春蘭冰室 (Closed)

睇左報紙介紹就去幫襯左兩次，食物、飲品、同例湯的質素味道都好好，價錢又抵，值得一試再試，已經成為我今期飯堂，純粹以食客角度睇，建議門口加個顯眼招牌方便遠處望到冰室位置，同埋門口位、餐牌或者店內最好可以有多D圖片介紹食物款式，裝修方面其實可以加返多D卡位，用圓台好可惜，冰室茶餐廳D卡位最受歡迎，出色的奶茶咖啡對冰室茶餐廳好重要，套餐餐牌上最好可以寫埋奶茶咖啡落去比人睇啦；）營業時間最好加開埋早餐時段及周日，同埋送外賣服務，同區附近幾間都有，食慣左可以儲熟客，然後就係陳仔/招積/小李餐，選擇有點局限，不能交叉配搭其中款式嗎？可以轉米粉/一丁嗎？食物配搭、座位設計裝修、餐牌可以參考瑞士咖啡室同埋太興

見有間新開嘅冰室就入去試吓，鑊氣同分量都唔錯。乾炒牛意睇落有啲油，但入口ok喎，仲幾有鑊氣添。意粉唔會太腍，亦冇煮到發脹。牛肉大大件都算係咁。麻婆豆腐套餐跟埋湯、飯同熱飲。味道唔會太濃，個汁滑得嚟唔出水。湯幾足料，可惜唔記得影相......椒鹽九肚魚一直係我最愛，呢度48蚊幾底食。魚本身都大條，因為條骨有返咁上下大條，雖然炸到緊緊熟好滑嫩，但要吐骨。(食咗啲先記得影相)

今期推薦~咕嚕肉飯最近天氣10分悶熱，應該就快落暴雨。今天是試一試深水埗新的冰室，叫做春蘭冰室，裝修比較懷舊，很有70年代感覺，鋪面10分大，座位比較鬆動，坐得舒服。今次試一試午餐，我們選擇了咕嚕肉飯、涼瓜牛肉飯和黑椒豬扒腸仔飯，都是常餐家常便飯。今次咕嚕肉飯都不錯，醬汁酸甜都拿捏得不錯，咕嚕肉的份量不是太多，飯嘅份量適中，都是午餐的一大好選擇。涼瓜牛肉飯的醬汁比較杰身，味道正正常常。黑椒豬扒腸仔飯的豬扒煎得比較乾身，醬汁就比較杰身，整體份量都OK，男仔都會食得飽。

星期六中午諗住唔去咁遠，在樓下食就算，尼個位已經成日改名再開。今次見佢裝修都ok. 就試下啦。叫個豬排面餐，話明加5文轉出前一丁。嚟到我已經覺得無轉wo. 我問了幾次，尼個真係出前一丁?點解湯係白色。佢答我係用豬骨湯底。我話出前一丁wo. 應該係另外湯底，又無麻油。佢即係比麻油我。仲堅持係出前一丁。食一口已經肯定唔係啦。我再問。另一個侍應同我講，你有冇睇單有冇加5文呀。D無加。即係佢無錯， 我同佢講咁耐話唔係出前一丁，佢堅持係出前一丁。痴線架。 另外叫了一份公司三文治，頂。。。。難食都。

得個裝修，呃人錢。地方係唔太污糟但係啲嘢唔好食炸雞髀冧既，啲飯又唔熱，應該係預先整定好耐杯飲品冰多過水，淡到好難入口啲夥記個個都好似輸馬咁無面口，個老細就成日嘈嘈嘈喺度趕客貼錢都唔再試

今日行經深水埗，見到這間外表幾懷舊嘅冰室，就被佢嘅裝修吸引左入去試試！這店已採用自助落單，方便下午茶時段，當然要試試下午茶啦！今日叫左炸雞肶薯條、咸魚雞粒炒飯和焗咖哩牛腩飯。先講炸雞肶薯條，雞肶好淡，無乜味道，而且仲炸得太耐，炸到連肉都燶燶地，硬晒，慶幸隻雞肶唔太油。薯條就是一般快餐店嘅粗薯，普普通通。咸魚雞粒炒飯就比較好味，有咸香的咸魚味，但就炒得不夠乾身，整體算可以接受。焗咖哩牛腩飯是三款食物中最好味的一款，咖哩味香，小辣，薯仔淋和牛腩都軟，唔痴牙👍🏻今日見佢餐飲有檸啡，就叫了一杯試試，第一次試，味道又幾好味喎，咖啡唔會酸，配上檸檬又幾夾。這店應該剛剛開業無耐，希望下次再光顧會有進有！

最近見公司附近開左間冰室，個裝修和名望上去都幾有時代感，一直想試試，今天終於有機會😝😝老闆請食飯😋😋老闆不愧係老闆，請我食全場最貴的扒餐😛😛😛😛燒汁西冷扒配飯Joe哥叫左香草羊扒配薯條原本以為冰室的扒餐一定一定好Hea,但估吾到由色香味都有寶石餐廳的水準，吾怪得向來口刁的Joe都大力推薦。連個羅宋湯都好好，雖然冇肉味（侍應姐姐話係全素）但菜味和茄香味濃郁得來恰到好處👍👍👍下次會再來。

由於喺公司附近，見呢間嘢新開，個裝修又幾得，所以收咗工去食個下午茶。點咗兩個餐，一個炸雞脾配薯條，一個炸雞脾配沙律。點餐時候見到可以用佢個apps點餐，於是試下啦。咁個apps都方便嘅，同翻大陸嗌外賣嘅apps差唔多。間冰室當時有三枱人，嘢食都算快上。首先上嘅係炸雞脾配薯條，嘩！見個雞脾色水幾靚又大件喎！但望真啲，佢似鹵水雞脾多過炸雞脾🧐所以我都問咗個侍應，佢都同我confirm嗰件係「炸」雞脾；再等多陣炸雞脾配沙律都到埋，再望下個雞脾😳今次件雞脾個size係頭先嗰隻嘅1/2，除咗細件之外，個樣唔多討好。最奇怪嘅係，後上嗰件隻色係同平時嘅炸雞顏色一樣，即是黃黃地咁，而望上去就好明顯真係炸出嚟嘅。雖然心裡面覺得奇怪，但因為趕時間，都無再特別問佢點解會咁。兩個餐食完之後，comment係，兩隻雞脾完完全全唔一樣，鹵水色嗰隻，完全係好似放咗三日，乾咗再拎嚟炸咁無味又硬到好似紙皮咁咬唔開。而另一隻細細件嗰隻，無味但起碼叫脆嘅；而嘢飲叫咗凍齋同凍檸蜜，正常嘅。可能新試業掛，嘢食暫時真係好唔得，期待你哋有改善啦。同埋⋯我真係好想知道鹵水顏色嘅炸雞脾⋯究竟係咩嚟㗎？