春夏秋冬火鍋 (Closed)

睇網上見到春夏秋冬都準備執笠，突然間發覺好耐無來食。呢間可以話係太子最抵食火鍋店！野食份量超級大，可能價錢上唔覺得有優勢，但係質數同份量超級大。呢度除火鍋之外，仲有刺身。刺身質數都好好，三文魚好大舊一舊。我次次來都會order兩款最抵食菜品，肥牛（29），三文魚腩（19），價錢雖然低，但是份量好實在，超額享受。人均只需要160左右就可以食到。最後埋腳 5個人840，呢個價錢係深圳都食到呢個質數火鍋。趁今個月仲有營業，繼續食多幾次

今日我嚟到位於太子新填地街嘅“春夏秋冬火鍋店”，N年前去過深水埗分店，試佢嘅羅宋牛尾湯鍋，一直念念不忘，不過執咗剩返太子一間，所以約埋三五知己去回味下⋯⋯湯底：羅宋牛尾湯鍋+手切肥牛美食攻略：一間老牌火鍋店，不要與現代嘅火鍋店相比，食人情味，羅宋牛尾湯鍋好味不錯，肥牛新鮮味濃，豬腰豬潤也很好，是一間大杯酒大啖肉的「男人味」濃嘅聚腳火鍋店美食指數：5🌝最高味道：🌝🌝🌝🌝🌚環境：🌝🌝🌚🌚🌚服務：🌝🌝🌝🌚🌚賣相：🌝🌝🌜🌚🌚

好耐冇去春夏秋冬火鍋！ 其實預咗冇乜驚喜， 但係估唔到， 食物質素一般， 都算過得去， 全部大路嘢， 但係如果要食海鮮， 就要預訂， 如果唔係真係要個樣冇嗰樣 😭😭😭但係個環境真係接受唔到, 可能今晚係賽馬日, 成個場爆曬, 已經一早預訂咗枱, 都安排我哋去 廁所位位置🤬🤬🤬, 都唔緊要, 但係竟然係冇冷氣, 問過幾次叫佢開大少少冷氣, 佢敷衍咗我地幾次， 跟住去到最後佢先講話冷氣壞咗， 熱到PK🥵🥵🥵！！！！ 可能係賽馬日個環境嘈到連講嘢都講唔到！ 圍圍枱仲有食客吞雲駕霧，不特止行過仲有食客現金放枱大賭十三張 唔知以為返回80年代食店！ 絕對不適合一家大細去食飯， 所以食完急急腳走！ 下次唔好搞！

話說係朋友介紹黎呢一間火鍋店，話好正宗，一入到去就好似一般小型酒樓咁，我地叫左好多好多送，牛肉同魚都幾新鮮，又係必叫我至愛既響鈴！湯底幾鮮甜，可以同一大班朋友再去食👍🏻仲有得睇波⚽️岩哂一班老友記一齊十卜十卜

一提起「春夏秋冬」！作為香港本地人，沒可能不認識吧？就算沒吃過，也會聽過！很有香港特式的地道火鍋店！湯底有多種選擇，當然離不開最經典的芫茜皮蛋湯底、沙嗲湯底、豬骨湯底……等等。是次選擇了一個叫蕃茄薯仔豬骨湯底煲！果然冇選擇錯，湯底一擺上台，已經聞到陣陣的蕃茄香氣！滿滿的豬骨，非常吸引！湯底很濃郁，濃濃的蕃茄甜味，有煮到差不多溶掉的馬鈴薯，口感非常鬆化，尤如在喝著一個濃郁的羅宋湯呢。豬骨事前已處理過，所以湯一滾起便可以吃了。豬骨有很多骨膠原，不太瘦也不太肥，吸收了番茄湯底的精華，肉味更加鮮甜。很好吃呢！手切肥牛也非常的棒！牛肉味濃，口感軟熟，非常好吃！絕對是停不了口呢！海蝦也很新鮮，肉質爽彈而鮮甜！韭菜餃是自家製的，好吃！冬瓜當然也很新鮮咯。最驚喜的是這個薑蔥魚皮，非常非常的新鮮！非常非常的爽口！絕對是可以再來多一客喔。還在回味中呢！想吃港式味道火鍋？來這裏是沒錯的呢。

日日陪我放工咁滯既肥仙終於last day, 是晚安排（主要佢自己安排😂）左餐farewell hotpot 夜祝佢食飽d，前程似🐷。呢度係彈珠組同事們既飯堂，美味子我都跟彈珠組同事嚟過呢度好多次一路打邊邊一路吹下水聯誼下；我地今次一行十一人嚟照舊叫左兩個鍋，一個麻辣湯底，另一個唔辣既莞茜皮蛋湯底滿足晒唔同人仕既需要；揀呢度貪佢夠平，野食新鮮，又有電視機📺同埋勝在大聲d講野同坐耐d都冇問題。平時happy Friday 同weekend嚟都好多人，好多時見佢加枱加到出𨋢口都有人照坐住食，充滿住地道打邊爐文化，非常熱鬧！如果有朋自遠方嚟想感受下香港飲食文化，嚟呢度係唔錯既選擇不過環境同衞生就預左只係麻麻地。由於肥仙平時吹水多過做野，人氣旺盛，是晚hotpot召集新舊同事從四方八面嚟呢個肥仙飯局，美味子同肥仙首批到達，即刻叫返幾碟炸魚皮食住等先啦，d炸魚皮鮮炸鬆脆，簡直係必食佳品！另一必食推介係小食炸魚片頭，新鮮熱辣辣，配埋泰式甜酸醬食好正，可惜美味子未嚟得切影相，成碟已經俾人夾晒，前後總共食左4碟都冇機會相機食先🙈另外佢地既手打丸亦值得推介，手打既的始終較機整更爽滑彈牙，滋味好多。最後推

話說世界杯決賽 咁就想一邊食火鍋 一邊支持愛隊 咁就揀左呢間鋪。一入到去見到仲有位 正啦 仲要對住電視 又唔洗book. 一坐底 個經理就推薦左龍躉套餐 當中有我最愛本地手切肥牛 嘩 無得輸 少少脂肪 碌到一變色即食 入口即溶 之後有龍躉 都算新鮮 最緊要去晒骨 岩晒女士 最抵死係個餐仲送啤酒 火鍋+啤酒 人生幾何 本人對餃同丸係零興趣 但朋友都話唔錯 最後仲叫多碟牛 因為真係食多轉都唔厭。其實呢間海鮮都唔錯 因為佢蝦都係生既 脆肉脘又爽 最緊要響鈴即炸 OMG 一上台即清 必食 整體來講 都可以再回頭 係經理太忙好有性格 但講野又幾搞笑 服務係唔錯 但可以好d

呢間已經第N次食了，和舊同事食飯，所以一早訂佐枱，準時到達，今晚可能係平日，所以並，並沒有全場滿座，座低開始叫野食，先來一個芫茜皮蛋+肥牛+菜+一條魚（$688），跟住再叫肥牛和一個湯底，因為有11人，即叫炸魚皮食佐先，跟住再叫蠔、丸、水餃、雲吞、花膠、菜等等啦！最正就係炸响鈴，因為是剛剛炸完出來，勁正，基本上不用放上枱，一埋到枱一人一條，已經可以攞返隻碟走，所以即時再叫多碟。再來一碟，今次都一樣咁正，另外脆肉鯇魚都幾好味，又冇骨。一行11人埋單$3300，即每人$300，以呢個價錢和食物質數去單，我覺得幾好。

正因為打邊爐係無咩花巧裝飾，無咩烹調工夫可言，食材既質素好與壞係無得呃，一試就知龍與鳳！呢間舖頭唔係處於大街大巷，又唔係屬於大集團，更加無放題任食，價錢唔係特別便宜，但係我地都再三幫襯，無他，就係食材夠新鮮！點解今次先出食評？ 原因係人生第一次食水魚！仲要用水魚湯底打邊爐添，所以一定要記錄低呢次嘗鮮經驗呀。個湯底係藥材湯，主要係北芪淮山桂圓，而一隻水魚切開都有十幾件，不過我只係食左水魚既腳仔，估唔到係水魚皮既口感好滑，食落好多膠質，感覺有點像多肉版既雞腳。友人一直講水魚好滋補，叫我食多d, 但我都仲係未慣食呢d，最終都只係食左兩件。相反，個湯我飲左超多碗，我地係落水魚，之後加西洋菜，飲左呢轉湯然後先再加其他野，所以啖湯清甜又唔濁，好好飲。除左水魚，今餐仲打左魚飄，蝦膠墨魚膠，田雞，海蝦，同本地肥牛等成十樣野。呢度既本地肥牛質素非常高，油脂分佈均勻，入口嫰滑，有既係牛味唔係雪味。田雞細嫰，不過份量略少，想食多件都無。海蝦鮮甜彈牙，本人覺得最好咩醬料都唔好點，否則有點浪費此鮮甜滋味。但至正都係象拔蚌刺身，鮮甜不在話下，口感豐富，集爽脆嫰滑於一身，令人一片又接著一片停不下來。順帶一提，師傅刀

春夏秋冬火煱都以火鍋料新鮮出名，所以叫左醉雞煱都無影到相。而家普通打邊爐都已經滿足唔到有要求嘅我地，今次試下係度食下刺身先！刺身鱆紅魚 $468起椒鹽埋就加$40，1魚兩食。就要呢個啦。鱆紅魚sashimi黎喇，超有份量感。鱆紅魚片望落色澤鮮明通透，魚油充足，片片厚度均勻！咬落去，魚肉肉質彈牙，有魚嘅鮮味。之後，侍應哥哥就拎左超超超大碟嘅鱆紅魚椒鹽骨腩上枱。熱辣辣，勁香炸蒜味。魚咬落充滿魚油香，沾少少喼汁去除炸魚腩嘅油膩感。刺身同椒鹽骨腩都不可怠慢，影響食物最好味嘅時刻，個口頓時變到好忙好忙，但非常飽足。

首先叫左个皮蛋芫茜湯底，個湯底有皮蛋芫茜同豆腐。再叫個薑葱魚皮，真係又爽又脆，無得顶。份量仲要幾多下，都係五十幾蚊，值得一試。加上d花生真係又香囗，我小食熱气野都忍不住食多幾粒。我打边爐例牌一定叫肥鹅腸，因為肥鹅腸都只有打边爐嘅地方先有得食。依个肥鹅腸好新鲜，恰煮左d肥膏都仲留到向鹅腸，無容哂，食得过。個蛹蠔好肥美鲜甜，一碟有六隻大兩隻細，底食。依个享呤就好一般。