春芳號 (爵祿街) (Closed)

最近呢行過新蒲崗，發現呢度新開咗一間春芳號。剛好天氣有點熱，同屋企人點左兩杯飲品。春芳號杯品都會用獨家唔同款式既花花杯，比起一般既膠杯更靚。難得飲手搖，點可以唔試返一杯珍珠奶茶🧋？今次我就點左一杯布甸🍮珍珠奶茶，茶味都幾香醇。因為加咗布甸同埋珍珠，而且啲珍珠煮到透身，食落煙煙韌韌，而布甸又滑嘟嘟，口感豐富！當然要試埋佢地既人氣No.1 飲品 「玉荷清蘆薈蜜」。玉荷即是荔枝，將荔枝加入四季春茶中，配合埋蘆薈果肉，味道好清新，又有點咬口。再加入蜂蜜令飲品增添左一份清甜味道，口渴飲返啖就岩哂。整體我覺得味道唔錯，幾清新，唔會好飽好滯。而且仲有一個靚杯，返工果時睇住隻杯心情都靚D😃。大家經過春芳號都不妨買杯飲飲～

今日去完新蒲崗做物理治療後, 突然想飲手搖, 於是就search下附近邊到有, 見到附近有間近近地嘅就去試下! 嘩～好似好多都好好飲咁, 最後就揀左兩杯同朋友開心share! 好快就有得飲了, 花花杯好吸睛, 而且有唔同顏色, 拎住打卡一流!✨️玉荷青蘆薈蜜 （少冰少甜）入口清甜滋潤大啖啖茶香, 飲落去好舒服✨️柚見蜜桃（少冰少甜）車車比較喜歡E款, 如果中意飲酸酸地嘅飲品, 就要試下啦! 酸酸甜甜好清新仲幾開胃, 岩哂春夏e d潮濕悶熱嘅天氣!