星宇麵館 (Closed)

已經嚟過4，5次，午餐，下午茶都試過今次又係叫番鹵水雞翼水餃麵少麵，雞翼入味，水餃係我喜歡既韮菜，麵既質感我同媽咪都好喜歡，煙煙unun咁，唔會話浸得耐糊晒，一去再去既原因都係因為個麵。加左$6配豆漿之前已經試過佢地既招牌醉雞，酒味確係濃郁，凍冰冰啱晒呢個天氣，肴肉份量都幾多，餛飩同水餃好有媽媽整既感覺，如果鍾意食上海野既朋友，不妨去呢度試下。價錢都唔係貴，女士通常都叫少麵，之前無叫覺得太飽，男士正常份量都夠晒飽

擔擔麵肉碎，有質感和口感，(不像有啲店鋪一堆漿糊肉碎)講到湯底少辣，有香濃花生碎，紅油新鮮，講漏咗啲水餃，皮很薄，菜肉很新鮮，煮麵時間掌握得好剛好爽口👍，真心評價好過灣仔三六九上海店，真係要叫高行健嚟試下。

同老公放工後黎天水圍搵食、睇到呢間食評一半一半、但好想食餃子既我就決定去呢間試～餃子係韮菜饀、大大隻足料圍返5蚊隻都算係公價～最令人意外係呢個醉雞好好食、勁有酒味又入味又份量夠多⋯雞好滑⋯唔識分⋯但隻雞既雞油味好重⋯唔知係咪黃油雞～呢個醉雞好食過就咁單點醉雞翼⋯啲醉雞汁送面簡直係絕配⋯好好食⋯好少覺得醉雞可以咁好食但個排骨擔擔面就較為一般～下次如再食可揀其他試

住係附近，所以都食左好多次。見到openrice評價一般，覺得都唔係好公正。蔥油拌面:蔥油整得好香，好有水準，基本次次來都點。牛腩餛飩面:分量好大，價錢OK。最主要係我鐘意食佢d餛飩，大大隻，好好味。滷水雞亦K，正常。豆漿:熱既黑豆漿非常新鮮，雖然都有落唔少糖，但都算唔錯。另外加多左一個生菜，就甘一餐飯，食得開心又健康。呢間應該係家庭店，服務好好，唔係好明點解佢生意麻麻。anyway，to me，呢間真係OK。我會再來。

今日來到哩個商場搵野食, 周圍行發覺哩到都好多食店,有上海,日本, 西式, 茶樓, 小廚,快餐,韓式... , 真係唔知食咩好, 最後選擇左上海菜.入到去唔需要等位, 坐底望下餐牌, 見到有下午茶餐, 叫左個蔥油撈麵配2隻煎餃, 再配埋一罐氣水, 再加多一隻蛋. 食物上枱 ~ 賣相普通, 食一啖味道好好, 好香蔥油味, 麵既質地幾彈, 唔係一早煮好或者煮過熟, 再食啖餃子, 幾香, 餃子皮唔算太厚,不過味道普通. 總括食物質素唔錯, 不過賣相可改進!

點左 豬扒酸辣麵同餃子 講真好耐未食過d 咁難食既野 酸辣湯冇味都算 仲要吾新鮮 湯入面果d肉食落酸的 豬扒都係吾新鮮 d味道勁怪 食左一半巳放棄 唯一正常係餃子 下次吾會再來 感覺廚師完全冇誠意 勁求其 食物吾新鮮 永遠blacklist

今日一家4口去左天一2樓星宇麵館試食，環境不錯，係座位有點逼，叫咗煎餃，醉雞麵，豬扒麵，上海粗炒同紅燒肉麵，原來紅燒肉即是五花腩，煎餃非常香口Juicy，粗炒熱辣辣都唔錯，醉雞同麵分開上，醉雞非常有酒味，個汁直頭可以拿來拌麵，好食，最驚喜係紅燒肉，非常軟嫩，D肥豬肉入口即融，無得頂，麵質都非常好，爽滑唔會漿口，最怕食無質感ge上海麵，終於係天水圍搵到一間唔錯ge上海小店，一家人非常滿足，下次一定會再來。

難得響天水圍北, 搵到食上海野的店舖, 一於入去試食喇。舖頭細細, 但裝修唔錯, 見人流都幾多, 就去試食。是晚一家4口叫左鹵水雞亦湯麵, 醉雞湯麵, 紅燒牛腩麵, 鎮江排骨。上菜速度都快, 醉雞好味, 麵就清淡無味(因為分開麵和餸), 紅燒牛腩麵, 一睇已經見到好多油浮響麵, 食一啖就feel到成口油, 要用紙巾抹嘴先可以再食第二啖, 麵質係好食又滑, 但個湯底唔得, 同店員講, 仲話已經少油喇😨。連平時對食無咩要求的大仔都話, 唔會再嚟第2次囉。

天一商場新開左好多食肆，好多特式麵鋪，今次試吓上海麵，食左擔擔麵同雞翼擔擔麵，鹵水雞翼好入味，麵底係幼嘅上海麵，口感都唔錯，湯底好濃，帶少少微辣，值得一試食緊嘅時候，有個煎餃好多人叫，個個食完都話好正，等我下次都試吓先！

在天水圍新開的上海麵食，正宗上海人主理，在老闆介紹下試左豬扒擔擔麵同招牌拿手的醉雞麵，再加多份紅燒扣肉， 親切的老闆娘亦令外推介了自家制山楂烏梅茶... 這餐非常滿足! 下次一定會再來!