旦王

Open Now

Now Closed

好耐冇食過旦王，不過同之前一樣好夠酸好夠辣，重點係佢個肉碎，食完個粉之後一定要請哂所有肉碎！今次叫左大腸魚肉同豬紅，味道一如以往。旦王係個人心目中香港最好食既酸辣粉～

難得可以me time 即刻出旺角食碗旦王先1，2點呢段時間超多人排隊酸辣粉一定要配肥牛同肥腸佢既肥腸真係好好食每次都要食佢個酸辣湯調配得岩岩好再加埋窄菜同花生簡直係一流

蛋黃真係好出名啊，好多人去排隊。 下午過來都看到好多人。中意咖喱魚蛋同唔係麻辣魚蛋啊，好中意啊！好淡口味道夠濃郁。口感豐富。怪不得別人都說香港最出名的是魚蛋。果然名不虛傳啊！仲有咁多麻辣燙好多選擇。價格賣的也不貴。选吃小吃也可以，吃主食也可以。老板會做生意，怪不得生意這麼好。一致覺得佢個大腸好正。大腸洗得很幹淨。賣相很好。軟糯脆香。一定得選麻辣這個口味的。这样才能遮住大腸的本味！來旺角了和太子一定要來這家嘗嘗哦。

🍜呢間已經食咗好多年 絕對係酸辣粉世一🤪紅薯粉做到好彈牙煙靭有口感，配料方面有肉碎、酸菜、花生、芫荽。唯一要挑剔係花生唔係太脆 味道一般😕佢仲可以加唔同餸係碗麵入面，大概係$9-$14，眼見最多人叫肥腸☺️當日係叫咗小辣 佢係比起外面會辣小小不過佢個酸中和番辣既味，冬天食係好暖胃！雖然係小店細細間 不過有提供立食位置方便大家可以堂食🫶🏽等緊酸辣粉期間仲見到有好多人叫魚蛋同碗仔翅食😏地理位置都好方便，有時經過都會買一碗食😈

每次一多人流 都會有人插隊 店員服務極差 完全不會維持秩序 插隊的人大叫他們的訂單 店員也會照做 變相鼓勵其他人插隊 店員態度也當視而不見 每次買食物的情況都十分混亂 而且很多時候 店員都在談心說笑 而其他客人就在白等 請改善！

🇭🇰旦王酸辣粉私心推介，可能係旺角最正既酸辣粉！必點既當然係佢嘅招牌酸辣粉。湯底勁香又可以自選辣度同酸度，個人最推薦嘅組合係小辣多酸。佢既酸辣粉麵底有薯粉同米線。間間鋪麵大同小異。但令客人印象最深既反而係個湯底。旦王嘅湯底真係超驚艷，唔算食得好辣既我每次麵係叫小辣，程度大約等於譚仔既十小，食落去勁香又唔會太辣，配埋多酸真係勁正🤩🤩🔥！酸辣粉仲有好多配料可以選擇，個人私心推薦大腸同蘿蔔。另外仲有佢既招牌小食惹味，入面係蘿蔔豬紅韭菜大腸，記得要叫阿姐多蒜😍😍另外佢仲有其他小食，咖喱魚蛋、燒賣、腸粉都好正㗎👍🏻大家一定要去試吓呢間！

話說我買咗一個小食三拼 裏面有魚蛋燒賣腸粉佢問我要唔要 我話唔要 跟住佢就幫我落晒甜醬豉油同麻醬。我本身唔鍾意食麻醬 我就同佢講我有食物敏感唔食得麻醬。啲阿姐態度好系咁同我講 你要早啲講吖嘛 個老闆就話 換過碗俾你 不過腸粉就實係配麻醬嘅。我就話配麻醬係個人口味黎 邊個話食腸粉一定係配麻醬。我夠食開腸粉配XO醬啦 你又唔比我？你喺七仔買腸粉，人哋都會主動問你要啲咩醬啦 你自把自為落晒啲醬逼我食又唔問我我而家想換一碗又俾你話🥲不過我見你肯換過碗俾我就算啦，雖然啲人態度好系。重點 唔好食！

講真，今日心血來潮想點點火，去左間『旦王』試吓佢嘅正宗酸辣粉。勁！份量睇落小小碗，其實食落去勁過足球。裡面有榨菜絲、花生粒攞嚟脆口，辣肉碎同芫荽帶嚟嘅香，份量都真係足！豬紅又厚切得嚟彈牙，夾埋個酸辣湯底，麻麻地、辣辣地，正到彈！面頭啲芫荽、幾粒炸花生，係咁增加層次，嗰啲薯粉滑滑地又入味，攞嚟湯嘅味道，真係由內到外酸辣透心涼！講埋個湯底，夠酸夠辣，重有一種麻麻哋的感覺，食落真係過癮到不得了。整體嚟講，這間店算係正宗得嚟有陣味，食完喺呢個炮製得嚟港式嘅地方，仲要排小小隊，呢個體驗叫人滿足！幾抵推介畀想試真正重慶酸辣粉嘅朋友！記住啊，唔好點太辣，唔係真係辣到你歌都唱唔出嚟！🌶️🥣✨

一同人講想去旺角食酸辣粉，人哋就會問係咪食近旺角花園果間旦王呀！可想而知“旦王”喺酸辣粉界係幾咁有代表性鍾意食酸辣粉既朋友無理由會唔識“旦王”就算鋪頭細細，要企喺度食無得坐都會keep大把人食絕對唔會影響到大家對酸辣粉既熱情唔止香港人鍾意食，亦都吸引到不少遊客慕名而來品嚐😚😚😚我多數會加$1轉外賣，就算外賣都唔會影響酸辣粉既美味😆我多數會點🐷紅$9，或者$11🐷大腸,加$29酸辣粉，個粉本身有酸菜、花生、芫荽，湯底真係無得輸，好好味！對我嚟講微辣就已經好夠辣味，啱啱好

酸辣粉，是一道我非常喜愛的中國傳統小吃！🍜😋紅油色澤佈滿湯面，係肥膩，但相當誘人，令人難以抗拒的誘惑🌶️❤️。一把嫩滑的粉條搭配上各種豐富的配料，讓我嘴裡的味蕾立刻陷入了狂歡⭐。每一口都有著濃郁的酸辣味道，酸辣的滋味在口中綻放，讓人興奮又滿足！辣椒的香辣刺激著舌尖，讓人忍不住喘息。而且這碗酸辣粉的酸味也很平衡，不會太酸膩，剛好能刺激我的味蕾，增加食欲😍。陳皮魚蛋好香陳皮味🤩🤩🤩此外，加入榨菜、花生碎等調料，讓酸辣粉更加豐富多樣化。立食係熱同辛苦少少，但咁先符合街頭小食嘅風味嘛🤤

人人都話好好食，今日下午4:30行過見到只有一兩個人排隊，咁就順便去試吓啦！叫咗個重慶酸辣粉…要中辣….. 再加多一個餸…. 豬大腸，又幾好食喎！辣度同埋酸度啱啱好、份量都唔算少。大腸又爽爽地幾好食😋！正！

人氣酸辣粉 好彩唔算好多人排隊食過咁多間酸辣粉呢一間係真係最好味，令人最掛住嘅酸辣粉真係酸辣粉嘅世一 叫小辣唔算好辣不麻得過癮唔係太多酸辣粉有呢個感覺紅薯粉煙靭彈牙 真係好好味食過好多次啦 都保持到水準 真係要讚下 希望佢唔好變質肥腸好味 無論係湯底定係紅薯粉都係世一支持本地有質素嘅食店 每次食完都好開心好滿足旦王其他嘢都好食 不過最鍾意都係酸辣粉可能唔係個個都鐘意麻 不過呢個麻食完個掛住佢幾個姐姐做到冇停手 不過都唔黑面 快靚正

同朋友叫咗個麻辣燙,跟咗豆卜、蘿蔔、魷魚,蘿白好甜好甜,魷魚好彈牙爽口👍🏻個汁唔錯 酸辣粉亦都唔錯,紅薯粉煙煙韌韌👍🏻湯底酸辣度調校得啱啱好,想食辣嘢過癮下係唔錯嘅選擇

第一次食酸辣粉就去咗食旦王，點知果然真係如傳聞般一樣咁好食！當日我就叫咗正常嘅酸辣粉再配豬大腸同埋蘿蔔。豬大腸超肥美，然後洗得乾淨亦醃到好淋，可以咬到，份量亦都俾得多。另外，蘿蔔亦都好甜同埋好腍。酸辣湯底方面酸味較重，個粉亦非常煙靱，好食！雖然多人排隊，但只要癮起，都會照去排隊買嚟食

每次經過旺角都忍唔住去買返一碗酸辣粉🥰雖然次次都要排隊，但好在姐姐們動作超快～·酸辣粉旦王啲薯粉真係好煙韌！就算拎到返屋企先食，啲粉都唔會爛曬。再加埋啲肉醬真係超正！有一次我仲加佐酸豆角，9蚊一份，姐姐俾佐超多！開心子！重口味人士每次連湯都唔放過～建議大家外賣嗰陣要分湯👌·魚蛋係我最愛嘅陳皮魚蛋呀～旦王嘅調味真心唔錯，辣度適中！·豬大腸一開始見到啲白色豬大腸嗰陣⋯真心覺得唔開胃😂但食落又覺得真係好好味，而且洗得好乾淨～推薦！·