新金華燒味滷水專門店

Open Now

Now Closed

老闆娘又無禮貌，環境又污糟，比完錢多謝都冇句，叉雞飯又貴成$42，啲叉燒好似食緊死屍肉咁，雞就比雞翼我，我最憎食燒臘飯食雞翼，都算。啲雞好似隔夜嘅，難食到嘔，飯又硬又乾，喂狗都唔食。

呢間野真係好垃圾我8月5日去訂一隻乳豬8月6日下午4點-4點半取！點知個男人幫我寫5點先可以羅豬.當我4點半去到話豬未到我問個女人幾耐會到.個女人答我寫5點係黎就會黎！嘩 .即著火我同佢講我講就話4點半吾算你睇番CCTV！其實你好聲好氣叫我等下我都無咩所謂！叫佢打電話又吾想打甘！終於4點40分左右終於黎啦隻豬！因為太趕無CHECK清楚又估吾到呢間野甘吾老實！一隻全體乳豬可以無左2隻豬腳！又吾係平過人880一隻連豬腳都要偷！！吾會再有下次做生意吾老實！好彩今次我自己食姐！如果拜神真係吾老禮！加上味道吾得！

呢排夠哂凍想食啲暖粒粒嘅嘢，其中臘味糯米飯都算係一個好選擇。新金華啲燒味都唔係第一次食，但呢度嘅糯米飯就真係第一次買來食啦。佢有分大同世兩個size，由於得兩個人食所以就要個細嘅試吓先就算。🔷臘味糯米飯 💰48要左個細嘅糯米飯，仲要求左要多花生添，又真係俾咗好多花生喎，人情味非凡。臘肉、臘腸、潤腸嘅份量都唔少，切咗粒狀基本上每一啖都會食到，同埋糯米飯好香仲好夠味添，口感就夠晒煙韌，韌得黎又淋woh。

大家講起去九龍城開餐，第一時間就會諗到食泰國菜，咁九龍城既泰國菜又真係你想要大名牌、知名食店、默默付出既小店，你想要邊款都實會俾你搵到既。但呢日真係唔知搞邊科，突然心血來潮，好想食...紅...燒...乳...鴿...！！唔係講笑，真係想食又唔知邊樹有得食😂突然諗起，除左九龍城廣場既樓家有燒味之外，呢頭係有間地舖外賣燒味店架！呢度除左叉燒、油雞、呢d基本燒味之外，乳鴿都有兩款架，分別係：鹵水乳鴿、同埋紅燒乳鴿。提提大家，紅燒乳鴿要等8-10分鐘，師傅會幫你炸熱佢，熱辣辣脆卜卜咁食落口，口感勁正！乳鴿肉質好軟滑、味香濃唔會過入鹹，唔使$60就有一隻ga la👍🏻

正月下旬‧晴本來想看看這裡的燒臘是否買得過，但發現不太吸引，反而這裡的茶葉蛋很不錯，因為鹵水夠香，行近已經聞得到。味道入得好，雖然是鹹了一點，但茶葉蛋不夠味是很不行的，所以也覺得不錯。十元四隻，便宜抵吃。

放假半天，早一點去街市買餸。不求甚麼複雜嘅嘢，只簡簡單單一味义燒蝦炒飯，已極好...落到龍城，去邊度買义燒好 ? 自街市榮記收爐後，已茫無頭緒。諗諗吓，就想起從前小曼谷舊舖旁邊嘅呢間燒臘舖...用來炒飯，唔使買咁多，十五大洋就夠 (百物騰貴，都唔好意思只買十蚊la)。買完擰上手，仲熱嘅，忍唔住偷一嚿試下...瘦义邊位偏硬，蜜味不足，肉亦不軟熟，普通不過嘅义燒...不過用嚟炒飯就夠有餘嘅。用來淨食 ? 咪攪我...