新記芝士麵茶餐廳 (Moved) New Location

同同學去食午餐..等位方面都不算話太耐,,都要太約10-15分鐘食雞翼芝士面，真係幾香幾濃但係我以本人(20歲男性)不細食黎講..食左2/3就已經好飽...冇心機食落去雞翼佢唔係一整隻雞中翼，係分左一半都幾香口但不太吸引p.s. d 伙記都幾爛口下...雖然對客態度不差..不過有點兒(銀)耳

住了灣仔這麼久 竟然上星期才知有這間餐廳我叫了芝心丸雞翼芝士撈公仔麵最讚芝心丸!咬下去真的有濃濃芝士流出來,是會辣親個嘴的雞翼不像雞翼,如果是我會稱它為雞肉芝士汁很正!很濃很杰,即使公仔麵份量很少也吃得很飽下次再試撈"羅絲"粉,感覺上較公仔麵健康!

呢間舖頭小本經營, 搞個班人應該都係食老本, 一味靠sell明星效應引人入去食點解? 因為個餐十年如一, 永無改變半年來係門口經過無十次都有八次, 但set meal來來去去都係果四款, 從未見過佢地換下另一款我未試過佢既set meal, 不過連菜單班人都懶得唔轉, 已經顯得佢地做餐飲無咩誠意, 不求進步 (呢種態度好可能會反映落d餸度)其實日日叫人食死呢四款set meal, 客人就算食龍肉都會食厭, 好唔掂呀! 而我唯一一次經驗係試過呢間既芝士麵芝士麵 $34芝士麵係呢間舖既招牌菜式, 黎到時好多汁, 賣相相當吸引, 點知一食落就知......出事 芝士汁 - Bad, 芝士汁無芝士味 , 我食唔到有芝士味, 極其量只可以話有少少, 咁睇呢個所謂既芝士汁唔係用真正既芝士煮出黎, 廚房好有可能根本無落一塊芝士去煮, 可能只係用芝士粉 + 薯粉 + 調味料淆埋炮製既「仿」芝士汁, 但呢種「仿」芝士汁點有真芝士咁香滑濃郁咁正呀!有一個食評話啖啖芝士, 我諗無可能呀, 除非廚房特登整古我, 個汁係有味而且調味都OK, 但咁唔代表就係芝士汁或重芝士味, 我估佢可能係因為汁多同個汁OK,

一直都俾Mani介紹既芝士汁撈麵吸引,可惜抽唔到時間去試!!尋日終於得閒同女朋友去試喇!!當時係下午既兩點鐘度,入到去生意尚算一般,有3枱學生哥食緊野!!!我同我女朋友就開始睇下個餐牌有咩好食,琳瑯滿目,好多種都好似好好味咁,於是拎左份報紙出黎睇下有咩推介!!!睇左5-10分鐘都未有頭緒,呢個時候有個侍應走過黎問我地,需唔需要介紹下???就好有耐性咁不段介紹有咩食!!!落左單之後,我地想話轉枱可以睇到電視,個侍應話冇問題,仲好爽快咁幫我地執晒d野轉枱!勁好人呢!!!!最終我地點左一個豬頸肉芝士汁撈公仔麵,一個蜜汁龍鬚公仔麵,兩個都好快就上黎,d豬頸肉就有小小細塊同薄左d,個芝士汁好香,撈麵一流,d蜜汁龍鬚都唔錯,good!!!下次有機會一定要再黎!!!值得一提,d奶茶幾香幾滑,唔錯唔錯!!!

我成日都會近過新記，見到掛晒啲明星相，有時報紙又會介紹，都咁出名，所以今晚自己一個人去食！我六點幾去到，入面得兩枱人，同午餐時間的擠逼情況差太遠！我叫了$32那個餐，包括一杯熱檸水，午餐肉、火腿芝士撈丁！飲品好快上，但個撈丁我等了成十多分鐘，雖然我唔趕時間，但作為茶餐廳係唔係應該快啲呢？個撈丁真係超多芝士，好正呀！我每一啖都食到芝士，所以都叫作物有所值！去到19:00冇晒人了，我都唔意思坐，埋單走人！值得一讚個伙記好有禮貌！

今晚俾朋友水左去灣仔，乜野都無做過就可以走人。晚飯時間又到，一支公係灣仔道，食店太多唔知食乜好。唔知點解總係覺得大街大巷搵食都只係得來大路野，唔會有乜野驚喜，於是走入橫街探險。行入普樂里、交加街一帶。見到一間主打芝士撈公仔麵的店鋪，又好似有小小特別咁，我今晚餐飯就交給你吧。此店大約可以坐20-30人左右，當時入坐率過半。一埸黎到，當然要試下招牌野 – 芝士撈公仔麵。可惜我午餐已經係公仔麵，所以就叫左雞扒金菇芝士螺絲粉 + 涷檸水。落單後很快就有得食，讚！一陣陣香噴噴芝士味，讚！可惜塊雞扒只係得半塊左右螺絲粉只得早餐份量食落無聞到咁有芝士味食完都唔夠飽，要去腸粉皇食晚餐的Part two 如果想試新野而又剛巧係左近想食下午茶或你的食力好細，都可以一試。其他情況就請三思

行街經過個頭，記得之前朋友介紹過呢間店，佢話D芝士麵好好味，於是乎就去試試。叫咗豬頸肉芝士麵+凍檸水。芝士麵d汁無芝士味，d麵只係一般光身麵，好硬似未煮熟咁，d豬頸肉又"LOAN"，所以整體來說都幾失望。至於杯凍檸水……真係未食過咗難飲既凍檸水，得個甜字無檸味囉。加上份量又唔多，所以$43都幾唔抵。

今日同同事們一齊出去搵野食,地點來到灣仔的交加里,因為交加里都幾多食店選擇同事們因為呢間食門口貼著很多名星照而止住腳步,見那麼多明星特意前來光顧,相信味道應該不賴我地叫左兩餸芝士撈公仔麵我揀左雞扒加司華力腸,再加一杯熱奶茶,盛惠$32,都要試左味先知抵唔抵服務員端上芝士麵的時候已經香噴噴,雞扒不太寒酸,有大半塊,反而司華力腸只得三小片原來芝士汁加公仔麵這個配搭真是超級match,可能本身芝士汁不是太濃,反而我吃到很濃的煙肉味 = )男同事們最後唔夠飽,去了隔鄰的小食店再吃,但對我來說,因為芝士heavy(凡是有芝士的食物吃很少便會飽)下次再猜另一位女同事來吃

大約上個月星期六路過此店, 店外貼滿很多明星照, 但明星多感覺不是因為呢家好味, 係因為其他原因 (例如佢有做過幕後? 佢朋友係做明星?)Anyway 叫了碗芝士麵, 因為我幾鐘意芝士 , $3x一碗芝士麵食評:# 芝士味算有少少, 但只係得少少, 麻麻地 (應該係廚師吝嗇唔落芝士所致 )# 份量少, 個胃一般size既會唔飽, 我諗細食先覺飽 (麵好平姐, 多D麵唔洗死? )# 總結一般但價錢$3x偏貴 (應該$2x 嗎)再上一次係食set dinner (即係餐送飲品), 叫了豬扒意粉, 好似係$28-29# 汁係深色甜甜地, OK啦# 豬扒唔硬既, 都係OK啦# 總結又係一般但價錢可接受其他事項:# 職員無咩表情, 態度一般, 不過不失# 佢個電視有時壞壞地, 接收不良 # 個廁所成日掛住個牌話壞, 但我見職員照入去, 所以我照入做乜成日都話廁所壞, 佢地究竟想點啦?去第二間食好過, 有更好選擇, 呢間只屬中下

流感橫行, 學校停課, 今日lunch time 行過新記, 內裏冷清清 (平時只見座滿學生哥 / OL), 見有位, 就走入去試試吧! 坐下後, 見到內裏貼滿一張一張年青偶像, 歌星之相片, 原來好多明星都黎食過! 唔怪得咁多學生哥幫趁, 我想都是慕名而來吧! 同事話呢度d芝士麵幾特別, 有d名氣, 好, 就揀咗個兩餸芝士麵+凍奶荼! 雞扒拼紅腸芝士麵 - 略大的麵碗內有即食麵, 精緻的雞塊有三件, 另有三片薄薄的紅腸, 面頭鋪了奶白色的芝士汁, 份量大到只夠一份早餐而已! 芝士汁撈到麵中, 入口頗香, 但味道淡了一些! 麵質只是普普通通, 因我還顧四週也看不見丁仔的紙箱, 我相他們只用了一般即食麵吧! 雞瑰是煎的, 味道一般, 紅腸更是普通過普通... 論食物質數只是一般, 但價錢就認真唔實惠, 連凍飲要收$34蚊, 真有點貴, 我想價位在$25-27蚊就差唔多!

I tried to visit this place, when they opened their first shop in Wanchai, never made it, and after they relocated, finally paid a visit to this one in the backstreets of Wanchai.Ordered the signature noodles in cheese sauce wtih enoki mushrooms and crabsticks.Quite glad these were available to pick, as I am not that fond of fried egg, ham, chinese red sausage and stuff like that.All went well together.

約了朋友係灣仔食lunch, 由佢作主就去了新記食芝士麵. 搬了新鋪後的確難搵, 如果冇番咁上下腳毛係灣仔區. 地址是灣仔道, 門口在交加里. 真係搵死人. 新店地方的確大了, 但怪怪的長形店舖, 感覺有少少迫夾. 仲要落幾級樓梯, 不方面殘障人士啊.......要食, 當然食招牌既豬頸肉芝士麵, 濃香的芝士汁, 燒香的豬頸肉, 配上公仔麵. 別以為好肥膩, 但食落真係唔覺. 可能係我比較餓吧. 朋友是常客, 其同事也是, 一早已經脫離了芝士麵, 看見他們食沒有芝士的, 都不錯. 而我個friend, 芝士螺絲粉, 加上腸仔. 感覺上配螺絲粉仲相襯. 唔知點解, 雖然舊鋪好細, 但硬是覺得舊鋪好坐D.

今日終於present完~放lunch 就去左同佢地去搵食~講起呢邊開左間芝士撈~所以就去試下~(之前我老豆已經叫我唔好去試,話一d都唔抵,又唔好食)我就唔係好信,咁多明星去食wor-.-點知真係囉-.-叫左個煙肉,芝士丸螺絲粉真芝士又少,又唔夠濃,完全同我想像中差好遠囉!!仲要$34蚊~真係唔掂囉完全我地仲話咁鬼多明星相,都唔知係咪黎過一次就算,睇怕都係!

第一次黎新鋪，感覺同舊鋪有少少唔同...Anyway講返食物，今次叫左芝士丸雞亦螺絲粉，當然係撈芝士汁！之前已經想試佢d芝士丸，因為佢芝士丸直情有獨立做一味小食！所以想試下！佢地d芝士丸有特別再處理過，所以好食d！其他都保持水準，overall都係值得推介！唯一係新鋪格局怪怪地，好似好窄，座得無舊鋪o甘舒服！

由克街細細鋪位搬到來這裡﹐雖然離舊址不遠﹐但鋪內面積比以往大。店鋪外亦是貼滿不同報章的介紹以及很多明星幫襯的大頭過膠相片。店內可容納大約20人左右, 衛生不錯﹐沒有什麼不想見到的情況. 食物有多款選擇﹐徐了本店招牌推介芝士撈公仔麵外﹐還有多款西式意粉麵飯及小食。選擇總算多原化。 因第一次來到﹐所以是日點了其店出名的芝士撈公仔麵。 芝士撈公仔麵連飲品$32 – 因擔心細細個的公仔麵不夠飽﹐所以 從十多款餸內選了豬扒+雞扒。豬扒&雞扒煎得剛好﹐不會太 ‘火農’﹐味道亦不會太鹹﹐配合其味道淡香及質地杰杰的芝士汁都算幾配合。總括這芝士麵食幾有創意﹐不是常常在外吃到。但味道不算太特出﹐ 如未嘗試過又路經附近不妨試試﹐但不用尊程來這兒食。份量方面比一包公仔麵少﹐最多只有平時一半左右,化不化算見人見智。收錢位離奇地設計在店內最入的位置﹐所以坐在近門口位置的顧客要在狹窄的通道逼入店內付錢再逼出門口。