Video
Read full review
2011-03-04
26 views
聞說新翠華未進駐東大街前的炭燒煲仔飯是『香港第二』(『第一』據說是坤記), 我兩者都未試過, 無從比較。不過新翠華搬到東大街過後, 我前後親身試過兩次, 炭燒煲仔飯確實係香靚正! 食物好食還好食, 但唔會令我有衝動特意登記做會員黎寫篇食評。逼使我寫第一篇食評o既原因係: 真心希望一間好食o既餐廳唔會因為服務質素差而趕客--我都唔想你執粒或者再被逼搬遷!--本來上月第一次試新翠華後, 覺得好好, 仲特登帶個住九龍o既朋友過黎食多次....今次o既食物水準俾到我朋友驚喜, 反而服務質素變得非常『驚嚇』! 『嚇』到我地要考慮會唔會再幫襯.....***先說我試過的食物.....兩次都頗有水準, overall speaking 好食。炭燒煲仔飯的確很好吃, 很香。價錢大約$45~$50 一煲, 可加錢加料。要等最少20 分鐘。份量不算多, 二人必須叫兩煲才夠飽。第一次點了:1) 茄子牛仔骨煲--好吃, 但要有心理準備油比較多。2) 沙律比目魚--很好吃, 但偏貴,$683) 煲仔飯: 大鱔煲--好吃, 鱔份量多, 有腩位。4) 煲仔飯: 排骨臘腸煲--排骨很細粒, 且太硬, 臘腸絕不是靚貨色
食物好食還好食, 但唔會令我有衝動特意登記做會員黎寫篇食評。逼使我寫第一篇食評o既原因係: 真心希望一間好食o既餐廳唔會因為服務質素差而趕客--我都唔想你執粒或者再被逼搬遷!
--本來上月第一次試新翠華後, 覺得好好, 仲特登帶個住九龍o既朋友過黎食多次....今次o既食物水準俾到我朋友驚喜, 反而服務質素變得非常『驚嚇』! 『嚇』到我地要考慮會唔會再幫襯.....
***
先說我試過的食物.....兩次都頗有水準, overall speaking 好食。
炭燒煲仔飯的確很好吃, 很香。價錢大約$45~$50 一煲, 可加錢加料。要等最少20 分鐘。份量不算多, 二人必須叫兩煲才夠飽。
第一次點了:
1) 茄子牛仔骨煲--好吃, 但要有心理準備油比較多。
2) 沙律比目魚--很好吃, 但偏貴,$68
3) 煲仔飯: 大鱔煲--好吃, 鱔份量多, 有腩位。
4) 煲仔飯: 排骨臘腸煲--排骨很細粒, 且太硬, 臘腸絕不是靚貨色。
煲仔飯豉油基本上是放在檯上任你使用的。豉油淡口偏甜但我喜歡, 其老抽成份多, 所以看上去顏色很深也不代表夠豉油, 可以自己再下。
今次點了:
1)茄子牛仔骨煲--翻叫, 好食, 仍然多油。
2) 煲仔飯: 滑雞潤腸+ 鮑貝(+$10)--滑雞很多骨, 不覺得『滑』, 不會再點了。潤腸比臘腸好多了, 會再點! 鮑貝是我的最愛, 這裡用的鮑貝很大顆, 好吃。約 $55。
3) 煲仔飯: 土魷蒸肉餅煲--混了馬蹄, 魷魚大大顆, 肉餅是偏『淋』那種, 但不是『削』, 我覺得挺好吃。約$45。
另點了飲料兩杯.....但飲料價錢較貴, 不建議點飲品。二人晚餐, 買單$172。不設加一。
***
驚嚇的服務:
話說晚飯時間 (7~8:30pm) 一般都很多人幫襯, 要等位, 最好6:30pm 前或9pm 後去。
今次我特意6pm 早早到達, 當時只有兩檯人。所以我選了比較好的四人座位 (其實是兩張二人檯併埋), 同時亦預左人多可能要『讓出』另一邊的二人檯給其他客。但最讓我們 shocked 的, 是 waiter 和老闆娘竟然在我們已上菜及正在進食的途中, 叫我們轉坐大圓檯!! (他們說有四人家庭想要四人檯。)
糾纏一會, 我不想掃朋友興, 所以沒有堅持, 轉了大圓檯 (即撘檯)..... 但轉檯後我竟看見另一張小圓檯是沒有人的! 為什麼不讓四人家庭坐圓檯, 而勉強正在進膳的客人轉檯!? 而事實上大圓檯還有空位讓四人家庭坐嘛! 幹嘛要早早就座正在用膳的客人搬檯!?
既說去吃煲仔飯, 就不要介意跟人撘檯。那個四人家庭, 有露天座位他們不要, fine, 也就不要介意坐室內圓檯啦! 一家四口就舒舒服服霸左人張檯, 人地就lea 曬hea 咁搬幾盤煲仔飯呀豉油呀幾十個蓋/碟呀, 仲有d 大衣手袋一袋二袋, 被逼坐埋牆腳坐圓凳無電視無服務!..... 老闆娘難道當四人家庭係客, 另一檯兩人家庭係客, 而我地兩個女仔就唔係客咩?......完全覺得俾人恰。
其實我絕對唔介意跟人撘檯 (話曬食"大排檔風味", 預左), 但我很介意吃飯期間被逼搬檯! 尤其係仲有其他空位(大小圓檯) o既時候...... 而搬檯後, 因位置太『偏遠』,連服務員都沒有了! 同檯的其他客都怨聲載道, 說被逼坐到角落去, 無人(waiter) 理 etc....
如果下次再有如此經歷, 管他有多好吃, 我不會再去, 也會建議朋友不要去! 我會選擇對面的金東大, 價錢更平, 份量更多, 味道也不錯。
真心希望老闆娘看到這段評語, 唔好再逼人搬喇! 好好安排d 座位分配啦! 唔係點敢叫人幫襯你!?
Post
