新忠記打冷小菜館

Open Now

Now Closed

第一次光顧此店，吃完已決定下次會再來。星期天，還有午市優惠客飯套餐供應，除了主食，還包括老火湯和熱飲，價錢只是四十多至五十多元，超值。點了金牌滷水鴨肉飯和福建炒飯。老火湯先上，是紅蘿蔔合掌瓜排骨湯，味道非常好，有在家喝湯的感覺。金牌滷水鴨肉飯上桌，鴨肉竟然有那麼大大的一碟，份量大味道也好，只是48元。福建炒飯也很好吃，炒飯上鋪滿蝦、魷魚、雞肉、冬菇和翠玉瓜，材料很豐富，只是52元。飲品點了熱檸蜜，有點過甜。這店面積頗大，裝潢就是一般啦，不過也坐得舒服，店員服務態度很好，非常有禮貌。

今日同一大班朋友去咗食新忠記打冷。其實，喺香港好吃嘅打冷已經少之又少，今次嚟咗呢間紅磡好出名嘅打冷，真係冇黎錯。講下佢嘅裝修先，簡簡單單唔好預佢好乾淨。佢有好多款嘅菜式可以揀，而家錢都10分合宜，大概60至到$90一碟。我哋一行10人，叫咗10碟小菜。最值得推介係佢嘅炸蠔餅。蠔仔超大粒，炸醬好趣。highly recommend! 另外，豉椒炒蜆都好好味，好有鑊氣，啲蜆隻隻都好新鮮。我哋加咗一碟菜，推介沙嗲牛肉炒菜心，啲牛肉仲多過菜心，整體而言，食物又好味又抵！值得推介！但係要小心佢嘅海鮮，我哋叫咗極大賴尿蝦。因為係時價，我哋冇問價錢。雖然好好味，但係買單嘅時候發現每隻賴尿蝦要$180.1隻。本身我哋每人夾$100 ，但係加咗碟賴尿蝦，變咗每人要夾$280。

新忠記 一直都是想吃的打冷店， 尤其到了冬天常常見到人龍不絕， 連不是住在紅磡區的同事也知道這間店舖， 真是十分出名， 今夜叫了四款餸菜， 有獅蚶，蠔餅， 鹵水拼盤， 金不換炒薄殼。 螄蚶用了花雕酒加大量蒜頭去醃製， 帶出微微酒香。蠔餅十分大碟， 蠔也十分大隻, 煎得甘香鬆化, 不用沾任何醬料，已十分夠味。鹵水拼盤是打冷店必叫的， 裏面有鵝片，豆腐，紅腸，鵝腸， 滿滿的十分豐富， 鹵得十分入味。金不換炒薄殼， 小炒也是打冷出色的一環， 薄殼帶著金不換的香味，好吃

其實我唔係特別鍾意食潮州嘢但係潮州菜當中有一啲款式我又特別喜愛食而且呢間新忠記嘅係紅磡好出名所以我都唔係第一次食唔記得影menu 睇下呢個墊檯紙都有啲嘢食叫食潮州嘢點可以唔食豬紅 豬紅勁大碗 味道👌🏻調味啱啱好 所以你坐低望下隔離會見到每檯都會有一碗 我哋四個人食就啱啱好滷水拼盤 個人就唔係特別鍾意食鵝同鴨 但係拼盤就勝在咩都有啲 咁大家就咩都可以試少少 呢個真係必點嘅招牌菜 我唔識豬頭都覺得呢個湯超好味 佢落咗好多黑椒胡椒 啲蜆勁大隻好鮮味真心推介必點

今日同朋友慶祝生日，一行十人最好就係去打冷，多人可以食多ᗪ不同款式餸，平時多會選擇九龍城打冷，今次朋友選擇去紅磡，紅磡而家有地鐵搭都好方便，7:30準時入座，已經座無虛席，但位與位之間其實都好迫，不斷好多侍應係身邊行來行去招牌鹵水併盤椒鹽炒聖子～惹味生炊大眼雞凍魚～好新鮮啖啖肉酥炸潮州蠔餅～蠔好大隻而且好脆，必食胡椒豬肚花蛤湯～胡椒味適中唔會太辣蠔仔肉碎粥～蠔唔會腥而且好大隻椒鹽鮮魷～炸得香脆金銀蛋白菜仔總括而言，全部餸都好好味而且好足料大大碟

星期日係黃埔游完水！一行5人到紅磡呢間打冷食飯！一年前仲係舊鋪既時候我成日都同屋企人食，今次係第一次到新店食！7點係門口等左20分鐘到就到我地。大家下次去之前可以電話預約左先。火喉同以前一樣！好夠味呀分別叫左5款餸1.豉椒炒蜆火喉好夠，好野味蜆肉差唔多粒粒都有2.煎蠔餅蠔仔有差唔多手指公咁大粒！炸身夠脆3. 金銀蛋白菜仔因為無哂莧菜，職員提議轉做白菜仔，一樣好好味。個湯可以就咁飲都唔會太鹹4. 鵝片滷水併盤足料！味道不錯5. 黑椒牛仔粒最出色係薯仔有蕉糖面，好出色！但相對黑椒味帶啲甜味就有少少唔match每人都係$155 蚊。份量夠大！ 推介比大家

十一個人一齊食，最好就系打冷，上網見呢間野好似好出名所以試一試鵝腸一般，啲芽菜幾好食個雞好食，系好滑既雞，都好夠味個蝦球好彈牙，無乜雪味啫啫通菜煲，夠獲氣好好食，再辣啲會好食啲個湯唔多味精，濃既胡椒味，入面有好多隻大蜆，索哂啲湯既精華好甜好好食全晚最出色既一道送，蠔餅！系食過咁多間打冷最好食，好酥脆超多大蠔仔，超好食！同埋好大碟好抵食肥瘦適中，唔難咬，送飯一流！椒鹽魷魚鬚，一家大細都岩食，唔硬唔難咬，又系送飯一流既送叫左兩碟豉椒炒蜆，比想像中多但覺得個蜆肉無乜味，但炒得好香最後$2020埋單，平均每人都系180蚊左右，叫左成十個定11個送，人頭飯同埋有飲汽水啤酒，所以抵到嘔又飽到嘔！

很久未食過打冷了，今晚就來到紅磡的新忠記。餐廳裝修都整潔企理，有卡位有圓枱。鵝肉$128要了個鵝肉，可能是比較夜的關系，鵝肉居然是下荘，底下用豆腐墊著，可能鵝肶肉比較厚，肉質比較鞋，反而背脊肉會滑一些。蠔仔肉碎粥$58蠔仔肉碎粥，有很多魷魚絲及蠔仔，芫茜及蔥，放少少胡椒粉，都比較香口好咮。

夜晚黎到呢度打冷，聽講呢度啲野食係偏貴但係足料。首先黎到嘅係蠔仔粥，一鍋真係好大兜，入面超多蠔，而且都唔細隻，好飽滿，食落啖啖都係蠔。粥底同大地魚干一齊熬過之後，風味十足。不過挑剔嘅係食落個粥中間有好啲硬粒。之後係九肚魚蠔餅，都算係一個好有創意嘅菜式。入面嘅九肚魚都幾多，但係食落啲骨比較硬，有少少un 住。但係整體都係香口好食。另外仲有個鵝片拼墨魚，鵝片幾嫩滑，厚度岩岩好，而墨魚片都算幾彈牙。

講到「打冷」，潮州大排檔經營的大眾化冷盤熟食，配個鑊氣小炒，潮州風味十足，新忠記已經係多年老店，又做得耐又裝修又唔平，仍然非常旺場無論如何都要試一下，餐牌上可以揀既實在太多，一於就試下典型菜式睇下佢既功架先黎條倉魚，當然係凍倉配普寧豆醬，條倉魚真係好大條，頗鮮肉質都幾好、口感不錯，加埋豆醬配啤酒一流加個椒鹽鮮魷，由於佢大部分既餸菜都係偏大碟既，所以佢會建議你雙拼鮮鮮炸得幾好，保持彈牙爽身而有鮮味唔油亦唔會太多粉，椒鹽包含住蔥姜蒜，焦香味增色不少蠔仔粥，份量超級多本地蠔仔腥，加上好多香料配料煲成潮州粥，保鮮而好味做得不錯，味道唔會咸，俾你配其他餸食潮州打冷以滷菜聞名，當然要試埋佢既滷水野先得叫左滷水鵝片鵝肝雙拼，無骨鵝片細膩，紋理均勻，吃的是滷水味加上濃鵝味，滷水汁亦係一流，好有風味另一拼係潮式鵝肝，有驚喜唔腥，好夾滷水味，口感非常嫩滑，極之值得一試既特別好味道價錢係真係唔平，但你唔會食到唔好味而且係份量好大既，一班人食就啱啲有佢自己獨特既潮式味道值唔值就自己決定#掛住鵝肝#枱枱都叫蠔餅咁但太大個唔敢叫#椒鹽九肚魚都要食

同事又有好介紹啦🥰好有同事愛呀🤤今次佢地介紹我黎新忠記打冷，佢地話必食嘅係蠔餅，所以就同男朋友黎試下啦🍽我地仲叫多個小炒皇，個小炒皇有小小辣，都幾令人開胃，個蠔餅都好鬆脆，啲蠔都幾大隻，整體印象唔錯

今晚我地2條友約咗舊同事聚舊，其中一位提議去新忠記，佢話一年前食過好味架，如係週末仲要勁等位。幸好今天是平日，加上可以電話訂位。7點到，店內5係多人，門外擺了一排櫈。伙記們也算有禮又快手。咁我地叫咗4樣野：1. 咸香雞(半隻) $208 ：伙記不斷強調此菜係 signature food，係新鮮雞，附有雞內臟。隻雞係真新鮮，但5係太嫩滑，鹹度偏淡。2. 胡椒咸菜豬肚花蛤湯 $178 ：因為有花蛤，所以貴多幾十蚊。湯好香濃，豬肚好味。不過。。。貝殼5似花蛤，似大蜆3. 鵝片三拼 $168：唔。。。。呢碟5得，滷水5入味，燈影鵝片、腎超實，豆腐無味，鵝腸還可以4. 蠔餅 $9x：呢個好好味，蠔仔大，粉漿少我地3條真係食5晒，當然5做大嘥鬼，結果付出$2要咗個外賣碗 pack 野走。加埋1罐可樂，免加一及茶芥，$656埋單走人~

朋友介紹話好食，一於試試。book 左7點，黎到直接入得。9個人叫左8個菜，上菜好快手。1) 胡椒咸菜豬肚，好夠味，不過好辣呀！由於本人唔食豬肚，所以唔知豬肚好唔好食。但d咸菜就真係冇味啦，唔知係咪出晒味落個湯度啦，一窩都幾大，夠一人一碗仲有多架。2)炸薯牛柳粒，d薯仔炸過，出面甜甜地咁，幾好食。牛柳粒好林，但薯仔多過牛柳好多，牛柳冇幾多舊。3)豉椒炒蜆，係幾惹味，配料好多，蜆都唔少。雖然d蜆冇沙架，不過就有1/4都冇開口囉。4)煎蠔餅，夠晒大碟，又香口，蠔都幾多，正！5)滷水拼盤，味道還可以，都入味既，不過就成碟都好碎咁，唔係好知食緊咩。9個人推薦我地食個大，但我覺得大就真係太多了，試下就算。6)椒鹽雙拼，九肚魚拼鮮魷。可以雙拼又幾好喎，一次試晒兩樣。另外叫左個菜同生炒骨，埋單計都係$1000度，又幾抵喎。整體味道都唔錯，多d人可以試多d野，但就多人等位，食完就俾人催埋單，唔可以坐得耐。坐位都比較迫，不停d侍應係你身邊行黎行去咁。

家人突然想吃打冷，平時常去九龍城的創發，今天想試試這家點評熱店，所以專程打的過去。餐廳靠近黄埔地鐵站，附近有不少有歷史的餐廳。我們七點到達，已幾乎是最後一張枱，果然是“熱店”。家中“食神”拍板點了菜，好快就有得吃。凍魚是老闆娘推薦的奀哥，據說是只有清明期間才有，魚身質地好韌，肉好難拆，但食落口卻十分清甜和嫩滑。椒鹽魷魚同九肚魚雙拼，所以好大盤，脆波波，够火侯。脆麵和鹵水拼盤的味道偏淡，“潮庭”的出品相對口味更好。豬肚湯雖然好好喝，但應該有加味精，食完好頸渴。三個人食咗690元，同“創發”的價錢差不多。

非常好吃的一家店，之前不住在红磡，后来工作搬家到红磡，试了附近很多家炒菜，觉得只有新忠記真的幾乎每個菜都很好吃，份量也超級大，食材比較新鮮，但是同事不吃蝦，所以沒有點過黃金蝦，下次自己去試試，腐乳通菜也不錯