星之戀

Open Now

Now Closed

行完大帽山後，回到同阿仔揾地食午餐，幸運地在這裏攞到枱。我之前已經在這裏飲過早茶食過晚飯，今日第一次同阿仔在這裏光顧午市。叫咗潮州粉果，沙嗲金錢肚，燒賣皇，彩虹蝦餃，小籠包，奶皇豬仔包，天鵝雀巢蘿蔔絲酥，蜜汁义燒腸。由於太肚餓，部分點心都沒有拍照。😅整體來說，點心味道都不俗，個別做型精緻，尤其是天鵝雀巢蘿蔔絲酥及奶皇豬仔包。天鵝的做型唔錯，最特別就是個雀巢，上面放在可以食的鵪鶉蛋😊，雀巢雖然可以食，但卻比較油膩。至於奶黃豬仔包，不少中菜館上這個點心時，豬仔都會走樣，但這裏則能保持它的樣貌。😊兩個人叫咗8個點心，埋單付＄392，價錢尚算合理。

上個星期日到星之戀晚飯，一心希望帶爸爸去，因為網上見到有一啲食評想試，雖然有其他套餐選擇，但我亦都希望叫一啲好啲，所以我點咗兩個湯一個係遼參燉湯連加一$200多一些，另外就叫咗蟹肉湯羹特價$88，點知蟹肉羹面頭係有煙，但係一入口根本只係暖和嘅溫度完全浪費咗個湯嘅味道！之後爸爸嘅遼參燉湯到，溫度亦是令人失望到極！根本唔夠熱，完全浪費晒，我亦都唔明乜嘢叫做燉湯點可能有燉湯係唔熱呢當時我哋亦都有向職員投訴，但係佢哋就敷衍咁話係呀好啊，我話俾廚房知係咁多啦！ 唔怪得啲人話香港食肆唔抵，職員又冇禮貌食物質素又唔穩定，冇生意怪得邊個！$200雖然唔係好貴，但係淨係一個人嘅燉湯都唔可以話係平，呢個經驗實在令人好憤怒以後唔會再幫襯！好失望，！連一間普通嘅屋村酒樓都不如！不知所謂！

其實第一次光顧，因為喺三樓所以好多時候去到 op mall 都冇諗過原來呢度有一間 中式酒樓可以飲早茶.... 呢度嘅好處就係如果好似我今日咁好彩 ，同家人就可以坐到窗口位，仰眺藍不勒海的美麗風景(大家亦可以參照我所影過的相) 早晨有孖寶當然唔好嘥叫咗兩個， 雞飯同埋生煎包； 另外一個就係 龍蝦湯鮮竹卷同埋百花釀三寶； 此外我在家咗魷魚， 早晨特價嘅貓耳朵牛肉同埋蒸排骨。 有啲驚喜杯茶唔錯 起碼冇嗰種苦澀味， 鐵觀音第一炮 飲到尾都算係咁。 少少唔開心咪就係 好似 鹹咗少少，唔知係落重咗定係落咗比較劣質嘅鹽。 臘味雞飯真係都算係咁，如果再加多小小肉緊就能夠做到蝦仔飯嗰種香味，希望佢哋繼續努力。 排骨就一般比較韌， 蒜蓉蒸魷魚好正不過都係比較韌。 大底來說都會再嚟幫襯，不過好可惜朝頭早原來要十一點半前埋單如果唔係茶水就會計多些小。

今次嚟到喺海之戀嘅星之戀，呢一間中式菜館餐廳有一個大閘蟹兩黃蟹逅大閘蟹位餐，原價呢就每位$898 ，但係而家做緊優惠價，每位只需要$598 ，而呢個優惠價呢只係適用於兩位或者以上嚟到用餐嘅人士嘅啫。佢個餐單呢就有成10度菜式㗎，分別就有山茶蟹粉小籠包，竹笙海皇燴燕窩，櫻桃鵝肝半冰鎮鮑魚、奇趣蝦多士、蒜香乳鴿、清蒸大閘蟹、蟹粉扒菜苗、富豪炒飯、同埋薑茶湯圓。咁講返佢呢10味菜都OK唔差㗎，而我最鍾意嘅係佢個蟹粉扒菜苗，同埋富豪炒飯雖然細細個細細碗，但係都食得出嗰個炒飯底嘅鑊氣，最後嗰個薑茶湯圓嘅薑味亦都非常之夠薑。

🐷炭燒叉燒用上鐵板上菜的叉燒 有點日式感覺 同時保持了溫度 就算吃到最後一塊叉燒還是保持溫暖 叉燒肥瘦兼具👍🏻但偏甜了一點點🤏·🐷冰燒三層肉這個燒肉真的很完美 燒肉外皮脆薄 肉的分布層次分明清晰可見 口感豐富咬下去香脆又帶有嚼勁👍🏻·🍯🍤蜂蜜柚子蝦球賣相吸引🤩可選擇元貝/蝦球 炸至金黃色的大大只蝦球🍤上層淋滿一層蜂蜜柚子🍯 再加上最面層一小片小青柑🍋‍🟩一口咬下去又脆又帶酸甜口味 很複雜的感覺 完全是味蕾的一大享受😋對於喜歡咸甜的我來說 這搭配一絕 店員非常貼心 蝦球很大隻 附上了刀叉🍴 整頓飯儀式感十足 哈哈哈 中餐用上刀叉 感覺有點高級😎·🫛碧綠淮山雲耳炒百合🥗很大一碟 蜜糖豆炒上准山雲耳百合 口感非常豐富 全部材料都非常爽脆😋·🥘金湯小米燴遼蔘用小蠟燭保持著溫度 顏色是鮮艷的橙色🧡加上滿滿的小米粒 配上滋陰遼蔘 特別適合初秋的一款湯水·🍲竹苼蟹肉燴燕窩美顏養生的燕窩 加上竹苼蟹肉 不知道為什麼味道有點像魚翅😂·🍠蕃薯糖水加上🫚薑的蕃薯糖水超暖胃🧡

同朋友夜晚嚟食飯都食咗二千幾蚊（6個人）叫咗幾個餸，簡直係差到不得了1.踏雪尋梅：用沙巴龍躉都唔緊要，條魚一出到嚟，蛋白過晒火候，實到不得了，啲魚都小腥，咁條炸魚仲大鑊，出嚟已經暖咗，仲要含晒油，699蚊呀大佬，好唔好意思呀？2.乳豬：隻豬完全冇肉食，得個肥字，不過百幾蚊，都唔係點樣投訴3.片皮鴨：出嚟個款係OK嘅，不過一食落去，肥到不得了，啲皮脆既，但係完全冇鴨味，好似食緊嚿肥膏落肚，我食咗第二件已經食唔到落去，另外鴨胸位佢有落啲魚子醬落去，又係肥到食到想嘔返出嚟，懷疑隻鴨係攞咗去炸🤦真係未食過咁嘅樣，仲要500蚊其他餸都中規中矩不過不失，都係唔夠熱平時食嘢都唔會咁高要求，不過收得呢個價錢，整到咁，真心躁底。如果貴公司睇到，我諗要好好正視問題，招牌菜都咁，真係拆招牌。

海之戀入面有間叫做"星之戀"既酒樓, 啲點心做得有D精緻,唔似啲集團有是但求期。 我叫咗個魚肉釀青椒, 佢D 魚肉煎得好香同個醬係用咗章魚小丸子既醬, 再加上木魚絲.....個概念都好特別, 食落好match 好好食。都叫咗個豆苖蛟, 個皮唔會蒸到"諗"晒, 有質感同埋入面D蝦都好彈，好好食。豬手煙煙韌韌, 質感好正, 佢唔係凍食, 暖暖地, 我阿媽都好鐘意食, 食過2次每次都會必叫。叫咗個桂花糕, 濃厚既桂花味, 都可以一試。

門口有部㩒飛攞位機，不過形同虛設😡知客不停帶熟客入座😤㩒咗飛睇住佢不停帶人入去！如果你要試呢間，都唔知會等到何年何月🤬把幾火，走人算啦😐不試也罷🥵幾好食就唔知啦，不過等到一肚氣😠

星之戀剛剛開業時，我們便開始光顧。起初覺得運作仍在起步階段，有些少錯漏可以接受和理解。慢慢，與最初的知客亞May 熟落了，被她友善有禮的服務態度感動了，便常常回頭光顧。但不知何故，亞May離職了。新的知客小姐多次向我們推銷糭卷和月餅卷。我們已經表明不需要了，因為身體健康𨶹係，不適合食這些食物。她竟黑臉說：你們不食，也可以支持一下我㗎啫⋯⋯那麼即是要我們浪費食物，也一定要買嗎？這是公司的政策嗎？自此之後，我們再次光顧的時候，這位知客小姐就對我們黑臉，愛理不理的，看來我們都是時候要轉場了！

晚飯一行五人，點咗一個四人套餐，另外加咗半隻堂剪奶豬以及一碟黑松露珍珠貝炒蛋。四人套餐份量非常足夠，尤其海味雜菜煲大大煲，材料豐富，當中使用咗大蝦乾而非蝦米仔，套餐各道菜式味道中規中矩。而當晚我們各人一致認同最好味嘅竟然係套餐外加嘅黑松露珍珠貝炒蛋，雖然價錢少許貴($148), 但勝在黑松露及珍珠貝份量很多，一啲都唔小家，黑松露味道好香，蛋亦炒得好滑好creamy。而全晚比較失望嘅就係隻奶豬，真係好肥，基本上三份之二係肥膏，食唔慣，皮係燒得好脆，如果唔怕肥嘅可以一試，半隻$158係抵食嘅，但我地下次就唔會再食。總括全晚食物隨咗奶豬唔太啱胃口之外，所有菜式都滿意，幾位女侍應招呼亦很好，坐位安排可能太多枱靠近海景窗邊位置，枱與枱之間空間比較窄小，出入唔太方便，或許減少放一張枱可以令地方鬆動啲。全晚消費$1975(連兩支啤酒及一個白飯)

星期日同老婆去飲茶，當時坐嘅位置比較近佢哋出餐嘅位置，我同我老婆分別見到兩個部長級嘅員工，喺我張枱嘅枱布度，抹佢嘅手指，第一個我喂咗一聲，然後第二個再嚟抹。。。。。。呢個態度我相信唔會再有下次光顧

晚飯中菜，望海食飯，坐得舒服堂剪奶豬乳豬皮香脆，但稍嫌肥，調腌味比較淡，但以價錢計算低食鮮菠蘿脆皮咕嚕肉用乾冰製造煙嘅效果，咕嚕肉再用隻豬托盤裝住，豬肉採用半肥瘦，肉質鬆化，外脆內軟，加上酸甜汁，配埋三色椒，新鮮菠蘿同洋蔥，非常開胃櫻花蝦珍珠貝炒新竹米大大碟份量足，米粉乾身條條分明，有櫻花蝦 ，元貝，芽菜，九王，紅蘿蔔及蛋，口感非常豐富清蒸海東星斑仔蒸魚火喉剛剛好，魚肉新鮮嫩滑大爺燒鵝皇熱辣辣嘅燒鵝，皮脆肉滑，油香十足星之戀小炒皇材料豐富，有蒜芯，魷魚，腰果，蝦干，豆干，仲有脆卜卜嘅銀魚，提升了整道菜嘅口感，味道唔會過鹹，鮮味為主

乳猪完全唔食得 ，好大騷味，北京烤鴨488，只有皮，冇肉，鴨架要另外加一百幾蚊加工,唔加工，冇得拿走？呢度好評係邊度來？冇第二次了，體驗非常差。經理態度又差，我都唔知點可以開咁久

一班朋友11人去慶祝生日飯，本來都想叫個套餐，但要成5千幾，我們女士比較多，又好多嘢食，怕浪費，所以我們就散叫大約8個小菜+炒米粉+炒飯+幾個小食，在下單時那位瘦瘦不高的部長在下單時不停說這個4人份量，要唔要加大，我們想試多幾個菜就沒加大，那部長就話「好嘢，咁多人都唔加大」，講咗幾次後，朋友叫佢覆單，怎知佢講咗兩個餸就掉下張單走人，朋友嬲得很，但就好好脾氣沒話他一句。過十分鐘左右回來話覆單，朋友就叫佢唔駛了，講真如果你有緊要事可以講聲比我哋知，話轉頭覆單可以了，現在這樣就覺得他在發我們脾氣沒有下貴單了，這餐飯不是太差，就這個部長的態度真的吞不下。最後有位女部長走來送上甜品，她好像知道發生什麼事，來補鑊般。如果他語氣態度好點都沒問題，因為這類環境都不錯，有境好舒服。

14/6朋友聚餐，沒有Order父親節套餐，只按餐牌散點，就被疑似經理/部長的男士單單打打，說「幾個小食、炒米粉，你好野呀」。一路點菜，無論平定貴，都不停問要唔要叫套餐、點龍蝦、食翅，亦不停講「你好野」，好冇禮貌，亦唔專業。席間其他食客都因其他問題話佢，只見佢扮唔知行開，佢啲同事就慘啲，要幫佢包底！如果唔比人單點，不如收埋個餐牌。希望酒樓管理層好好正視呢位員工待客態度嘅問題（你地啲食物唔差，其他侍應亦好好，係得佢一個🙅🏻‍♀️🙅🏻‍♀️🙅🏻‍♀️）！