新記車仔麵 (Closed)

車仔麵一嬲都係我至愛食物, 但係車仔麵店通常都好難容許我同客人傾好耐, 所以只有自己一人的時候會食今次去左一間都幾"貴"的車仔麵食, 貴, 係因為七蚊一個餸, 相比起普遍五至六蚊, 係幾"乸脷".. 不過以銅鑼灣租金係天文數字而言, 我都明白的最低消費係廿八蚊, 所以最少要三個餸了, 但三個好似太少, 結果要左腸仔, 魚肉, 菜同咖哩魚旦, 因為門口的咖哩魚旦車好似好野味味道原來除左咖哩魚旦, 其他都不過不失, 魚旦幾實淨, 咖哩味道好辣, 辣到係呢個表情--->埋單要三十五, 感覺係貴, 味道ok啦

去到好多蚊滋 但又想食魚仔面 算啦都坐左低舉哂手個待應見到我舉哂手都係望一望唔理第二次又係咁都唔緊要啦!安全起見問佢有無魚旦河佢話你要既可以整比你咁我信佢啦!我叫左牛丸魚旦牛柏葉油面同魚旦河碗魚旦河一黎到真係眼都突一突!!!!15粒炸魚旦加河粉 (佢$7@5粒魚旦, 佢每碗都要28蚊最低消費)大佬唔識咩叫魚旦河就去附近睇下啦又實牙實齒有 ..正正常常既人鐘意炸魚旦都唔會叫21蚊炸魚旦加一碗河粉嘛真係早知自己畫魚旦魚片咁樣仲好過牛丸又淋油面仲淋都已經谷氣態度錯到無論仲話下次咪唔好黎咯神店 唔通多人到咁樣???咁既態度??我覺得真係0分不論 衛生 態度 食物 完全比唔落分!!失望!

朋友話新記車仔麵好食~果日咁岩悶悶地唔知食咩~就係公司行過去買個lunch先~我揀左米線,魚蛋,豬紅,大腸~多謝...28蚊~~其實都唔平...不過見d人話幾好食,就試試~第一樣野食既係豬紅~又話辣?!一d都唔辣,仲有d甜甜地,好怪~魚蛋就辣辣地~比較特別,彈牙~大腸普普通通~湯底不過不失~整體都係一般~唔太特別~

My sister and I needed to go to Sogo, so we swung by here to grab a bite to eat beforehand. Sis was raving about this place, but i didn't always agree with her, so I didn't have much expectations going in. It's been forever since I had this kinda noodle. There were many things to choose from. We each ordered 4 sides with our noodle. I got fish dumplings, tripe, beef brisket, tung choi, and round noodle. My sister ordered pig intestine, pig skin, fried tofu, tung choi, and thin egg noodle. The so

聽同事講呢間車仔麵好好食,好辣,所以特登黎試下......佢d格局有d似銅鑼灣另一間車仔麵,叫做新記美食,唔知有咩關係呢?!叫左個四餸,要辣汁,但我唔覺得好辣囉!另外一個要清湯,d湯係甜既....好古怪!叫左幾串小食,唔知點解係落豉油??!叫碟菜又勁多豉油.......總括黎講,d野係偏甜.......辣汁又唔係好辣.........唔係好掂,唔會再黎.........

新記便是香港地道食物數一數二的佼佼者。如果有人問香港有甚麼特式菜，除了海鮮，我會認為車仔麵真的很地道。琳瑯滿目的食物，隨你挑呀挑，最地道的小食通通放到一碗麵裏，再配上新記的獨家辣醬，和濃濃的湯頭，那種美味，就像九記一樣，定時定候便要朝拜一次。也是為何它要$7一道配料，一碗麵差不多要$40，也照舊客似雲來。

我本是慕名而來既人地介紹話好味等我仲特登去!激死~佢唔係無賣點既~得個辣字囉真係好辣!!!在坐好多人都要倒哂D湯再加湯先食到其實辣都唔係問題但我覺得佢勁重味精食完連頭都痛埋喉嚨勁乾~另外講下D鹵水野啦我叫左雞翼尖同大腸初初入口兩三o舊都ok我仲覺得不錯但之後越食d味就越怪..有苦味..但又甜耶耶咁Sorry really 好難想像同形容可能我辣到short左越食就越難食,所以放棄無食魚蛋唔得,魷魚唔得, 雞翼尖唔得, 大腸唔得……..仲有我叫腐皮卷佢比左一條唔知咩好似炸魚條既野比我好實好難食~總之總結:好難食!!!!又貴超貴!!我bad list 左佢以後都唔去~

同朋友行行下街累累地就唸住食下野啦一入到去...見到$7個餸 最低消費係每人每碗$28其實都幾貴...食碗車仔面都要成$30加埋杯野飲成$37其實碗車仔面都唔係話咁特別ja又唔係話大碗辣湯係幾好..但感覺好多味精基本上食完呢碗野 係會好口渴的!!服務都係一般咁啦總拾黎講 我應該唔會再黎囉

以前$5一個餸,之後$6一個餸,依家$7一個餸............. 有次係度等取外賣,見到呀姐一次過倒左大半罐家樂牌雞粉(大罐裝)落D湯裡面,然後將D我不認識既醬料辣油倒落D豬皮,豬腸,豬紅裡面,係一大桶倒晒落去,我心諗,唔怪得知咁夠味+咁好食啦!! 每次都必食*豬紅*,它的豬紅真係好好好味,以我個人嚟講可以稱得上NO.1,真係好入入入味,另外它"un"皮魚蛋都係好好味,夠晒咖哩味(唔係發大嗰種魚蛋),豬腸都係勁正,"蚊"到好"淋",唔會趙甩牙.而且嚐辣的人就最啱不過,它的辣醬真係有料到,勁火辣~~~ 雖然多味精,耐唔耐食下都無所謂啦!!!

早幾日師傅一支公銅鑼灣方向行, 大熱天時都唔知為咩? 更加唔知食咩? 咁啱醒起好友食家"乜都放入窿"講過呢間車仔麵都唔錯, 既然係咁就決定入去試下啦!入到去門口就有一種好相熟嘅感覺, 一坐底睇下張柯打紙, 發覺同謝斐道嗰間好似一模一樣咁, 極度灰嘅情況底下都唯有硬著頭皮, 照柯打啦! 於是師傅就劃左辣味豬皮, 魚蛋, 豬腸同金錢肚, 配上辣汁同埋幼麵! 等左一陣就有得食, 先試下個湯底, 湯底幾濃幾辣, 都算幾惹味, 唔錯; 而辣味豬皮真係幾辣, 而豬皮都幾爽口, 夠入味, 唔錯; 魚蛋都幾爽口彈牙, 味道唔錯; 豬腸都炆得好入味, 口感都幾好, 可以喎; 而金錢肚一d都唔似金錢肚, 係牛肚(咁師傅好肯定呢間同謝斐道嗰間係一樣), 牛肚好腍不過賣相極差, 一般; 幼麵就煮得幾好煙煙韌韌, 冇鹼水味, 唔錯!總括黎講車仔麵嘅質素都可以, 環境光猛, 服務都可以, 價錢就勁貴, 樣樣都係七蚊, 四餸一麵就要成三十五蚊, 收費同謝斐道一模一樣, 但相比之下呢間嘅感覺比較好, 至少衛生d感覺乾淨d; 師傅唔明點解同一間食店但水準相差咁遠? 笑臉真係就比唔到, 因為真係唔算太出色, 但感覺尚算

很久沒有去銅鑼灣，晚上在灣仔上完堂有點餓，想食車仔麵，搭叮叮去食食。去到差不多十點，店外有人等 位，自己一個人搵位完全無難度，搭枱坐迫少少。點了例牌車仔麵會食的豬大腸+魚蛋+蘿白+幼麵，再叫一罐檸檬茶。這裡的魚蛋依舊彈牙，蘿白夠諗但欠入味(自己鍾意食諗蘿白)，反而豬大腸好入味，加埋個車仔麵靈魂湯底，殺晒。今次埋單要$37，每款餸$7，最少要四款。食麵車仔麵要三十幾 蚊既，通街都係，呢度都算係其中一間值得捧場的車仔麵店。雖無洗手間，無乜招呼(食碗麵啫，想有咩招呼﹖)，多年來都播著國語金曲，完全唔怕比人笑老土，是一種堅持嗎﹖純椊想食碗車仔麵的，一定要點魚蛋。枱上的辣椒油比起車仔麵免費可加的辣汁更辣，不擅吃辣的先加少量試試為妙。

前一晚0係天水圍食得太瘋狂, 今日 lunch 本來諗住食個沙律就算, 點知行行0下見到想試好耐又次次都摸門釘的呢度已開了門,「清腸大計」「唯有」擱置 原來有 $28 最低消費, 0岩0岩好可能叫個 3 (食送), 結果 as usual 劃了豬大腸 + 金錢肚 + 蘿白 (全部 $7 一款) 配清湯油麵, 加杯凍鴛鴦 (total $40).先0黎凍鴦, 味道係「勁多奶咖啡」, 0岩口味.食唔得辣, 無試到呢度 d 招牌辣汁, 但唔辣的一樣好食:- 湯底: 好香五香味, 飲多幾啖都唔口渴, 意料之外!- 油麵: 軟硬度剛好, 食落彈牙, 不錯.- 蘿白: 未至於無渣, 但味道好清甜, 好食!- 金錢肚: 入味, 但好韌0下, 少 d 牙力都唔掂.- 豬大腸: 好肥呀! 好入味, 少少臊, 但帶甜味, 好食.環境好茶記 feel, 衛生麻麻, 食完真係要快快鬆人; 招呼無特別.幾好食的一碗車仔麵, 不過成 $40 一餐, 車仔麵0黎講又唔算好平, 而且唔及灣仔晏頓街0個間「立食店」咁好食, 感覺上無咁抵. 不過當然, 呢度的仍然食得過, 下次叫辣汁「折磨」0下自己吧.

同同事兩個人係度堂食全部餸都係$7/款講真,味道係OK, 尤真是雞翼同埋豬紅, 整得好入味但係...數量真係太少雞翼算好, 有兩隻豬紅$7得幾粒...我叫左粉絲...我諗...好彩呢排冇咩胃口, 唔係真係唔夠食因為幾啖就食哂如果唔肚餓, 呢間係可以俾^^但係計埋份量同抵食程度我都係俾OK

我一向好鍾意食新記的車仔麵, 特別係佢既炆蘿蔔,冬菇,雞翼....同埋個汁都好好味.上星期天我地入到去, 都好多人, 一到食一到流汗, 超熱, 佢個冷氣好似無開咁. 而且有好多烏蠅飛黎飛去, 起碼有七八隻在店內滋擾客人, 我地一路食一路要趕烏蠅, 好煩.新記一定要改善呀! 如果唔係下次我都唔感再去啦!

約了朋友在老銅連卡佛掃貨，既然要出血，事前的一餐就要慳一點經過了這間車仔麵店，就進去，還好味道是相當不錯埋單不夠三十，辣汁的味道既香且濃，入口好得，highlight了整碗麵的靈魂下次番炒，要帶大少來