星河餐廳

Open Now

Now Closed

星期六晚同朋友共 4 人第一次去試吓佢嘅中式煲仔菜，點知睇下睇下仲見到有原有做西餐，樣樣都好吸引。 雖然舖內格局唔係華麗，但係聽到伙記，老闆，廚房各人口吻都已經 feel 到好地道，又講人情味。 叫左 4 個餸，樣樣都在水準之上，製作方法亦有過人之處，性價比極高。尤其兩個煲仔菜，夠熱，夠味，足份量。鮮魷魚鬚新鮮炸得脆口，腐乳生菜又大碟又好味。飲品方面，檸檬片又多，唔會一味太甜，冇野需要挑剔。 下次一定再去試佢嘅西餐，繼續香港人加油

我話辛辣麵唔夠味，問佢可唔可以濃D～即刻鬧我，接電話態度極差， 呼呼喝喝～最離譜口罩五帶，仲要一路包我份外賣一路講野，我話咖啡走甜，完全無做到😠😠😠衛生環境非常差😠😠😠佢D員工完全趕客， 做得咁辛苦就咪鬼做啦～ 我嚟叫嘢食都要受你氣

最近由於爆發疫情第三波，但又無得在家工作，唯有買外賣返Office食啦。之前食過星河餐廳，味道都唔錯，又幾抵食👍；而餐廳阿姐服務都OK，幾友善。餐廳下午兩點就做下午茶時段喇，對街坊真係好😊。我一連兩日都買咗焗餐，有三款選擇，每款$38連熱飲。外賣自取有9折，但要加$1，加加減減後即係承惠$35由於焗餐係即焗，所以要等大約十分鐘，不過都可以坐喺度等，冷氣充足😌。環境方面，餐廳係行懷舊路線，但其實係因為佢喺呢區都有啲歷史姐🤣。卡位部份更用上舊唱片作裝飾，幾特別哦。餐廳幾注重衞生😷，更加提供口罩俾有需要嘅客人。返到Office終於有得食喇😋。唔好睇外賣盒細細，其實份量好多的，一定夠飽，而且下午茶餐並無縮水！第一日食咗焗肉醬意粉🍝，有少少失望係因為竟然冇拉絲芝士，只係得芝士粉，欠缺咗個精綷。不過肉醬份量夠多，而且蕃茄味唔會過酸。意粉望落比較粗身，會覺得佢似發脹咗咁，但其實又唔係喎，口感正常冇話特別淋😀。第二日食咗焗豬扒飯，焗豬個樣同肉醬意粉好似，因為都係用上好多茄醬🍅，其實隻汁個味道都有啲似，哈哈。不過焗飯仲有啲蘑菇添。豬扒🐷鋪喺焗飯面已經切咗件，但應該都有一整塊。肉嫩頗嫩的，但咬咬下見到啲肉

星期五晚，去到深水埗買嘢兼食飯，行過幾間黃店都畀人懲罰得太厲害，所以搵咗間比較傳統嘅黃店懲罰吓 - 星河餐廳。星河提供一般茶記食物外，茶記西餐都好受落，所要就叫咗當晚晚餐B - 黑椒牛柳配洋腸飯😏上枱嘅時候都幾驚喜，塊牛柳有成2cm厚，而且煎到5成熟，味道都唔錯，有埋餐包同羅宋湯同飲品，所以都好飽吓。傳統茶餐廳西餐嘅感覺大量湧現，香港就越嚟越少，要食就要快。PS 老闆娘對啲熟客都親切，我相信熟客仔有家嘅感覺。

🔎星河餐廳 (深水埗) 💛#黃店系列📍深水埗大南街374號-💛13/11罷市、與民主派候選人合作派餅🔹沙嗲牛米 配火腿、腸仔、煎蛋及多士 $30凍飲＋$3 外賣＋$1 （但外賣自取有9折）平時茶記都係30幾蚊得2-3款餸 呢間真係堅抵食份量夠多 食完飽左成日 味道仲要唔錯 外賣自取有9折 抗疫亦要支持黃店呀

佢係懲罰列表之一! 雖然表面上睇唔出 係暗暗既yellow我估因為係正警局對面啦室內既設計好有舊式西餐加茶餐廳既感覺中西混合咁 依家好少呢種茶餐廳了重點係 佢啲焗飯好好味!!焗豬排飯一睇就知勁大份... 唔記得叫佢少飯......但我都好努力食左一大半 好味到唔捨得浪費炒飯係自動跟炒飯底 唔洗加錢咁有良心係邊到揾到!啲sauce 超級多...... 仲要好惹味豬排唔係冰鮮既 而且好厚身呢個lunch set 仲跟一杯熱飲同紅/白湯真係勁抵食要再挑戰其他

估唔到呢間外表毫不起眼 我曾經經過過無數次都無意慾入去嘅餐廳 竟然有一日🧔🏽帶我入去 依家仲變埋我地嘅飯堂🤣.平時我地係叫小菜食嘅(都好正!遲下再出po講) 但有次見到人鋸扒我地又跟風 叫左個大頭蝦🦐拼豬扒🐷(HK$128) 一上枱已經哇哇聲 因為隻蝦就快大過個板 長個手臂 豬扒仲有2大塊 薯條鋪滿底層 個份量真係好癲🤩🤩.仲要個蝦真係好好味 啲肉係結實有質感架 唔係冰鮮嗰啲霉味 一叉成舊肉出晒黎啖啖肉真係好正 識食一定食埋蝦頭 啜埋啲蝦膏真係無得彈呀😋.其實塊豬扒都ok嘅但隻蝦真係搶晒fo 佢仲有款係2隻大頭蝦架 我地下次諗住去食❣️❣️.餐廳永遠播住懷舊金曲 啲待應個個都好搞笑 好似黎自5湖4海敢 咩造型都有 任何話題都吹得 食左幾次就會熟左 超級親切呀

今日同朋友去老深行街街、岩岩過了午餐時段！咁就行去食個下午茶啦！行到入去！見到下午茶餐有焗飯叫！咁我地就兩個叫咗二個焗豬扒飯。等了十幾分鐘！兩個個香噴噴既焗豬到啦⋯⋯試第一啖！嘩食返兒時的回憶嘅！炒飯夠香口、豬扒亦好入味、最正係個汁（茄汁味唔太酸、帶少少甜）！真的平靚正。

食物唔好食而且有曱甴出沒。當日叫個焗豬扒飯，等咗四個字。服務生態度不好，愛理不理。食嘅時候見到台都有隻曱甴。覺得好委屈。下次唔想去。唯一好飲嘅係凍檸茶。但係見到曱甴唔想食。第一次好失望嘅旅程。😳😳😳😳😳

雖然價錢唔貴，但食物唔好食，叫啲嘢食有菜同肉類，菜同肉都唔新鮮，味道麻麻，而且又落錯單，服務態度又唔好。有食客發現桌子有曱甴出沒，有個男侍應仲要態度惡劣，佢好似唔覺餐廳有曱甴係有問題咁，衞生情況咁，已令人留下壞印象啦。最好笑係連餐廳負責人都大大聲當眾話個廚師唔識煮嘢食，但佢唔係為食客發聲，而係為佢自己食嗰餐飯去批評廚師唔識煮，好似想比大家知道佢餐廳啲廚師唔識煮嘢食。以上種種情況，不會再幫趁這間餐廳了。

去左呢間餐廳食野，叫左個海南雞，飯好干，唔好食，雞有種味道好腥，食唔落，等左甘耐都未見到果碗湯送過來。我諗住轉個卡位坐得舒服d，點知，果個收銀唔情愿幫我執枱，得反個奶茶都未執，仲系我地面前說，唔好轉位。連枱都唔比抹，就走左去。背後仲大大聲話我地轉位唔好。作為一個餐廳負責任人，一d耐性都冇，仲指住d客來說，就算d野好食，都唔會點幫親。

對於打工仔嚟講, 飢寒交迫, 秋風凜凜, 打完排球, 最正就係吃一個摯愛的窩心焗豬扒飯。焗豬扒最難做，就是焗完後唔會太僵硬，要有肉汁保留著 加上獨有的番茄芡汁， 再加上獨有的日本珍珠米， 絕對可以比佛跳牆更好食。作為女仔，15分鐘之內食完真係好急，就係因為好味。我有少少吾夠儀態。😝聽日再試。

平時下午茶焗豬扒飯38蚊 加5蚊就有杯紅豆冰 超值享受今晚同老媽嚟食油泡龍躉球 勝在新鮮 個伙記話就係街口×記龍躉大皇買 包正貨最後還送個熱蕃薯糖水 唔駛去康×排隊食糖水 都唔錯 慳番

人人都說深水埗是一個吃貨必訪的地方，但偏偏對一個住深水埗的吃貨來說，總不能每日都吃美侖美喚的網紅菜吧～所以對每天依靠外食的我，想想吃什麼也是莫大的困難！但每次沒有目標的時候，就會不期然走進在後街的星河餐廳。餐廳沒有華麗的裝潢，但卻經常滿座，通通都是附近的街坊街里。晚餐一份$69，已經包括餐包餐湯，主菜和飲品。雖然在深水埗區有更多平價的選擇，但這小店還有有它屹立不倒的原因。不要小看這裡的牛柳，雖然不是上等的食材，但廚師把火喉控制的剛好，𥚃面還有點生，肉嫩不老。而且黑椒汁也做得出色，又香又辣，不會像現成醬汁般偏感而沒有黑椒香～

昨晚心癢癢，又掛住星河的下午茶餐，飛碟配沙律，所以今日就去食啦！雖然深水埗有數十間茶餐廳，但每逢到星河都是座滿客人的，下午茶時間通常男客人比較多，但今日竟然女客人較多！我的奶醬飛碟配沙律奶醬餡料勁多，而且沙律絕不馬虎，加有西芹、蘿蔔及薯仔等，不是罐頭什果呀想靜靜地享受一個下午茶，這裡是一個不錯的選擇！由深水埗地鐵站行過來大約5分鐘左右，在西九龍中心對面，一點都不難找呀！另一推介就是這裡的焗豬扒飯，也好好味！