李圓圓 (億利工業中心)

Open Now

Now Closed

【荔枝角•李圓圓】————————————————————————生活係要有朋友帶你四圍食嘢❤️呢間觀塘見得多 朋友話好飲就試吓等候時間要一陣 都多人買 🍯黑糖珍珠豆漿HKD30係唔飲得牛奶人士嘅福利🥰牛奶過敏人士恩物想飲台式飲品 往往望住一堆無得飲店員現場煮珍珠 採用高鈣香滑豆漿 冷/熱/溫 任揀 甜度冇得選擇 好在飲落絕對唔會好甜👍🏻👍🏻👍🏻啲珍珠好煙韌又Q彈 正正正❤️P.S. 飲開台式飲品嘅人會知道 HKD30其實都好抵餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰人均消費 HKD30✨✨✨✨✨✨✨✨✨✨✨✨✨🏠 李圓圓 📮 荔枝角長沙灣道883號億利工業中心地下6-A2號

🧋李圓圓🧋人生苦短梗係咩新野都要試下啦珍珠奶茶既好飲程度黎講李圓圓肯定係頭三甲之前試咗佢個黑糖珍珠奶茶已經好好飲最近仲出咗新野係加左豆漿既黑糖珍珠呀(๑･̑◡･̑๑)凍黑糖珍珠豆漿 $30用豆漿黎取代左鮮奶其實就係飲落好香既豆漿味味道好飲得黎都幾新穎而個現煮黑糖珍珠依然係咁好食黑糖味濃而不膩黑糖珍珠口感偏軟身但好咬唔會嚼到個口都攰曬都未食完黑糖珍珠奶昔 $33其實我係俾佢Menu寫住10分鐘K.O.限定版吸引左想挑戰下10分鐘飲唔飲得曬原因係呢杯係以沙冰形式製作嘅奶昔用暖暖嘅黑糖珍珠喺底再撞啲凍冰冰既沙冰係上面嗰種冰火兩重天嘅感覺係幾過癮碎冰令成杯野多左層口感但建議快啲飲啦因為後期飲既時候沙冰溶左個味會變淡左少少同埋個黑糖珍珠凍左就會相對上硬身少少啦不過呢杯係幾特別如果天氣熱既時候飲會勁爽（≧∇≦）

台灣出名李圓圓既珍珠奶茶🧋，嚟到香港首次品嚐，店鋪都幾大及開陽，透明大玻璃，望到入面自家製純黑糖珍珠，當然要試吓啦🥰黑糖珍珠豆漿 $30平時黑糖珍珠都係配奶，今次配豆漿感覺更健康，而佢黑糖係用純甘蔗提煉，是糖中之皇，健康養生 👍🏻豆花薑汁豆漿（溫）$30涼涼天氣飲薑硬係會覺得身體會暖暖😂， 加埋豆花正正就係，可隨行隨飲既薑汁豆腐花😆豆花冬瓜鮮奶 $30呢個我私心推介，清甜冬瓜味配鮮奶口感好滑，仲可選擇溫熱，冬天飲又係一流💯💯💯

以前黑糖珍珠鮮奶盛行嗰陣，好鐘意飲會狂飲，好多間都飲過，但可惜好多都冇得走冰少冰，好多間半杯都係冰...（可能得我咁怪要走冰😂但實在係太凍啦）今日呢間雖然都冇得走冰，但我哋由深水埗慢行過嚟都有啲熱，幸好佢嘅冰只係好少，同埋係碎冰咁，黑糖珍珠係熱嘅，溝埋一齊啱啱好▪️黑糖珍珠豆花鮮奶🥛💰$36其實見佢有百福豆品加入去都覺得幾新奇，其他地方冇見過，豆漿嗰款都想試，不過今次試豆花～你可以幻想入面加咗豆腐花，攪碎咗咁，飲落有口感之餘又有豆花嘅味道，味道比下面嘅黑糖鮮奶淡少少，但一樣好飲👍🏻🉐推介🉐▪️黑糖珍珠鮮奶2.0🥛🥛💰$33Staff介紹呢杯同平時唔同份量嘅，加咗30%鮮奶～又真係感覺rich啲，加上黑糖本身都甜，多啲鮮奶可以溝淡返少少，甜度剛好！奶味濃！珍珠軟身，比較好咬，個人就不太喜歡要咬好耐又偏硬嘅珍珠，呢個啱我🉐推介🉐💰$33/$36🚩李圓圓 (億利工業中心) (荔枝角)📍荔枝角長沙灣道883號億利工業中心地下6-A2號舖

今日咁啱經過荔枝角，見到之前朋友介紹過比我嘅珍珠奶茶🧋今日仲見到有新嘢，梗係要試吓啦😋😋..🧋黑糖珍珠豆漿 $30 (溫)..😋呢款夠特別喎❤珍珠奶茶加咗豆漿味道好香😋估唔到豆漿味並無比奶茶味蓋咗，抵讚，又特別又好味👍..🧋豆花冬瓜豆漿 $30 (溫)..😋呢個一定要推介❤估唔到咁好飲👍好有層次感，味道一流👍👍.....💰$60..📍長沙灣荔枝角883億利工業大廈中心地下6-A2號鋪

一直都想試李圓圓😍今日咁啱經過D2 Place見到李圓圓，終於有機會試下啦！😆😆試咗佢個招牌黑糖珍珠鮮奶，一試難忘😍佢地嘅珍珠係現煮的，所以仲係暖暖地&偏軟，而且好重黑糖味，夾埋鮮奶真係非常夾。不過呢款無得選少甜/少冰，如果想選少冰要選2.0個款鮮奶先可以，因為佢有指定的比例，但係佢個比例好夾😌😌鋪頭仲有個正確喝法教學，要攪拌5-6圈先開始飲，味道非常夾😋另外佢地嘅外賣袋好有心思，可以見到原杯飲品！

放工好口渴咁岩經過見到「李圓圓」就即刻衝埋去買杯嘢飲解下口渴啦😂一入舖頭就見到啲宣傳單張，「李圓圓x百福豆腐」本身小編自己都好鍾意食豆腐花，加埋落啲黑糖珍珠鮮奶度會有咩效果呢？！真係要過先知！😝黑糖珍珠豆花鮮奶$36呢杯嘢飲可以一次過滿足晒我兩個願望，又可以飲到黑糖珍奶🧋，又可以食到豆腐花🤤一舉兩得😬 黑糖同豆花都幾夾，加上啲珍珠都好煙韌！豆花綠茶鮮奶$30啲豆腐花好滑，綠茶味亦都好出，甜度亦都適中！但如果兩杯相比 小編比較喜歡黑糖珍珠豆花鮮奶😋

李圓圓開咗喺荔枝角已經有一段時間，附近亦都有唔少嘅台式飲品店，但係中午嘅時間經常都會見到唔少打工仔嚟李圓圓度買嘢飲，相信質素應該都有返一定水準！今日咁岩經過呢間李圓圓，決定試一試啦今次叫咗杯黑糖珍珠鮮奶，俾咗錢之後，廚房入邊嘅店員會即刻新鮮製作飲品，所以都要預咗等5至10分鐘先有得飲了！廚房同收銀處係用落地大玻璃分隔，比客人睇到入邊製作嘅過程，過程製作衛生，令人飲得安心。黑珍珠非常彈牙，亦都好新鮮！同出邊其他機器制冷藏嘅黑珍珠質感好唔同。而黑糖牛奶嘅黑糖味非常香濃，黑糖同牛奶嘅配搭非常好味，令人飲到停唔到口配埋珍珠一齊食，絕對係一杯非常非常好飲嘅嘢飲！

去D2 Place經過見到珍奶癮發作 入到去仲要見到連豬咁鬼親切就毫不猶豫地叫咗推介嘅黑糖珍珠鮮奶2.0(其實我無飲黑糖系列好耐 但見係推介就叫咗)黑糖珍珠鮮奶2.0 $33 🙆🏿‍♀️果然冇叫錯！！！好難得地喺香港飲黑糖珍珠鮮奶令我有第一次喺台灣珍煮丹飲嘅感覺好味到停唔到口🤤🤤🤤首先 佢啲珍珠好重黑糖味第二 雖然啲珍珠係偏淋嗰種 但口感飽滿 相當彈牙第三 鮮奶奶味特級濃 飲落好香 滑溜且易入口連平時唔飲牛奶嘅我都好鍾意💛第四 純粹係我鍾意嘅味道🤣真心推！⚠️注意⚠️因為係鋪頭手炒黑糖珍珠你隔住杯底摸都仲係暖暖的所以買完之後 店員提醒我哋用飲管攪5-6圈就好飲啦千其唔好將佢上下咁搖均❎ 加一服務費

之前去台灣旅行果陣成日會去買李圓圓飲～～前排去左荔枝角搵朋友食飯，見到附近開左間李圓圓分店🤩🤩即刻同朋友入左去買杯珍奶思下鄉～～-🧋黑糖珍珠鮮奶2.0 $33✨呢個係佢地招牌黎，必試！！2.0即係比原味多30%鮮奶，奶味飲落更香更濃😋😋佢地既珍珠都好好食，即使隔左陣食都依然咁煙韌～～黑糖味都好重，係我近期飲過最好飲既黑糖珍奶❤️❤️-🍹茉香黑糖珍珠 $22✨朋友就叫左杯茉香黑糖珍珠～～茉香即係茉莉花茶，飲落茶味好濃，好清香！！同黑糖珍珠呢個配搭都唔錯🥰🥰仲可以根據個人喜好調節糖度，唔洗驚會太甜啦👍🏻👍🏻

好耐無飲過珍珠奶茶拉， 琴日食完lunch 就行左去D2附近個間李圓圓買左杯野飲返公司😋⭐️ 黑糖珍珠鮮奶 《$30》珍珠好彈牙, 勁好咬口黑糖味好香濃又唔會太甜凍鮮奶、黑糖、碎冰嘅比例調校得岩岩好，值得推介👍🏻👍🏻

行完D2 Place好鬼死口渴. 就走咗去李圓圓買返杯野飲成人見觀塘店有好多人. 荔枝角店都唔弱櫥窗入面可以見到製作情形.客人安心又放心🧋黑糖珍珠鮮奶2.0珍珠非常Q彈軟糯. 非常好咬😳黑糖味濃. 甜而不膩鮮奶係比原版多30%. 味道濃厚凍鮮奶同黑糖嘅比例好夾. 飲落唔會過甜碎冰嘅比例亦都調校得好好. 唔會沖淡杯飲品嘅味道呢杯黑糖珍珠鮮奶2.0 係我心目中香港嘅top 3🥰.🧋冬瓜鮮檸檬呢杯亦令我好有驚喜飲到有台灣嘅味道. 甚至比台灣夜市嘅更出色冬瓜嘅清甜加上檸檬嘅酸甜意想不到咁夾飲落非常之清爽解膩.夏天飲簡直非常舒服

衛生唔錯，店內有櫥窗可直接觀察沖調飲品嘅現況，人流源源不絕，但又未至於要排長龍，唔使等太耐。佢食材直接台灣入口，亦係香港唯一用明火煮黑糖珍珠既。個人認為佢係香港入到三甲既珍奶🧋回頭左好多次！✨味道80分，環境75分，服務75分。.🔸黑糖珍珠鮮奶2.0 ($33)⭐️推介⭐️真係好出色！珍珠除左煙韌，表面再帶點微微黏糯，基本上全杯飲到尾都keep到呢個口感。珍珠既黑糖味好香濃，味道調節剛好，唔會死甜。奶味亦好濃厚，2.0比起普通版，奶量增加左30%!!.🔸黑糖珍珠冬瓜檸檬 ($28)黑糖珍珠就一樣咁好食，檸檬味濃，酸酸地夏天飲不錯，不過檸檬味有點蓋過冬瓜茶味。.🔸黑糖珍珠鮮奶紅茶($30)多左紅茶，味道比鮮濃啲，亦甜啲。

店員根本不會看自助下單的App，在店鋪自助下單後等了15分鐘，見到比我遲來的客人都已經走左，到後來問了店員才發現她們根本沒有看過App 有沒有人落單！也沒有做，忙我明白，但是知道左之後是不是要做給我呢！已經同店員講左，但是等左半個鐘，之後還是沒有做給我，從來沒有試過等奶茶要等成半個鐘咯，忙不是藉口咯！不會再幫襯，差評！！如果做不到自助下單有優勢的話，請貴公司取消這個軟件服務！謝謝！！！

香港經常有很多被引進的各地品牌店，李圓圓是其中之一。好多店愈開愈多就會保持不了原本的水準，也丟了初心。所以我的哲學是趁它還OK就要多多幫襯，才不枉生活在號稱美食之都的香港的福份。每次去茘枝角長沙灣工作，有兩間店我一定去，一間是某班長台灣美食，另一間就是樓下的李圓圓。今日買咗兩杯黑糖珍珠鮮奶2.0版，每杯$33，都唔算平。奶味香濃，入口滑身而不膩珍珠偏淋，唔會似食橡筋或擦膠咁黑糖濃厚，甜而不嗆喉讚！