晶點小館

Open Now

Now Closed

本來打算幫襯，站在門前睇，呀姐問要咩，諗緊未答佢幾秒，佢就話唔好阻住門口做生意，態度十分惡劣。仲叫囂影佢放上網呀，其實我就無諗過甘做，未幫佢出名？！我話唔幫襯了，佢話少你一個唔少，串到飛起。其實太安樓前面仲有連鎖點心店，我就去左，唔一定要幫襯佢！

提外話，09/12/2023（星期六）發覺 蒸點小館 嘅阿姐，間唔中都會感到燥底，一忙起上嚟，就會嬲爆爆，好似激親佢咁樣 🥲😓🙄 舖頭多單接，多嘢做唔好咩？？你多單多嘢搞係你嘅事啦！！點都好過冇嘢做啊 🥲😂好似踏親佢條尾咁嘅款⋯⋯ 🥲阿姐態度真係非常之有待改善，幫襯你要受你氣咁嘅～～ 😞😒叫呢樣，樣樣食物都仍然未煮熟，要等十多分鐘才能完成煮熟程序～～🫣🫠 結論：如果唔係幫襯開，同埋太安樓食來食去都係嗰啲嘢食嘅話，我都費事選擇😂😂

該店位於港島東區西灣河太安樓入面，該店內的女員工（不知道是老闆娘定係員工）一向態度麻麻，有時候態度十分囂張氣焰，經常性喺度串串貢，非常之不友善對待。至於食物方面，尚算可以接受，起碼食得落肚先。而腸粉類就即叫即蒸（約10分鐘左右啦），其他點心 / 飯類都是於蒸爐內蒸熟，唯獨是在於職員的服務態度。☹️😒因為本人於西灣河太安樓附近一帶工作，如果唔係附近冇乜嘢好食，再加上該時段已經為 22:00 後，本人都唔會咁刻意地去幫襯佢⋯😅😂

同事女兩個月前去咗香港島筲箕灣嘅太安樓搵食，比佢哋發現咗一間新開嘅即蒸點心小店。太安樓係一個出名多美食嘅地方，係筲箕灣地鐵站一出就可以到達。同事女食過之後馬上介紹俾公司同事叫我哋一定要去試吓。試過嘅同事們都一致讚好。👍🏻我當日去到係星期六下晝2:30左右，但小店都有一半滿。仲見到太子女喺度幫手。太子女話平日都多人，之後外賣越做越多，所以先要落嚟幫手先搞掂😂。言談之間知道呢間小店係由兩位入廚30幾年嘅酒樓點心師傅主理，點心每日新鮮製造，即叫即蒸。蝦餃大大粒，糯米雞大大個包你一定食到飽，炸物更加一試難忘。真心推介鹹水角、炸雲吞。我四個人叫左蝦餃、燒賣、鳯爪、咸水角、排骨、炸雲吞、炸腐皮卷。炸物新鮮炸起即食同出面酒樓番炸真係差好遠，大家有機會一定要試吓。