Video
Opening Hours
Mon - Sun
17:00 - 02:30
Above information is for reference only. Please check details with the restaurant.
如果問景峰附近居民，景峰附近最難食既餐廳頭3甲係邊幾間餐廳，相信好多人心入面都會有答案見網上好多負評，賭馬仔又輸錢，懲罰下自己先，又係我抵死！深夜唔想行去金銘食，近d試下呢間野！首先入到去 佢會有好多野比你揀！諗住叫粟米火腿雞絲飯女侍應話冇粟米喎，白汁啦...加凍飲仲要13蚊咁唯有叫過 應該點整都唔難食既蕃茄焗朱扒漢堡扒飯加杯凍奶茶 68蚊女侍應仲送左碗湯比我首先講下呢碗湯既賣相先，我見到有牛腩 蕃茄肉，理論上呢，應該係羅宋湯但實際上呢，碗湯既質感同漿糊冇分別！我再倒走d漿糊厲害，入面居然有八角怪唔知得咁好人送比我飲 我真係飲左一啖就放棄了，甜漿糊再望下餐廳既顧客，得2枱客，全部都係飲啤酒多，呢一下，我感到好光榮，因為我知道我要打大佬了凍奶茶，我係唯一覺得水準之作！最尾都飲哂然後到呢碟 九唔搭八焗飯！其實見到碟飯已經唔開胃 第一 佢本身d汁既色 同 碗例湯係一模一樣第二就係 果d白色既汁，應該係芝士掛，但冇味第三 點解要加紅蘿蔔呢？第四 d火腿點解要擺得咁整齊以上呢4點我都能夠克服到，我覺得樣貌差者，但可能好好食呢如果呢度可以打粗口既，呢篇文章應該會好好睇！食入口又有4個問題出左黎！第一 佢塊豬扒仲未熟得哂 有雪味第二 佢個汁真係同碗例湯一樣死甜第三 果塊漢堡扒又冇比到我最後一點，先誇張， 我食炒飯入口，第一啖好硬 好脆， 再食多啖 先發現d飯未熟，變左炒米成碟野，我只係食左兩啖米，兩啖豬扒！呢間野真係同仇人黎食，又或者懲罰自己既可以黎挑戰一下，68蚊一餐，真係抵到爛啦懲罰完自己，又做左善事，心靈上好滿足
continue reading
大家如果幫襯，千祈唔好坐近水吧附近的枱，今日一個4眼既樓面阿姐打瀉咗一大兜醬汁，彈到事主我成身都係，頭髮都係，甚至小朋友嘅書包都大達細達，個4眼樓面只係求其俾咗喺廚房拎出嚟嘅一條毛巾擺喺枱，繼續扮晒嘢喺廚房忙，小朋友嘅書包根本抺唔到，事主我要求賠償，四眼阿姐拎住自己部電話隊向我塊面，仲要發晒爛渣凶我，非常不負責任既一個行為，倒自己餐廳米，仲要得罪客人，不會再幫襯，我最後都無得到任何賠償。。。。。。
continue reading
一入呢間食店覺得幾大，第一次去，坐低係廚房門口卡位，即刻知道中伏。椅上面有飯及油積，廚房無門，望見都吳開胃，立即轉檯。個地板立刺刺，感覺非常吳良好。我隻熱飲杯係無柄的，伙計話係咁，有d 有，有d 無，但果位女士都好有禮貌，幫我換過。從未食過如此難吃的多士，朋友果塊林pat pat, 我果塊硬掘掘，牛油有怪味，奶茶淡又稀。重點係有個肥女人同我地share 一張大圓檯{隔左2-3個位)，佢食完野打左幾個好大ge 乞黐，完全無用手遮掩或帶口罩, 係佢打完第二個時我立即走開去埋單，總之永遠都吳會再幫襯。
continue reading
打算去屯門景峰行山啦，由於疫情關係，隔離麥當勞無位，咁唯有去隔離新輝記茶仔望吓啦，諗住是但食啲嘢，都對嘢食都冇乜嘢期望。點知一入到去，就俾個身形較龐大嘅伙計無禮對待，不但沒有量度體溫，都沒有戴好口罩。此外，落order既時候一直前言不對後語，兩個餐前後問十幾次，講完ABCD餐仲問我餐全名，態度也非常厭世。三番四次confirm之後，再次就翻返嚟問我哋頭先落過乜嘢餐，態度也不友善，令此次用餐經驗很不滿
continue reading
尋日星期六去屯門行山，見到呢間新輝記有位就諗住入去求其食個早餐然後出發！當時個男性樓面埋嚟寫單，我話要金牌A餐，要熟蛋！好正常啫！(個餐係沙嗲牛肉麵配腸仔煎蛋)佢問我要幾多隻熟蛋，我話唔知你個餐有幾多隻喎？佢望一望我，自己話雙熟蛋！我諗一諗，問佢雙熟蛋都有腸仔㗎係嘛？佢先好不耐煩話腸仔熟蛋我已經火火哋跟住我fd要金牌E餐，要番茄鮮滾牛肉麵！(個餐係時疏/番茄鮮牛肉麵配火腿腸仔(+$2)我都未講完,佢就截住我話，有番茄就無鮮牛，我話有無搞錯，有乜可能個麵有番茄就無牛肉，佢再重覆話無，我fd息事寧人叫過另一個餐，但我已經一肚氣！而且呢位男性樓面個口罩一帶一露，全程露出個鼻，我都唔想再同佢講食物當然無期望啦，無可選擇之下犯下重大錯誤入咗嚟食！以後都唔敢！大家有興趣受氣激氣可以去試下
continue reading