新記飲食中心

Open Now

Now Closed

荃灣西大排檔新記飲食中心 呢度啲嘢食好抵食 亦都好有地道風味 😋我叫咗個早餐 有餐肉麵配雙太陽蛋 同埋凍檸茶 麵用嘅係出前一丁麵煮到彈牙，我係出面食同埋自己煮都煮唔到呢種岩岩好 餐肉煎得香脆 😋 太陽蛋煎到燶邊又唔會太熟 凍檸茶就普通 唔算特別同平時既一樣叫正常🥤呢度啲餐點選擇好多 而且價錢非常合理 尤其適合一早嚟食早餐或者平時嚟食個午餐 呢度環境比較簡陋 整體嚟講 新記飲食中心嘅食物質素高 價錢平 合理 份量足夠 👍不過要提一提如果揸車黎泊街就要小心抄牌，都抄得幾多次

呢間嘢幾特別，因為距離地鐵站都幾遠，但係星期日都竟然有開，我哋咁啱去嗰度遊蕩，佢嘅午餐40幾蚊，飲埋嘢要加4蚊，$4都幾抵，我食咗個楊州炒飯就一般般試吓好細隻。

話說上星期都黎過食，質素麻麻地，但因為早餐關係，我都唔會太過講究，有D野食左落肚唔好差到太離譜我都接受到的，今次再黎食，賣相同上次都有所不同了，唔錯唔錯，野食都好左，但今次我就冇叫奶茶，因為上次有D淡，今次唔敢叫😂😂😂😂😂😂😂😂😂😂😂😂😂😂😂😂😂😂，因為茶D樣野基本上唔會上相太遠，除非個茶飲到係老左咁下次都有機會改進到，但如果係淡既話，基本上你叫幾多次都係差唔多味的

間餐廳非常放便泊車，而且價錢都非常經濟，三送麵加凍飲都係三十令蚊，但D度始終係大排擋，有點熱，如果唔介意的話都可以黎試試，食下懷舊既味道，杯茶淡左D，唔夠茶味，下次經過再試多次先

係開荃灣西果邊做野，搵個地方食lunch。行到TML廣場附近見到有間大排檔就食下。大排檔有分室內同室外，冬天坐出面一啲都唔熱午餐餐牌每天都不同，都幾多選擇，今次揀左食黑椒豬扒紅腸飯，熱辣辣夠多黑椒汁，豬扒煎得好脆，45蚊食個lunch連可樂，OK !

繼續深入柴灣角街熟食市場尋寶,原來裡面仍有不少食肆未曾留意,除曾光顧的泰國海南雞飯,裡面還有韓國炸雞飯、中式煲仔飯還有多款家常餸菜的午飯哩。位處市場中央位置的新記,就是中午時份常遇到的送外賣叔叔工作的一間食肆,她雖不是位處必經要道,無論早上或中午的堂食也是人頭湧湧,外賣電話也不停地響,外賣早餐也要等上好幾分鐘。自己必點的腿蛋治早餐($21)竟如此對辦!兩片白麵包新鮮柔軟,雖然只有一片洋火腿,份量不及另一家有兩片的,這也不是重點;最重要是那層還有蛋汁的炒蛋!!這個水準真的看到也開心,炒蛋如外觀般有著滑溜溜口感,而且還有一點蛋香,好好吃耶!熱奶茶,奶香較茶味為重,味道偏奶滑稍欠茶香,水準還是可以的。午市路過時炒粉麵的熊熊鑊氣相當吸引,只是通常座無虛設,有緣再試。

每一次返荃灣office 做嘢，都會嚟呢一間食早餐，因為食過咁多間丁麵，呢間最啱我口味，最有屋企煮嘅感覺冇偷工減料。因好多時出街食丁麵，總覺得好似唔同冇家的感覺湯 夠濃味麵質 夠爽

公司搬咗荃灣之後, 試過呢間野3次......點知中2次伏!!!!因為習慣唔想太趕, 所以一般早止 8:15前已經坐低食早餐--第一次就ORDER完....- 好快杯咖啡到咗, 水準極一般....有D懷疑係即溶果隻, - 然後成10分鐘碗"沙爹牛麵" 先到, 勁淡....... 沙爹/牛/麵 都冇咩味- 再足足等 10幾分鐘份"2島" 餐肉煎旦都未到(期間追咗幾次)最後上枱時完全係微暖, 但唔熱~~~~足足食咗30幾分鐘一份早餐第二次好D.......再早D 08:00坐低, 起身時 8:2X~~~雖然D食物仍然只係微暖唔夠熱....算啦第三次.......X街喇, 足足坐 4X-50分鐘都起唔齊野...淨係上杯咖啡&碗麵, 期間追咗4-5次都只係一唔"西黑面" 一路話~~"等陣啦, 整緊啦!!!" 但好明顯冇去跟過!!!! 最後係趕往開工冇食到!!!!! 當"豪"俾佢算數...呢間野一定唔會試!!!!