李圓圓 (億利工業中心)

Open Now

Now Closed

夏日炎炎，唔通真係要上太空先涼少少？🥵😅火紅過江龍台式飲品店李圓圓最近推出期間限定解渴夏日茶飲💁🏻‍♀️💁🏻❥台灣手摘四季春 [$19]朋友鍾意清爽，就揀左呢款借飲咗幾口，味道甘醇清新有清爽味蕾效果🤗.❥黑糖珍珠阿薩姆紅茶 [$24]加$5有呢度嘅名物黑糖珍珠份量慷慨，有半杯咁多🫶🏻佢地嘅黑糖珍珠係每日新鮮燜煮所以口感特別Q彈軟潤👏🏻阿薩姆紅茶芳香濃郁同黑糖珍珠嘅香氣相映成趣👐🏻😻.𖠌 現凡購買黑糖珍珠鮮奶系列可半價加購以上全新茶飲系列.

-//位於荔枝角·主打台式珍珠奶茶、冬瓜茶等現時香港暫時有四間分店，更公開煮製過程聽講珍珠仲要係每日新鮮現煮🤩 絕對唔過夜係用天然黑糖煮，完全無添加劑同焦糖色素用慢火熬煮兩小時，起鍋後再用60度去保溫📍黑糖珍珠鮮奶 2.0 $33呢款招牌熱賣飲品🔥 果然真係浪不虛名喎重點係珍珠底部熱辣辣，上層就係凍冰冰😂黑糖香氣濃郁，再搭配埋黃金比例嘅牛奶🥛一啜就感受到個黑糖香散係口中，香氣十足另外珍珠口感非常豐富，真係好淋 完全唔硬珍奶控表示真係超級邪惡😈 絕對想encore📍黑糖珍珠鮮奶綠茶 $30個人覺得呢款同樣豐富，擦出火花嘅感覺🤪將鮮奶變成綠茶，茶底香醇，再配搭埋珍珠不過建議記得要少甜🤣 冇咁大罪惡感呀嘛另外大家記得盡快飲用，放太耐珍珠會變硬*📍冬瓜鮮檸檬 $22聽聞係用台南義豊嘅冬瓜磚煮製🙋🏻‍♀️再慢火煮同埋冬瓜茶已經冇額外落糖，所以係無少甜淡淡冬瓜香味，不過個人就覺得就有啲酸🍋#荔枝角美食 #餐廳推介不設加一服務費✖️抵食程度：🌝🌝🌝🌝🌚📍李圓圓 (荔枝角)荔枝角長沙灣道883號億利工業中心地下6-A2號舖

諗住試下黑糖珍珠鮮奶茶 當店員問要唔要少糖少冰之類調整？ 我心諗要試就梗係原味咁試啦，就話唔駛改，就全糖全冰咁試。 攞到上手試一啖，超級甜 😰 初初以為只係未攪勻，攪多幾下仲甜！ 我飲完成杯，個頭暈左一日，甜到暈。 要試記得直接要走糖啦 ，糖度太驚人啦。茶味個人覺得好濃郁，好重茶香味。

呢排經過D2 place，見到李圓圓最近同百福crossover推出咗一個豆花新系列🤩小編即刻同朋友去試下✨<黑糖珍珠豆花鮮奶> (甜度冰度固定) $36李圓圓嘅招牌飲品非黑糖珍珠鮮奶莫屬，今次加入豆花令口感更豐富🥰珍珠非常軟糯彈牙，帶微微炭香味道，原來黑糖珍珠全部都係新鮮即煮😆黑糖味微微回甘，加埋飲落有豆花碎碎，非常有咬口～甜度雖然固定，但加埋鮮奶正好平衡甜度，推介❤️<豆花冬瓜豆漿> (少冰) $30呢款豆花冬瓜豆漿採用左百福嘅豆腐花同埋鮮豆漿，係個健康既選擇🤣豆腐花增添滑溜嘅口感，同時又飲到冬瓜茶同豆漿嘅甜味，整體味道好夾🥳小編朋友比較鍾意呢款🤪

好耐無去過旅行，以前可以短途飛✈️轉台灣爽下，依家疫情😷大家都要安份守己。今次就介紹番呢間台灣過江龍老字號 「李圓圓」，相信好多人都唔會陌生，今日就將唔同嘅經典黑糖珍珠鮮奶2.0，當然呢杯係佢榜上人氣推介No. 1 而驅使我試啦，記得嗰時去台灣任何一間既黑糖珍珠都係好好味，今次講到No.1就不能不試。的確唔錯加埋鮮奶又厚又滑，係香港既珍珠鮮奶嚟講已經係好好味，甜度啱啱好黑糖珍珠香甜不膩，珍珠夠哂Q彈，伴隨淡淡黑糖香味，果然名不虛傳

喺歐洲遊咗咁耐，我同我嘅旅伴都勁掛住珍珠奶茶🥹但係外國嘅珍珠奶茶又貴又唔好飲，一杯要成$50先飲到但係喺香港$5嘅質素🫠好辛苦忍口忍咗好耐都唔飲，返到嚟香港即刻要去我嘅愛店李圓圓進貢一下☺️ 其實返嚟已經飲咗兩次所以一次過出post～第一次嗌左一杯黑糖珍珠鮮奶2.0 ($33)🤍問過店員究竟2.0同普通有咩分別，佢話2.0係會多啲鮮奶嘅，所以就揀咗2.0😛呢度甜度同冰度都係固定，一拎上手啲黑糖珍珠仲係暖暖地，所以就算係固定冰度都啱啱好🥰一飲落去好香嘅黑糖味，珍珠好煙韌幾有咬口☺️，同埋好軟糯好鍾意呢個口感🖤鮮奶奶味都好濃郁，而且唔會太甜，平時飲開微糖都覺得可以接受🥳同埋佢啲冰都算溶得比較慢～朋友第二次陪我飲都係嗌呢杯但係飲熱飲，一樣咁高水準～另一次就嗌咗冬瓜鮮檸檬 ($30) 今次呢杯就會比較清新，大家知食珍珠都會飽㗎嘛，所以呢杯通常係個日比較飽又想飲李圓圓嘅選擇～雖然係無糖，但係飲落去冬瓜其實都好清甜，加埋少少檸檬嘅酸味令成杯飲品唔會好單調～學生優惠仲有九折💗真係學生黨嘅福音🤤💛真心推介大家試吓佢哋珍珠🧋😋

每次經過都要飲，好鍾意李圓圓嘅黑糖珍珠鮮奶呢間舖頭有得睇煮黑糖珍珠嘅過程，透明玻璃客望到工廠內嘅製作呢度嘅珍珠真係比坊間其他茶飲店更煙韌，加埋鮮奶後中和黑糖嘅甜味，幾時飲都咁正

天氣一熱，真係忍唔住成日Tea time就嗌野飲🤣 原本係見有新系列貪新鮮試下，估唔到呢個豆花系列又幾好飲～之後應該會轉住飲黑糖珍珠鮮奶2.0 同 豆花鮮奶🥰❤️黑糖珍珠豆花鮮奶 煙煙韌韌好重黑糖味既珍珠，真係好好咬!! 見到職員又煮緊一大鍋珍珠，果然新鮮煮係特別QQ😋飲落有豆花碎碎，好香豆味，加上搞均杯底既黑糖香，雖係甜度固定但飲落完全唔覺得太甜～大推!! 🧡豆花冬瓜鮮奶 豆花好嫩滑，陣陣黃豆香味+清新既冬瓜香+淡淡鮮奶味，出奇咁match 既配搭!!

呢排天氣熱辣辣，行街都好想飲杯台式飲品，珍珠奶茶真係不二之選。珍珠奶茶名店李圓圓最近推出咗一個新系列，同百福crossover，喺各款產品入面加入豆花，另有一番風味。重點推介💖👍 黑糖珍珠豆花鮮奶 $36黑糖珍珠鮮奶一直都係李圓圓嘅招牌飲品，今次加入豆花，口感更有層次。黑糖珍珠係店舖現煮，軟糯彈牙，加埋鮮奶平衡咗個甜味，好飲又有咬口。👍 豆花冬瓜豆漿 $30呢款採用左百福嘅高鈣香滑鮮豆漿同埋豆腐花，感覺好健康。豆腐花同豆漿充滿豆味，加上冬瓜味道好夾，消暑一流！📍李圓圓 荔枝角長沙灣道883號億利工業中心地下6-A2號舖

荔枝角上班族一定都知道李圓圓 現煮黑糖珍珠超級煙靭美味出色 未試過請快啲去試🥹 今次同同事試咗新品🤣🍼豆花綠茶鮮奶$30健康之選 本身綠茶同鮮奶都冇加糖 但食到本身豆花嘅甜味 啱晒我鍾意少甜 綠茶味比較出 每一啖都飲到豆花 幾特別🤣🤣🥛豆花冬瓜豆漿$30呢款適合鍾意甜嘅朋友 同時飲到冬瓜茶同豆漿嘅香甜 以及滑溜嘅豆花 同事很喜歡🧋黑糖珍珠奶昔$33呢杯係李圓圓推薦招牌飲品No.4 呢個排名太委屈 奶昔係我心目中嘅No.1 🥹基本上夏天每一次都係選擇呢一杯 奶味超濃郁 每一啖飲到碎冰及軟糯黑糖珍珠超滿足 解渴消暑 又唔會太甜❣️❣️❣️奶昔溶得比較快 10分鐘內飲完最佳李圓圓📍 李圓圓 荔枝角長沙灣道883號億利工業中心地下6-A2號舖

is time to drink fat fat water laThe taste no change and same at past originallyI drink less bubble becoz I don’t want too sugar!Here is the last in my hand!

呢排嘅天氣開始好熱，喺條街度行已經成身出晒汗，好想飲嘢補充水份，呢間李圓圓之前喺網上見人飲過，好似口碑唔錯，於是就同朋友一人買一杯！我好鍾意黑糖味道，職員話佢哋推出左豆品系列，黑糖可以配豆漿飲，於是我就叫咗杯黑糖珍珠豆漿$30，豆漿嘅豆味都幾突出，珍珠好大粒，幾彈牙，職員叫攪拌幾下就要盡快飲，先可以飲到最好嘅質素同味道！朋友就叫咗豆花冬瓜鮮奶$30，話飲到啖啖的豆腐花，幾滑同埋唔係好甜啱晒佢口味。

李圓圓位處工業大廈林立嘅荔枝角工業區喺正D2 Place斜對面嘅馬路邊有自己一間獨立嘅舖頭仔品牌嘜頭係個頭完軲轆嘅小妹妹，得意易認鋪頭入面仲有道具可以打卡作為手搖飲品愛好者嘅本人自然唔想錯過試新野嘅機會！➺黑糖珍珠豆漿$30黑糖珍珠係李圓圓嘅名物，成間舖頭嘅宣傳告示大部分都係關於黑糖珍珠，黑糖由優質甘蔗古法熬煮而成，珍珠講究温度現煮，製成後插入飲管打圈五、六次即飲，就係最佳享用時間，珍珠Q彈，淡淡回甘嘅黑糖味唔太甜，豆漿味突出！➺豆花冬瓜鮮奶$30李圓圓聯乘百福推出豆品系列，百福品牌有保證，豆花入口嫩滑，豆味幾出，冬瓜鮮奶清涼解暑、口感滑溜，絕對係解渴良品！

飲開珍珠奶茶嘅各位，對台灣過江龍老字號「李圓圓」相信一定唔會陌生😉最近李圓圓聯乘百福推出咗新豆品茶飲系列，將唔同嘅經典茶飲配上百福豆品，咁特別緊係買杯試試😆.🧋黑糖珍珠豆花鮮奶💰$36本身都好鍾意飲李圓圓嘅黑糖珍珠鮮奶💕坊間嘅黑糖珍奶好多時都超甜，加埋鮮奶又甜又膩🫣但呢度完全冇呢個問題，甜度啱啱好✅黑糖珍珠甘甜不膩，非常Q彈，伴隨淡淡黑糖炭香☺️而今次豆品系列加咗豆花，口感上多咗豆腐嘅軟滑，味道更增添豆香🥰.🥤豆花冬瓜豆漿💰$30估唔到冬瓜茶同豆漿又幾夾😆味道唔會太甜，入口同時有冬瓜及豆香🤓豆花增添滑嘟嘟嘅口感，幾特別💕.夏天除咗為大地帶來大雨外，更加係飲台式飲品嘅好季節🤪唔想飲嚟飲去都係珍珠奶茶，可以試吓李圓圓新豆品系列，包你有驚喜😎

李圓圓 (億利工業中心) (荔枝角)經過荔枝角🥰🥰見到李圓圓有新飲品🥛🧋夏天必飲，解渴美味🤩🤩黑糖珍珠豆花鮮奶$36用左百福豆腐花加黑糖鮮奶同珍珠，味道濃郁👍👍黑糖珍珠煮到啱啱好， 煙煙韌韌😆😆豆腐花有口感同濃濃豆味😙😙 好正😋😋豆花冬瓜豆漿$30用咗高鈣鮮豆漿🥛同豆腐花，味道唔太甜👍👍健康之選😉😉一啲都唔肥膩😋😋可以放心飲🥰🥰入面仲有冬瓜味，同豆漿味道好夾😋😋地址：荔枝角長沙灣道883號億利工業中心地下6-A2號舖整體評分：5/5味道：5/5抵食：5/5