普洱

Open Now

Now Closed

行經荃灣廣場，見對面有間好特別既名字既餐廳叫「普洱」，主要係食焗飯同米線。就膽粗粗入去試下！坐位較迫，快手快腳食一餐黎講算可收的自選配料食物有特色，種類尚算多。價錢尚算合適自選：手撕雞涼拌蕎麥麵手撕雞不算嫩滑，同個涼拌汁一點都唔配，而且蕎麥麵唔係蕎麥麵，竟然用撈麵代替香菇牛肉砂鍋米線，牛肉香口同米線匹配，湯底濃郁可口，相比上圖的涼拌麵簡直相差太遠！蘋果綠茶綠茶味濃，不過蘋果味有D怪，感覺太人造，不太自然的服務方面可以講係沒有的，不過係咁既平價低質素餐廳黎講，尚算勉勉強強合格的服務員可以係你未講完落餐已經走左去，真係第一次見另外我同朋友兩人坐住一張四人檯，為左方便有其他四位客人可以坐，於是見旁邊二人檯客人離開去向店員提出轉過去，但可惜被婉拒。而眼見店內有兩張空檯，店員都會要求兩位的客人去搭其他檯。所以如果是兩位的有心理準備即使有吉檯都會被安排搭檯，真是經典！總括黎講普普通通，不過不失，試一次就夠

晚餐唔知食咩好？不如就試下位於荃灣廣場對面既一間小店-普洱。聽個店名 你會以為係飲茶既，但係原來入面既野食種類好多，有米線，唔同既焗飯。我就叫左個咖哩豬扒茄子焗飯，味道相當唔錯呀。飲料亦都係重點之一，好多選擇，而朱古力普洱就係當中特別既選擇，有時間可以試試呀

覺得性價比都唔錯😛唔係話好好味，但都會令你滿足只不過係店舖比較細，座位安排就做得唔太好，難不免會有搭枱情況，特別係兩個人😿佢啲枱大部分都係for 4個人所以係大多數都要搭枱!而且，岩岩飲完杯野，已經想趕你走，佢將我地啲單，擺去第二張枱，叫我地坐過去。。 分明趕我地走，舖頭仲有其他位，就係要你食完即走到食物🐷🐷呢度啲嘢食都唔錯，40幾蚊1個餐包杯特飲🍹，平時一杯特飲都可能要10幾20蚊，所以咁計都幾抵🙈😝葡汁焗豆腐雞扒🐔🍛 $45其實我係叫芝士焗豆腐魚柳架🐠但佢黎錯左，我又唔想等，所以就冇出聲🤣我食落口其實食唔出佢係葡汁，冇椰奶味，唔知係咩味😂甜甜地，都係唔錯嘅😂雞有少少乾，最得意係上面有舊豆腐😋😋滑劣劣👻咁既配搭幾好😋🐥咖喱煎雞扒飯🍛$41都係雞😂不過今次係咖喱汁，微辣，味道唔錯，幾鍾意個薯仔🥔好入味，煮到好香😝雞扒都係好乾 略嫌啲飯唔夠熱 凍朱古力普洱🍫🍵（跟餐)個名聽落唔係好夾，飲落口好得意🤣又有朱古力，又有普洱茶味，所以每次都會叫翻杯黎飲👅凍蘆薈奇異果汁🥝😆（跟餐加3蚊）一睇個樣都feel到佢好fresh😂一飲，好重奇異果味😝仲有粒粒既蘆薈係入面，幾鍾意👅

普洱平時大家可能都飲，唔知你有冇食過？因為呢間餐廳就係叫普洱，開頭我都唔明點解佢要叫呢個名，但係試過就知啦，因為佢入邊有個特色飲品，就係凍普洱朱古力！之前同事已經同我推介過，今日午餐終於有機會你試吓啦，睇一睇餐牌，都有好多選擇啊，有米線，又有飯呀咁，加埋特色嘢飲嘅套餐只係40幾蚊，比起隔離嘅鋪頭係平啲。我叫左個山珍辣雞砂鍋米線，都係一般般唔會話太難食，啲辣雞有啲似用豆瓣醬炒，米線就有啲林。重點係要試吓呢個凍朱古力普洱，飲落去有好濃嘅普洱味，就好似飲緊凍普洱咁樣，但係就係朱古力嘅質感，都幾特別！不過侍應嘅服務態度就麻麻哋，叫我調位讓張四人枱俾人，一啲禮貌都冇，唔該都冇句。

去過兩次 真係唔得 店員們自己傾計粗口爛舌都算 我埋緊單比錢 有個後生女店員攞住啲碟想過 唔識講借過 講睇住呀！ 真係火都黎埋 講真食物本身都好一般 加埋呢班咁嘅staff 我一定唔會再去 個老細真係多得佢地唔少～

太差啦，焗牛排食物太咸，湯麵啲湯又太淡，2人要坐4座位一邊，張枱又窄，非常吾舒服，冇下次。。。。。。服務員仲要好似好趕甘，一見你食完就拿拿聲清走啲碟，趕住叫你走甘

這間小店叫普洱，特別的名字，之前係openrice睇過好想試，今日有機會試下，原來食粉麵，有米線，通心米線，薯粉，湯底選擇有清湯，酸辣及芝麻。仲有有焗飯，選擇都好多。同事的葡汁焗時疏，賣相吸引，金黃色，有薯仔，雜豆，西蘭花等，味道係個汁好甜，疏菜也好味的，夠熱夠香，但太甜了，蓋過原先的味道滇醬骨雞絲薯絲，好大碗，普通湯底，有好多芽菜，白菜仔，滇醬骨十分香，好淋身，好好味，入晒味，又好香，湯底都夠晒味，薯粉係幼身的，都彈身。椰香咖啡夠大杯，好香椰奶味道，原來同咖啡好戎的呀，好好飲酸辣湯，炸菜肉絲，滇醬骨薯粉，湯底辣辣地好開胃，好惹味，滇醬骨入晒味，好正，薯粉份量也唔少。主角來了，普洱朱古力，好特別的飲品，第一口只有朱古力味，好香又唔算甜，原來普洱在底部，真的幾好味，夠夾的呀！皮蛋豆腐，豆腐切方粒，皮蛋都切細粒，有芝麻，葱花，醬汁，豆腐滑又香，好味，皮蛋少少淋的，吸了醬汁好味！手撕茄子，好特別，有花生，葱花，醬汁，這個茄子好好味，好香，茄子淋淋地又吸晒醬汁味道，加埋芝麻一齊好香呀這個係饅頭夾肉，但是不是饅頭夾住肉，係將豬頸肉放上饅頭上面加d醬，饅頭好實，唔夠鬆化，這個唔好味座位比較迫，服

今日行過見到個舖名幾得意，好似都幾多人食，就去試下初時以為係點心店，但原來呢度係食米線多（我係米線狂熱者，梗係仲開心）打開個餐牌，見到d米線既“送“名都幾得意，又昭通什醬，又呈貢牛肉，其實都唔知係咩黎，我諗係地方名，但幾夠新意最後，就叫左曲靖辣子雞同滇醬骨通心米線加佢地既招牌普洱朱古力辣子雞個味幾濃，但有d似五香肉丁個味；個滇醬骨味係幾好，酸酸地但肉質太鞋；個通心米線口感幾得意，比一般米線粗身同爽口，幾特別,不過酸辣湯底要加$3，但唔係特別好食，唔值加$3至於佢地個普洱朱古力，我會用得意黎形容，因為好似飲緊加左少少xo醬既朱古力，朱古力味比坊間飲既都濃，都ok ge總括黎講$43雙併有杯特別凍飲，算抵既，食物都算有創意但味道唔係太值得回頭。

［特色朱古力普洱］普洱，去親飲茶好大部分時間都係叫佢，佢嘅特色就係茶味濃又易入口，令人好易接受。次次去「普洱」都會食通心米線，印象中都冇喺其他餐廳試過。自選兩個餸湯米線有曲靖辣子雞同豆腐丸子，清湯通心米線。曲靖辣子雞唔係好辣，我諗淨係食到少少辣嘅朋友都接受到，豆腐丸子軟林林得黎又有啲咬口，成個米線黎講其實就普通不過不失啦，最吸引應該係杯朱古力普洱，今次叫左熱飲，朱古力唔甜，帶啲茶香，成個感覺好特別。我見好多人都食焗飯，好似幾大碟同野味，下次可以一試！

耐唔耐就會黎一次😋一開始朋友介紹話飲品幾特別 而且價錢抵食 不過咁既價錢就唔好預好好既服務態度啦🙈照舊叫左個熱拌醬鹵紅薯粉🍜 普洱有個幾特別既面條叫做"通心米線" ，幾得意架 中間係空既 未試過可以試吓呀今次諗住轉吓款就叫左紅薯粉 冇諗過咁夾😍😍超級入味 推薦！雖然叫做熱拌 但一啲都唔熱😂 餸就叫左辣既呈貢牛肉 同 韭菜餛飩 😍😍超鍾意呈貢牛肉🐮個汁 係會有額外既醬 令到個薯粉仲好味必叫！牛肉🐮入味👍🏼👍🏼都比左好多舊但韭菜餛飩就一般 有兩大舊 但真係好一般😢飲品就叫左熱朱古力🍫普洱🍵，冇凍咁好飲，唔知係咪mix個比例唔太好 少左啲茶味朋友既凍朱古力🍫普洱🍵就冇呢個問題朋友既咖喱焗飯🍛都好好味呀 個汁少少辣 好香濃 薯仔🥔同雞🐔好脆 好大份😝👍🏼整體黎講 呢個價錢 包埋18蚊既特飲 抵！

店名：普洱地點：荃灣大壩街59號地舖，電話：24994882(1)    滇池什錦砂鍋米線 Spice minced pork & vermicelliin soup +特飲；(2) 香脆魚柳南瓜豆炆飯Deep fried fish & pumpkin rice +特飲； 每份：四十九元。食物的整體評價：(甲)   味道/烹調：u滇池什錦砂鍋米線湯底除了有番茄味外，還有一些特別的味道，很是吸引；賣相方面，黃色、橙色、啡色混成一體，視覺良好。v香脆魚柳南瓜豆炆飯：南瓜只是烚熟而已，沒有味道可言，魚柳脆口而不硬；飯只能算是油鹽炒在一起，但總算比白飯好。w 飲品方面，很具創意，我們點了普洱檸檬茶 Lemon pu-erh和荔枝糯米茶 Green tea with lychee& glutinous rice。前者比起一般檸檬茶更有濃郁芳香；後者有豐富的荔枝味道。(乙)  種類方面：可供選擇的食品十分多。環境：裝修有風格很佳，以深色的木為主體，加上配以光環燈罩，配襯得宜。服 務：一般。衛生：良好。抵食：略貴。

食物不錯, 是客人來的主要原因 普洱飲品沒有普洱味道, 但味道還可以送餐速度及做事都快手, 但店員態度差因為泠氣太涷想轉位, 店內有吉位但不肯轉枱(當時未落餐)店員呼喝三人不能坐卡位店內仍有不少二人或三人正在坐卡位不知有何原因咁堅持總之不會再光顧

係好耐好耐之前.朋友帶我黎過普洱飲野同食焗飯...一試我自己就愛上而今日, 我同朋友去完還拜...正當我諗緊食咩時... 突然諗起普洱即帶我朋友去試試今次我就叫左茄汁雞扒飯$44.. 份量超多, 仲包杯飲品茄汁雞扒飯味道同出面茶餐廳既大致一樣但優勝在雞扒夠哂大塊,  煮到肉質岩岩好嫩而且亦都好份味勁鍾意汁既我.. 唔洗叫都比好多汁唔錯唔錯朱古力普洱香濃既朱古力中食飲得到淡淡既普洱味感覺清新但我覺得珍珠就硬左小小 口感差D呢到既待應.. 太有性格...黎呢到食野.. 千奇唔好期望有好服務純黎享受午餐.. 咁就係一個不錯選舉

今晚一個人去到荃灣搵食，喺荃灣廣場附近見到呢間鋪頭-普洱；初頭以為只是賣茶葉，睇真啲才知道是可以開餐的地方見可即時入座，所以唔使諗，即刻入去坐低；最後叫咗個咖喱茄子焗豬扒飯+飲品套餐；朱古力普洱好特別，有濃濃嘅朱古力味外，仲帶有陣陣的普洱香味；咖喱豬扒飯份量足，有兩大塊豬扒（切成四件）及2塊茄子；咖喱好香，辣度適中。以現時嚟講，＄49一個餐，包特色飲品及焗咖喱豬扒飯，味道又唔差，算是抵食！

近期西餐食上腦，想起了很久沒有光顧的'普洱'，今天決定重臨舊地食個快午！遠處已見有幾個女仔排緊隊，當然一個人食飯既好處就係可以極速安排到坐位！心裡暗喜咁耐無黎，選了之前從未食過既香脆魚柳燘飯+至愛既朱古力普洱！燘飯用煲上，keep溫效果比較好，抵讚魚柳名符其實咁香脆又不失嫩滑！南瓜已燘得好爛且林，飯面只落左小量疑似豉油醬汁，不會令到飯粒過濕從而影響口感！整體都好失望的是從前必點的凍朱古力普洱，沒有普洱回甘，只有朱古力味！唯有安慰自己是因食客太多所以才失了水準吧⋯⋯還會再來的啊！