普洱

Open Now

Now Closed

有好耐好耐冇嚟普洱度食飯啦, 以前間唔使就會嚟食一次 ,記得對上食最後嗰幾次覺得佢 麻麻地, 因為啲質素退步咗, 唔應該用質素形容, 因為佢哋啲味道仍然好嘅不過覺得用料就差咗。叫咗個咖哩雞扒豆腐飯, 個咖哩汁仍然係幾好食, 可惜個雞扒鞋颯颯, 食落去似雞胸, 但係你又知佢唔係雞胸不過就好乾。 朋友就叫咗芝士西蘭花焗肉醬飯, 醬汁仍然ok, 但係啲配料少咗另外朋友就叫咗個米線炒飯, 雖然個名好過癮, 但係食落就好一般 , 口感亦都麻麻。我哋三個都叫咗朱古力普洱飲 可惜比起以前嘅朱古力冇咁濃郁, 明顯地 淡咗, 唔知係咪物價真係咁高漲。整體嚟講可接受但係唔會想再嚟食, 希望可以改善下, 不過價錢就平嘅, 一個lunch 50蚊

因為有通心米線特登過去荃灣食，星期五晚市要排一陣隊不過好快有位。職員都好快手，但得兩個人做嘢，可能真係太忙所以態度麻麻，而且衛生情況欠佳，左手拎執枱嘅筷子，右手拎清潔碗筷。叫咗一個滇醬骨加五花腩通心米線酸辣湯底，酸辣湯底似係鹹酸菜出水再加辣油，肉有色但冇肉味，滇醬骨得一舊仲要又干又硬，小部分通心粉線有啲唔熟吸唔到湯。另一個炒雜錦通心米線，材料有：四片豬肉得手指公前段咁大其中一片仲有酸味，不能下嚥；唔知點解有酸菜；好似頭髮幼咁嘅紅蘿蔔絲；一啲細但無切嘅黃芽白。凍朱古力普洱=維記朱古力奶加冰唯一可以讚係上菜好快，炒米線底有鑊氣。但絕對唔會再幫襯。

《朱古力普洱》每次去必定叫的飲料點朱古力🍫普洱，想像不到朱古力混入普洱茶，味道挺特別，因為飲的時候，兩隻味在舌尖都強烈，但絕對不是難飲！《咖喱薯仔雞排》大大塊雞排，煎得幾香，咖喱🍛多汁，雞排少肥肉我已經好滿意

咖哩煎豬扒飯味道唔錯，好快上菜，甜甜既咖哩，豬扒亦煮得岩岩好，薯仔都有煎/焗過，令口感更好，更香。熱普洱朱古力估唔到茶味同朱古力又幾夾，一邊飲一邊有淡淡既茶香味。

本來想食既餐廳無位，行過荃灣廣場見到之前都好想食既普洱衝入去啦！！我同小黃子叫左米線，老實講米線就好一般但我係為左杯朱古力普洱而黎😍😍😍杯朱古力普洱黎到同普通凍朱古力差唔多但飲落係濃濃既普洱味對於我呢個茶精黎講係大滿足💋❤️😙

講起荃灣都知有好多小店，其中好鍾意呢間小店「普洱」，因此，間唔中都會成為食堂。必叫既食物係咖喱雞扒飯，貪佢啲雞扒大大份，一個女仔都未必食得哂，而啲薯仔都係有炸過，加埋咖喱汁餸飯，簡直一流。而我個人喜歡既係葡汁焗豆腐雞扒意粉，葡汁味冇咖喱味咁重，做意粉汁一流，可惜成日唔夠汁餸意粉，雞扒份量都好足料，所以食哂一個餐好飽。最後不得不提呢到最出名既係朱古力普洱，估唔到呢兩樣野可以mix埋一齊，真係好特別。

呢間餐廳價錢親民又飽肚 不過質素就一般般 唔好咁大期望🥢雲南酸辣+曲靖辣子雞 米線 雲南酸辣係必叫 如果唔係成碗湯變左清湯就唔好食 成碗米線個賣相求求其其不過都唔係難食 但對比起雲川燒或者老闆娘呢d一定無得比～🥢手撕雞涼拌紅薯粉 男友大讚手撕雞有口感 份量亦都好多加唔係薄切 食完好有飽足感 加紅薯粉煙韌有彈性 仲話呢個餐食足五年仲未厭😂😂🥢朱古力普洱呢間鋪既招牌飲品😂朱古力濃但唔係好甜又帶茶味 唔錯🥢芝麻紅豆冰個人唔中意食芝麻 飲到第一啖已經覺得好難飲 兩者好唔夾 但男友覺得正正常常成杯飲晒😂🥢脆皮豆腐 皮好薄 裡面豆腐係普通白烚個種送上黎個陣熱辣辣 感覺唔錯 不過好多油 🥢滇式煎包 下面層皮好薄 肉都算新鮮 唔錯唯一係上層皮好厚破壞晒成個質感整體我覺得一般般 糧尾可以試下😂

叫左個南瓜粑粑四片配朱古力普洱($32下午茶）中伏❗️超油 冇南瓜味 仲要有燒味叉燒味😳超奇怪 好明顯個煎pan煎過其他野 好hea 好失望😫😫員工態度好差 吾會再去

今日去開荃灣廣場，就去食下久違了O既普洱。呢度有好多選擇, 有焗飯,  碟頭飯, 砂窩米線, 涼拌麵等......我今日就揀左呈貢牛肉。三鮮。涼拌蕎麥麵同熱胚芽奶茶。呈貢牛肉。三鮮。涼拌蕎麥麵 - 夏天嚟親我都會揀涼拌蕎麥麵, 因為配料方面比較多選擇, 每次配搭不同。三鮮其實係魚, 蘑菇同豬肉。魚係比較大O既魚塊, 啖啖肉。呈貢牛肉就辣辣地同偏咸, 不過用黎撈蕎麥麵就一流。配埋青瓜絲同紅蘿蔔絲黎食, 味道剛好。熱胚芽奶茶 - 標準味道, 不過不失餐廳環境衛生方面我覺得可以改善下, 明白午飯時間會較多人, 好急咁清潔完就交枱, 但係試過有次個MENU 好多汁, 同埋旁邊D 位都比較污糟, 呢方面希望可以改善一下。

我叫鈔鍋米線，唔係生鍋米線，圖中五隻餃子有三隻生，d米線煮過龍，一夾即斷。比錢嗰陣向店員反映，只換嚟一句：下次會注意，一句唔好意思都冇，間店冷氣不足，而且店員淨係顧住傾計，食物煮好放置至少五分鐘先有人拎比顧客。

一心黎到飲「普洱」，自問唔鐘意飲中茶，但為咗呢杯「普洱」不惜行到身水身汗。呢杯就係朱古力普洱！好值！唔會似坊間茶記嘅朱古力死甜，一開始飲到朱古力嘅味，之後就有淡淡茶味。普洱飲品以外，對於有咩食物好食一無所知，所以靠openrice推介。有人推薦芝士焗豆腐魚柳飯，我本身都鍾意食焗飯，重點係有芝士嘅焗飯，所以就叫呢個。賣相好靚，好多芝士係面，連隔離枱都話咁靚，講緊係咩焗飯。芝士仲可以拉絲。第一次見豆腐焗飯呢個組合，軟豆腐焗飯都特別。如果件豆腐係預先煎過會仲好。魚柳係煎炸過，唯一敗點係魚柳偏鹹。本身自己一般白汁，所以overall不過不失。焗飯水準唔錯，有機會會試其他汁嘅焗飯。環境方面，適逢2人限聚令，4人卡位中間有個隔板，但都係4個人坐！？係social distance 上隔開啲感覺安全啲。呢點較不理想。

這家小店，最初被名字吸引，普洱朱古力，想想都覺得會好好飲，果然不是所望，有另外點了荔枝綠茶，也都很好，茄子豬頸肉黑椒焗飯，味道更是出彩，滇池米線，有少少肉沫，味道也很棒

普洱係荃灣廣場對面 去到已經排緊隊 等咗一陣就入得啦 餐廳環境都乾淨 我地分別嗌咗五香腩肉 曲靖辣子雞配涼拌紅薯粉 同埋手撕雞 滷水雞翼配涼拌通心米線 嚟到普洱一定要嗌返杯普洱飲下 杏仁普洱同黑芝麻普洱 兩杯都勁好飲啊！尤其係黑芝麻 勁濃厚嘅黑芝麻😍 五香腩肉 曲靖辣子雞配涼拌紅薯粉 由於兩款配菜都係辣 成碗都辣到飛起🌶一啖黑芝麻普洱一啖辣粉 爽啊🤪 不過紅薯粉有啲似粗粉絲咁 唔係平時食開個隻 通心米線我都係第一次食 食落好搞笑 但可以再軟身返少少

荃灣係小弟成長嘅地方，今日舊地重遊，同寶寶去普洱食晏，懷念下先普洱當然要飲經典嘅朱古力普洱，一飲...嗯...寶寶問我乜有普洱味咩？小弟飲到開頭第一啖有少少茶味，飲多幾啖就變咗朱古力，的確比八、九年前遜色咗！雖然係食雲南嘢，過往小弟極喜歡普洱嘅焗飯/意粉！小弟叫咗焗薯仔咖喱雞意粉，大不如前，過往極香濃嘅咖喱味，今日嘅咖喱食落只覺得甜，即使係日式咖喱都太甜！而且無誠意，咖喱cover唔曬成碟意粉！不過份量足夠，要讚！小弟幫寶寶叫咗豬軟骨米線，嗯，不過不失，米線冧咗少許。同埋又係趕客服務，見到食完就拿拿林執嘢，一副唔想你久坐嘅樣，明明又無客整體嚟講，唔知係記憶有錯定普洱真係遜色咗？！以前小弟覺得普洱別具特色，d嘢又好食，今日只有普通餐廳水準，勝在份量，依然好評，但奉勸別具期待啦各位

上一次黎已經係三四年前，個時食焗飯同朱古力普洱覺得好正不過荃灣食飯有好多選擇，又開左好多新店，成日想試新餐廳嘅我就好耐無再黎啦。今日再黎，見裝修佈置都無點變，餐牌仲有我最愛嘅朱古力普洱(其實我只係黎飲過呢款)當然要encore 下叫一份焗飯，包一杯20蚊嘅飲品，真係好抵食咖哩薯仔雞扒焗飯，咖哩好香好濃，仲有焗/炸過嘅薯仔，雞扒夠滑，好欣賞茄汁雞扒蛋飯，醬汁都唔錯朱古力普洱仲keep到以前飲過嘅味道，另外仲試左杯芝麻咖啡，都好香濃特別呀。難得焗飯做得好之餘，飲品都有心思，特別啲