易拎腸粉

Open Now

Now Closed

今日27-11-2024下午打算去買嘢食俾小朋友放學做下午茶，首先叫了腸粉（$18/7條），跟著叫章魚小丸子（$16/6粒），幫我手個姐姐好似唔太熟手，入面果位姐姐就走岀黎幫手喇，佢同我講：不如（$19/7粒）俾埋你，我話：唔使喇！唔該！佢再講（$18/7粒）俾你啦！我再答：真係唔使喇！我仲有其他野食架！佢再話：我淨返一粒好難賣架喎，你要埋佢啦⋯⋯重覆講講講講！我就話喇，我6粒夠架喇況且我仲有其他野食，我真係唔使要喇，同埋你唔係送俾我，又唔係平左俾我，你係賣淨左係咁迫我要！態度惡劣！好似我唔買果粒欠左佢咁😅，我黎買野本身係開開心心，搞到我一肚氣！之後仲離譜，我見佢外面寫住牛肉球（$14/3粒、或者係$5/粒），咁我之前已經同果位唔熟手個呀姐講：要牛肉球3粒！跟著態度惡劣既呀姐走黎同我講話，依款係酒樓牛肉要$6一粒！我話：你出面寫住$14/3粒架喎！我唔知你賣咩酒樓唔酒樓牛肉，我淨係見到你寫住左$14/3粒姐！最後佢夾住2粒牛肉係我面前話酒樓牛肉黎架！🫠🫠🫠，最後佢只有2粒，咁我就要埋啦（收$10），買完真係激到我一肚氣！唔係個女想食都唔想幫襯呀！做生意做到佢地咁樣真係唔會再幫襯囉🫠，絕

如題本身幫襯開 但轉咗手之後真係越嚟越難食燒賣同腸粉都好少少 冇咁易中伏但章魚小丸子真係好難食 冇食過咁難嘢嘅勁厚食 一啲都唔脆 好似食緊蛋糕咁😥啲比例可以再調一調⋯唔建議大家去呢間嗌章魚燒 一定中伏🙏🏻

黃大仙呢間腸粉喺馬路邊，好早就開門，店內都有得堂食，不過就得兩人嘅位。平時經過都會買一份當早餐食。🙋🏻‍♀️腸粉 （$13）一般我都係買外賣拎返屋企食，我會叫多豉油，少甜醬加麻醬同芝麻。有時同老闆娘講咗要多豉油，但佢比得唔夠多，所以每次我都會重複多幾次叫佢多豉油😂😂腸粉好滑身，同埋啱啱蒸出嚟係熱辣辣，加埋啲豉油混合一齊，非常夾❣️除咗腸粉仲有得叫燒賣魚蛋同埋豆漿，粢飯都有。豆漿老闆娘話係自己煮嘅豆漿，有凍或熱可以揀。係一間非常唔錯嘅早餐店。🥳

經過附近想食腸粉，叫左6/$15，見佢混醬既時候都心知不妙，所以醬汁都極少，所以即刻同阿姐講要多醬，阿姐即刻比多兩滴豉油我，感恩！算，照食，但真係太少醬汁，太淡，食咗一嚿，成包掉左，買個教訓！不會再試！

今朝去左呢度附近買餸，貪佢價錢都好貼地，買完就諗住順便買埋早餐返屋企，就見到呢間易拎腸粉。之前聽過住附近既朋友話過呢間腸粉好好食，所以就決定買黎試下。腸粉佢有兩個價錢，$7/4條同埋$10/6條。價錢都相當之抵食，咁我就梗係買左$10/6條，因為買完餸都十分肚餓架啦。 腸粉叫左佢要多醬多芝麻，果然好好食，腸粉夠晒熱辣辣，食到腸粉既皮都係好滑，醬同埋芝麻都有比多，好惹味，仲要十蚊雞黎講真係食到非常之飽，抵食

未試過食燶既雞旦仔 乾既腸粉 乜啲汁好貴咩 越食越嬲 要外賣 但又乜都唔俾點食 叫碗仔翅又冇匙羹 所謂既芝士雞蛋仔 變左 特燶雞蛋仔 超過份 一啲成意都冇 呃人 冇成意 邊有人咁做生意咖 全部都唔食得既

香港地鋪租最貴，想食平靚正既野有d難，好在我住呢區屬舊區，好多鋪頭都係自己鋪，變相可以賣平d，益街坊，夠親民。今日遲左食早餐，lunch time 唔多肚餓，就等到tea time 先去搵野食，但又唔可以食太多，唔係dinner 就食唔落。左諗右諗，都係去做個腸粉，拎堆食物盒、私家杯去買外賣。（環保出一分力）一個腸粉餐+6粒，仲包野飲（除豆漿外，仲可以選擇紙包飲品），都係$15。出面冇$20 唔使諗啦！睇以前有人話阿姐問落唔落豉油，好似好怪咁。咁其實人人口味唔同，阿姐都係問清楚者。今日老闆娘仲倒左好大杯豆漿比我....哈哈！親民街坊小食店👍🏻👍🏻👍🏻

今日女友黎接放工 ！ 係咪好幸福呢每次佢黎，都例牌會買d 野食一齊食！ 而今日佢就買左腸粉燒賣。 由細食到大都唔會厭！ -女友話加埋杯豆漿，總共$15 套餐，其實幾抵食！ 而依間位於慈雲山既「易拎腸粉」係我女友經常都會幫襯的。魚肉燒賣有6粒，每粒都煙韌彈牙，加埋少許辣油更惹味； 白滑腸粉四條，軟熟度適中，腸粉本身淡而無味，精華在於醬汁！ 甜醬與醬油，再灑上芝麻，簡單美味！ 如果有埋麻醬就更好，但總括而言，這間小店也不錯。 更何況是女友的愛心外賣

有陣時冇咩時間整早餐嘅時候, 我都會去距離屋企好近嘅易拎買早餐. 點解會擇易拎呢? 我最愛易拎嘅一個地方, 就係佢真係好平, 而且食物味道都唔錯. 一個撈面只係賣6蚊, 腸粉賣4蚊4條, 真係好難搵到啦! 阿姨動作又快捷, 實在係每朝番學之前的早餐首選.(別買魚蛋和燒賣, 味道有點...差)

要左兩串燒賣，加甜醬，竟然回應冇甜醬。之後問要唔要腸粉…講真冇甜醬又點食腸粉呢!!!係咪要自備甜醬??仲有明明我排先，人地叫多d野就俾先。總之唔會有下次，第一印象已經唔好！

一向喜歡到Pokka, Supersandwish, 黃金海岸吃早餐的我，因為工作緣故要到黃大仙上班，就不知不覺愛上了易拎腸粉。腸粉質地夠滑，不會難，不痴口，一個字正！至於醬汁，本人認為剛剛好。明顯各種醬汁都是特意調稀了，因為吃腸粉最重要就是每口都有足夠醬汁，一般腸粉店，就把原醬質地放於腸粉，只會令一口太咸，一口就不夠味道。醬汁的調教是一流！最欣賞的就是老闆娘的有禮細心，整清，非常衞生！每天一樣，她必定會用乾淨手套取腸粉，處理錢前一定把手套取下，取下時另一隻手不掂手套，每天如事，十分講究！

去完黃大仙拜神正好喺附近搵食，因為覺得呢區應該好多隱店，左行右行，上斜落斜，最終呢間吸引我。佢個招牌係賣賜粉，當然要試吓啦，5條$5算平，本來諗住企埋一邊食，但原來佢入面可以坐，不過超細超窄。D腸粉幾彈牙幾滑，俾我想像中好，幾似深水埗好多人排隊果間，不過再落多D醬就更加好食。呢到仲有好多小食，雞蛋仔、格仔餅、燒賣、粉果、撈麵、小丸子等等，如果下次去黃大仙會再嚟呢到試吓個芝士味雞蛋仔

上次放咗學，覺得有啲口痕，咁啱見到有啲fd係度，所以就入來試下，間野非常細，一入到來個姨姨就非常熱情地問我食咩？我就求其要咗三粒章魚小丸子。 啲小丸子冇乜味，有少少硬，但個姨姨好好人咁再送一粒俾我 而我個fd就要咗個腸粉，冇咩特別，都OK啦。 嗰度的雞蛋仔都幾好味，搵日去食下啦！！！！！！

唉....睇完頭幾位食評後....開始有少少質疑open rice的價值....講返正題....lee間店完全唔可以講話好好食lor...d醬料同其他地方的腸粉醬比,差幾十班....總之腸粉的靈魂做唔好,完全唔可以話好食...以一間名為腸粉作主打的店,佢好失敗....因為腸粉都做唔好.....客人仲可以有咩期望....其他食物都只係普普通通....都唔明d人點解話好好味....論抵食.....以佢開店的地方,時間,品質,味道及成本...完全係賣得貴la....一個撈面賣成5-6元....真係好貴....總之,同樣價錢,我可以係旺角食到更好ge食物.....仲有,第一個比食評個人,我絕對反對佢講ge野,我有朋友係李惠利到讀,我去過佢學校到食飯....李惠利個canteen根本唔係人食ge,只求唔肚餓ge食物....我估唔到易拎腸粉只可以同這間難食到爆燈的canteen比美.......對第一位食家的食評感到好失望....

望見某D食評，見到有D好明顯係幫人/朋友俾個好評分吸引人，說服力大減講返正題呢間係一間主打係腸粉o既舖頭，用來調味的醬料差 (部分有色冇味，某些醬料中有怪異的味道)而腸粉質感又不算好以同樣價錢可以嘗試其他食店