朝陽軒

Open Now

Now Closed

幾個女仔簡咗好耐究竟食咩，因為真係好多唔同種類，好多都好想食，見到隔離檯好大一碟，所以就唔係好敢叫多🤣🤣我地真係好好好慢先決定到，但員工服務態度幾好😁😁一人份量酸菜魚😍😍其實好大碗，好多！都好真材實料！記得叫少辣，因為都幾辣，如果唔食得辣！好鍾意個xo醬炒飯，一粒粒ge飯，有好多蝦，真係好正！不過個炒麵就遜色咗d，我地想要佢係好乾爽嘅，但li種比較濕潤，不過好足料！餐廳選擇好多，真係用好多時間去睇，多謝店員嘅耐性😊

本身係酸菜魚愛好者既我，咁岩聽到朋友介紹呢間有，而且午市仲好抵食，果斷叫左外賣。1️⃣老譚酸菜魚飯2️⃣凍檸茶少甜少冰酸菜魚有分辣度，我叫左大辣。味道夠辣夠酸。魚肉好滑，冇骨。入面仲有薯粉，芽菜，黃牙白。送飯一流，份量十足，一定夠飽。呢個價錢十分扺食，但如果唔太食得酸既朋友就可能唔太適合。

上次就去咗食呢個麻辣水煮魚超鍾意佢哋個湯底而且啲魚又冇骨$60有個飯勁抵食我哋都係晏晝放飯，一班學生走去食朋友介紹嘅見呢個價錢食得咁正嘅嘢真係值得嘅大家都去試吓雖然個環境麻麻地但係係好食而且間嘢都幾有人情味服務員都有禮貌，有啲人可能覺得態度麻麻地但係佢哋可能忙啫，但係我覺得正嘅呢個價錢去試吓都不妨我係覺得毛血旺同埋水煮魚係最正酸菜魚我就覺得還好啊，可以接受毛血旺入邊啲料都好足適合鍾意食麻辣嘅人嘿嘿

招牌老壇酸菜魚 $60 (轉紅薯粉+$8)好味指數：8.5/10見到每張枱都會嗌一碗，所以我都唔執輸，叫返碗嚟試吓， size其實好大碗，首先啲湯唔會🌶️太辣，酸酸地咁好開胃，但我覺得湯嘅味道可以再濃多少少🤏🏽會仲更加正，不過個魚片🐟非常出色，因為好滑🫠，應該係我食過咁多間酸菜魚裏面做得最滑🥇嘅一間舖頭，咬落去仲有少少🦷彈牙，而且配菜都有好多芽菜，🥬娃娃菜，薯粉墊底，我哋另外配多咗個薯粉，因為酸菜魚同薯粉係最佳嘅拍檔。尖椒回鍋肉$52好味指數：7.5/10五花腩🐷食得出係炸過嚟，尖椒🌶️全部都挑晒啲籽，所以一啲都唔辣，就算用咗辣嘅醬料去炒，味道啱啱好好惹味，份量嚟講一個人絕對足夠，仲有大大碗飯🍚跟埋。干煽肉碎四季豆$50好味指數：8.5/10呢個餸菜係我哋覺得😍最出色嘅，肉碎大大粒，而且四季豆炒到唔淋好爽口，加上佢調味恰當，唔會太鹹，仲有少少🌶️辣辣哋，用嚟撈飯好開胃，個個都爭住食。新疆烤羊肉串肉$15 串好味指數：6/10呢個羊肉🐏冇乜蘇味，咬落去肉質偏淋，所以口感爭少少，但係佢燒🔥嘅熟度，同埋調味各樣嘢都係啱啱好。

叫佐成個鐘都冇送餐來，我地是手機Whatsapp 落單，對方已回覆ok,但足足等佐成個鐘都冇野送來，打去問返點舖，竟然話冇收個Whatsapp, 我叫佢唔好睇最近個幾個短訊，叫佢睇返成個鐘頭前既Whatsapp 啦，佢先發現，但對方一點歉意都冇，亦冇挽留我地仲要5要落單，可能唔夠人手，根本就冇人送餐就唔好接order啦👎👎👎👎👎👎👎👎👎👎👎👎👎👎👎👎👎👎👎👎👎👎

我係第一次嚟，但感受極差，事緣我們落完單，飲品好快上，但係之後等了20分鐘都未上食品，我就催促夥計，佢答我催咗，但我都未見過佢催，之後再等咗10分鐘，比我哋遲嚟好多嘅客，D單都到咗，我哋即時唔食，起身淨比飲品錢，請我都唔嚟呀！

如題！非常離譜！兩日前經openrice訂枱，仍收到通知成功完成訂枱，昨日還有溫馨提示我已訂枱。。好在臨去前查看地址，才發現餐廳顯示全日休息，但仍然接受當日訂枱，發生咩事呢？ 心知不秒立即致電，當然無人接聽，我地仲要臨時搵餐廳代替。。

酸菜魚湯飯湯底幾好味,酸中帶微辣,下次試下加辣魚片好滑,份量都唔細,重有娃娃菜,薯粉,芽菜等配料咖哩牛腩飯個汁有驚喜好有咖哩味又有辣味送餸一流牛腩唔算太稔有咬口,薯仔都稔不過餸就少咗啫晚市加凍飲要$8杯

今日去開深水埗買嘢，午膳時間大多數食店都設堂食，只售外賣，見汝洲街的朝陽軒有開放堂食，做咗安心出行就坐低叫自己的favourite 酸菜魚午飯套餐。大約十分鐘上下，baby辣的酸菜魚連白飯就送到面前，生魚片舖滿碗面加上幾粒干辣椒、青花椒和微黃色的熱辣辣魚湯，胃口立時頓開，生魚片嫩滑不腥，湯底微辣鮮甜，非常好食，墊在碗底有黃芽白，芽菜仔和蕃薯粉，蔬菜份量非常夠。吃完可慢慢觀看電視，飲杯奶菜，全套午餐唔貴抵食。

這間朝陽軒位於深水埗馬路旁，外觀與一般舊式餐廳無異。門口貼滿品種繁多的食品介紹，未入內已大概知道該食店之出品。室內装修非常一般，有卡位及活動枱椅。 牆上掛著該店的招牌菜水煮魚及酸菜魚。既然酸菜魚是其招牌菜，打算叫一個來試試，但又担心是不是鯇魚，因鯇魚常帶有寄生蟲。為了解是甚麽魚，落單前先問問阿姐，她告訴我是用生魚，那麽就落單吧。酸菜魚上枱了，並跟一碗白飯。酸菜魚賣相可人，魚及酸菜都很足。魚大致無骨，咬落相當爽滑，口感特别，酸菜味道亦適中，不會太酸。辣度我叫了BB辣，即是小辣，不太食辣的我覺得都可接受，找數時問阿姐原來可要完全不辣的，下次懂了。整體來說，該店的酸菜魚泡製得幾用心，食落相當開胃，值得一試。但心裏始終有點疑問，雖不是常帶寄生蟲的鯇魚而是用生魚，但生魚都是淡水魚，會有寄生蟲嗎？或許落單時可叫廚師煮熟一點吧。之前亦試過該店的下午茶餐干炒牛河，食落感覺尚有水準，份量足，炒得不太油膩，調味亦適中。

有朋友推介呢間酸菜魚 一試果然有驚喜呢間店其貌不揚同普通茶餐廳差唔多樣無朋友推薦真係未必會入去食🤣同朋友兩個人食酸菜魚可以簡辣度Default 係小辣我地就分別叫左 酸菜魚（中辣）同口水雞（中辣）中辣似譚仔小辣程度酸菜魚連飯$58口水雞連飯$56！兩個餸都有驚喜！酸菜魚夠香夠辣 魚滑唔腥魚既份量夠多仲有好多娃娃菜 金菇打底 全部都好入味口水雞夠味又滑仲有大大碗既白飯呢個價錢真係無咩可以挑剔😂見到隔離枱叫既水煮魚都非常吸引相信會再返黎試埋水煮魚

#深水埗#茶記#川菜#酸菜魚➡️《朝陽軒》🥄🥢📢非常〰️中意食酸菜魚‼️佢既惹味就係可以令人欲罷不能🙈。想當初香港唔興酸菜魚，依家就隨街都總會見到間餐廳係有provide。🌚成日都好想一個人食一盤(3-4人份量既🐟先夠喉😮‍💨)，為左荷包著想，都係食下一碗仔過下口癮算喇🥲。係酸菜魚關注組到見到呢間幾抵食就想試！🧡Lunch set酸菜魚飯🐟💛（可轉紅薯粉+$8/米線+$5/米粉+$3）湯底濃淡適中，酸菜量唔多哦🤨不過都好夠酸，辣度剛剛好!仲食到輕微蒜蓉味，同埋比平時食個啲多左浸鑊氣，🧐湯如果冇咁油會更好，咁就可以飲哂成碗湯。（💬食呢D川味野唔係幾中意咬到D花椒粒，成日都要夾走佢）🐟有10-12塊倒，肉質幾滿意，唔會一夾就散，Q彈嫩滑相融 (係有1,2塊邊位食到小小魚骨，不過可接受既) 。個底有d金針菇同大量娃娃菜，d菜食極都有😮幾經辛苦先食完🤣真係食菜都食飽。🍲碗米粉已經有小小湯浸住另上的，如果唔係一次過加哂落去碗魚到就會沖淡左個湯底。👁‍🗨Lunch黎講係收貨架，都滿足到！Btw，食完都有啲口渴！👅：8.5/10💰：$58+$3📍深水埗汝州街240號地舖

經酸菜魚關注組既介紹下，試o左呢間隱世酸菜魚本身都無諗過茶餐廳入面有酸菜魚食，更加無諗過2個人可以o係茶餐廳食到$500不過真係無介紹錯既，所有小菜都好唔錯，全部食得出好有穫氣口水雞既溫度剛剛好，唔會話雪到冷冰冰，口水汁好夠味而且唔會太辣，唔會好似某D地方咁有陣怪味，好味到我o地連墊底既青瓜都掃哂豉椒炒鵝腸絕對唔欺場，鵝腸睇落好似好少，但食下一條，食下又一條，正阿！主角酸菜桂花魚最後先上場，湯唔算太油，桂花魚唔洗講直頭係超滑啦我o地叫o左BB辣，其實真係無咩料到，建議可叫小辣以上(利申唔係好食得辣)唯一有少少唔理想既地方係我o地最後只係等到一張對住廚房同o係廁所附近既卡位整體黎講食物係滿意既無論係單拖既男人同或者一對既情侶都有叫$5x-$6x酸菜魚飯，真心抵走既時候有特登問佢酸菜魚飯用咩魚，佢話係用生魚好多地方都係午市先有呢個價..估唔到呢度晚市都食到，一人搵食都無難度阿！

同屋企人行深水埗街市 行下街市見有啲攰 就入左黎坐下抖下～我地叫左兩個餐同兩杯野飲🥰 招牌老壇酸菜魚飯 $58見到有一，兩枱都有叫呢個酸菜魚飯 份量都幾多 魚既份量都唔錯👍🏻 裏面有娃娃菜、薯粉、魚塊。啲魚都無骨同嫩滑～ 唯一美中不足既係我地都覺得個湯太過酸 如果師傅無咁重手 會幾好幾抵食！尖椒回鍋肉飯 $50呢個細細一碟 回鍋肉份量都幾多 脆豬肉偏多 食落豬肉厚身 有咬口🤔凍朱古力味道正正常常 但可能因為出面太熱既關係 飲完成個人舒服曬😌凍檸茶（少冰少甜）

喺深水埗的確好多嘢食...佢係來來去去都係普通嘅餐廳食肆....不過今日同老友行深水埗...竟然發現到一間食水煮魚好好味嘅餐廳淨係喺門口出邊都可以睇到佢哋嘅餐牌各適其適....林林總總嘅菜式應有盡有除咗有特價午餐晚餐...仲有晚飯小菜小食我同老友就叫咗一個豉椒回鍋肉....肉質肥美而且夠晒捉料🍾️🍾️🍾️佢哋用咗半肥瘦既材料...食落去有咬口而且有質感同我哋亦都嗌左呢度最出名嘅水煮魚肉質美味彈牙而且亦都見到佢哋用新鮮嘅材料精製而成我同老友簡簡單單就食咗個一頓豐富晚餐