新記車仔麵 (Closed)

d人態度奇差，完全趕客，榮記已經吾見好，沒有最差，只有更差。味道比不知名屋邨小店更差，豬皮d毛粗過頭髮，顏色深色但冇味，齋滑汕汕兩pat野就要十蚊，個湯得個辣字，一d都吾惹味。一句講晒，冇下次……

行街经过，见到霖住系门口买几串大肠鱼蛋嚟吃，买咗6串收咗80蚊。吃咗几啖，过咗几分钟，先后知后觉老细收多咗钱，就霖住翻去问清楚老细。老细话，做咗好多年无可能收错钱。然后我哋话，咁唔该你数下我哋买咗边8串？佢话，今日买咗咁多，点记得！后嚟我哋点问佢佢都直接唔应我哋，又唔肯退钱，态度真系劲差！😡😡仲要一直俾面色我哋睇😤😤😤

依間車仔麵要推介，食得辣既，一定要叫辣汁，個啲辣醬係自家製，一定要試，腩汁夠味，個人推介既餸係鹵水雞翼，雞翼入味得黎，肉滑，蘿蔔入味又甜，唯一要彈既係份量少，我平時食野都食唔曬，今次食曬得黎仲有啲餓PS tips 最抵食係叫三餸

聽聞辣汁好味，老闆好有心做所以與友人一試，好食但唔抵食，埋單115蚊，兩個粉加個菜。地方細唔緊要，唔好迫丫嘛，地方細又多枱，迫到好唔舒服。個呀姐執走上一手既碗碟冇抺枱就叫我地坐，之後都冇抺枱⋯好dirty ⋯⋯⋯飲品冇寫價錢，叫左個菊蜜收左$15！！！仲要同維他菊花茶一樣味，唔講以為開支菊花茶倒落杯。先講主食1. 辣豬皮腩肉牛腩河，好野味2.八爪魚牛根牛肚河，普通冇特別一入去見到人人都大大碗，睇住張單，都係$40啫，唔算貴丫，點知上到黎碗就大，入面好少野黎⋯⋯牛腩好普通，只可以講唔難食八爪魚正常街邊小食味，冇特別牛根幾入味，有兩款，一款好淋滑，一款爽口，呢個做得唔錯牛肚相對差少少，入味既，淋滑既，但切太碎，心諗駛唔駛咁慳，不如收多幾蚊成本做靚佢好過。豬腩肉又驚又喜，一上枱又肥又白好似冇乜味而且充滿油利感，食落又唔係喎，好入味，冇咸香，係肥既，但爽口。只是不可再，會爆血管！果然呢間辣野做得最好，辣豬皮好入味又好野味！通菜又係做得唔錯，菜底都係果d，但個腐乳汁好夠味，腩汁打底增加一份野味！但$20一個就見人見智。總括黎講，地方唔舒適，食碗粉2人埋單$115，野食好食但唔抵食，$15杯飲品偏

每一次去銅鑼灣拍拖"索平＆出血"後，我倆98%都會去食呢間車仔麵，一來夠經濟二來超好味，三來亦係最重要最重要最重要完全合我嘅口味，辣醬香口而有勁，湯汁濃郁不口乾(小妹最怕就係果啲食完後要飲大量大量大量嘅水呀汽水呀咁去解喝)，另外，再加埋甜醬整碗麵食立即變惹味兼開胃啊～減肥中嘅朋友就要諗清諗楚先啦~哈哈哈順便分享一下小妹嘅喜愛湯底丫例必少湯+滷水汁+牛腩汁+2大匙羹辣醬外，甜醬是必+的。食得辣的朋友可試試看喔

阿姐執枱彈到我身同件白色衫，我當時無出聲，諗住等佢行關先抹，點知阿姐先發制人話未執枱就唔好坐啦！點知唔好彩，同行2人其中一碗寫少個麵食，有另一個阿姐送飲品俾另一個客，鬼食泥講左句野，我地唔知佢講咩，又唔知佢同我地講，問佢係咪同我地講，佢話我地有個無寫麵，我地問係邊碗，佢話唔知喎！咁請問我點叫返呢？依2件事，我地未開聲要話佢，已經惡成咁，老闆鐘小姐請到D咁既員工，真係恭喜晒，倒米，佢地一世都咁好生意，就唔駛注意員工態度。如果打工打到咁唔高興，咪做啦！態度衰到無人有，香港之恥！

今天同老婆去 銅鑼灣新記食車仔麵，嗰冷氣機滴水落我哋兩個身上，個夥記 不單止沒有比紙巾我沒身，連一句唔好意思也沒說，仲話 係咁㗎啦，滴下呢度滴下嗰度。 我叫牛拍葉， 來到 一嚿連着一嚿，全部冇剪斷的。 個夥記又答我，係咁㗎啦，咁細舊剪唔斷的用口咬啦， 其他檔口也是這樣的。 我答用剪刀都剪唔斷，點用口咬呀。 佢冇理我。埋單仲嬲，我同個老闆投訴，佢啲夥記咁樣。 點知佢仲怒啤著我， 唔好意思也沒有說一句， 好像用眼神答我錯怪他的員工似的。 等了一會還是怒啤我沒有發言， 好像說你唔好來囉我大把生意，於是我便走了。我知我不是去了五星級酒店，但最基本的做生意態度禮貌都沒有， 淨係識得夾住啲明星影相，利用明星效應有鬼用咩！真係好鬼嬲

新記車仔麵😋又係睇到啲文章介紹話香港必食既車仔麵🙂三款一面 hkd40💰好似出名啲既車仔麵都差不多價錢～叫左最受歡迎/必食既豬腸，蘿蔔，豬頸肉。好似食車仔麵一食佢啲豬腸/雞翼/蘿蔔就試到龍與鳳😂提提大家呢間係有最底消費每人要36，所以如果朋友仔陪食/淨係小食就加杯野飲啦～Anyway~佢啲豬腸係我食過屎上最腍最好食最入味既豬腸🤤真係入口就化咁，好神呀😍啲蘿蔔就麻麻地～有渣唔入味..豬頸肉都一般😞而且啲面好小食呀，當正餐食應該會唔飽🤷🏽‍♀️另外仲叫左啲小食～魚蛋 hkd10蚊5粒（辣）啲魚蛋係堅辣～冇話特別好食😂雞翼尖 Hkd 22💰腌到黑色既😂食落苦苦甜甜地，冇乜肉😂試下好啦～雞翼應該會正啲🤔

現在要搵間平的食店真係難，要搵一間材料新料又味道唔錯嘅，更難今日在銅鑼灣行行下街想食濕濕熱熱又簡單的東西，就想到食車仔麵啦！所以就去左這間新記車仔麵檔一個人女仔的食量，總不能叫得多，所以來一碗兩餸麵（牛腩+魚腐）！送到來，量少的我就覺得「唔會夠飽」😂唔好因碗大量少的賣相而作評論因爲...牛腩咬落鬆軟，唔會咬唔爛魚腐就普普通通，不過不失。最後一碗麵是剛剛好！最緊要快添😆

夜晚做完yoga，就近近地附近搵野食。9點入去，都8成滿，但一個人好易搵位！枱上有紙俾你圈底想食乜，咁我就揀左3個食送，加多支汽水。我寫要枝裝雪碧，阿姐開左支可樂過黎，唉🤦🏻‍♀️，算，反正開左！車仔面上枱，睇落都幾乾淨，我要左滷水汁，係無乜味。蘿白無乜根，都有啲味。生菜就生菜既樣同味，無特別。雞翼尖好入味，又唔會太咸，幾好食，仲都幾多隻下！.總括呢餐$50真係有啲食水深，我下次都係食南記算🙈

好多年無食過尼間車仔麵，放工一行三人去食，要等位，其實未入去食時覺得環境好唔衛生，食物放到好亂，煮麵地方一盤盤都係黑黑的，見到唔係好想食，因為唔知會唔會有昆蟲...！等左5分鐘，3個人要同已坐2人地檯逼，老實講，完全逼到你手撞我手！點左嘢食後見隔離檯有人食完，我地3個人換檯，老闆竟然出聲話我地阻住執檯，我忍唔住講話「我地3個人點食呀，頭先甘逼」！根住到我碗嘢到時，我一望甘水...無咩米線，辣汁得好少，我點左豬紅，齋，蘿蔔，大腸，估計齋係煮左無耐（無味），大腸我一舊都無食，因為一望好肥，米線食幾口已經食完，我食完買單一共$150，每人$50碗...宜家食車仔麵都要$50仲要最低消費...有點過份！係唔係值尼個價？請我都唔會再食！

朋友好鐘意食車仔麵，所以成日跟佢去食，呢間都係佢好鐘意食嘅其中之一！食車仔麵就預無得坐得舒服架嘞，一定係搭枱加接櫈格局，我今次點左三餸一麵40 蚊！佢兩餸就36蚊！我揀咗魷魚鬚、蘿蔔、豬腸，加腩汁同辣汁！魷魚鬚好好食，彈牙唔會冧，豬腸不過不失，蘿蔔有啲失色因為有渣，值得一讚係腩汁，好濃好味，辣汁其實係辣醬，我唔係好食得辣但都覺得好味！我揀左粗麵，但麵就無咩特別！不過成碗麵份量都唔多，如果餓嘅朋友可能未必食得飽嘞！

有一次在總統戲院看完電影，朋友突然說想吃小食和車仔麵，於是我們到了附近的新記。我們每人先叫了一碗三餸車仔麵，再吃了幾款小食。不得不讚他們店的燒賣，因為我對吃燒賣有一份執著，喜歡吃有點咬口又有點魚肉味的燒賣（不知道你們知不知道我說那一種🙈），就是以前小時候吃過的味道。以前覺得龍津和渣哥的燒賣不錯，但新記的比較便宜又吃到那口感和味道。另外他們店的豬紅有點甜甜的也很好吃，生腸和墨魚也不錯。路過的朋友可以試一試哦～

銅鑼灣食野唔平就係人都覺架啦，不過近期我最愛都係去新記食返碗辣汁車仔麵，因為辣汁真係好過癮好岩我口味！一碗三餸麵都成$40, 細細碗，其實唔會好飽架，寶寶就覺得勁細碗啦，不過女士都ok 既。我鐘意佢既餸夠晒入味，今次我就點左蘿蔔，大腸同魚旦，我覺得簡直係車仔麵既super match! 佢既大腸係魯得好入味既，魚旦寶寶嫌普通左d, 但偏偏又係我最愛既陳皮辣魚旦喎。如果叫埋凍檸茶呢，就最perfect! 食到個口辣辣地，梗係要飲檸茶啦！

出到銅鑼灣2pm都未食晏，一條友係銅鑼灣廣場周邊轉咗個圈，見到有間車仔麵店，裝修舊舊地，應該都開咗好多年，係銅鑼灣可扛得著D租，應該都唔太差，就哩間！通常車仔麵都要魚蛋、豬皮同一D炆餸要又返一定水準先得，今次我點再辣豬皮、豬大腸、通菜望埋去D辣汁好似唔錯，食落又香又辣。豬皮偏淋仍爽有嚼口，味度帶辣偏甜。豬大腸又淋又入味又唔肥膩。一路食一路望牆身餐牌，見到如叫一碟豬大腸要$100唔知會有幾大碟呢……？我點嘅係河粉，河粉吸咗湯入味又夠滑，我怕食嘅所以食得好慢，但河粉冇出現發脹，要讚一讚$40個三餸車仔麵，價錢唔係抵，不過對於我哩D屯門人嚟講，係屯門市周邊食碗麵都係咁上下，如果$40在銅鑼灣食，而又有水準嘅，就感覺都算幾合理。舖入面D姊姊好似細個住屋邨D茶餐廳阿姐咁，如果鍾意去服務好嘅食店朋友，真係要慎入。對於我嚟講，少少粗聲粗氣反而有返D人情味