旦王

Open Now

Now Closed

食左咁多次keep到心準！真心推薦☺️餐廳無得坐 只提供企位或外賣 就算無位坐 仍然有好多人選擇企係到食 我也是其中🤣🤣🤣🤣粉食落酸酸辣辣 另外有種麻辣感覺 特別推薦餸簡肥腸同蘿蔔 吸哂湯既精華好正！

今日難得經過呢邊，一定要黎食返碗酸辣紅薯粉，試過咁多間，呢間一定係最正宗最好味。雖然已經隔左好耐無幫襯，但味道始終都無變，都一樣係好味，只係價錢貴左。薯粉唔會過淋，口感煙韌，調味剛好，酸酸辣辣非常開胃，一口氣食兩碗都得

經過呢間，長期大排兩條長龍，左邊係買小食，右邊係食酸辣粉！👉🏻叫左豬大腸+蘿蔔細碗就$29，大碗就$36，外賣加$1，今次叫左大碗，可以自選湯，加麻辣或蒜粒，蘿蔔比左好多，不過大腸就比少左d。。。蘿蔔非常甜，亦好入味，真心推介！豬大腸如果好煙靭，非常有咬口，如果比多d就好！(5星為最高級)味道:⭐️⭐️️️⭐️服務:⭐️⭐️衛生:⭐️⭐️⭐️抵食:⭐️⭐️⭐️📍旦王 (旺角)旺角弼街72號地舖

一間多元化的小食店一店做2款生意除了做魚蛋、燒賣、碗仔翅、生菜魚肉等的街邊小食仲做嘛酸辣粉可以堂食或者外賣都可以堂食只有企位酸辣粉外賣同堂食會用不同的碗湯可以分開裝（不過外賣盒就要加多$1）酸辣粉不外乎都係大、中、小辣（香菜、炸菜、花生）可按自己超好要多少或者不要湯底：清湯、麻辣、酸辣粉：薯粉、米線還可以加餸（如：蘿蔔、豬紅....)有點似車仔麵臨近過年前又加左$1酸辣粉（大辣）外賣有$1外賣盒收費另到回家個粉都熱的每次好耐無食都會掛住它的辣食都最後都會好多油同肉碎剩下🙈🙈🙈

旺角🔺旦王必叫items 蘿白+腸仔 如果有follow開酸辣粉關注組既朋友相信大家都唔會陌生🌈旦王旺角弼街72號#kobe旺角 #hkgirl#旦王 #旺角美食#hkfoodie #hkfood

依間「旦王」基本上唔洗多介紹，中意食辣或者係特別中意食酸辣粉既朋友仔一定會識得同埋去過依間「旦王」。雖然基本上係人人都識，但自己都好中意食酸辣粉，所以一定要將佢放落自己既食評入面😝去到弼街，你見到有一班人等緊野食或者企係道食緊野既就會知果一間係「旦王」，加埋佢大大個黃色招牌，好易會認到。黎到緊係要食酸辣粉，今次叫左小辣，配料就叫左「爽脆墨魚鬚」同埋「牛柏葉」，價錢大概同出面食車仔麵差唔多價錢，所以唔算貴。咁多年無食，但水準都仲keep得到，可能天氣凍加太肚餓既關係，好似仲覺得好食左。墨魚鬚同個名一樣，夠爽脆，重要夠大舊，好有趙口，但記住慢慢食，唔好哽親😆牛柏葉都係夠爽口，加埋個湯一齊食諗返都流口水🤤重點既薯粉亦相信係每位朋友仔最愛，因為薯粉夠煙煙韌韌，加埋個湯酸酸辣辣好開胃。雖然睇相好似好多辣油咁，但食落唔會覺得好唔舒服或者太辣，加埋花生肉碎，正😆

🎈#cathlife_yum 旦王⛳️🚨暫時最好食嘅燒賣🚨🌸旺角掃街必食旦王🌸 🌸馳名酸辣粉🌸════════════════════💨入選香港小食排名嘅旦王相信有不少人食過，皆因佢嘅酸辣粉真係掃街冇得輸！今次要食嘅係#燒！#賣！꧁••••••••••••••••••••••••••••••꧂🔸秘制燒賣王 ($̆̈)̆̈🌟口感軟糯😋☻︎好食嘅燒賣不單要有魚香，仲要有口感，尼間燒賣口感軟糯、帶點煙韌🌟重點是 燒賣豉油🤤☻︎望落好濃稠嘅豉油，但鹹味適中，吾係溝水溝淡味個啲，尼隻豉油配燒賣冇得頂！💭有冇人同得一樣，會加甜醬食燒賣🤭—————————————————————💞回頭指數：5/5💸人均消費：～HKD20

禮拜六2點幾要喺太子食午餐但又唔想等位，見天氣唔太熱就試下呢間（之前想試但天氣太熱直接放棄）。叫左豬紅肥牛魚肉酸辣粉微辣。整體唔錯，但因為啲餸係就咁加落去，肥牛無乜味，豬紅同魚肉搭住湯汁就幾好食，再食一定唔會叫肥牛。但3餸59蚊以要立食環境又唔特別乾淨嚟講稍為貴少少。立食係佢隔離有間舖仔，靠食客自律，所以未必好乾淨。

酸辣粉同魚蛋真係必試！ 味道夠哂正宗 雖然係立食 但平日都好多人黎食！麻辣既味道好足 夠哂川味 魚蛋有咬口 係陳皮魚蛋黎！酸辣粉好正 每次食完都好想再買多碗食辣愛好者一定要黎食

入左社交平台香港酸辣粉關注組啲人吹到旦王好食啊好正啊 好啦 我都唔住呢頭今日渣車經開深水埗 兜入黎買兜試因為天氣好熱 買左外賣返屋企慢慢嘆 酸辣粉本身27蚊 加埋豬紅34蚊 份量都算多 但略嫌姐姐比辣太輕手 呢個所謂大辣唔夠辣 酸就有多到 薯粉拎到返屋企浸林左少少 如果現場食應該好啲 飲到最尾兩啖好咸 不過食哂都冇燒心 證明冇用到啲不明大陸化學野 仲算良心 下次再幫襯要叫特辣 或者叫姐姐重手少少 冇谷友講到咁正 只係對得住價錢

一直以來都想食呢間，今日終於有機會試到喇！望咗一陣餐牌就決定食咩，不過......A姐姐問完我食乜之後(有啲唔耐煩嘅感覺），佢就叫B姐姐幫我整，佢冇同B姐姐講過我要食乜，所以B姐姐又再問多我一次食乜😓我叫咗蘿蔔豬紅大腸酸辣粉，未嚟食過唔知會唔會太辣所以叫咗少少辣試咗先，個湯底係好夠味嘅，酸味係夠，有少少辣，我諗我呢個係輕量版嘅酸辣粉，如果食得辣嘅人可以叫中辣，碗野有好多炸菜喺度，最鍾意佢個湯底有啲豬肉碎，佢啲餸都算多，蘿蔔正正常常，如果係個湯度浸耐啲會好食啲，豬紅味道都係正常，開頭見佢個大腸係白白地色冇乜期望，但係食落去真係勁好味，令人食完一舊又想食另一舊，佢啲大腸煮法好特別，唔係滷過嘅大腸，純粹係食新鮮爽口彈牙嘅大腸味。立食區環境麻麻地，枱面污糟，當日地下仲有隻小強，但係A職員入完嚟都唔執下，又唔抹枱......

最近係網上嘅關注組見到好多人極力推介🤪令到個關注組差唔多變成旦王關注組🤣🤣-酸辣粉一碗$27（配香料，醋，肉碎，花生等），可以另加配料👍🏻👍🏻😚因為餐廳只有立食🙈所以今次就見左外賣翻屋企食🤗🤗估唔到拎到翻屋企都咁熱辣辣❤️-薯粉：唔會過淋，叫外賣會自動分湯，就算翻到屋企都唔會痴埋一舊🥳好煙韌👍🏻豬紅：好滑🙏🏻魚蛋：係陳皮魚蛋😍好香陳皮味👍🏻亦都煮得好人味😊豆卜：推介！索哂啲湯💯肥腸：好似個個都叫👍🏻肥腸真係要夠肥先好食😘但又唔會肥到好油膩嘅感覺😍好食🤗-今日湯底叫左多酸小辣🤣對於鍾意食酸嘅我真係覺得呢個酸度先至夠👍🏻👍🏻

#Fat99eat旺角❤️突然口痕想食個酸辣粉 諗起呢間旦王🤤啲人推介話食酸辣粉就要食呢間 雖然呢間酸辣粉好似屹立左係旺角好多年但Fat9真係未曾試過🥴見佢呢排咁出名 Fat9襯下熱鬧去試試佢先✌🏻佢係有堂食 但就要企係到食 如果大夏天食呢Fat9係會選擇外賣 因為太熱頂唔順咁樣企係到食😿如果佢可以坐係到食就真係100分😀﹊﹊﹊﹊﹊﹊﹊﹊﹊﹊﹊﹊☞豬腸+豬紅酸辣粉 45$Fat9好鐘意食酸辣粉啲肉碎😹見佢整緊個時佢係比勁多肉碎唔洗錢咁 Fat9已經暗地裡自high緊🤡佢既麻同酸都可以就番你自己想要多與少 自己同番姐姐講就得架喇😚而佢既豬腸同豬紅都係必嗌既配菜 真係極推介佢既豬腸 肥而不膩 佢夠肥但又唔會食落口勁多油 係肥得岩岩好 又有咬口🥰呢個豬腸叫兩份都完全唔誇張😋佢個豬紅好入味 但有啲遜色既係佢既豬紅比較易散 但味道係一絕 都可以叫黎試下😽佢既紅薯粉既煙韌度係煮得岩岩好 又有咬口真係好好食😍下次經過旺角想食紅薯粉係真係要試下呢間旦王 夠哂出色 Fat9心中首選酸辣粉啊喂 個味夠哂正宗🤩!!!!!﹊﹊﹊﹊﹊﹊﹊﹊﹊﹊﹊﹊↬味道: ☻ ☻ ☻ ☻ ☻ ☻ ☻ ☻ ☻ ☻/5↬服務: ☻

鐘意食酸辣粉一定有聽過旦！王！係關注組幾乎每日都會睇到有人食同介紹，小妹都忍吾住了🤩終於試咗🤩吾叫餸$30有找❗️❐ 酸辣粉加韭菜餃同魚皮餃🍜小辣 $50評分 ▮ ▮ ▮ ▮ ▮ ▮ ▮ ▮ ▮ ▯ 💁🏻‍♀️推介❗⟰ 酸辣粉粗度正常，煙韌有口感又唔會韌到咬唔斷好似橡筋咁💫⟰ 每條酸辣粉極入味整體吾算油💥⟰湯底開胃最出色係嗰隻酸味唔度度都食到，易入口得黎係食完會啖啖回酸個隻好特別💦吾怪得知✨人人食人人推介✨平時怕酸建議可以叫小酸配中辣🌶🌶⟰ 韭菜餃🥬大大隻好驚喜係人手包既，餡料勁多韭菜好香而且入面d肉好鮮嫩又多汁💦⟰ 魚皮餃🐟最怕一咬落去成口油，內餡料彈牙而且冇油膩嘅感覺好味❗️🍚推介指數☻ ☻ ☻ ☻ ☻ ☻ ☻ ☻ ☻ ☹ (10為最高)

花園街已經少咗好多小食舖，喺弼街只係見到呢間小食就試呢度嘅魚蛋，買咗20蚊一碗，14粒。見到好多人都要酸辣粉，但我今次唔肚餓所以就淨係食魚蛋。魚蛋好香嘅陳皮味，咬落去好牙，都好滿意。汁就係好香嘅咖哩汁，阿姐仲話唔夠可再加汁。