飯涼瓜腩肉-瓜都唔算好淋,又唔算好苦都OK腩肉唔算太肥,有紅椒但唔係辣飯硬左少少,淋D會比較好食凍檸蜜正常

嗌左外賣一個鐘都未送到，唔識路又唔打來問，好！ 我打去催妳，第一次都識話唔好意思已經送左，叫我等多陣...等左15分鐘又未到，再打去第二個女人聽，態度差仲cut埋我線...然後我唯有Whats app佢，而佢又叫我等去到最後既最後，我放棄了，走左，希望佢唔好浪費食物，自己食左佢啦！咁樣既服務，我以後都唔會再嗌

新德興茶餐廳係我好鍾意去嘅茶餐廳，食物選擇多，價錢又公道，特別係週末時候會來食下午茶，因為我自己好鍾意食炸雞比，對炸雞髀嘅要求好高，試過食好多間唔同嘅茶餐廳，除咗翠華茶餐廳嘅炸雞髀好食之外，新德興論價錢同質素都唔會輸，外面好多炸雞髀都會上咗好多炸粉，雖然外皮會趣，但一咬落去全部炸粉唔好食，一係就外皮唔吹質素都唔會輸，外面好多炸雞髀都會上咗好多炸粉，雖然外皮會脆，但一咬落去全部炸粉唔好食，一係就外皮唔脆淋pat pat又油膩，甚至會食到雪藏味，而這裡的炸雞髀是生炸的，沒有上炸粉，但外皮炸到香脆，肉質又juicy, 十分好味，下午茶炸雞髀餐係我經常會叫的，我一般會將西多士改為沙律，因為佢啲沙律唔係罐頭雜果，有薯仔有蔬菜，感覺好食啲，冇咁邪惡！

今午去灣仔，貪方便嚟咗呢度食，之前都幫襯過，但今天之後要black list……午市時間，理應好多人，但有位不用等，首先叫第一個阿姐幫我寫常餐~叉燒通粉，茶走少甜，之前揾另一個阿姐寫粟米班片飯、阿華田，個阿姐應該新嚟話飲嘢要加錢，話番佢知餐牌寫咗包餐飲先知，奶茶拎嚟時冇跟鐵羹仔，我話佢知，佢叫我用大的飯羹攪，我話吾係咁樣，佢先去拎咗隻跟凍飲的長羹比我，奶茶叫咗茶走少甜都好甜，啲伙計真係好吾掂，hea做，叉燒~好難食，點餐前見佢有燒爉飯類賣，又掛滿雞鴨叉燒，以為應該ok，所以先叫來試下……點知，叉燒又硬又冇味，這個常餐的叉燒這樣差，令人感覺啲燒爉嘢都吾方好食……

已經幫趁左十幾年（因為灣仔好少食肆送外賣），愈來愈差！聽電話個姐姐仔非常極之cool（好懷念以前個鄕音嬸嬸），之前一直叫燒味、丸類雙併瀨粉，忽然話燒味還燒味、丸類還丸類，唔可以雙併（其實燒味雙併同丸類雙併都係41）！落order已經一肚氣！送到來，之前覺得幾好既片頭唔同左樣，咬一啖好重胡椒粉味，再𡁻兩下，酸的！根本係用變質嘅魚肉做的！唔咁再食D片頭了！⋯⋯成41蚊，仲比左2蚊貼士，結果變左單併！一諗起cool姐把聲，打去投訴都費事了，唉！！！！