明記甜品 (吳松街) (Closed)

Green bean 綠豆沙 $18成日食燒肉，打邊爐的我當然覺得好燥熱，所以今次專登試下這間小店，長期性冇位坐咁滯，今次叫左綠豆沙，都叫熱賣見吾少人食味道足料吾太沒，有陳皮香和少少海帶，但覺得吾夠綠豆粒，因為知道湯都溶左吾少，如果咬到多少少仲好，所以以十八蚊黎講都已經吾錯幾好味仲都幾飽肚添

雖然而家D甜品好多元化但係中式糖水一直都係小公主既最愛可惜既係中式糖水店愈黎愈少而佐敦明記就係其中一間喇明記賣既糖水都有十幾款麥米糖水 + 湯丸 ~$22都唔知幾耐未食過麥米糖水見到果時都唔知幾感動味道唔會太甜，食果時有d麥米同花生咬下湯丸係芝麻餡，夠煙韌連我男友都爭住食木瓜雪耳糖水 $20糖水唔係好稀，係黏黏地甘證明真係有用時間煲過唔係是但滾兩滾食落唔會過甜但又有木瓜香味咁先賣$20碗，幾多糖水店收成$30都冇咁既水準雖然係半露天咁坐不過好食就唔緊要啦如果有遊客/朋友黎香港都可以帶佢地黎食下咁地道既糖水

最近成日睇好多韓劇同埋日劇，好羨慕入面啲女主角點解可以食咁多又靚又好食噶甜品，但係又唔會好肥，於是我決定帶埋吖A過嚟試下！！椰汁西米露，味道算唔錯，畢竟價錢唔貴可以做到咁，真係算ok！西米露好香好滑，不過椰汁噶味道就稍微淡咗些少。芝麻糊糖丸，芝麻糊甜而不膩，甜度啱啱好，入面仲有好多小丸子，口感好特別！豆腐花，好滑吖，我自己就鐘意落薑汁，同其他甜品鋪噶豆腐花應該差唔多。我最鐘意食呢度噶番薯糖水，好多番薯，啲番薯仲好淋添~~，糖水好甜同番薯一齊食簡直系絕配吖！！

跟大胃王晚飯完畢，準備歸家，想起米飯班主跟一家之煮差不多放學，倒不如買碗糖水回家給他們吃~~ 剛巧經過明記，見有不少客人，就試試它吧~ 反正沒有試過，就隨意挑兩款喜歡的吧~花生麥米粥 ($18) 煲得綿滑，用料亦非常豐富，每一口都食到開花的麥米跟有嚼勁的花生，清甜潤喉，只見米飯班主密密食的，輕易的把這碗飽肚的麥米粥吃光光~~烏黑色的芝麻糊 ($18) 濃稠厚身，芝麻香氣撲鼻，味道甜而不膩~最重要的是，這碗芝麻糊貨真價實，並不是那些開水的芝麻糊，所以才會那麼濃稠，亦食到磨得幼細的芝麻粒!想不到，明記得糖水質素不錯，難怪那麼多人排隊~下次可以再Encore呀~

每次去佐敦一帶晚飯， 都好心急想去明記食返碗糖水先食飯， 但次次都比我身邊個肥仔反對， 一定要我食完飯先可以去食糖水， 否則唔比我食 !! 我有次就係會合佢之前用左10分鐘自己去偷食左先碗喳咋先 . 其實我真係好鐘意食亦好為食！！言歸正傳講返間糖水店先，呢間店名雖然叫明記甜品， 但佢地冇賣什麼棉花冰、奶凍、布甸。。。等等甜品， 只賣十幾蚊一碗嘅傳統中式糖水。 甜品中我最愛係紅豆沙， 但食過頭幾次後， 呢幾年我每次到此都並非食我最愛， 而係我第二最愛凍喳咋，原因唔係佢嘅紅豆沙唔好味， 而係佢嘅喳咋正過紅豆沙， 呢度嘅喳咋我個人認為係全港最好味最真材實料嘅喳咋， 入面有嘅所有紅豆、紅腰豆、三角豆、眉豆、麥米、芋頭粒。。。樣樣都煲到好淋但食落又有口感， 甜度又唔太甜啱啱好。 我有次好過份， 一次過食左2碗！另外， 我個肥仔每次陪我來都係食芝蔴糊加湯丸， 佢話呢度嘅芝蔴糊好得，又唔會水了了, 湯丸又多蔴蓉。唯一唔好係因香港法例唔比佢地擺檯出門口空地開檔， 而店內又三張檯仔可以坐低食，所以有時去到要等位， 有位又坐得好迫， 食完又要快D起身埋單走輪到下一批人， 最好係 6-9 點呢段時間冇咁

我比較小食中式糖水，但喺佐敦試左好多間新式甜品後好失望。所以今次試下中式糖水。糖不甩好好咬口，唔會好硬。抵讚～木瓜雪耳好清甜，雪耳有林有爽，雖然我本身比較喜歡林嘅雪耳。不過都唔錯～ 芝麻糊加芝麻湯圓都算滑身，唔會好似沖包芝麻糊咁太過甜～ 蛋花馬蹄爽，馬蹄真係好清爽，不過我就覺得有點偏甜左小小咁多多。 雖然舖仔細，坐出面好有懷舊街檔嘅感覺。但喺廟街附近都算唔錯。等嘅時間基本上係唔駛等咁濟，見住佢客如輪轉，可想而知啲姐姐嘅服務態度當然係一般啦。但食物質素喺佐敦黎講算好。比起啲所謂新式甜品好出太多了！下次再黎食過^^

渡船街附近食完BBQ，諗住去附近甜品店劃句號，點知間甜品舖係咁入4人枱，完全唔理先到既我們，嬲起上嚟決定走人，行出佐敦往地鐵既路上時途經廟街，見由大學畢業後好耐冇嚟過，於是往內走走。這裡唔覺唔覺發展到成個台灣夜市咁，除左街口多左廟街既牌坊外，成條街又掛哂旗仔，啲排檔又開到成行成市(由以前既煲仔飯﹑蠔餅演變到較賺錢既辣蟹)，完全唔同哂咁！(我講既係近佐敦嗰邊，油麻地嗰邊可能仲係蠔餅煲仔飯都唔定架！)行行下見倒有間明記甜品，以為係西灣河嗰間既分店，諗住有得食較新式既芒果凍餅，所以坐低左，但看餐牌便發現兩者沒關係的，此明記係食中式糖水既，都唔緊要啦！都坐低左，食番個好耐冇食既蕃薯糖水啦！有凍或熱供選擇，我真係未試過食凍既，橫豎食飽飯都口渴，於是點了凍吃。沒多久甜品嚟了，喝一口糖水，夠凍且有薑味，蕃薯夠腍亦入味，估唔到凍吃都好味喎！老公則點了凍既馬蹄沙，有蛋花的，佢話味道係唔錯，但佢嗰碗唔夠凍，扣左分。每人最低消費15蚊，我地既糖水就正正係每碗15蚊，其實佢選擇唔多，都係大路既紅豆沙﹑綠豆沙﹑豆花等，上得又快，要坐街邊冇冷氣嘆，大家食完都即閃呢，點解要set最低消費呢？不過佢俾你喺隔離檔買咖哩

日式晚餐過後，感到很想喝一口中式甜品，還好這時看到明記甜品，就進去品嚐一客了來了兩個甜品，木瓜燉雪耳：用料份量頗足。如圖所示，木瓜多，但不太甜。雪耳是有點爽口的，我喜歡。紅豆沙加湯圓：紅豆沙的紅豆是粉了，但沒有和糖水混得自然，芝麻湯圓也是正常貨色。以這價錢來說，其實還算是很超值了；二十元的糖水，附送一隻呆坐的貓，晚上的甜點，不用太奢侈。

“明記”和”佳佳” 兩間傳統甜品店, 可謂其鼓相當, “佳佳”已由小店搬到對面的大店, 唔知”明記”何時會擴充?與友人都係比較喜歡傳統店的坐街邊, 腐竹糖水加一隻蛋, 腐竹已經煲至全溶在糖水中, 香滑但濃度不高, 雞蛋切開後混在糖水中, 味道與口感都不錯.蕃薯糖水, 蕃薯多, 五大舊, 但煮得未夠淋, 些少硬, 些少實, “粉”度不足, 味道尚可, 薑味不夠, 欠辣度.店外有貓兒行走檯底之間, 別有風味.

本身食開另一間咋喳店…可惜到年初5先開市。行經此地，又見到呢間舖頭有得食喎就去試下。天氣凍凍地，就試下來個熱食咋喳先(要加椰汁同淡奶)一黎到噢…比我想像中出入好大，自己心諗:可能味道唔差呢點知…令我好失望喇!太多西米，煮得耐自然好似糊仔咁…一啲都唔好食可能唔係我杯茶啦！食多兩啖感覺好飽，一啲都冇食糖水feel…食左一半都放棄了

在佐敦想吃一口中式糖水，除了源記的喳咋，佳佳的合桃露，還有一個選擇，就在吳松街的明記。我之前只是過門而不入，這晚與K先生，叮爺，C小姐在附近晚飯後，有人提議來此，試試其中式糖水。每人一碗糖水，另外加個糖不甩，給大家分享，丸子入口煙煙韌韌，沾些芝麻與砂糖一起吃，甜甜地挺滋味的。芝麻糊味道香濃，質感頗豐厚，濃凋杰身。友人點了黑白，芝麻糊加豆腐花，聽他說還不錯。雖然談不上驚喜，但勝在穩打穩紮，價錢也便宜，想到近年中式糖水店，經不起業主瘋狂加租，而逐一結業，心裡除了嘆息之外，同時亦還可以坐在這裡，來一記芝麻糊，糖不甩，已算是幸運。

呢間店是有歷史的糖水店,環境很細.店內根本無位,全靠出面四張摺枱.同摺椅做堂食生意,而餐牌就在貼滿在店的前面,其實現在秋涼,吃一碗凍的糖水都係五至十分鍾,環境差一點,也不緊要.服務:店員是一位阿姐,非常友善,有禮地招待客人.賣的糖水主要傳統中式為主,最西式的都是生果涼粉,多數二十元樓下有交易.海帶綠豆沙:我嫌太稀,亦無香草味,綠豆份量偏少,亦沒有起沙.幸好沒有過甜.感覺就像喝較溶的綠豆水.如果要比較我在荃灣同深水埗,也吃過比佢便宜.品質比佢好的綠豆沙,埋單只是15元..便宜...若有機會,下次我也會再試其他糖水

這夜跟食友在佐敦吃完晚飯, 沒甜品下肚始終覺得欠了什麼似的.馬上查一下附近有什麼糖水店, 佳佳? 上次吃過覺得不太特別; 松記? 自從吳松街那家搬來了之後就不需要特別來吃. 正有煩惱之際, 友人說附近有家明記糖水, 大家都未吃過, 好! 就馬上出發去試試.來到門口, 店子不大, 內裡只有2,3張小枱, 坐得頗擠. 主要食客都是坐在店外露天地方. 店阿姐見我們一人四人來到, 熱情又爽快的馬上執好門外的一張4人枱給我們. 不過吃個甜品不用花太長時間, 我們都沒所謂了.這裡賣的主要都是中式糖水, 款式都算幾多, 而且大部份還可以來個雙併. 價值全部劃一單併的HKD$15, 雙併的HKD$17. 我們先點個古法糖不甩 (HKD$13) 試試一碟有6粒, 糯米團子體積比我想像中要大顆. 入口還帶點暖意, 團子煙煙韌韌軟棉棉的, 沾上旁邊的沙糖跟芝麻後, 味道不會很甜幾好味. 但覺得如果團子再做小一點應該更容易入口咀嚼吧.宅女去糖水店, 其實很少會點西米露或腐竹雞蛋糖水等, 因為自小媽媽在家閒時都會煲來吃, 長大後在外吃到的永遠都覺得不及家母手勢好, 所以無謂浪費QUOTA了.這晚突然想吃個咋喳

天氣干燥，晚上經過廟街滋潤的糖水是充電的好選擇。三人行，點了凍冰糖木瓜雪耳糖水及兩個熱白果腐竹雞蛋糖水。凍冰糖木瓜雪耳糖水材料十分足，木瓜很多，雪耳都很大塊，不是碎掉的平價貨，是干燥季節的好選擇。我和另一朋友則點了正氣的白果腐竹雞蛋糖水。他們的腐竹糖水是沒有腐竹片的那一種，完全溶化掉的腐竹十分香濃，沒有淡口之感，白果在現今較貴的食材也出孚意料之多，去芯很徹底，沒有苦味但有銀杏本身的甘香。下次有機會會再一試其他的糖水。

本來系想去源記的~~~不過覺得有d累~甘啱又見到明記~記得尼度喳咋既評價都系唔錯的~~所以就去叫左碗~等候期間仲聽到有人買外賣~~老闆娘大叫"芝麻糊行街"~~好耐無聽過依d叫法~~感覺好有趣叫既系熱既版本~~撈勻椰汁同花奶后就即刻開動!!!稍微甜左少少啦~~但食完都唔會話覺得口乾咯~所以可以接受有好多豆~都煲到好霖又易入口~~~~西米透明到幾乎睇唔到~~但就啖啖都食到它既存在記得好多人話源記d喳咋得一塊芋頭~~~而明記就唔會啦~~~~我依碗起碼都有5塊~~雖然好細塊~~但夠粉夠好味！！！！寫寫下又覺肚餓了~~而且只賣13蚊!!!!真系又抵又好食咧!!!老闆娘亦好親切~~下次要來試芝麻糊!!