新記車仔麵 (Closed)

一人車仔麵快靚正不知幾多年冇幫襯過！三餸麵$40，每款餸加$10，簡而清！好快送到- 牛筋腩、墨丸、辣豬皮米加辣汁牛筋腩極少，牛筋只有1/3手指尾咁多豬皮正常彈牙，夠辣，惹味墨丸有五粒係魚旦size，同白魚旦個狀態同味道相似，墨丸同魚旦混合體咁，冇乜墨魚丸味，彈牙度還可以！米粉唔多，汁夠味夠辣但未算好突出！整體普通，份量算少！一人快食唔算好餓還可以。

事緣今日帶個澳門朋友去呢間食車仔面，叫咗三個車仔面，另加一兜猪紅一兜大腸，個啊嬸很不客氣地説，猪紅30幾蚊，大腸100蚊，以防有誤會，我再問大腸有幾大兜，然後佢話普通兜咁囉！痴線，系埋我未知香港大腸價咁貴。。。。定系睇人定價+_+以後唔會再來，bye

月前Jacky Yu在社交平台鋪文大概提到他吃一碗車仔麵要上百元今日來一客只是隨便點了4個餸（米粉底）已經要50大元感覺有點少貴今日叫了辣豬皮、雞翼、墨魚卷、牛肚加上湯底是滷水汁加辣汁所以我的自選車仔麵是重口味之選這裡的豬皮是辣味的口感還好滷水雞翼就水準穩定墨魚卷純粹個人喜好我覺得比吃咖哩魚蛋特別滷水牛肚好夠味總結來說車仔麵的水準尚算穩定但價錢偏貴普通女生都可能會略嫌份量不夠

嘩嘩嘩！果日我同老公係銅鑼灣上報名上堂，甘諗住搵間平靚正ge車仔麵快快脆脆醫肚啦，甘就入左Le 間啦。入去不經意地點了4個普通餸米粉麵底加多杯豆漿，大家估下賣單幾錢，登登登登係$60呀！中環價的普通車仔麵店！另，其中一個餸點了貢丸，嘩，從來未食過如此細粒ge貢丸，大細如一個一毫子，街市都很難買得到，世間上極為罕有，西利到呢！真心不介紹朋友，不會再幫襯！

喜歡吃車仔麵，希望把吃過好又值得備忘的，用系列形式記錄下來，與衆食家一同分享。決定在Openrice 寫一個車仔麵系列，以最簡約的文字去記載有質素的車仔麵店。今天到訪的麵店是銅鑼灣登街的新記車仔麵，已在區內經營一段日子，憑依稀記憶算了一下，它已盤據上址最少有10多年頭。看着點單紙，你會發現這裏的定價絶不便宜，餸麵均一價HK$10 一項，點了豬大腸、辣豬皮及五香牛腩河粉，盛惠HK$40 大圓，不含飲品，感覺絶對偏貴，且看份量如何！端到跟前，目測餸及麵都份量一般，豬皮只得四片，牛腩亦只有三四小塊，大腸份量有五六片，算正常，粉的份量只有一碗南記魚蛋粉份量的五份之三左右，正常男士，中午吃一碗面前的河粉，絶不飽肚。豬皮牛腩大腸河粉 HK$40味道方面則頗為不俗，粉條滑漏零糠味，牛腩焾滑兼充滿柱候醬的味道，豬皮爽口入味，片片帶有微辛 ，最惹味同樣最好味的是豬大腸，滷水甜口而且香料味道複雜，絶對佳品，最後一提他們的秘製香辣汁，不是死辣，而是香料十足的好貨色。總結: 味道不俗的車仔麵，豬大腸絶對是佳作！不過性價比卻頗低，份量細，賣得貴！

夜晚喺新記附近散步，都唔喺特別肚餓，不過見到餐廳入面嘅人都幾多下，就覺得味道應該唔錯，所以就直接入咗去坐低點野食啦。麺有套餐，可以揀三種配料、一種麺，我同我個friend一人揀咗三種唔同嘅配料，我覺得入邊最好食嘅就係魚皮！！餐廳入面嘅環境都唔錯，幾光猛，不過入嚟發現呢度低消喺36蚊...魚皮好脆，瑞士汁雞亦，有兩隻，性價比幾高。味道特別濃，所以唔洗驚會唔夠味~~~額外點多咗份魚蛋，魚蛋好彈牙，味道都好好~~最緊要喺新鮮滾熱辣！

来碗鱼丸粗面。可以加的料太多，選的辣汁鱼丸猪血大肠公仔面40HKD吃的鱼丸蛮脆的，猪血很够味，大肠煮的超级軟爛而且不太腻，加上面條好有韌度。關于辣汁，雖然有牛腩汁卤水清湯可選，已經夠味啦。

這間位於CWB的車仔麵, 也很多年了, 這間是妹妹開的, 味道我覺得哥哥好d, 但這裡好坐d,這裡主打辣汁, 嗜辣者必點這三樣 : 辣豬皮, 辣豬紅, 辣魚旦因這三味用特辣汁浸熟, 入哂辣味, 相當正, 當然必然要加特制辣汁, 食完出一身汗, 正可惜越來越貴了, 但CWB價, 差不多

講到車仔麵！我至愛係新記！佢既湯底好濃，鍾意辣既我我都會加小辣！每次基本上我都會叫埋同一款野必食～豬紅：一定要叫！超入味牛筋：又係好入味，LAM到唔洗咬！雞翼：又係超好食！如果喜歡食以上3樣野既朋友一定要叫。但呢到唔大碗同貴錢都有小小貴。誠意推介，不妨一試！

今天系銅鑼灣做野，中午時分經過新記車仔麵，於是系度食左一碗魚丸豬血大腸公仔面，雖然賣相普通D，味道都唔錯既，魚丸食落幾爽口，豬血都比較新鮮滑嫩，大腸軟爛夠入味，湯底都夠味，食得好滿意。

今日突然想來一碗港式地道車仔麵，友人介紹燈籠街的新記不錯，但我實在太忙了，唯有買外賣會公司邊做邊食。與友人叫了兩碗不同配料share 還點了一份白菜。首先這碗有秘製豬腩肉，香滑齋、片頭和豬大腸。豬腩肉煮得非常入味，而且厚厚的肥膏爲豬腩肉畫龍點睛哈哈。片頭亦算是彈牙，味道尚可。香滑齋的麵筋口感頗有嚼勁，但不會太硬，一咬開裏面充滿濃郁的湯底。大腸處理算乾净，不會有異味。另外一碗點了雞翼、蘿蔔及墨魚丸。我最喜歡他的鷄翼，鹵水腌的非常入味，肉質嫩滑，非常出色，而且蘿蔔燜煮到非常淋，分量好多。墨魚丸亦非常有咬口，好好味！ 值得一提是湯底不會太油膩，但味道濃郁，不錯。整體來説價錢相宜，而且食物質素不錯。

已經唔記得有幾耐冇食過呢間車仔面...尋日一行4人, 突然間諗起就去食...先黎一串魚蛋, 牛栢葉, 齋, 同魷魚...佢既辣汁依然咁好食, 辣得黎甜甜地...但辣度都有番咁上下, 唔食得辣就諗諗先好食啦...跟住就叫左4碗車仔面, 同一碟腐乳通菜...可能太耐冇食, 個個都叫好多餸...有卥水蛋, 豬耳, 蘿蔔, 豬腩肉, 魚腐, 牛筋, 牛腩, 冬菇, 豬大腸, 豬紅...仍然keep住水準...尤其個豬大腸真係好好食又香, 推介!!不過d米線就出事啦...好似未熟透咁, 中間仲有d硬硬地咁...扣分...整體黎講都滿意呢餐!!

今日經過附近翻工，一個人食飯，諗住求求奇奇平平地就算去左登龍街，眼見好多餐廳都係日式拉麵店，叫碗拉麵最少都要60蚊，本身就諗住入其中一間，不過行行下比我見到新記車仔麵又平又多人就二話不說入左去入到去見到好多雜誌既文章有刊登過呢間小店，最勁就係有日文雜誌寫過呢間餐廳既車仔麵好食見到咁既情況，我就知我冇入錯舖頭啦！入到去差唔多個個都係搭枱既，而枱面有啲落單紙比你揀食咩可以慢慢圈自己想食咩我叫左兩餸一麵，都只係36蚊對比起北區啊或者其他舊墟可能係貴左啲，不過係銅鑼灣呢度已經算好平！餐單交左比姐姐之後，麵好快黎到我今次揀左牛腩汁雞翼白菜公仔麵！雞翼大大隻而且好好食，滷水汁好入味！真係一定要推介比大家而牛腩汁都好夠味下次再過黎呢邊做野都會黎食下！

我成日都同朋友Highly recommend 呢間車仔麵既湯底&豬腸我今次order左豬腸豬腸米線，首先佢既湯底係好香濃既魯水湯底，香得黎又唔死咸，佢個魯水應該淆左好耐好耐先有咁既效果  豬腸呢清得乾淨冇肥膏冇so味應該唔係來貨腸最緊要呢就係魯得夠入味又夠淋,唔會好似食香口膠咁,阿婆都食到AR 至於其他配菜其實都唔錯，豬紅唔腥有咬口，雞亦魯得入味唔鞋口但係由於佢個豬腸太深得我心所以我都係單嗌豬腸x2就大滿足啦

晚上在附近有飯局，但是日早了放工，又不想回家後又跑出來，唯有在附近走走。黃昏時份的銅鑼灣人流真多，就算是在下身形，在人潮中都給撞來撞去，真的很討厭。算了，還是逃入登龍街吃點東西消磨時間吧 !新記一向都火熱，店內客人長年八九成滿，每碗至少三四十蚊，收錢收到令人羨慕，看來稅局應該收到不少利得稅。望望點菜紙，最少都$36碗，閒閒地人均都$40，但往往吃完都只是一陣風，跟車仔麵原意平靚正，令窮人都可以飽肚的宗旨，是已經背道而馳。點了雙腸加韮菜配粉絲，雙腸是生腸及豬大腸，生腸一向爽脆彈牙，但新記煮得太耐，已令生腸失去彈性，而醋大腸亦是滷得超入味，至於粉絲一向少在車仔麵店遇上，淥透了再沾上牛腩汁又確實幾惹味。這種地道的香港風味，已日漸失去昔日的光彩，可惜。