新記芝士麵茶餐廳 (Moved) New Location

之前已來過的店，今次補回食評，知道是出名的，當然來吃芝士汁撈公仔麵；選了＜雞扒餐肉芝士汁撈公仔麵＞，雞扒入味而且香口，餐肉也煎得香香的，主角是那芝士汁，真的是很多也很”杰達達”，但味並不是想像中濃厚，感覺是汁多，但麵配合芝士汁也是不錯．另加凍檸茶，茶味很好，又用鐵杯，真的又凍又入味不過，服務態度就真的要改善，很多時都不太理會，以為生意好就不用有好的態度，還是其他問題，然而可改善就吃得好，坐得好．

話說那天在榮式的飯後感不太好，經過看到這家店就決定試一下。那天有賽馬，店內伙記穿便服看賽馬看的出神，也不管我坐什麼地方。既然他不介意我一個人獨佔卡位，看馬也不要緊，東西好吃就行了。要了雞扒腸仔芝士麵，雞扒約有茶記一半左右，腸仔只有一條，但主角是芝士麵嘛畢竟。芝士汁很厚，有種似醬非汁的感覺，光是聞已叫香濃，和麵拌勻再吃後嚴重滿足，心中有感絕不是用『飛的感覺』、『海的震撼』所能形容。cheap喱向來都係大食慣，食罷唔覺得膩，這種有心製作的汁很是特別，別家可吃不到。雖然價錢略貴，但很想吃時會再來。

女友黎接放工，佢話想試芝士麵好耐次次行尖沙咀都冇試，見到灣仔開左一間就入去試下，點知一行入去個曲髮waiter 完全 0 禮貌我都當冇野，自己搵位坐叫野食，我同女友叫左個$33晚餐，都係芝士麵配兩樣野但個waiter 仍然都係0 禮貌，唔答人，放刀叉掉落枱度寫張單，寫完係由佢飄落枱，之後野食黎喇，佢都係大大力放底，態度非常無得頂咁我都算，當我同女友食緊個麵時個曲髮waiter 展示佢既口才一口流利既粗口15分鐘無間不斷播放其效果比打“莊”機還要厲害其間我見到有個叔叔係做廚房既唔知係咪尼間既阿head 尼樣唔理佢啦但佢見個曲髮waiter咁流利加開大佢個speaker 都由得佢咁我女友都同我講快D 食完走算咁我都讚成，因為佢地既服務真係好好就算係普通茶記或大排檔都冇佢地咁好所以我地都拿年聲食完走不過有一樣好既就係佢餐牌原本凍飲要加$2，但唔知係佢夜晚唔駛加$2定係佢hea 得濟冇加就咁承惠兩個人$66＜﹣﹣依下要讚

一直很喜歡吃用芝士製造的食物...今回決定試下這個..下午1時左右到達, 有7-8人在門外等位, 不過都好快有位..地方很窄尤其是門口位..落了order...芝心丸配午餐肉芝士麵 $35公仔麵 & 汁的份量不多, 面偏淋..汁只有牛奶味..沒有咸香..芝心丸又是淡淡的, 魚味不濃..內裡的流心芝士, 賣相佳, 可惜又是淡口..午餐肉普通貨式..麵只吃了一半, 因已經沒有汁了..吃後半個鐘, 勁口渴..口腔裡只有午餐肉的咸..完全不明為何會出名?味道跟預期差很遠...值得讚的是服務位阿姐姐仔, 很好禮貌

落雨絲濕，在灣仔要找一處地方避寒真困難。誤打誤撞之下，便走入「新記芝士麵茶餐廳」嘗他們的招牌菜：芝士汁撈公仔麵。 (Cheese noodle)點了「豬頸肉芝士汁撈公仔麵」，落單五分鐘，熱騰騰的下午茶到了，好的，開餐！^^先見到濃郁的芝士汁佈滿整個碗子，挪開少少汁，香氣撲鼻使人食指大動。豬頸肉事前經過炭燒的烹調，口感比一般更韌度十足。埋單 37元，對於價錢來說可能有些貴一點兒，不過那裡的下午茶套餐有的是 22~30元，任君選擇。

午膳時間四處揾食，行經灣仔道，發現一間以芝士麵為名的茶餐廳。門外貼了不少名星惠顧的照片，亦有不少人排着隊入內，此店水準一是不錯，一是芝士麵夠特別，一於試試。一碗雙拼芝士麵連熱飲一杯，其實有點貴。兩餸選了司華力腸及雞翼，前者三小片，後者兩隻，份量不多，普通食材，味道亦唔多講喇！主打的芝士麵，芝士份量不少，遠遠已能嗅到芝士的香氣。味道方面，芝士汁頗為濃郁，亦唔會好滯膩，確係幾好食嘅。追加一份奶油多，亦造得不錯，至少奶油份量能填滿整塊包，不似其他茶餐廳那麼吝惜。

今日因為之前食左D野,所以去到新記時沒有食到招牌既芝士麵不過呢間野主打芝士,我點都要食樣同芝士有關既野果陣係下午茶時間,我就點左個芝心丸紅腸湯公仔麵+凍朱古力好快就黎到 紅腸就是普通貨色 但我將重點都放在芝心丸食落去既味道好似日本既魚蛋咁,一咬落口 既熱又香既芝士不停留出黎味道岩晒我 又唔會太過濃下次一定會試下招牌既芝士麵

為食一條街播出尖沙咀個間新記芝士麵之後, 一直都想去試, 奈何未有機會, 偶爾經過灣仔交加里附近見到很多學生哥在某間餐廳排隊. 好奇之下才發現原來新記在灣仔也有分店, 唔細心睇都幾難搵到呢間鋪頭 因1個人的關係, 唔駛等幾分鐘就有位了, 一入去, 見到好多不同配搭的芝士麵, 咁自己就點了雞扒腸仔芝士麵另加杯凍奶茶. 自己不嬲都幾鍾意食CHEESE, 初初都懷疑芝士同公仔麵係咪真係咁夾, 一食之下, WA , 好好味~ 好多CHEESE汁係上面, 公仔麵同CHEESE查實都幾夾. 份量對我黎講都算係O岩O岩好. 不過, 或許有人會覺得食食下會覺得好"漏", 所以比較O岩喜好CHEESE的朋友食 埋單都30幾蚊, WANCHAI區黎講唔算貴啦!

18-11-2010久聞呢度大名, 不過一直對芝士 + 公仔麵的配搭有所懷疑, 究竟夾唔夾0架? 是日 lunch 忽然想食「creamy 嘅嘢」, 就來試試芝士麵吧.叫了「特別推介」的芝士汁芝心丸雞翼撈公仔麵 ($35)... 雞翼係一隻切成 3 件, 炸過, 亦醃得入味, 食落鹹鹹香香, 果然係茶記雞翼 芝心丸就係有芝士餡的魚蛋狀「竹輪」, 芝士呈半溶狀, 食落微甜; 而公仔麵的芝士汁係茶記 style 的「稀」底, 不過食落 (Kraft) 芝士味幾濃, 又帶點奶 / cream 味, 雖然唔係咁特別, 但味道係比賣相好的; 麵底淥得少少腍, 配上芝士汁, 都真係幾飽膩. 跟餐的飲品叫了熱奶茶... 用金屬杯 serve, 唔落糖飲亦唔澀, 茶味香, 茶味 vs 奶味比例近乎 50:50, 質地亦滑, 不錯喎 Lunch hour 極度人多擠迫, 快快食完快快放低 $35 走人, 總算試過芝士麵吧, 不過的確如對面位嗰兩個女人所講,「芝士汁有乜咁特別啫?」 , 再來的話都係食其他醬汁好了.

人家出名的產品, 就偏不叫, 並非如此, 只不過今早已吃了兩次麵, 早餐公仔麵, 午餐上海湯麵, 下午茶不要再麵了…. 於是叫了一個豬排炸薯條下午茶餐, 飲奶茶, 都好野喎, 不是主角食品, 也做得不錯, 可以推想其芝士麵必定了得, 薯條十分熱, 外脆內軟, 肯定既炸啦, 不過豬排並非吉列, 些少失望, 但只是一相情願, 沒得怪, 肉是實了些, 但勝在即炸, 仍然可觀, 奶茶OK啦, 下次一定試芝士麵, 若收錢的哥哥可以多點笑容更加好….

尋晚同老公行行下經過呢間野...見到佢好多人係入面wor..咁就去睇下咩黎嫁啦~係出面見到有人係度食麵wor..咁就睇下佢食咩啦~~~原來食緊麵wor..之後用iphone上網睇下咩黎啦...原來呢間野好多人去嫁..好多人去食芝士麵嫁...咁我同老公就入去trytry啦~咁我同佢就try左雞扒腸仔芝士麵啦... 同埋豬扒蟹柳芝士麵~真係幾好食wor~好多汁好正呀真係~~~之後就try左8粒芝士丸啦~~~ 又幾好味wor...不過好係好抵... d野出面好平... 呢度就好貴... but又好食.. 咁就抵番啦~之後我同老公都會番去幫親嫁~~~~~~~~間唔中~

灣仔區平價又OK好食既店舖唔多食來食去都係大集團食市 (即係麥當當。大家樂。吉野家個D)有時候都會想試下新口味同事知道我好芝士問我有冇食過呢度'著名"既芝士麵當然冇啦 , 聽過就去食左啦於是跟同事一齊去買外賣番來食間店舖係後街 (雖然係有個不知名商場 , 但唔講真係唔會行過)玻璃上貼左好多明星相做宣傳咁多明星幫襯應該唔會難食既於是叫左個芝士豬頸肉公仔麵同事話平時要等幾耐下可能因為已經下午三點多等左一陣就拎得盛惠三十幾蚊返到公司即開餐老實講 , 開盒個下冇好濃烈既芝士味湧出來不過睇佢個D芝士醬都幾多食落口都OK好味既 (因為有芝士味就咩都好味 , 哈哈!)豬頸肉有小小焦 , 但都正常味既整體來講 味道都算良好份量就唔係太夠 , 而且有點貴囉不過閒時一次半次都OK既

灣仔這一間新記，是尖沙咀新記的分店，也是我地lunch經常幫襯的地方。芝士麵之前食過，感覺沒尖沙咀的出色，是芝士不夠濃？還是芝士不夠香？兩者皆是，但價錢，反而是灣仔這一間比尖沙咀的便宜。雖然也是偏貴的，一碗豬頸肉芝士麵，賣$3x，吃不飽，經常吃的話真的會破產。反正不比尖沙咀好味，所以，來這裡我只常叫午餐，最常叫的是煎雙蛋煙鴨胸飯。太陽蛋煎得靚，從未見過爆蛋，蛋味香，吃得出是靚蛋；鴨胸有五至六塊，不算很肥；豉油汁帶甜味，是類似瑞士汁的，只賣$29，這個價錢還包熱飲，質素價錢灣仔算便宜了。芝士麵不是不好吃，但偶一為之，會更為珍惜呢。

今日特登去食呢間野,,打正旗號"芝士麵茶餐廳 "超愛芝士既我,,點可以唔試試呢但一試就知...唉...2個人叫左:::芝士汁芝心丸雞翼螺絲粉($35)豬x雞芝士汁面($33)2個面好快就黎到,,男朋友dok一dok佢,,問左句::芝士係咁既texture架咩?個芝士汁dok入去,,一D都唔sticky? 食入口...忌廉8成,,芝士2成-.-Fake的芝士汁"芝士麵茶餐廳"原來得個名~..~仲要咁多明星 相...不過我地發現一樣野,,少年食神michael張相既芝士麵 D芝士黃咁多既?!!唔通明星既芝士汁係5比5?我地既芝士汁就8比2??不過味道OK既,,細細碗,,本來以為唔夠食,,點知我食左一半就膩了滯了!!淨返一半就比左男朋友食,,佢都飽都癲牙!!!個姨姨都幾好人既服務都OK架wor幾有禮貌不過唔抵low,,食假芝士,,咁貴我可以買到半個boursin芝士了

我係超級鍾意食芝士想食好耐,終於搵到機會!朋友要左個炭燒豬頸肉芝士汁撈面我要左個芝士汁芝士丸雞翼面本身以為唔係太好食因為呢度食評唔係好好但係我覺得OK喎炭燒豬頸肉真係有炭燒味夠鹹夠厚亦都幾大塊芝士丸有流心證明係新鮮雞翼半隻半隻上我碗野總共有三粒芝士丸三(半)隻雞翼芝士汁夠芝士味唔會太乾唔會太濕岩岩好但係朋友覺得芝士唔夠濃我同朋友都覺得值得一次但係唔會成日食因為價錢太貴唔係好抵