新忠記打冷小菜館

Open Now

Now Closed

最近有位朋友介紹紅磡有間打冷菜館好好食，所以見今晚有時間就即刻揸車去試下，因為怕多人要排隊，所以就提早去食。菜館門口有煲仔飯煮梗，睇睇門口餐牌煲仔飯都有啲貴，不過再睇下個煲就明白哂，原來咁大個飯咁又真係唔叫貴。餐牌食物種類選擇有好多，有鹵水、小菜、粉麵、煲仔飯、 泡飯、湯羹、甚至連鮑參翅肚都有，真係花多眼亂。招牌鵝片拼盤 ($148) : 拼盤好豐富好大碟，成個小山丘咁，加埋鵝片都只係 $148 相當抵食，如果鹵水汁多返啲就更好喇。韭菜豬紅 ($55) : 份量超多，豬紅夠滑夠爽口，不過略嫌個汁唔夠濃味。鹹蛋黃金鮮魷 ($138) : 全晚最出色既一道菜，新鮮炸出黎熱辣辣，鹹蛋黃汁夠多夠濃味，而且鮮魷大大件，份量又多，重有印尼蝦片伴碟，十分有誠意。😋胡椒鹹菜豬肚湯 ($62) : 大兜又足料，三個人飲每人都飲到三碗 👍🏻 睇個款以為味道會好淡，估唔到辣辣地幾惹味。😋糖醋餅 : 朋友既至愛，不過朋友話整得麻麻地，唔夠鬆化同脆口，自己就覺得無咩特別似個普通炸麵餅咁，因為未食過所以做唔到比較。螄蚶 : 第一次食螄蚶，所以比唔到意見，不過自己鍾意食花甲、大蜆呢啲種類多啲。😝

新忠記潮州打冷菜館位於紅磡，是第一次幫襯，因為有朋友住附近。由於食飯之前已經開始飲酒，所以我哋都係叫一些送酒菜：分別叫咗馬友魚飯，鵝片滷水拼盤，椒絲腐乳唐生菜，以及蒜蓉炒豆苗。首先上枱係馬友魚飯，油分望落亦充足，上面放了幾片醃鹹的檸檬，作用應該是增加風味，但我懷疑是希望能夠辟走魚的泥味，可惜此舉不見成效，泥味仍然非常重，不喜歡👎另外的鵝片滷水拼盤，當然鵝片的份量不會太多，合共有五片吧！多少亦不是重點，重點在於滷水完全沒有純香陳的味道，我只食到豉油的鹹，對於一間潮州店來說，滷水汁是他的靈魂，我可以形容這個滷水拼盤的滷水汁非常失敗🤦🏻‍♂️反而兩個菜就出奇地出色，椒絲腐乳唐山菜的腐乳下得夠重手，炒工亦不錯，整碟菜食至最後也不會出水。而蒜蓉炒豆苗應該下了雞油或鵝油之類去炒，油分充足而味道亦很好，豆苗亦選用最嫩的部份，相信為這餐挽回不少分數就只靠這兩碟菜了。這可以說明廚房的炒料部門應該比較出色🤔

紅磡新忠記出名煲仔飯唔平，好在大煲，四人份量唔錯，唔太咸我唔鐘聲食窩蛋牛，好在這間牛唔係山竹牛肉的質感飯好味成煲唔咸又有最重要元素，飯焦兩面黃整得香口，好正食完會立刻執晒枱上物品，即叫你快啲走，haha我揀6點15分等位，因7點後，多人排隊

紅磡真係好多美食，真係要好好咁逐一推介比大家。😋😋😋今次就講吓呢間先啦！佢係一間老字號嘅潮式打冷鋪，真係好多人去食，成日都見到好多人等位，價錢方面，同出面嘅差唔多，但份量就好多，真係都叫抵食，味道方面，我帶過好多朋友去食，佢地都覺得正嘅。👍👍👍新忠記打冷小菜館酥炸潮州蠔餅呢個真係不得了，每次去到必叫嘅，佢炸得好鬆化，好多蠔肉，重點係唔油，唔洗任何醬汁都好好味，真係值得推介比大家🤗🤗🤗韮菜豬紅份量十足，好多豬紅，但如果韮菜再多少少就最好啦！味道又唔會過鹹，正👍潮安話梅骨呢個係老公最鐘意嘅，佢炆得d骨啱啱好，唔會過淋，食落仲有咬口，話梅汁唔會過鹹同過酸，少少甜甜地，啱埋小朋友食😘😘😘蠔仔肉碎粥呢個十分足料，勁多蠔仔，蠔仔又肥嘟嘟味道一流，最重要係唔會腥😆😆😆香煎潮式雙面黃糖醋麵呢個我一定唔會叫嚟食嘅嘢，因為我唔鐘意食脆麵，但因為朋友想食就叫咗，嚟到嘅時候，服務哥哥叫我哋襯熱食，加咗糖同醋，我都估唔到係咁好食🤣🤣🤣

這間位於喺舊區嘅打冷店, 平時都相當人氣，最近可能疫情的關係，晚市時間並不多人。店內環境不大，但可容納的桌數還不算少。還有幾張卡位，適合兩至三個人坐，比較企理。客人不算太多，侍應招呼尚算周到，一坐下，就奉上熱茶。我哋只有兩個人，叫了三樣餸。鵝片拼大腸 $148 - 鵝肉香，有鵝味。大腸够入味，唔錯。話梅骨 $88 - 意外的好食，甜甜酸酸，排骨有炸過，好香酥，好入口，感覺女孩子會好喜歡這款啫啫芥蘭煲 $82 - 有蝦米、肉碎、蒜頭爆香，加上芥蘭爽脆，很香口。由於餸的份量頗多，兩個人也吃不完，最終留了三份二嘅「話梅骨」要攞走。紅磡食店頗多，各有特色。這一間老字號嘅打冷店，以抵食大碟取勝，味道也相對地出色。但是可能店內位置不大，去的那天，旁邊的大圓枱有八個人食飯，一邊飲啤酒一邊大聲交談，聲量頗大，其實很是影響店內其他食客的，可能這也算是打冷的文化了。埋單的時候大概是8:00 ，這是有很多人入嚟進食，也有不少是年輕的情侶，或者一大班年輕朋友，看來這裏，也頗受年輕一群的歡迎，味道和份量應該算是原因之一。

提早慶祝父親節，去咗新忠記食打冷.第一次幫襯，又睇睇有無驚喜先.點咗滷水鵝片，韭菜豬紅，蠔仔粥，白灼吊片，蠔餅併九肚魚，炒蟶子，蝦丸脆豆腐.想點薄殼，無貨，轉叫螄蚶.優點：1, 滷水鵝片比想像中滑，由其係肥肉部位.2, 蠔仔粥名就叫蠔仔，但蠔嘅size一D都唔細粒，蠔仔肉質嫩滑，蠔仔份量足無偷工減料，加入胡椒粉一齊入口係一絕！絕配.3, 用蠔仔餅嘅制法整九肚魚係第一次食，九肚魚肉質比蠔更嫩滑，外表香脆內層軟滑而且唔油膩，唔需要點醬汁已經好好味.4, 單憑炸蝦丸嘅外表，以為口感好實，但咬落卻相反，質感比較軟，又唔會過於彈牙，係自己中意嘅口感.5, 其實.... 潮州螄蚶係第一次食，原來要用個特制鉗開螄蚶.自己超愛食赤貝，螄蚶相信係赤貝嘅BB品種.潮州螄蚶不但有赤貝嘅鮮甜，重有酒香等潮式醃料，酒香味重，滿意！6, 冷氣足夠！缺點：1, 門口無得泊車！2, 今次幫襯好鬼嘈！3, D職員態度一般，問多兩句都唔 like.4, 不論蠔仔粥同炸蠔餅，都食到細細粒蠔殼，美中不足.5, 炒蟶子殼多過肉.

唔想煮，出街食，貪就腳就呢一間，以前寶石戲院轉角位已經成日幫襯。今晚叫了3樣野，蠔仔蛋、炒番薯苗同埋兩面黃。蠔仔蛋的蠔夠鮮味，餸飯一流，蠔仔又夠多，正﹗見好少食到番石榴苗，所以伙計話今晚有就即刻叫，如往常一樣好夠鑊氣，出街食就係要夠鑊氣。我自己好鍾意食兩面黃，不過印象之中唔係成日食得到，可能係要花功夫。最鍾意就係加上沙糖同埋醋的味道，真係好正。

咁岩d fd話好耐冇打冷，就過左黎新忠記食晚餐啦叫左個冷盤先啦鴨舌豬手雙併黎食潮州野就梗係食冷盤啦 呢個好正呀我地個個都好鍾意胡椒豬肚湯，佢有落埋花甲落去煲，好重胡椒味又好鮮，呢個黎親都必嗌架呢度既蠔餅都好出色炸得好酥脆又唔會油膩仲要佢真係落左好多好多蠔仔落去整，真係好足料架呢間打冷我好推介，會再黎👍

今日去了紅磡打冷，兩個人，叫了鹵水拼盤和炒蕃薯苗。個炒蕃薯苗就正正常常啦，係多油少少，不過一般的小炒都是這樣的，d油好似唔洗錢咁。至於個鹵水拼盤，都係普普通通，咁你去食小炒都係咁架啦，普普通通正正常常咁，鹵水拼盤個鹵水汁就唔係唔好食，不過就肯定唔係好食，得個鹹字，無乜鹵水應有的香味。拼盤入面有紅腸、豬腩肉、鵝腸、豬大腸、豬耳、豆腐卜、墨魚同芽菜，佢D份量唔太平均，豬耳同豆腐卜得好少。整體而言D野好大碟，價錢平均都要$90至$100一碟。

今晚約了朋友一齊到新忠記食打冷，現在雖然是武漢肺炎防疫的日子，但我們也出來食打冷。鵝肉平時食打冷喜愛食鵝掌翼，今日要了個鵝肉，上枱見到鵝本身不是很大隻，也是較瘦的鵝，肉質較薄，但居然是下荘，底下用豆腐墊著，鵝除鵝肶外，雖然不是很多肉，但就很滑及很入味。椒絲腐乳通菜通菜一上枱見到已感覺通菜比較老，入口果然食到比較老及有渣，腐乳味不是很出，除有渣的外炒得都比較爽口。蠔仔肉碎粥喜愛食蠔仔粥，所以要了一鍋，原來一鍋份量都較多，夠3個人食，肉碎粥有很多芫茜及蔥，魷魚絲及蠔仔，可惜粥底較淡，蠔仔雖然細細隻，卻是很腍滑。

🍙等待時間：星期六晚，同埋兩個家姐入去已經人頭湧湧水洩不通阿。但唔洗點等。不過要拼桌，多數都係大枱。🍔室內環境：一般傳統打冷風格，唔會座得舒服，亦唔靚。🍰服務質素：一般般啦。🔺用餐簡評：我兩個家姐勁熱烈推介呢間既蠔仔粥，我地仲點左魚香茄子煲同唔知咩品種既蜆😅。首先佢嗰蠔仔粥係唔差既，蠔仔大粒，而且都算鮮甜可口，粥既火候都ok，但我都係食到疑似有少少味精味。不知名蜆我就唔識欣賞。🔹總括來講：中等啦

來到新忠記晚餐，五個人叫了五個菜。養生六合時蔬：六合時蔬配有鮮百合，蜜糖豆，蓮藕片、雲耳、鮮淮山及馬蹄。材料頗新鮮，有鍋氣，不會成口油，但如果再少點油會更好。臘味油鴨脾煲仔飯： 十分大煲，最後要打包走。飯煮得剛好，軟硬適中，不會太乾或太濕。蠟肉味道正常，油鴨脾亦都不會太鹹，略嫌不夠油香。雙面黃： 亦即是糖醋麵。把麵炸到香脆再放上砂糖和醋。味道不過不失，不過不算抵食。侍應亦會向我地建議雙面黃的最佳食法。鵝肉拼盤拼豬腩肉：味道可以，不過鵝肉和腩肉都太多肥膏。炸蠔餅 ( 大）：炸得十分脆，亦不會成口油。蠔的份量亦很足夠，份量比想像中多。如果5-6 人建議叫小蠔餅便足夠。如果一大班人聚餐，新忠記不失為一個好選擇，份量足味道又可以，而且服務態度亦比普通中菜館好。

早幾日一大班人去新忠記食飯，可以叫到好多唔同款嘢食😋，蠔餅大大碟好香口，蒜蓉黃金蝦味道一流，令人想再食，另外菠蘿牛仔粒又係正，好淋又夠汁。一定不得不提煲酸菜豬肚味道非常醒胃，少少酸𣙙

有曱甴仔。。。。。。😭呢度嘅食物的確係唔錯，特別係黑椒薯仔牛柳粒！不過好可惜嘅係有一次去食，見到牆上面有隻行緊嘅曱甴仔。雖然細細隻不過真係好冇胃口🥺🥺希望可以改善下衛生

都係啱啱先知打冷意思係潮州大排擋食飯🤭要排隊 都幾多人同幾滿入面位置好逼 同埋較嘈 因為通常一大班人食 而且啲枱真係放得好密叫咗4餸 3白飯 1粥1️⃣黑椒薯仔牛柳粒好大碟吓而且好足料 大大舊牛肉 同大大粒薯仔醬料係黑椒汁 同時落咗好多蜜糖 令成碟野甜甜地 又少少辣 幾香牛肉肉質好淋添2️⃣椒鹽鮮魷食落超脆 勁香口魷魚亦好多同幾新鮮咬落好有嚼口椒鹽味亦好濃3️⃣啫啫通菜煲依個真係好香好香 因為落咗好多蒜頭去炒又有細蝦米 洋蔥 紅椒 蝦醬味好出 通菜索汁好惹味通菜又夠新鮮 好青翠 咬落有聲4️⃣西檸雞又係好大碟 賣相都幾唔錯食落檸檬味超出 但係唔酸 反而甜甜地其實係炸雞扒底面都勁香脆 同時中間層雞好厚肉仲要勁juicy 勁淋 好滑😍好食5️⃣蠔仔粥無相 不過樣就唔太吸引嘅好水 似湯飯 望落好清淡粥就唔太好食 唔鐘意食濕飯蠔都新鮮同大粒嘅不過未至於好好食-全部餸都好大碟幾抵食 幾個人叫2-3餸加大大碗白飯已經飽味道好食 不過就要預佢好油 好熱氣 好邪惡🙈服務都唔錯嘅係坐得唔太舒服 同衛生上差少少每人平均$150 okay啦啱啲鐘意煎炸香脆入味野嘅人我就覺得好食嘅 不過要間唔中食 加上其實平時我唔好煎炸油膩野