李氏廚房 (Closed)

難得嚟到西灣河接朋友放工，咁就順便搵吓附近有啲咩食，佢就同我講話附近有間韓式炸雞好正，所以就諗住試吓。位置都幾方便，距離地鐵站都唔遠。而餐廳座位好闊落，坐得都好舒服，一班人聚會都幾適合，可惜當日淨係得我同朋友兩個人。不過我同朋友都有少少眼大肚細，我覺得呢個份量三、四個人食都唔係一個問題。‣ 自選無骨半半炸雞（甜辣 & 蜂蜜蒜蓉） $103 & $118我自己比較鍾意食偏甜口味嘅雞，自己唔係話太鍾意啲好乾身嘅雞，鍾意佢哋裹住醬汁、偏濕潤嘅口感。兩款比較之下，我比較鍾意甜辣多啲。雖然話就話係甜辣，但係其實辣味唔會好重。蜂蜜蒜蓉我覺得都好香，視覺效果上我覺得比起甜辣靚啲，餐廳落蒜蓉都幾重手，個好處係令到個蜂蜜都唔會淨係得死甜味。我覺得餐廳嘅炸雞做得好出色，因為咬落去嘅時候會做到有少少爆汁，肉質夠細嫩，而且佢個份量夠多，最後食唔晒都覺得有少少對唔住隻雞。‣ 海鮮煎餅 $168海鮮煎餅就係煎薄罉，因為本身我就好鍾意食鹹嘅薄罉，又諗住本身嗌嘅炸雞都比較重口味，所以就嗌個煎餅中和下。煎餅本身已經好夠味，我都冇點過汁，幾乎每一塊我都食到蝦仁同魷魚，所以先話佢足料。而煎餅入邊都有啲洋蔥，洋蔥嘅鮮甜可以中

1. 蜂蜜蒜蓉炸雞 (無骨) $218每一塊炸雞都包裹住好多蜂蜜，表面有好多蒜蓉，呢隻味非常之推介，非常惹味，炸雞皮脆肉嫩，炸衣亦做到好簿，雞肉用咗雞髀肉，食落有肉汁。🌟 評分: 8.5/102. 燒五花腩肉 $208五花肉肥瘦均勻，五花肉既油燒到迫曬出嚟，所以食落肥而不膩，肉質鮮嫩，完全冇碰騷味，加埋泡菜食可以中和油膩感，點埋燒汁更加惹味。🌟 評分: 8/10🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 8/10 📍 李氏廚房 (西灣河)西灣河筲箕灣道180號1樓3號舖

【香港數一數二好食嘅炸雞？西灣河韓式炸雞元祖🍗】講到香港數一數二正宗韓國炸雞🍗非李家莫屬，今次嚟到前身為李家嘅李氏廚房覓食，以解我對韓國🇰🇷嘅思鄉病😢 李氏廚房有多間分店（尖沙咀、灣仔、大角咀、西灣河），我揀咗位於西灣河嘅分店環境寬敞，裝修以橙色調為主，放置好多懷舊相片，風味十足。🔶半半炸雞套餐有分有骨同去骨，心思思嘅我果斷揀咗半半炸雞套餐，可以一次過試足兩種味！外層金黃酥脆，裡頭肉質鮮嫩多汁，每一口都充滿濃郁的韓式風味。1️⃣粟米味 ，Corn-So-Amazing $118入口酥脆鬆軟，粟米的甜味與雞肉的鮮香完美融合，令人回味無窮。仲有粟米食🥰2️⃣芝士味 ，Cheese Seasoning $113調味恰到好處，濃郁的芝士香氣瀰漫在口中，與雞肉的肉感相襯，非常美味。🥰🥰🔷 雪濃湯 설렁탕 Ox Bone Soup $168雪濃湯係韓國最出名嘅地道食物之一，湯頭清澈透亮，湯汁濃郁醇厚，牛骨的甘甜與各種香料交織，入口柔滑順口。🤤🔶藍色多瑙河 $38Rainbow Soda Curacao Blue Blackberry打卡必叫！飲品的藍色晶瑩通透，色澤絢麗奪目，果味香甜，碳酸感恰到好處，清涼

裏面裝修乾淨企理。可以感覺到李氏廚房對飲食業嘅熱血。一叫完就有酸味頭盤讓胃口打開。等咗一陣炸雞(青辣椒蛋黃醬炸雞跟洋蔥)終於嚟，用個籃同紙上真係好特別。炸雞堆到好高。一啖咬落去熱辣辣，而且冇乜油，雞肉超新鮮且多汁，絕對係賣點。佢哋嘅醬唔算濃，青辣椒帶出微辣。佢哋餐廳係No.1韓式炸雞。所以絕對建議叫呢碟餸。食唔晒仲可以加兩蚊打包。面頭嘅炸雞的確好新鮮。加$10可以轉無骨炸雞。雪濃湯-佢哋嘅牛骨湯好正好多牛骨味，再加上韓式幼烏冬同薄切牛腱肉同埋小菜拼盤，加倍飽滿。芝士辣海鮮炒年糕-大量芝士，有質又有量。海鮮質素OK啦。炒年糕Q蛋爽口。甜辣醬，一啲都唔辣而且有好多菜，仲索晒啲味添。總括：淨係佢哋個雞翼山已經係好值得推薦。佢哋仲有套餐優惠。一舊水落樓到啦計埋+1服務。Inside is very clean. You can feel the passion energy of Lee’s ChickenAppetizer flavor prepares your appetites for the food to follow.CheongYang Mayo Chicken With O

人氣韓式炸雞店！ 更係要食雞啦！ 我見lunch set 都大大份. 下次再試下唔同野！ 今日想食豪小小！ 可以雙併. 唔洗食死一隻味！無骨蜂蜜蒜蓉炸雞隻（半隻）$109.0無骨芝士調味炸雞（半隻）$109.0-我鍾意食芝士味多啲！ 好香～ 出色！ 2 隻味既雞都唔會乾！ 豬肉炒粉絲 $158.0-份量十足！ 2 個人完全食唔晒！🤣 好抵！ -質感偏濕潤一啲～ 桃汁 $28梨汁 $28-2 隻野飲都係偏甜. 梨汁有啲肉粒. 有啲咬口會開心啲！

{韓式炸雞晚餐 - $497}總括黎講，呢一餐兩個字形容「極飽」！西灣河電車路，門面唔誇張，所以好多人好似我咁行過好多次都發現唔到嘅韓式餐廳，竟然食到最好嘅炸雞！逢星期一至四，晚市堂食仲有88折！♦️ 青辣椒蛋黃醬跟洋蔥炸雞真心係大吃一驚，兩個人本身諗住叫兩樣嘢少少地咁！點知呢個炸嘅份量係有成隻大肥雞咁多，差唔多有14~15舊大大嘅炸雞！而且炸嘅時間仲剛剛好，脆爆嘅外皮，嫰滑Juicy 嘅肉汁，加上微辣嘅青辣椒蛋黃醬，實在係惹味！♦️ 海鮮炸醬麵中式嘅炸醬麵食得多，呢個韓式嘅都係第一次食，咸香醬油加上韓式大醬，上面配上不同嘅海鮮，同炸雞一樣，係瘋狂嘅大大碟超足料！兩個人諗唔到叫兩樣嘢已經食到用「飽飽」形容唔到，我會話係「飽飽飽飽飽飽飽飽飽飽飽。。。。」真心係滿足！美味程度：😋😋😋😋😋環境指數：🎇🎇🎇🎇番食機會：🦍🦍🦍🦍📍 #李氏廚房 (西灣河)西灣河筲箕灣道180號1樓3號舖

燒烤雞 $198雞肉無雪味🐣烤得香口用烤既方式較炸既黎得健康無咁邪惡🤣年糕勁煙韌、有咬口醬汁包裏住有少少辣🌶️惹味🥳芝士辣雞炒年糕 $178份量十足🈵年糕、雞肉、泡菜、芝士都好足料年糕就算鐵板熱住都好煙韌🥘雞肉尚算嫩滑泡菜好入味大滿足🥰芝士雞蛋卷 $128雞蛋卷尚算嫩滑🍳雞蛋卷包住勁量芝士🧀一切開芝士爆曬出黎茄汁同蛋黃醬令成件事無咁漏🥫整體而言，食物份量足料🈵味道都唔錯係冇食一排會掛住既味道👅

李氏廚房港門港島西灣河筲箕灣道180號1樓,餐廳裝修簡約以橙色為主調,設計帶有韓式風格,牆上電視播放動感節奏的k-pop ,餐廳主打韓式炸雞,還有其他韓國菜選擇,餐廳炸雞可選半份有骨和無骨多款味道炸雞,服務員招呼態度有禮。前菜有酸白蘿蔔和沙律椰菜絲。蜂蜜蒜蓉炸雞廚師將雞肉炸到金黃色,有蒜蓉和蒜粒兩種口感,香蒜和蜂蜜與雞肉配搭非常夾,越食越好味。芝士雞蛋卷紅黃色上桌好吸晴,紅色車厘茄和黃色嘅檸檬作伴碟,整個雞蛋捲被芝士覆蓋,切出來有拉絲的视覺,食起上來好有蛋香和香濃芝士。雪濃湯雪濃湯內有麵線,另配有白飯,芽菜和菠菜,泡菜,薯仔,雞蛋和腸仔,非常豐富,雪龍湯牛味濃,牛肉入口嫩滑,麵線軟糯。飲品雪碧和蜜桃汁。

🇰🇷位於西灣河的一間韓式炸雞專門店，餐廳座位寬敞舒適，🎶一邊聽着K-POP一邊吃炸雞，很有地道風味。🍗蜂蜜大蒜炸雞（無骨） $218🧄離遠已經聞到香噴噴蒜蓉味，🍗炸雞表皮香脆之餘不會厚粉，雞肉嫩滑不油膩，🥢沾上蜂蜜醬蒜蓉香甜可口，還有原粒蒜頭可以逐粒食。建議加十元換無骨炸雞，啖啖肉很滿足。🦑海鮮湯 $198正宗地道韓式風味，🥣石鍋湯熱辣辣，🌶️辣度中等，香香辣辣很開胃。🦐石鍋裏有兩隻大蝦和最少四五隻青口，還有一隻已經剪開的小蟹，海鮮份量非常豐富，🥄兩個人飲剛剛好。🫓泡菜餅 $138本來以為小小的分四五塊，但原來份量挺大，💫泡菜餅邊位煎得香脆可口，還有不少魷魚條，吃完勁飽。📍 李氏廚房🏠 西灣河筲箕灣道180號1樓3號舖⏰11:00 - 23:30🚙港鐵西灣河站A出口，步行約4分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharingfood #openrice #hkinfluencer #foodiehk #相機食先 ＃香

李氏廚房, 位於筲箕灣道的一間韓式炸雞專門店, 餐廳座位非常寬敞舒適, 佈置簡單, 店鋪播放著K-POP, 感覺如置身韓國一樣.甜辣味炸雞 – 雞肉嫩滑多汁, 味道甜而不辣, 半份份量都相當多, 大約有4-6件, 抵食蜂蜜蒜蓉炸雞 – 味道特別, 蒜蓉味道香濃而不油膩, 入口脆卜卜, 香噴噴鐵板炒牛肉 – 材料豐富, 而且份量相常多, 味道帶甜, 牛肉軟嫩好食, 鐵板上碟熱辣辣泡菜豬肉豆腐湯 – 相當正宗的韓式口味, 石鍋熱辣辣, 辣度輕微, 大量泡菜, 豆腐入口感覺幼滑, 二人份量剛剛好

近排成日落雨， 好想食啲開胃嘢食， 最啱就係食啲酸辣辣嘅韓國菜。 朋友 咁啱喺西灣河見完客，就即席推介去李氏廚房。 到左先知道，原來就喺尖沙咀好出名的“李家”分店。 西灣河店改咗名叫李氏廚房。唔需要諗，即刻嗌咗炸雞， 佢哋最出名拿手菜式， 款式真係好多，有原味、甜酸、醬油、 粟米、芝士…………另外仲好多鐵板類和芝士鍋， 不過我哋兩個女仔， 對於我哋嚟講份量太多，留返下次 多啲人聚會一齊嗌。蜂蜜大蒜炸雞 (無骨)， 無骨雞啖啖肉， 炸到外皮乾身香脆鬆爽， 雞肉保持嫩滑多肉汁， 超多海量嘅蜂蜜， 加上大蒜粒 同埋蒜蓉， 真係好滋味。芝士味炸雞 (無骨)， 無骨炸雞可以保持儀態，而且啖啖肉真係好， 芝士味勁多芝士粉， 非常香濃。雪濃湯湯頭香濃而且有好多牛肉片， 有少少素面， 吸收咗雪濃湯嘅味道， 又爽口又鮮味。 配搭好多餐前小菜 ，泡菜+ 芝士腸+ 煎蛋卷 +薯仔 +魚餅 +麻油菠菜 + 豆芽。 真係超級豐富。

同阿女去西灣河探訪姨媽，之後去咗食朋友介紹嘅李家廚房食韓國菜，餐廳地方簡潔，主打韓式料理。入座即送上酸蘿蔔和椰菜沙律。原味炸雞：炸雞可以選有骨或冇骨，亦有多款味道選擇，炸雞食落外脆內嫩口感有層次。點些辣醬更惹味！海鮮蔥餅：口感QQ軟軟 ，邊緣脆脆味道豐富。搭配有嚼勁的花枝、彈牙的蝦子，混合蔥與韭菜的香氣，味道更加香濃。芝士雞蛋卷：煎得厚厚的雞蛋, 包上濃香芝士。輕輕切開雞蛋, 馬上湧出金黃色的芝士，芝士帶啲甜香 入口不會太膩, 外層加上茄汁和千島醬 味道惹味香甜。

今日姪女考完試，應承和她去吃番餐好的。佢鐘意韓式炸雞，我們便去學校附近的李氏厨房大吃一頓。這店前身叫李家。炸雞款式很多，我們分別揀了無骨的辣咖喱味炸雞和粟米炸雞。炸雞即叫即炸新鮮熱辣，皮酥脆肉香嫩，雞肉保持肉汁，入口肥美。辣叻喱味帶甜，香而不算辣。粟米炸雞都好食，有粟米增加纖維。雞份量大，啖啖肉，抵食。吃炸雞飲番杯冰凍黑莓梳打好爽。我們另外叫了一個雪濃湯飯套餐配飯和韓式前菜。個湯雪白，味道香濃充滿牛骨味，湯內的牛肉和麵條好食。前菜都不錯。店服務不錯，裝修充滿韓風，坐位舒適，一班人聚餐不錯。

我成日諗點解韓國菜咁多人食，我都唔知，就好似你無啦啦睇緊套韓劇，一見到主角係大排檔開左枝Soju，食住年糕鍋，我都會忍唔住即刻衝落街買枝真露，順便吉串魚蛋咁，絕對係拍得住李氏力牆一樣有一股魔力，一份情意結。👇🏻📌韓 式 湯 飯 套 餐 - ▪️ 雪 濃 湯 - $168▫️ 我朋友就嗌左個湯飯set「雪濃湯」，裡面除左牛肉之外，仲有大量粉絲，湯底夠濃郁，入口唔會太膩，相當鮮甜；粉絲吸收哂湯汁精華，份外惹味；每個set都配上韓式小菜，包括泡菜、豆芽、菠菜、薯仔、腐皮、腸仔、玉子、薄餅，飽肚又好食，值得一試。▪️ 牛 膝 骨 湯 - $178▫️ 我就試左個「牛膝骨湯」，同樣包左一碗飯同埋小食，牛膝骨其實姐係牛筋，每一粒都充滿膠原蛋白，加上湯底裡面充滿紅棗、枸杞，入口帶淡淡濃香滋補，而一啖湯一啖飯，相當滿足；仲食到D蛋絲，整體口感豐富，我同朋友一人一杯Stella生啤加埋Rainbow Soda西柚味，唔錯。

李氏廚房西灣河筲箕灣道180號1樓3號舖經開西灣河站，老友想食韓式炸雞，帶咗我去附近搵食，有驚喜呀！😸前菜新鮮開胃爽口😃半半炸雞(原味+甜辣)即叫即炸，外皮超級香脆，份量十足，我哋揀咗無骨雞肉，肉質鮮嫩，大廚解凍處理得很好，沒有雪味。炸雞啖啖肉，好爽好juicy。甜辣炸雞每一也充滿韓式香甜醬汁，開胃惹味，必食！😻芝士辣海鮮炒年糕配料新鮮爽口煙韌，有青口、海蝦、魷魚、墨魚、甘筍片、椰菜、青椒、洋蔥。芝士味道香濃，年糕韌度適中，吸收了辣椒醬的精華提升層次，少辣剛剛好，推薦！🤤炸小蝦即叫即炸，炸油新鮮，外層勁香脆，咸蛋黃調味恰到好處，食到停唔到，餸啤酒一流。😋STELLA ARTOIS小麥未夠濃，一啖小食，一啖啤酒好舒暢。😽李氏廚房 環境舒適，食材新鮮，侍應服務態度好，喜歡韓國菜的朋友不能錯過。😎🤘🏻