普洱

Open Now

Now Closed

夜晚收工約左朋友出黎吹水，行到近荃灣大會堂附近，佢話係呢間食焗飯出名，都見佢地幾full下，價錢又合理，所以就入去試下，叫左個葡汁炒雞飯，以為係焗飯，以為望落好頹冇特別，但食落去啲雞好似有西檸味，幾開胃喎，46蚊仲要包野飲，晚餐黎講真係好平，叫左杯普洱朱古力，普洱味就冇乜，朱古力濃好多，整體黎講都幾抵食

咁岩經過見到門面唔錯，見到飲品牌有朱古力普洱咁特別，所以試下。落單時，服務員指示唔清晰，所以我地更正返落的order, 跟著佢就俾面色我地睇仲“吱”左我地一聲，我地當場o 咀……然後上餐係唔聲唔聲咁飛埋黎，每個服務員面上全無笑容，可以用黑面黎形容…食物味道十分一般，茶記可能仲好過佢，唯一比較感覺較好係杯朱古力普洱，不甜有微微普洱茶味，都可以一試 。總結，如果服務員態度唔係咁差劣，都有機會再食，不過我想都唔會再黎俾錢受氣!

第一次寫食評竟然唔係寫元朗美食 話說今日有啲野做去左荃灣西係附近行完街之後就搵下附近食tea嘅地方啦見到間普洱食米線 啲餸又好似幾特別咁就入去試下叫左個下午茶米線套餐加左個餸 啲野食上得好快份量有啲細 不過$30有找又送特飲 其實都算抵 細細粒女仔食應該剛剛好朱古力普洱 朱古力味重 夠滑又唔甜 不過飲唔到普洱味 但都贏出面普通朱古力成條街 醬烤脆肉（左） 開頭以為係煎炸野 但原來係好爽口嘅豬頸肉 食落有煙燻腸仔味幾得意官渡燜肉（右） 原來係有酒味同埋成舊肉都幾入味 （但加$5得一舊.......）鍾意食有酒味嘅野可以試下通心米線 食落好似通心粉 下次再食叫番普通米線算總括來講啲味道都ok 最令人驚喜都係杯朱古力普洱 下次會再番去食應該都係為左杯野飲

曾幾何時我曾經係普洱既熟客仔不過自從生活圈離開咗荃灣區之後，已經好多冇去食過。所以趁今次黎開，無論點都要捉朋友仔黎回味一下官渡燜肉·醬烤脆肉·烤豬軟骨-當年係我必叫既餸，冇諗到事隔8年佢依然保持到當時既水準....餸我真係俾100分既，可惜麵線有啲未熟透，偶爾有幾條係硬硬地，加上湯亦都唔係太熱，所以整體有啲美中不足既所以我將焦點放返係杯野飲到...朱古力普洱! 雖然呢間餐廳既飲品好多都好好味，但係我只係對朱古力普洱情有獨鍾! 果然飲品都保持到高水準。濃濃既朱古力甜味後帶出微微既普洱茶味，兩樣好似冇咩關係既飲品完美咁合二為一整體係講，呢個回憶之旅，食物同飲品係ok既，但係服務質素真係下滑咗，連近排澳牛既待應都比佢親切算係充滿缺陷美既一餐...

今日放lunch去返食咗好幾次嘅普洱，入到去個餐牌以前冇乜大分別。餐廳分別有米線同飯類。佢哋嘅米線可以揀通心米線，好似一啲長啲同煙un啲嘅通心粉一樣，幾特別的。今次我就嗌左辣雞炒米線，米線用豉油炒，好似平時茶餐廳食嘅炒烏冬一樣，不過更加煙un同入口滑啲，喂先唔會炒得過林，啲雞葉得十分入味辣辣地好過癮。 午市套餐就送一杯台式飲品，而我就揀咗檸檬普洱，嘢飲就好似平時茶餐廳嘅檸檬茶一樣，茶底就用咗普洱去沖，茶味更濃，十分特別。40幾蚊來講十分抵食

絕少寫食評不吐不快米線-硬、無味菜肉餃-皮硬過紙皮韮菜餃-無韮菜味店員-黑口黑面、無水洗面好彩只係叫咗一碗麵，如果唔係後悔到爆最攪笑一坐低個店員講咗兩句外星話，完全唔知佢講乜因為一輪咀咁lur住講其實。。。佢哋有無理過顧客嘅感受架

一句講哂, 食物同伙計一樣惡劣！叫左個米線, 米線難食, 算！ 連菜肉餃都難食！又算....最離譜, 連杯柚子蜜都好難飲.....伙計黑口黑面, 殺父仇人甘...叫果樣野無, 就甘行埋嚟話: "乜乜無哂" 就頭也不回走左去, 最大鑊佢攞埋我個餐牌走....想叫第二樣都無得叫！絕殺左我 ...坐底食兩啖已無心機繼續食........即走.....以後不要再見......完全唔明白點解仲未結業................

嗌得什錦就應該夠保險👍有清甜蕃茄味仲有些小辣 材料唔多 湯多過米線 豬軟骨煮至淋淋地尚算入味 清湯湯底，不過味精重😰五香竟然配米線 嗌左之後都發現一定會伏 但味道還好 有好香既麻油味 呢度d酸辣米線未算係好正宗 佢d配料冇左酸菜 味道仲差小小 辣為多7蚊就食到3件春卷，都幾抵呀！😝脆卜卜有蘿蔔絲青瓜等配料感覺好清新唔錯普洱朱古力聽個名好特別呀 平時飲朱古力會好甜但呢個就唔會 普洱茶中和左朱古力甜，相對於其他易入口d 你話有冇茶香就冇乜 朱古力既濃度會高d 所以呢點係有d失望另外椰香奶茶 椰香味飲洛幾清新佢仲不知不覺咁帶出奶茶 飲洛奶香重夠幼滑 👍唔錯整體上米線味道麻麻 但糧尾可以一試

老實說，呢間餐廳唔係第一次幫襯。佢接近嘅服務態度亦早已見識，都見怪不怪。嘢食方面算可以接受就都有keep住去食，但今日遇到一件自問難以接受嘅事。事源今日同屋企人４個到該餐廳用餐(坐卡位)，米線嘅餸每款只有兩件，味道亦大不如前。在最後用餐完畢，正在飲餐飲時，某職員正指示我屋企人後面嘅卡位俾兩位新來嘅客人坐。但我唔知係因為嗰兩位覺得座位太窄定點，我只見到該職員一句說話都無講就用力將椅子向後推（即我們某中一邊卡位方向），因兩張椅子係互相貼住嘅，咁佢一推就連我家人嘅椅子連人都比推前。幸好我家人當時唔係食緊嘢，如果唔係成對筷子插入喉嚨，咁係幾咁危險嘅一件事。而最令人憤怒嘅係，該職員推完後更可以連一句道歉都無，只係冷冷望咗一眼就走咗去。會唔會過份咗少少？既然係咁，咁我都唔會再去幫襯，真係貼錢買難受咩？我覺得一間餐廳除咗食物，服務都係留住客人嘅因素。可惜呢間嘢係連應有嘅基本禮貌都無，咁自認為事以為自己靠一啲水準普通嘅食物就可以留住啲客嘅位，真係祝你好運！

今日同咖喱包喺荃灣睇完《軍艦島》（係我心愛嘅宋仲基呀），諗唔到食乜之際，諗起同事介紹過一間名字相當特別嘅餐廳—普洱，決定走去試下！普洱呢個名為大家帶黎美麗嘅誤會，我地企喺門口等嘅時候，有一對夫婦行過嘅時候話：「哦普洱係飲茶嘅。」睇黎大家要睇睇餐牌先會知道普洱嘅乾坤。其實普洱主要係食米線同埋飯，相信普洱呢個名係來自佢呢度一款好特別嘅特飲—唔同口味嘅普洱。咁特別嘅飲品真係好大嘅誘惑，令我都忍唔住要破戒點一杯凍飲—凍朱古力普洱專一嘅咖喱包就繼續飲佢嘅至愛—椰汁紅豆冰。嘢食方面，選擇都好多，由涼拌到不同湯底嘅熱食，通心米線到紅薯粉，林林總總嘅配菜，都要費煞思量先下到決定。夏日炎炎特別想食涼浸嘅嘢，最後我就揀左滇醬骨春城豆花涼拌紅薯粉，咖喱包就揀左花枝丸三鮮清湯米線。過左一陣，打頭陣嘅就係特飲。朱古力普洱嘅朱古力味好香濃，茶味相對比較淡，普洱味唔太明顯，感覺似平時台式飯品中嘅朱古力奶茶；椰汁紅豆冰椰汁味幾香，唔會過甜。過左一陣主菜登場。滇醬骨春城豆花涼拌紅薯粉係幼身嗰種，都幾爽口。涼拌嘅汁味道普通，唔夠酸唔夠辣，冇左涼拌比較開胃嘅作用，不過配合生嘅青瓜蘿蔔絲，口感清新爽脆。春城豆花其實就係辣肉碎

從未見識過咁差嘅服務態度，同朋友兩個人入去攞位，見到有好多四人卡位，店主話要坐一邊，ok！繁忙時間坐一邊多地方都係，無問題。正想坐低嘅時候，後面有張二人枱啱啱走，我話我地轉果張，店主好無禮物答話，唔得，果張二人枱要坐三個人。我話而家無三人等位，我地坐唔坐得，佢話唔得，要坐三個，果一刻我已經唔想食，不過朋友話算啦，食餐晏！之後，出面有四個人等位，店主竟然分別叫兩邊卡位嘅調去第二張枱，讓比出面果四個，有兩個調咗同我同一張枱，坐低即刻話，敢樣對客都得嘅？最後我食完，啲嘢真係好難食，準備飲埋杯嘢，店主即刻埋黎收枱，想趕我地走。我刻起身埋單走，普洱呢間嘢永遠black listed

以前都食開，嘢食係ok既！不過態度真係差到我人生第一次見！本身佢態度都差，跟住我有兩個fd叫左嘢食先，點知佢係咁催。我未唸好食咩，跟住佢話：唸咁耐都未唸到，咁不如請你地出翻去等。出面好多人排隊。個下真係嬲到傻！有無咁趕？我坐低最多5分鐘。前面兩個fd已經落左單，點解會好意思趕客人走？！同埋間店餐牌無寫有低消。人生第一次遇到咁樣的服務態度，真係超級嬲，以後都唔會再黎！呢兩年經常同fd係度食，之前態度無話特別好，但都唔會差！今次真系好失望！

“普洱店”係我心目中係 – 荃灣一間具創意飲品既茶餐廳其實已經留意左好耐，但奈何荃灣美食實在太多，間間都想試今次想食平民得黎又有特色既食店，”普洱”係一間唔錯既選擇黎到果陣七點左右，入面已經坐滿哂人不過人流去得都好快，等左一陣就入得呢度食物種類真係好多，焗飯/粉、碟頭飯、車仔面、砂鍋米線，真係食一個星期都唔會嫌飲品選擇更係我見過最多選擇既茶餐廳!! 有成一版A4紙咁多!!但係揀飲品都已經用上五分鐘…(選擇困難症)同朋友兩個人，叫左兩個餐我叫左個 醬鹵+滇醬骨+呈貢牛肉+紅薯粉 ($46)另外加配一個酥炸餛飩 ($7)而朋友就叫左個咖哩焗薯仔雞扒飯 ($50)餐飲兩個都一樣揀左最出名既凍朱古力普洱凍朱古力普洱講真杯野賣相真係唔靚，面頭浮左一層脂肪既野係度，對住佢真係唔會食慾大增但呢杯飲品個味調教得唔錯，朱古力同普洱茶都唔會蓋過對方既味，而且唔算太甜；可以一試，不過下次黎應該會試其他，因為杯野未特別到令我”嘩”一聲醬鹵+滇醬骨+呈貢牛肉+紅薯粉 ($46)有甘筍絲、青瓜絲同芽菜絲，令個面既顏色更豐富；因為有D蔬菜既原因，食落都無咁滯之餘，亦令個麵多左爽脆既口感，正醬鹵甜甜地既味，唔會太鹹；

LUNCH HOUR成日見到人排哂隊等食哩間野一直好好奇究竟係食啲咩 今日趁人少少終於試左賣相其實唔多討好..手撕雞冇味而且比較乾身土魷丸同普通墨魚丸差唔多味滇醤骨似係好少好少辣既豬軟骨咁通心米綫就係米綫形既通心粉成碗野味道麻麻地飲品其實挽回唔少分數蘋果味好重但綠茶味都唔輕唔好睇佢咁綠 飲落去就知真材實料不過原來多人推介凍朱古力普洱 下次一定要試下!!鋪頭最大個張枱都係坐得六個人 一大班人既話就唔多適合而且枱與枱之間比較迫

每次經過普洱呢間店都同自己講有機會要試下佢既普洱朱古力飲品，今日終於有得品嚐一下啦。 睇完戲就封填肚，又唔想食茶記，就的起心肝行左入去試新嘢。我本身就有選擇困難的， 佢地既餐牌又好多選擇，好不容易先落到單， 最後係叫左咖哩焗豬扒飯，同埋普洱朱古力。每次試新的東西就好期待，究竟有下一次定冇下次？普洱朱古力只嚐到朱古力的濃，普洱就唔多覺可能太久沒有飲朱古力吧，都唔錯既。至於咖哩焗豬好意想不到又幾好味，咖哩夠香夠濃亦夠辣，而且飯好熱，飯夠乾身，豬扒份量多，肉質鮮嫩不鞋，汁的比例也是剛剛好下飯，唯獨侍應笑容欠奉，坐位逼，扣了丁點分數而已