Video
4-min walk from Exit A, Quarry Bay MTR Station
continue reading
Telephone
25907968
Payment Methods
Other Info
Spot payment
Above information is for reference only. Please check details with the restaurant.
今日心血來潮🫢就好想試附近嘅燒味飯。平時搭車經過見到都大排長龍，於是我都去睇下有幾好食😂😂不出所料，去到都要排10幾個，等左10-15分鐘終於買到啦。佢買飯盒送飲品，單併💰3️⃣8️⃣，雙併💰4️⃣0️⃣。不過自己就叫左切雞髀叉燒飯🐓🍗🐷🍚，就會貴多💰1️⃣2️⃣🤫🤫。打開飯盒就已經好吸引啦！！件件都大啖肉，非常足料！切雞皮🐓色澤鮮明光滑🤩，雞肉有咬口同鮮味，食唔到雪藏味。不過佢如果煮耐少少🤏，紅色嘅血位🩸唔會咁多，呢個都係冰鮮雞嘅缺點😣叉燒方面，外面塗上蜜糖🍯經過高溫燒烤🔥，食落口嘅蜜汁甜度適中，外皮脆香肉質嫩滑，肥瘦適中呀🥰🥰整體黎講覺得叉燒同雞唔錯！如果個飯盒加多條菜🥦🥬就好啦😣😣附近番工嘅朋友唔怕排得耐都可以試下呀😋😋
continue reading
今晚屋企無餸喎家姐叫我斬料斬大嚿叉燒因為見客去咗鰂魚涌平時見到呢間食店晏晝好多人排隊咁橫掂行過不如響度買丫買咗一隻油雞$180 真係大件夾抵食肉質好滑都好鮮味不過雞皮真係好肥玫瑰豉油味都好香我覺得超值抵食然後我話要半斤叉燒佢話$80 是但啦食味遠超賣相眼見以為肉質會乾原來唔係喎好入味 好鬆軟 蜜味焦香味都剛剛好大大盒 抵食我仲買咗燒腩我話要一條骨又係滿滿一大盒好似$120燒腩就真係唔夠太X/X興咁正皮唔脆好硬肉都唔係一層層嘅靚腩肉不過勝在唔咸咁大盒 呢個價錢都好抵食嘅
continue reading
係側魚涌返咗咁耐工,呢間都係我買燒味飯嘅首選,因為係側魚涌嚟講叫平靚正,今日心情唔太好,食豪小小😂叫咗個乳豬油雞飯68蚊,比完錢都覺得豪咗DD,但平日雙拼飯都係39蚊包一盒飲品,側魚涌嚟講叫平㗎啦今日個乳豬唔太肥,但皮脆軟腍多汁,雞油就唔洗講,一向都出名好食,我同同事平時得閒無事掛住佢個油雞晏晝加下餸咁我通常都會外賣,因為店舖都係得3張枱,但係佢勝在平同埋質素係好嘅講多句肥义都好正㗎😋總之日日lunch都排長龍,要買外賣就要早小小落去啦,唔係就要排成3,4個字㗎啦
continue reading
住左鰂魚涌三十年，細細個就成日幫襯呢間燒味店，由舊店到新店都有幫襯。估唔到個幾月唔幫襯，而家啲質素差到離晒地。買左盒叉燒飯，份量係多，但重點係叉燒唔係超鞋，就係全肥膏，真係好過份，以後真係唔洗再幫襯。
continue reading
lee間燒味店係同事介紹,好近太古坊,岩哂返工忙碌人,通常d人都會買外賣返公司食,因為鋪面唔係好大,個個排哂係到都好逼下,都埋冷氣都唔似多夠睇條龍就知幾受太古返工人歡迎今日我嗌左燒鴨🦆燒肉🐷返,今次冇鴨脾,平時好彩都會有,但冇鴨脾,都俾大大舊肉😋😋絕對唔似連鎖快餐店咁成日俾埋哂d骨,咁樣都係38蚊咋‼️‼️‼️今時今日仲可以係邊到搵到🙈🙈佢仲有得揀乳豬雙拼嫁,但就會貴少少,38蚊係仲包埋嘢飲添,抵到爛,叔叔又成日當你女咁話要咩就出聲,好好人👍
continue reading