新記

Open Now

Now Closed

新記燒味係我從小食到大嘅老字號燒臘店，佢承載著我童年嘅好多同屋企人嘅美好回憶。每當經過上水，新記已經係我嘅不二之選。新記嘅叉燒燒肉飯係我最喜歡嘅❤️叉燒肥瘦相間，肉質鮮嫩多汁，燒肉皮脆肉香，每一口都令人滿足。飯粒軟硬適中，吸收咗叉燒同燒肉嘅香味，非常可口😋。同一般嘅燒味飯唔同嘅係，碟上面除咗盛載住滿滿燒味外，鋪滿面嘅薑蔥蓉，同埋墊底嘅鹹酸菜為整餐都額外加分！新記嘅例湯亦值得一試👍🏻。佢地每日都會提供唔同款式嘅例湯，例如蟲草花栗子煲雞腳湯、西洋菜排骨雞腳煲陳腎等等。湯底清甜或濃郁，食材新鮮，營養豐富，對於平日番工嘅無「飯」家庭嘅我，係湯水補給好地方🥹。總體而言，新記燒味係我心目中最好燒臘店之一。無論係燒味美味程度還是各位亞姨嘅服務熱情，都讓我感到非常滿意。如果大家正係尋找一家美味且價格親民嘅燒臘店，不妨都試下喎～

今日lunch想食燒味飯，同事介紹食街市入面的新記，話十幾年嚟都好好食。我去到，見到好多人，就打算叫外賣，叫左油雞燒肉雙併。返到公司，一打開，不得了，覺得多到可以食2餐，我數過，有成10幾20件餸，仲要有啲酸菜，仲有碗中湯送。不得不提佢嘅酸菜，好脆好好食。而燒味就ok, 我食左同事一件叉燒，我覺得下次可能轉叉雞,而佢嘅中湯，都唔似味精湯，有好多料。依個時勢，40元有咁大盒嘅飯，真係好抵!!

上水街市燒味飯有兩間但我只食新記新記質素係贏幾條街(不幸斬中頭頭尾尾另計🙈)新記鋪頭細細, 地方唔算好坐, 但食物我俾9分半。特別推介佢哋嘅叉燒飯同埋切雞脾飯！叉燒飯嘅叉燒肥瘦適中，加上岩岩好嘅叉燒醬汁，令人回味。切雞脾飯亦然，雞肉嫩滑多汁，脾味濃郁，加埋個薑蓉, 不得了！即使餐廳環境唔係好，但係唔影響食物嘅味道同評價，服務ok la，都係街市姐姐，唔會特別客氣，但都ok ga，價錢實惠，絕對值得去逼下。

今日同事建議晏晝食燒味，他們推介了上水石湖墟街市一間新記燒味，他們位置不難找，石湖墟街市二樓，出𨋢後經過一條走廊就找到，他們堂食食客也不少主要燒味為主，價錢都只是$39單雙拼一樣跟湯再有酸菜墊底，湯就每日不同。 今天買了一盒叉鴨飯雖然賣相冇乜特別，與一般的燒味檔差不多，但味道就很出色，叉燒一定要係半肥瘦，咬下去很滑很有口感，燒鴨也很入味很滑，鴨皮很香，另外他們用的是甜豉油撈飯很惹味；今天的雞腳眉豆湯味道很好，超級抵食👍。

只有叉燒同例湯必食又一年多無來，今次系8/1/2023通關前來多一次，吾系吾知道會幾時再放心來。都因為疫情，同埋上次一過12點無曬叉燒，所以今次系一早9點就來，希望人少D 。來到都有幾個客，坐睇吾使考慮，一個叉燒燒肉飯同叉燒雞飯，再叫夥計例湯要多雞腳叉燒燒肉飯（$38）3分-叉燒真系無得輸，睇相就知道系梅頭同埋好鬆軟，無得呃亦無得輸，- 燒肉今次真系吾掂，皮厚同硬到咬吾到，肉又實。- 另一樣無得輸就系個墊底酸菜，未食過其他地方有。叉燒雞飯（$38）3分- 叉燒比另一碗廋D,所以硬小小，但都吾錯- 雞系雞胸，有雞味但系吾滑。例湯真系去邊搵啊，一碗都可以咁多湯底，雞腳，豬骨，眉豆，花生等，真系夠曬火候，以前系任你加，但疫情我就無問啦！

上水街市其實都幾多野食，而新記燒味都係我平時返工食飯既飯堂之一。佢地果度既燒味飯若果叫碗裝既話，四十蚊有找，仲有湯飲。唔夠飽既話叫碟裝都係貴3蚊。而我最鍾意食佢既切雞同埋燒鴨❤️❤️❤️，切雞今日食仲俾左隻脾我(唔洗另外加錢)，好開心😁😁而燒味下面仲會有酸菜墊底，成件事都無咁肥膩，啲薑蓉多到就黎爆碟，有啲誇張🤣🤣 題外話：佢D老火湯都好足料，個個碗湯都有湯渣，今日我地有人唔飲湯，果度既姐姐仲話：「咁好味既湯都唔飲？🤣🤣」

今日香港, 41蚊吃個午飯有既選擇相信不多, 仲要對食物有要求？ 咪玩啦, 雖然吾容易, 努力搵下, 仍可找到一些相宜而食物不賴的食店, 新記就是其中之一.簡簡單單, 38蚊/碗,41/碟, 奉送例湯,單雙拼同價, 相信對於大部分的人, 碗已經足夠, 因為份量吾小, 食物質素點？ 有圖有真相, 食物應該係當天做, 賣完就算, 有吃趁早.

今次我地嘅目標係上水熟食街市嘅新記，據說過咗12點就無哂燒味㗎啦，尤其係叉燒！可見幾受街坊歡迎！如果想係街市麻甩一下嘅朋友仔就要去食啦😁-叉燒燒鴨瀨粉🍜 - HKD 42首先我地就叫咗叉燒燒鴨瀨粉🍜。新記單拼及雙併都係同樣價錢，依點真係比較少見。做足功課嘅我地聽街坊講新記嘅叉燒係最好食😋。上菜時覺得佢賣相一般，雖然睇落好乾身, 但食落口感好有咬口，啖啖肉之餘又唔會太韌，味道又唔會太鹹，無太油膩嘅感覺，真係相當出色💯。燒鴨🦆方面份量都好多，切得好厚。配上又脆又香口嘅燒鴨皮真係好邪惡呀🤤！而瀨粉方面都幾彈牙，四十幾蚊咁好食又份量多嘅燒味，真係性價比極高呀！🤑-單拼叉燒飯🍚 - HKD 40之後我地就叫個單拼叉燒飯🍚 ，單拼嘅叉燒份量同雙拼嘅一樣咁多，而且叉燒底下仲要配上極開胃又香口嘅鹹酸菜同豉油，撈埋一齊送飯真係一流呀！🥰 飯嘅份量又係大大碗，食到我地好飽呀😆。除咗可以用碗上外，呢度仲可以用碟上，將餸同飯都放係同一碟到，係大碟啲㗎，想份量多啲嘅朋友仔就可以加3蚊改用碟上㗎！😉-老火湯🥣 - HKD 0最後想額外拎個老火湯🥣出黎講一講～ 新記隨餐會附上一碗老火湯，到餐時發現碗湯真係幾大碗，而

唔好以為我成日去cafe，又鍾意四圍打卡係個大眾港女，其實骨子裡，不知幾喜歡食大排檔，老麥同KFC! 今次要介紹嘅係位於上水石湖街市嘅新記，🛗上扶手電梯右手邊直行第二間就搵到。點解我會特登介紹係因為我幫襯咗好多年，佢嘅燒味都一成不變都係大大件，大大碟🍚🥩🥓！套餐分碗價 同 碟頭價，單雙拼同價，一般叫碗嘅份量已經好足夠！因為套餐包咗一份飯，一大碟肉之餘，仲有一大碗湯🍵！如果你係食肉獸就好啱你～如果同我一樣細食嘅，可以叫一碗價錢兩份share~哩次就叫咗🐷叉燒燒肉飯 (啖啖肉推介) 同🐔叉燒油雞飯。雖然叉燒有時都係撞手神，但就算比全瘦都唔柴。雞類嘅同其他燒味舖一樣，都係要睇下斬中咩位比你，想唔中伏可以補少少錢order 雞脾。套餐跟大大兜時令老火湯🍵，今日去食就係眉豆花生煲雞腳，好足料，好夠味，仲一啲都唔味精！😋假若你路過或者剛剛搬入上水，不妨試下喇！💁🏻‍♀️

食好野要12點半前來離開上水擁擠環境已經4年幾，重會舊地，第一個要做就系要食新記叉燒。1點去到，街市食店人頭擁擁，去到新記，見到仲有位，以為執到，剛剛坐低，夥計已經話只有燒肉，所有其他都賣曬，唉。算啦！哩度以前乜都好食，叉燒超正；夥計話系眯要兩碗，因為哩度通常叫一碗已經足夠，就叫碗燒肉飯啦！同以前一樣，其他餐廳從來無見過，上菜就系一碗飯加一大碟燒肉，仲有好似吾使錢的薑蓉，今日可惜系無曬酸菜墊底啊！燒肉以一碗比較，真系超多，超皮脆，肥瘦3,7比，吾會鹹死人，連鼓油都好味過人咖。今日湯都OK，但已經比以前有小小退步。哩度價錢吾系便宜咖，一碗37,但仍然物超所值。衛生方面- 同一般街市差不多，- 防疫方面，但奇怪系街市無人理檯與檯距離，又無隔板，只有檯面寫一檯4個人，有無人管就吾知道啦。

話說口罩的黑暗時代開始後，久不露面，差點得了厭食症，不想再吃樓下外賣，終於風平浪靜了好幾廿多日後，襯仲未開關以前，來到美好的上水👍🏻聽朋友說上水最好吃既燒味就係新記，住了北區20多年，從不知😝真係有點失敬。立即衝來品嚐，11:00前到達，已經可以點餐，叉燒燒肉飯梅頭豬肉位置有咬口，口感一流，可惜略嫌缺乏蜜味。燒肉外皮酥脆，肉不會太咸，非常好味😋不可小看的例湯，雖然飲唔出係咩豆煲，但絕對冇味精，而且味道濃郁，認真不能不試👍🏻價格非常便宜，30幾蚊就有大大碗飯+湯，難怪朋友同我講，1點後去就會賣完😊Yummy 😋

星期日放假多數遲起床，早餐呢啲，早起鳥兒有得吃。通常早午餐一齊吃。屋企附近都很少食肆，我多數會走遠啲到石湖墟或者市政街市揾食。星期日早上電視節目就介紹香港燒味，睇到口水流。咁就決定去新記食香港經典美食啦。市政熟食中心街方食肆，我想大家都知咩環境，坐位當然要搭枱同有少少迫，都尚算企理。食物方面，大部分燒味都有，只係無乳豬。燒味雙拼$34碗，$37碟。由於已經長時間消耗，我點了一碟叉燒燒鴨飯，提一提碗裝的，餸會分開碟上，而碟裝就餸係放埋一起，油份會滲入飯裡，所以會比較油膩。我其實好少食碟裝的，一上枱見真係好大碟，餸非常多，叉燒係厚切，唔太肥，少少甜，肉很腍，燒鴨需然無燒鵝多肉，但師傅都切了鴨胸比我。鴨肉餣得夠味，肉唔乾，皮需然唔脆，但都好酥香。還有這裡的例湯係無味精的，但用了很多材料，豬骨雞腳...等材料，使湯水很甜，覺得很滋潤呢。平民價高品質，值得支持。

上水街市no.1燒味今日同屋企人到上水街市食晏，平日食開隔離另一檔燒味檔，但水準每況愈下，於是決定轉食另一間，就係今次呢間新記。其實新記都係上水街市既老字號，只係平日食開另一檔，所以無試過。今次叫左叉雞飯，單併同雙併都係同價，34蚊，有例湯，經濟實惠。我對叉燒既要求比較高，難得食到一間肉質好味既叉燒真係好難得，半肥瘦、不乾、不硬、不太漏，係味道偏咸左少少，但可能係咁岩呢個位比較多醬，下次再試一下。

去到上水又自己一個人，唔洗諗。街市樓上既熟食中心其實都臥虎藏龍！今日黎到梗係食久違既燒味飯。舖頭細細只食燒味，無其他！今日就食叉燒燒鴨飯，叉燒有幾好食就吾洗講，而燒鴨都係一流既！等幾分鐘就有得食！熱辣辣。好正！另外仲有湯飲！但無影到。佢個湯亦真材實料。食幾多次都吾會悶！環境就吾講啦。去到熟食中心就預左有地道既味道！價錢就40蚊有找！視乎你食一碟定一碗啦。12點幾都賣得7788。如果2點後去就算啦！預左賣哂！堂食既人多，外賣既仲多！

唔明點解呢間屹立上水咁多年,有口皆碑既老店只係得一個食評呢度燒味飯比同區賣貴一半有多但依然座無虛席自然有其可取之處燒味飯份量十足,例湯可隨意添飲配菜用上比較特別既咸酸菜看似不倫不類,但同燒味出奇地夾,減低了燒臘既油膩感推介叉燒(肥叉)-個人認為呢度既叉燒比灣仔再興仲好燒肉-雖然比不上同區陳六記,亦比較肥,但也算是皮脆肉嫰燒鴨-醃得很入味美中不足既係燒臘水準比較飄忽,偶然會很差