普陀素食 (Closed)

><唔係地膽介紹 路過都唔覺顯眼真係主要餸街坊熟客生意感受到係佛系 one-man band經營酥炸素大腸(68)本身麻麻現實中嘅大腸 雖然唔知係用咩替代但係質感幾有趣椒鹽茄子(68)炸得乾身唔油膩 外脆內綿密份量慷慨 食極都仲有hahaa琵琶豆腐(78)仍然都係唔知用咩整 幾彈牙第二次去食 終於有湯飲但係想食嘅紫菜素腿卷仲未供應欖角素叉燒(78)個賣相同味道都好似叉燒 連燶邊叉個邊都有模仿到西檸腐皮鴨(78)酸酸甜甜好下飯係炸完multilayered腐皮形狀似鴨件 所以叫鴨?!酸齋><><><><><><><><><><普陀素食上水新成路131號地舖

有一天，帶同外父外母去上水辦證。事成後當然一家人去開心食返個晚餐才回家。於是，我同太太就積極地看看上水附近有沒有素食店。結果，我們發現了一家叫《普陀素食》的素食店。辦好證後行過來。原來是一間很傳統的粵式齋舖啊。不用想了，一家人就去分兩檯，開心晚餐。眼見門口有素食的炸點，太太已經急不及待地先點上。沙律卷，春卷，咸水角同煎堆。雖然是預先左唔知幾耐之前做定，但上碟前，店方會把這些炸點焗返熱、焗返脆，吃起來，依然可口。難得一家有老有少出街食，所以我們就叫一些一家人才有能力消化的東西。其中一個就是一大窩的竹笙素翅。這素翅並不是傳統酒樓式的做法。沒有金黃的顏色反而像一個羹。有素翅，木耳，竹笙，金菇仔，等配料，味道也比起傳統金黃色的那一種翅好食好多。雖然給了我們一大碗的紅醋調味，但當我們食落，漸漸地發覺，不加醋更可口。要氹小朋友食齋，菠蘿素咕嚕肉就是最佳的食品之一。味道是很正宗的 Sweet and Sour，用上的素肉，連帶一條能食中的假軟骨。總比那種插著一條不知名硬物在中間的好。另一個真的是要一家人用餐才會點的東西，就是五柳素鮮班。香脆的炸芋頭魚，由內至外都非常之香口。內心芋味香甜，口感又綿又滑

上水都算得上係素食沙漠，除咗依間做左幾十年既普陀素食之外，就再冇其他素食餐廳。其實依家真係多左好多人食素，我強烈建議有興趣開素食餐廳既老闆們可以考慮下上水。講返普陀先！因為有返咁上下歷史，所以成間鋪都係舊舊地昏昏暗暗咁，不過基本上大部分中式齋鋪都係咁上下樣。黎到齋鋪緊係要食齋滷味，細份都已經好夠食。依個鮮果玉球除左蜜桃之外就冇乜其他果，味道就比較似咕嚕汁，酸酸甜甜幾開胃，如果用猴頭菇代替個素肉就更正。比餐牌上面「大網鮑」幾隻字吸引到，結果隻鮑魚又真係幾大隻，上枱果陣鮑魚有啲散開左，我地砌返靚仔佢先影相，個賣相都算唔錯丫！素鮑魚用蒟蒻做既，爽口彈牙，都模仿得幾好。個福建炒飯係一啲都唔似福建炒飯既，但唔代表佢唔好味。個飯好夠鑊氣，而且超大份量，食完都幾滿足，不過如果你係想食福建炒飯既話就可能會有少少失望。黎到依啲街坊飯堂老字號，最開心係食到人情味。鋪入面既姨姨好用心既接待我地，見我地等緊人又會拎湯比我地飲先，又好主動幫我地加茶。餐廳剩返我地一枱都唔會話想趕客快啲收鋪，喺度屹立到咁多年確實係有佢原因既！

工作中去到呢度食午餐，唔使等位，好平實嘅裝修，不過桌面就黏黏的，唔夠乾淨，食物選擇幾多，牆上有啲圖片參考！茶：叫了水仙，夠濃夠味又夠熱！唔錯例湯：菜湯夠熱，唔落肉都清甜！羅漢齋炆米：呢個有點失望，雖然夠大碟，米粉都炆得入味，濕濕的好味，但配料比較簡單，木耳爽，豆腐外皮索湯，豆味濃，白菜仔爽脆，粟米仔爽脆，菇類煙韌，整體ok!但只有豉油汁味，欠缺了調味上嘅層次！細齋鹵味：酸齋唔夠入味，酸味都唔夠，叉燒有咬口，素鵝外脆酥皮幾好！其他無食！同事食：齋鰻魚飯：雙丸粗麵：食物只係一般，店員姨姨一腳踢，落完單又入廚房幫手！佢都幾nice!食齋其實清唔到腸胃！只係要食啲其他食材！

今晚在上水見客恰巧晚餐時間，故決定到普陀素食一試，這家素食在上水都有好耐歷史，我還是第一次到來，舖內環境不算大，坐下來聽到播放著輕柔佛樂感覺舒服自在。南瓜花生眉豆煲蜜棗清甜滋潤夠火喉，不似一般例湯。齋滷味各款味道都很突出，我食過咁多間齋舖目前比較喜歡這間菠蘿素咕嚕肉酸甜醒胃份量足紅燒豆腐好有住家感覺，豆腐煮得香滑，而且各項食材味精份量感覺很少，故比較食得健康。二至三人套餐不用煩腦

你敢相個這是一道餸嗎？完全冇味，淡過飲水，真係令人有格硬食的感覺....鴛鴦飯又極咸，真係食到味覺失常！張枱又唔mark乾淨，濕泣泣咁...新街市個d檔口仲食得安心過係度食極多囉....芋頭魚凍冰冰...叫得既都係想食質感，OMG！不過佢個汁已經係所有餸中最有味道架啦，陰公..其他都真係淡某某.....食齋可能唔應機有咁多要求，但係咁樣真係會令人有討厭食材的感覺...我唔想曬左d野食，只好盡力食，天呀！雖然齋鋪黎講佢係上水獨市，但唔該請自重！

中式素食，俾人感覺好平實，反而我愛這餐飯，有屋企飯的感覺(只是真肉變左素肉)嘩！比手掌濶的鲍魚(㕑師細心切開左鲍魚)外表80% 似真鲍魚每塊好厚身(菇造的味道，好香，口感似鲍魚woo)醬汁有鮮味咕嚕肉色澤好靚，醬汁酸甜度剛好，配上素肉(菇做)，口感似肉比起鲜肉，少左膩的感覺肉中間有條似豆干的餡(有香菇味woo)，令素咕嚕肉，更香口本身朋友想吃咖哩飯，但唔想要汁，店員主動提議改做咖哩炒飯(餐牌無的，好窩心服務)外表炒得好靚，唔油膩(飯粒原整，唔濕)，咖哩味好香好惹味(唔辣)粟米羹好大碗味道好鲜甜(因為足粟米)，味道除了粟米的甜(淡左少少)加了胡椒粉，增加味道(p.s.本身天然味，其實不錯，只係自己，之前食得太多味精)有多款中國茶揀比想像中，多菜式，價錢親民，這餐$252，已經食得好滿足，中式素菜，外表不及西式素食靚，但勝在有親切感，店內大圓枱設計，難免搭枱(與陌生人，一齊食晚飯，有点過節食飯的氣氛，好温暖)，出來工作後，覺得少和家人食飯我要多抽時間和家人聚餐💪💪

喺上水好難搵到素食館，在網上搜尋一下，見到呢間普陀素食，再喺openrice 睇下，毁譽參半，真喺戰戰驚驚嘅心情試下。成間舖都喺好街坊feel，昏昏暗暗，裝修簡單，牆上貼咗證嚴法師嘅靜思語，耳邊傳嚟一些佛教音樂，只有一個阿姐一腳踢，斟水、招呼、落單兼收錢，走來走去好忙，但招呼好熱情，笑容滿面，其他客人都同佢有講有笑，好有溫情，一問之下原來唔喺老闆娘，只係敬業樂業，真難得。佢推薦咗幾味店鋪主打比我哋，包括：素鹵味拼盤、五柳仙斑、法海蒲團、竹苼素翅及菠蘿素咕嚕肉等主打比我哋，味道比想像中好。五柳仙斑和菠蘿素咕嚕肉賣相不錯，沒有之前openrice 2010 食家post嘅相片咁膠，可能換了厨師，酸甜醬調配得唔錯，呢個非常關鍵，不稠不稀，味道恰到好處。素鹵味拼盤，搭配不錯，齋叉燒顏色適中，無一劈鮮艷醬汁，唔會因為色素而搞到唔敢食。最好食就喺素鴨，值得推薦。竹苼素翅配料豐富，四個人食略嫌份量太多。法海蒲團賣相亦佳，名字已經無得輸，原來喺髮菜加西蘭花，嗰獻好ＯＫ，味道唔錯。總得來說，覺得食物水準唔錯，當然唔可以同高級素食館比較，一分錢一分貨，街坊生意，只要唔好太高期望，趁熱食，物有所值。

原本無諗住係上水食，但阿媽話有啲野係上水先有得買，所以唯有勉為其難去啦。入到去，叫左茶水，之後慢慢睇餐牌。係無乜選擇下，揀左我O既心水，乾燒伊麵。碟野上到枱...啲色水怪怪，好似咖喱，又好似酸甜汁咁，橙橙黃黃，賣相已經唔算吸引。啲配料可謂少得可憐，乜啲冬菇芽菜家下好貴咩！到食落口個下，啲麵韌韌地，似係無用水滾開。啲汁又唔似蠔油味，鹹鹹地酸酸地咁。總之成碟乾燒伊麵好怪，好難食。仲有個齋滷味，個樣整得都算 OK 既。但係，啲味太參次。酸麵筋太酸，好似飲純檸檬汁咁咖喱麵筋同豉油麵筋唔夠味，叉燒太甜。整體來講，如果係無得揀既情況下，寧願唔食都唔會再去。

今日去上水大草地前係市中心唯一嘅齋舖食午飯。叫左素乳豬飯同咖喱薯仔素鴨飯，素乳豬皮炸到香脆，素鴨飯比想像中高水準，呢間係無選擇之下非常唔錯嘅選擇。埋單連茶錢$76。

第一次來這裏吃飯, 點了個干燒伊麵, 見到 蟑螂身體及蟑螂腳. 干燒伊麵味啖. 又點了另一道炒西蘭花, 菜炒得很老, 又是味啖. 各位千萬不要來這家吃. 否則必定後悔! 最後什麼胃口都沒有, 埋單走. 店員只取消加料那道菜, 算吧, 沒心情取論, 還是快點走吧. 幸好拍下證據.

原本好想食打冷，但又揾唔到，所以去咗食齋。1) 羅漢齋炒麵麵底好脆，份量好大，啲汁都唔錯。2) 鹹魚炒菜苗真係有鹹魚味，好搞笑。但啲菜勁多油。3) 五柳仙斑我嘅最愛，好味！喱度好似家庭式經營，即叫即炒，唔駛加一，都唔錯。

這間素食館，食物品質OK，最重要是便宜，平日（非初一十五）中午一個飯加一個湯才二十六元，有超過十種菜可選。這一天點的是素魚柳飯，味道OK，但配菜太少。

其實我個人麻麻地食素架...不過礙於我妹妹係一個素食者，所以有時都會到這間上水唯一既一間齋舖食飯，就下佢囉黎親呢度，我最鍾意食「鴛鴦炒飯」 ﹕這個炒飯既味道絕對不比酒樓的差! d 紅、白獻汁都好夠味，我個人覺得好一流架喇!!!其他既小炒都頗有水準! 最緊要d小炒是即叫即炒架嘛,good! 食落都好夠鑊氣 味道適中，唔太濃or太淡 佢地既乾炒(素)牛河都唔錯架 粟米粥都好好味，起碼碗粥夠熱如果想轉下口味食少d肉，「普陀素食」都係一個唔錯既選擇P.S. 全店全日不設加一