時代豆業

Open Now

Now Closed

11月15日(六)往TIMES SQUARE，路過堅拿道東時看到此店，適逢少少疲倦，順個便買了兩枝黑豆漿，補充體力。其實是平平無其，很正常的一枝黑豆漿，我事前不知道有少糖及無糖之分，便買下了低糖的一款，看到有黑豆的沉殿物，是貨真價實的。一飲，真的不太甜，是剛好的甜度，亦有黑豆味。只是七個半元一枝，比起便利店那些台灣品牌豆漿，這個又標明無防腐劑，真的及格有餘了。下次再經過，又試試無糖先!

$5一條的黑芝麻卷都幾大條，比起以前在茶樓吃到的大得多，不過容易散開。芝麻香味不弱，頗討好，咬落亦不黏口。$11三樣的糕點，要了眉豆糕、桂花糕及雞士藤。眉豆糕落足料，超多眉豆。桂花糕也不錯，散發花香。雞士藤則比較差，幾硬實。最合口味的是樣樣都不太甜。

2/11/2008 約4pm同母親行過,就諗起未買早餐$11 有3件任你配搭, 一口氣買了9件,包括：芝麻糯米磁-太厚個皮,裡面黑芝麻餡正奶皇糯米磁-太厚個皮,唔太食倒奶皇綠茶糯米磁-太厚個皮,但唔好綠茶既我都接受倒,裡面豆蓉餡好味眉豆糕-勁多豆,應該話係啖啖豆馬蹄糕-冇食所以唔知千層糕-普通唔覺特別杞子糕-冇食所以唔知芝麻糕-超級芝麻味,正椰汁糕-本人唔係好接受這味,見人見智,母親話好正

豆漿可配以下其一:- 紅豆- 涼粉- 椰果- (台式)珍珠要了珍珠，數量也不少，尚有嚼勁豆漿 - 略甜，豆味若濃些則更符合店子的名聲

行過有少少口渴就買杯涼粉豆漿飲下,跟住見到佢D糕幾靚,而且幾多人買,所以就買幾件黎試下:涼粉豆漿:好飲,唔算太甜,有豆味,就係細杯左D,幾啖就飲哂西米糕:入面有少少蓮蓉,好好味,唔濟花生茶果:唔係好得...茶果皮好厚好硬,唯一好處係花生餡比較多同好味千層糕:個樣好過真係食,無乜特別砵仔糕:可接受啦眉豆糕:幾有豆味,ok總括黎講,唔會特別有驚喜,不過好耐無食過D懷舊小吃,都可以買黎過下口癮,味道都唔錯

i come by here once in a while to buy their 砵仔糕. May be because I havent tried any other 砵仔糕 from other stores except here, I cannot make any comparison. But overall, I think it's quite good here. Not too sweet, bit chewy, not too soggy, adequate amount of red beans spread on top. It's a good snack or dessert if you don't want anything too sweet or heavy.P.S. Good service as well ^^

以前飲過佢既豆漿，味道尚可，不過有時多了一點水。乜吃過芝麻糕等等，還是覺等白糖糕好食。不太甜，又不會酸 (有時d白糖煮得太耐會酸架)。

大部份都係$11/3件,可以任選,自己隨意配搭,通常做下午茶,份量小小地眉豆茶果 - 食左一次之後就係我既最愛,糯米"煙煙韌韌",餡料都係眉豆做,帶有少少咸,加重眉豆既味道,不過SIZE就比較細小,起碼食兩個先夠喉豆沙水晶糕 - 水晶部分都比較滑口,豆沙甜度適中,不過再多小小豆沙就最好啦馬蹄糕 - 都係我既至愛,又唔太甜,d馬蹄又有咬口,好爽豆腐花 - $5/1碗,附送一大包黃糖,豆味都不錯,如果食熱既,係即時係個桶"畢"出嚟,好新鮮嫁豆漿 - 夠甜夠凍,又夠大樽,$8/1樽,$13/2樽無糖豆漿 - 有時試下都無防,不過你要接受無糖果種好"掛"既味道

their 花生糯米磁 is very good actually. A lot of peanut filling inside. But I think they've added too much sugar inside. I like how it's not wrapped with coconut shreds, allowing the peanut taste standout more.

呢排好鐘意食鬆糕, 但唔係太多地方有得買. 今日經過銅鑼灣, 見呢度有得, 賣相都ok, 一於要買黎試下. 結果買左白糖糕和黃鬆糕.番到屋企和家人一試, 結果有點失望: 白糖糕有點酸味, 味道也淡左d; 黃鬆糕不太像鬆糕的味道, 只吃到好重蔗糖味.

小弟父母經過呢度都鐘意買幾件糕食吓.開初只買紅豆糕及芝麻糕小弟父母. 小弟覺得紅豆糕係唔錯.但芝麻糕, 芝麻味卻欠奉.小弟父母見呢2樣都ok, 買大咗個胆, 今次買了:- 砵仔糕, 好唔掂, 純粹一舊粉糕加幾粒紅豆, 冇香冇味, 仲勁過"7日冚包散", 失敗- 馬碲糕, 馬碲什少, 又係一舊粉糕, 這是百物騰貴的罪嘛? 是否該買馬碲期貨?- 紅豆羅米糍, 居然攞了花生涵的.....O咀- 無糖黑豆漿, 居然令小弟覺得甜得濟, R頭?!- 紅豆糕及芝麻糕, 一貫水準.此店名時代豆業, 果真只有紅豆糕掂, 如此誠實之店, 夫復何求!

我爸爸放工後帶左盒糕點返黎佢話見到好多人排隊買所以買黎試下佢買左紅豆糕,眉豆糕,馬蹄糕糕點唔算太甜亦唔硬我最鐘意食紅豆糕食落粒粒紅豆好有咬口今朝媽媽煎仲左做早餐好味好味

近年愛上了豆漿，因含豐富鈣質對骨骼好，所以早上經常喝一杯豆漿才出門。尤其是黑豆漿，簡直令我瘋狂，昨日經過這兒，又被雪櫃內的黑豆漿吸引著。買了兩樽黑豆漿（$15兩樽），一樽有糖一樽無糖，今早試了有糖的黑豆漿，但有些兒失望，因為味道十分普通，跟維記十字牌的豆漿差唔多，反而十字牌的黑豆漿味道更濃郁。下次應該不會再來買豆漿喝了，不過都想試一試這裡既糕點，因為每次經過都見到有人排隊購買。

豬皮蘿蔔?西多士?喳喳?蛋撻?pizza? 統統唔岩！今期既下午茶係時代豆業的糕點。買了砵仔糕同埋馬蹄卷回來。砵仔糕偏甜，算多豆，豆也幾鬆化，不會死實實的，味道合本人口胃；反而，馬蹄卷就認真一般，完全冇清新既味道，馬蹄粒雖多，但談不上爽口，總之配搭起上來是怪怪的。我吃了幾啖，也要放棄。馬蹄卷不合口味，下次試試佢既白糖糕同埋芝麻卷，希望唔會令人失望。

去開始遊食4站前, 先0黎呢度熱個身, 其實只因上完日文覺餓, 求其路經此地要個糕板頂住先個糕板OK喎, 唔太甜, 煙煙韌韌有D口感, 唔錯~