新記車仔麵 (Closed)

前一晚0係天水圍食得太瘋狂, 今日 lunch 本來諗住食個沙律就算, 點知行行0下見到想試好耐又次次都摸門釘的呢度已開了門,「清腸大計」「唯有」擱置 原來有 $28 最低消費, 0岩0岩好可能叫個 3 (食送), 結果 as usual 劃了豬大腸 + 金錢肚 + 蘿白 (全部 $7 一款) 配清湯油麵, 加杯凍鴛鴦 (total $40).先0黎凍鴦, 味道係「勁多奶咖啡」, 0岩口味.食唔得辣, 無試到呢度 d 招牌辣汁, 但唔辣的一樣好食:- 湯底: 好香五香味, 飲多幾啖都唔口渴, 意料之外!- 油麵: 軟硬度剛好, 食落彈牙, 不錯.- 蘿白: 未至於無渣, 但味道好清甜, 好食!- 金錢肚: 入味, 但好韌0下, 少 d 牙力都唔掂.- 豬大腸: 好肥呀! 好入味, 少少臊, 但帶甜味, 好食.環境好茶記 feel, 衛生麻麻, 食完真係要快快鬆人; 招呼無特別.幾好食的一碗車仔麵, 不過成 $40 一餐, 車仔麵0黎講又唔算好平, 而且唔及灣仔晏頓街0個間「立食店」咁好食, 感覺上無咁抵. 不過當然, 呢度的仍然食得過, 下次叫辣汁「折磨」0下自己吧.