普洱

Open Now

Now Closed

記得中學個陣放lunch宜間舖一定大排長龍見grad左咁耐就特登返黎試下我就叫左碟咖哩煎雞排同茉香奶茶(好似係)野食同飲品好明顯同之前有分別唯一唔變既可能係飲品走冰都係唔滿首先 我去食個陣大約係7pm 個意粉係凍既 好明顯係煮定放左好耐第二 成碟野好好好油 唔知點解第三 味道好普通 已經冇幾年前既水準 又或者咁講 冇宜家啲人講到咁好食佢有樣幾好既就係 飲品方面有好多唔同既選擇 唔係只係得奶茶檸水檸茶宜啲大路野但係 印象中有啲飲品都係麻麻既 中學中過幾次伏😂

好一段時間冇去普洱進餐，好喜歡跟餐的台式飲品，今次係飲椰香普洱，忘了拍個照呢！都幾香椰汁味，凍飲比較滑，熱飲比較香。官渡燜肉通心米線 係我好喜歡的其中一個選擇，肉片是非常甘香配有醬油味的豬肉片，它不會帶有肥膏而且肉質鬆化、好味。除了通心米線之外，還可以選紅薯粉 米粉或蕎麥面，但我喜愛通心米線的質感。醬燒雞塊南瓜豆燜飯，雞塊好多而且好嫰滑，醬燒後仍能保留肉汁。這個飯用一個鐡窩上，飯特別香口夠熱。

又係因為喺附近返工， lunch同同事過黎食涼拌紅薯粉，今次揀咗醬脆烤肉同埋魚皮餃涼拌紅薯粉，本來想涼拌蕎麥面，但係賣晒，所以揀咗紅薯粉，不過佢既紅薯粉都好食既。午餐時間好多人，好彩12:15就到，最後一張，唔洗等咋。上菜好快，同事揀醬拌，一樣好食！今次飲品揀左朱古力普洱、幾得意！好多人飲，果然無錯！埋單連野飲每人都係45有找！

聽男友話講過呢間普洱有杯好特別既野，就係朱古力普洱，今晚終於有機會黎試試！破戒飲次凍飲！黎到有卡位坐，但冷氣都開得幾大同吹到正，成程愈食愈凍。本身想叫二人餐，但精打細算既男友計過，單叫其實比較抵。我地今次叫左一麵一飯。醬烤脆肉同手撕雞通心米線＄46，加$3野菌湯同$7蠔油菜蔬。飯就叫左咖哩焗茄子豬扒飯$50。飲品就一定叫凍朱古力普洱同埋荔枝紅茶。麵個度，D肉既份量都幾多，醬烤脆肉同手撕雞個味道不過不失，湯底我就覺得麻麻地，陣味好舊咁。不過！個通心米線係好特別，比起米線會再in un d，但又未去到鳥冬既口感，好推薦叫黎試試！而飯個度，可惜唔係炒飯，又唔係焗得好耐咁，飯就偏軟身，唔係焗飯既口感。但咖哩好好食，豬扒份量好多而且好食！今次，飲品先係主角！呢杯朱古力普洱我好中意！！！！！邊飲朱古力，普洱陣茶味會隱約滲出黎，朱古力又唔會太甜！一試難忘，依家都想飲多次，唔知自己係屋企整唔整到呢～

今日一支公，去荃灣試下呢間普洱，叫了一個辣子雞加黑椒牛筋丸紅薯粉!估唔到紅薯粉真係爽口無比， 好有咬口， 牛筋丸亦十分彈牙， 不過辣子雞就有少少失望。蜜桃紅茶十分清新，新津解渴， 炸雞翼，粉漿較為多一點， 但亦算合格。

今日放工約咗朋友喺荃灣百老匯睇戲，由於時間不太充裕，所以沒打算去路德圍， 所以就係荃灣廣場對出嘅大壩街睇下有咩好嘢食，經過呢間 "普洱"， 睇menu 選擇種類很多，而且價錢都好抵食，於是我哋去試下 。叫了一杯杏仁普洱， 味道不算太甜， 但杏仁味突出， 味道有些少似朱古力！春城豆腐米線， 米線夠爽口， 豆腐十分軟滑， 湯底有白菜仔及肉醬，微微少少辣！加了一份春卷， 春卷皮很薄， 而且炸得十分脆， 裏面嘅餡料十分輕盈， 以雜菜及紅蘿蔔絲為主！

之前聽在荃灣工作的朋友推介，說這一間餐廳普洱在中午時經常也有人排隊，是在一邊比較好食的餐廳。所以跟老婆一齊試試他的二人晚餐。好彩我們今次是在晚上八點半到，不用排隊直接進入餐廳內。店內已坐滿八成食客。看看他的餐牌，見到有不同的點心，小食及小菜。我們急不及待的點了一個$128 的二人餐。二人餐內有不同配搭，由兩個前菜，一個主菜，一碟菜及兩杯特式飲品組成。前菜我點了 - 手撕茄子 / 主菜我點了 - 雞翼排骨 / 特飲我點了這店很有名的朱古力普洱。鹵水拼盤 - 有叉燒，雞翼，鹵水蛋。如果我知道這個拼盤有雞翼，我在主菜就不會要雞翼了。整體來說，其實味道是不錯的，但可惜份量比較少，好似主菜裡只有兩隻雞翼及兩片排骨，菜也很細碟。菜式也比較普通。感覺上性價比不高。下次有機會的話，我會選擇點他的個人餐。二人餐應該不會再試了。

我本身住荃灣 都有唔少朋友講過呢間 所以就成家人泥試喇首先入到去 有幾張卡位 但佢係都叫我地去坐搭枱 我地冇show佢之後落單 一開始以為呢間會係台式野 原來都係茶記menu但職員態度都mama地 講野又細聲 話要隻杯 第一次聽唔清又黑哂面未食已經打個突茄汁焗香菇豬扒 飯$45爸爸話普通 同埋偏甜茄汁洋蔥豬扒 意粉 $41我叫了呢個 好稀d汁 同埋都係好甜 豬扒就太冇肉味 太重調味料山珍海鮮丸砂鍋米線 $44媽媽話幾好食 d丸幾爽 湯底成個味岩岩好 唔會太重味太淡呢度所有野都包哂飲品 幾抵 飲品質素幾好 推介大家叫d有普洱既野飲評語: cp值中等 食物質素普通但勝在包野飲又平

Unknown to many people, 普洱 used to have a branch in Lai Chi Kok near the petrol station.They were famous for chocolate puerh tea, buccatini and chilled noodles topped with silky tofu.Unfortunately the branch at LCK closed so the only ones are in Tsuen wan.As I was in TW, I decided to go in and have my favourites again.Sadly, they have replaced the silky tofu with premade tofu from the supermarket and the noodle dressing was too sweet.

好多人都話 荃灣好多好嘢食！我就係lunch time 時間去左呢間普洱到試下！因為聽過朋友講好味同埋都唔少人排隊！服務員都好好，好快安排到位置！同埋服務員會好主動幫手叫啲客人坐埋一邊，又或者 叫啲客人調去其他位置，令我哋四個人好快就搵到位喇！佢嗰度出名係焗飯， 同埋佢所有飯都會包一個特色嘢飲， 當然有啲係要加$3啦！ 不過佢大部分都不用加錢的！黑椒茄子豬頸肉焗飯$45本身體佢個碟好淺以為好細碟！ 原來好大碟㗎！我最後都食唔曬！凍朱古力普洱(包左）真係好抵㗎， 而家食嘢好少有嘢飲包埋，仲要喺凍飲唔洗加錢呀

其實我幾鐘意食一間位於荃灣廣場對面街嘅一間餐廳 叫左普洱 所以今日我又自把自為帶左個friend 去個到食啦哈哈今日我就叫左山珍海鮮丸砂鍋米線 加杯朱古力普洱少甜 我之前未食過佢啲米線所以今日想試下 點知都好味道！ 佢碗米線係即刻煮嘅 一出到黎差啲比個砂鍋辣親 正 個人比較喜歡米線淋 比較易咬且易消化 而且湯底清甜唔需要加辣油也夠味 而且配料都幾多 有五料丸再加菇 仲有少少娃娃菜 鐘意佢夠清淡 食得多heavy野嘅人都可以黎試下!! 而朱古力普洱就一樣 少甜都好飲 淡淡嘅朱古力香係茶中飄出 口感都幾厚 仲有少少奶味 正!有時簡簡單單都已經好幸福

今日同屋企人三個人去食Lunch, 經過餐廳門口見到已經比較多人喺入面食嘢，咁我哋喺門口望左一陣餐牌，覺得啲嘢食都幾特別！咁就入左去食野啦，睇咗一陣個餐牌，見到有一隻叫做通心米線，覺得都幾特別，就叫黎試下！同埋叫咗凍咖啡，咁我明明叫米線嘅時候要酸辣，咁點知黎到後原來係清湯，咁我就同職員講！佢話換過個俾我，點知過咗1分鐘之後佢拎返碗野出俾我，原來只係喺上面加咗啲辣椒咁既醬汁！咁就叫做酸辣！完全係得個辣字，冇酸辣既味道，凍咖啡嚟到之後發覺原來冇糖水係入面，咁咪叫佢加番啲糖水，佢個樣即刻顯得唔耐煩！跟住我加咗一份香辣雞翼，點知嚟到非常之失望😞！原來係炸雞翼上面加辣粉！，另外屋企人仲叫咗一個脆炸魚柳飯，諗住應該都OK啦，點知原來個魚聊全部都係炸粉完全唔好食！最離譜嘅一樣野係呢個明明係鮮茄脆炸魚柳意粉睇吓隻碟個底！！！黃咁咁！好似隻碟冇洗過咁！唔講唔知我以為叫咗咖喱汁！講真，隻碟啲色滲到咁樣，都仲繼續用！我覺得其實係有問題，碟意粉嚟到見到個碟都唔想食啦！同埋食飯都係諗住享受下，點知佢哋啲員工就係樓面一邊做野一邊講粗口，根本一啲都唔會當有客人坐喺度！總之一句到尾，呢間野唔會再幫襯！亦都唔會建議朋友

求其喺荃灣揾野食，見好耐冇食過普洱心思思又走去食下。以前中學時期都經常去食，因為真係好抵😍😂40幾蚊仲包一杯台式飲品👍🏻👍🏻咖哩焗南瓜魚柳飯 ($45)已經叫左少食，但係都係好多飯😂咖喱好香，配魚柳👍🏻南瓜夠淋！葡汁焗時蔬雜菌飯 ($45)一般料，冇咩特別，都幾多菜嘅🤣🤣🤣兩杯台式飲品跟餐最出色😍🤣朱古力普洱，芝麻奶茶👍🏻👍🏻好香朱古力同芝麻味！真係唔錯👍🏻！！

荃灣多美食 又平又抵食一定係呢度呢度有兩樣野 係我最心儀的 一樣係通心米線從前超市都有得賣通心米線 但唔知點解 又唔知幾時無左 掛心左幾年 就係呢度再度碰上所以每次都只食通心米線 夠特別另外佢的湯底都特別 有芝麻湯底 雖然味道一般 但可以一試 第二樣心儀的係飲料 佢有大量野同普洱mix 眼見最多人飲 我都最常飲的係朱古力普洱 打破左一般對普洱的感覺 真心推介呢度有兩人餐 但食落較一般食個米線 又有杯野飲 都係$50 真是抵到爛 雖然平靚正 但佢好少要排隊 👍🏻

昨晚經過荃灣，發現這間店舖，近荃灣廣場。經濟抵食之選，套餐包一杯台式飲品，都係$50，超值，兼且美味可口。進食期間，都有人排隊等位。我們叫了醬燒雞扒南瓜豆燜飯，蒜泥白肉，焗白汁雞扒飯，雞絲湯喬麥麵，包三杯飲品，埋單$200，平靚正。