村爺爺車仔麵

Open Now

Now Closed

咁岩見到就入去食，第一次食依間野，四餸一面一罐無糖可樂，共66元。咖哩魚蛋，娃娃菜，雞翼尖，手指墨魚條，龍蝦湯底，上海拉麵食物種類繁多，娃娃菜冇咩問題，雞翼尖有酸酸地，可能係醃類，所以都正常食，手指墨魚條，份量細，係平時既切開一半，龍蝦湯食出蝦頭味，拉麵太軟身，係bb仔食得果種軟身，咖哩魚蛋正常。唔愉快既就係坐底食到一半，隔離有個男人係到整舊識流水既擺設，彈到我第一次背脊，第二次彈埋落我碗野到。我開口叫佢唔好整，我食唔到了。佢主動講左句，叫呀姐睇下有冇彈到落我碗野到，有就換俾我。我唔明佢咩意思，彈左落去，你會睇到？其實唔係唔知彈到我 因為佢自己都濕左之後我話唔需要，唔駛換，我唔食了，拎住罐可樂就走左。菜品唔值依個價錢，點菜呀姐態度唔好。係客人食緊野既時候整野彈到客人都唔好。只可以講冇下次。

早排晌葵涌一間小店食過一道全隻龍蝦喇沙，定價非常相宜，而且，非常好食，今晚趁住老婆要晌油麻地返學，等埋佢放學就會一會「村爺爺」，試試佢哋大熱嘅龍蝦車仔麵，身邊有唔少食友都幫襯過，都一致讚好，加上老婆都話好耐未食過車仔麵，就豪食一餐車仔麵。  有幫襯過「村爺爺」都知，佢一間鋪賣車仔麵「村爺爺車仔麵」，隔個鋪位就賣泡飯、燉湯「村爺爺龍蝦湯.泡飯.燉湯專家」，我哋先入「車仔麵」嗰邊，點解無乜人？ 原來有啲特喇事，提早收鋪，店主就安排我哋過去「泡飯」一邊，照樣可以點車仔麵嘅嘢。話時話，呢邊都好旺，差唔多坐滿客咁滯，啲枱亦翻得好快。 門口棟咗個抵到無朋友嘅湯麵餐牌，指定嘅5款湯麵，只賣$25碗，絕對喺糧尾救星。此外，主打車仔麵就分龍蝦湯底（3餸1麵賣$52、4餸1麵賣$60）及豬骨湯底（3餸1麵賣$36、4餸1麵賣$44、5餸1麵賣$52），加餸每款$8，如揀必食推介就$11，6:00pm前惠顧4餸以上仲送嘢飲添，但配嘢飲都唔貴，熱飲加$6，凍飲或汽水就加$9。 蟲草花螺頭雞湯 $48呢個喺新出品，因為老婆鍾意飲湯，湯水啱晒佢。唔講得笑，雖然喺湯，但湯料也不少，裡面有好多蟲草花同雞肉，仲有啲娃娃

今次專程來食佢哋嘅新野....原隻龍蝦車仔麵, 以前食車仔麵係因為平, 一碗麵加幾個餸可能要二三十元搞掂, 而家喺荃灣食個四餸車仔麵接近$80, $80我不要如食好啲, 黎村爺爺食半隻龍蝦車仔麵, 加多$20仲有三個餸及油菜, 抵食好多。半隻龍蝦配特濃龍蝦湯伊麵 ($68/特價)升級版只需加$20便可以叫多兩個車仔麵餸及送油菜一碟, 佢哋個手打烏冬超正, 原本想轉手打烏冬用黎索龍蝦湯的, 可惜賣曬, 唯有轉普通烏冬。絕不欺場, 半隻龍蝦蝦肉頗厚肉, 兼附紅+綠軟硬蝦膏。龍蝦肉結實彈牙, 甜甜地都幾好食, 蝦膏就當然係甘香啦, 龍蝦濃湯呷得出真係用龍蝦頭殼煲出來的, 湯頭充滿龍蝦嘅甜香, 鹹鹹鮮鮮要嚟做湯底好正! 如果你鍾意食更索汁嘅伊麵會更加正!今次叫咗最傳統嘅車仔麵餸成寸厚花菇, 炆得爽滑入味。軟滑豬紅及吸湯爽口豬皮, 最傳統嘅車仔麵餸, 豬皮是百食不壓的。最正係後加的蘿蔔, 又腍又甜又多汁, 仲要系冇渣的, 必食item。半隻龍蝦+餸+麵底+特濃龍蝦湯+汽水, 一百有找, 平民美食。

平時食車仔麵食得多，食有龍蝦嘅車仔麵就真係未試過，今次我哋你村爺爺車仔麵終於有得食聞名已久嘅龍蝦車仔麵啦！一入到去已經有店員招呼我哋，係我哋揀緊食咩嘅時候，老闆突然喺隔離店走咗過嚟我哋呢邊，推介我哋食咩好，我哋聽咗老闆嘅建議，揀咗食龍蝦湯底兼且又真龍蝦嘅車仔麵另外我哋都揀咗個豬骨湯底嘅車仔麵，仲要包野飲，超抵食龍蝦車仔麵真係有龍蝦㗎 ！ $69就有半隻龍蝦，老闆推介食伊麵底更加好味，連埋龍蝦湯底真係好正啊！實在太好味嘅關係，其實半隻龍蝦就真係唔係好夠嘅，不過好在有其他車仔餸，令呢餐車仔麵既豐富又滿足呀！

車仔麵就食得多,港式既車仔麵湯底同車仔餸好多都試過,但咁霸氣既龍蝦湯底再配原邊龍蝦肉今次真係等一次試！真•龍蝦湯車仔麵原隻開隻邊龍蝦夠晒豪氣又夠氣勢.龍蝦肉爽彈又重蝦香鮮味.龍蝦湯底醞藏住濃郁蝦殻香,味道鮮甜唔會過鹹膩,飲完都唔會覺得口渴.湯底呈深啡色唔會油膩.龍蝦湯內亦帶有蝦羔令湯底更甜.配上吸湯力強既伊麵更濃香,口腔內充滿蝦香.墨魚條墨魚條口感彈牙又爽,內裹帶點墨魚肉增加口感.豬皮豬皮彈牙厚身又乾淨,豬皮挑走晒d毛.味道滷得入味同樣唔會好鹹.蘿蔔蘿蔔軟腍無渣,味道微甜份量又多.

村爺爺龍蟹湯泡飯係油麻地必食，但今晚排長龍，不過，原來佢仲開咗村爺爺車仔麵🍜🤩！當然要嗌龍蝦湯麵 ，半隻龍蝦🦞瞓喺伊麵上面，好吸引，未食已加分！湯底都係龍蝦湯，非常鮮甜，伊麵吸收精華，更好食！龍蝦肉彈牙，仲俾埋工具，乾淨又方便咁開鉗，啖啖龍蝦肉真係好豪華又過癮！車仔麵就唔少得選擇多啲餸，必試炸雞翼🐔，牛油味香口，唔會太油膩！冬菇🍄好厚，又入味！白蘿蔔我都好鍾意，清甜，冇渣，仲有少少薑汁辣味！魚皮餃都比較大隻，好有咬口😊。平日晚上唔算多人，如果去油麻地，真係值得一試！

難得星期四五都放假今日放工後過海食個飯行下街休息下先去左油麻地既村爺爺食車仔麵之前試過村爺爺既龍蝦湯泡飯覺得好正知道佢地推出左龍蝦湯車仔麵即刻要去試下先殿 • 龍蝦湯車仔麵 ($68)呢款龍蝦湯麵有半隻龍蝦配上特濃龍蝦湯伊麵龍蝦肉爽口彈牙大大隻鋪係伊麵面打卡💯伊麵吸收哂龍蝦湯底既精華好好食龍蝦湯味道夠濃郁食飽伊麵當湯飲都唔口渴👍🏻另外我仲叫左幾款配菜: 墨魚手指、蠔油冬菇、豬皮、滷水雞翼同蘿蔔豬皮、蘿蔔店員推介我試豬皮真係好好食豬皮同蘿蔔都煮到好淋吸收哂啲汁好好食👍🏻蠔油冬菇超級厚肉既冬菇用左蠔油汁煮既冬菇好入味墨魚手指 (需補差價$3)炸到金黃色既墨魚手指脆卜卜入面既墨魚膠夠彈牙點埋佢地特製既沙嗲汁特別惹味😋滷水雞翼 (需補回差價$3)用滷水汁煮既雞翼肉質好嫩滑啱哂我呢個雞翼控飲品方面我叫左樽裝維他奶香港唔係好多地方有得飲樽裝維他奶見呢度有就叫返枝😋😋😋童年回憶返哂黎

除咗女人街之外，喺旺角仲有一條街都有好多嘢食！😎又係一啲性價比高嘅平民好味野食！個條街就係🤩砵蘭街！本身都鍾意食車仔麵，經過見到都已經有啲心動，😍再睇睇價錢亦都非常之相宜！同普通車仔麵店一樣，揀1️⃣面底，2️⃣餸同埋3️⃣醬汁，比較特別嘅係佢呢度仲⭐️有幾款湯底！⭐️最特別嘅莫過於佢嘅🦞龍蝦湯底！龍蝦湯底本身個味道已經好味佢仲要有半隻龍蝦🦞！佢呢度有好多款嘅餸！特別一讚係佢將麵同餸分開上，👍🏼佢啲餸普遍都係中上評價！⭐️魚腐.手打炸魚餅.墨魚手指.滷水雞翼.魚皮蝦餃⭐️炸薯餅.咖喱魷魚.台灣黑椒腸⭐️仲有龍蝦湯底嘅半隻龍蝦🦞！佢隻龍蝦都唔少肉！🥰餐廳仲會俾埋工具你，食埋隻龍蝦鉗！👍🏼呢一間絕對會推薦俾朋友們！🤪我見佢隔離都有另一間叫村爺爺，食泡飯的，排晒長龍！😝已經book mark定下次去！

每次去油麻地都必食的雞煲翅，價錢大眾化，唔貴好抵食，真心推介💕餐廳不大座位不算舒適有一點擠迫，不過最緊要食物質素好，這間餐廳我已經食好多好多次💕餐廳仲有不同的湯提供，好多款足料花膠螺頭雞煲翅，湯底夠濃郁，淡淡雞湯，好鮮甜，雞肉一啲都不鞋，口感滑溜首先餐廳會準備膠手套給你，你自己再手撕雞，慢慢食，不過通常嚟到的時候，我係會飲咗湯先慢慢再手撕雞😄👍🏻📍花膠螺頭雞煲翅$68另加$12有油菜白飯

經過砵蘭街前後見到兩間村爺爺店，一間主打車仔麵，另一間係泡飯同燉飯。今日同朋友試左前者先！門口見到餐牌寫五款指定車仔麵只係$25，不過入到去見到龍蝦湯車仔麵仲吸引🤩- 龍蝦湯上海拉麵龍蝦湯味道幾濃，最後被我飲曬😋。上海拉麵囗感偏軟稔，3餸揀左南乳脆雞翼，魚皮餃同通菜。通菜好爽口，而且容易索汁，南乳脆雞翼幾入味，而且好脆。- 龍蝦湯粗麵朋友就揀咗墨魚手指、牛筋同蘿蔔。蘿蔔一樣索晒汁，而牛筋充滿骨膠原。龍蝦湯同樣咁香濃！餐廳除咗罐裝飲品之外，奶茶凍檸茶都有提供！

係附近行完街經過見到呢間食車仔麵嘅舖頭，自己一個就諗住簡單快快食完就返屋企～因為肚餓嘅關係，叫咗豬骨湯嘅5餸上海麵，有豬腸、豬皮、魚皮餃、墨魚手指同埋牛柏業，每款嘅份量都十足又好味，豬腸都洗得好乾淨，食得開心又放心👍杯熱情果特飲好好飲，好大杯最後都飲吾晒🤣！平時其他地方食車仔麵嘅飲品都好少選擇，呢度反而有好多可以揀！雖然旺角都有好多車仔麵選擇，不過一係就因為裝修太新穎而令食物價錢離地，又或者係地方太舊坐得太迫。呢度嘅食物同飲品都好過好多車仔麵舖頭！下次會再叫埋鍾意食車仔麵嘅朋友一齊黎～希望舖頭嘅老闆再揾多啲好飲嘅特飲返黎！

想食龍蝦湯車仔麵好耐啦，原來真係有龍蝦架🦞我地兩個人食，一人一個車仔麵加杯飲品睇餐牌最平$25 我咁貪食當然揀佢個龍蝦🦞湯有龍蝦嘅車仔麵，揀左伊麵抵，3餸配飲品龍蝦🦞炸雞翼，墨丸，菜好豐富嘅一餐半隻龍蝦🦞大大隻龍蝦湯+龍蝦+伊麵 =絕配 如果再加芝士就再好啲🤤更邪惡好貼心 仲有濕紙巾同工具提供 炸雞翼脆香 用碟分開上唔會浸林哂 幾貼心飲品 汽水 茶 果汁🧃可以揀 熱咖啡奶茶就另外加錢睇餐牌最平$25 我咁貪食當然揀佢個龍蝦🦞湯有龍蝦嘅車仔麵，揀左伊麵抵，3餸配飲品平民價食好野😬☺️😋環境就一般車仔麵粉麵店嘅格局店員就真係好好服務，要咩，加咩都即叫即做。對學生仲好好添。有一枱學生哥輪住唔同時間加飲品，店員都好有禮貌同耐性👍🏻仲驚學生唔夠飽 大大碗學生餐好似有間泡飯 下次去食先

尋日朝早打完泰拳，晏晝又要上堂，lunch就約咗friend喺油麻地食嘢～好耐冇食車仔麵，見到呢間車仔麵好似唔錯，就嚟試吓～嚟之前好想食佢嘅龍蝦車仔麵，點知佢話今日冇龍蝦🦞有啲可惜...所以就食其他龍蝦湯車仔麵四餸$63叫咗台灣黑椒腸，滷水雞翼，龍蝦丸同埋腸仔，滷水汁還好，唔係好特別，而且比較鹹，台灣黑椒腸都算大條，食落感覺還好，叫咗米粉，中規中矩龍蝦湯車仔麵四餸$69點解呢碗貴啲，因為叫咗一啲必食推介，每款加$3，有豬大腸，咖喱魷魚同埋魚皮餃，唔使加錢嘅就係通菜，咖喱魷魚嘅咖喱有少少辣，魷魚比較硬，有啲難咬，魚皮餃都算細粒，豬大腸比較普通豆漿晚上六點前跟餐會送嘢飲，豆漿甜甜地，還好職員嘅服務態度如果可以友善啲會更好

天時暑熱咁啱經過油麻地行到攰 想搵間面譜坐低唞吓 油麻地都出名多小店今次揀咗呢間都算出名嘅車仔麵試吓 上次經過嘅時候大排長龍無試到 今次難得下晝冇乜人即刻跑左入去 兩個人分別嗌咗豬骨湯同龍蝦湯試吓 豬骨湯冇乜特別 龍蝦湯就幾好 飲得出係用龍蝦煲出嚟 車仔麵嘅餸配左沙茶醬 係幾特別嘅配搭 加埋牛筋牛肚同埋牛肋條幾有潮州嘅味道嗌咗嘅餸最令我深刻嘅係豬紅 相當入味 好難得佢車仔麵檔食到咁入嚟嘅豬紅呢間價錢相宜 食物味道幾好嘅車仔麵應該下次會再試

挺喜歡食車仔麵，多款既食物係您面前比你揀，想食咩就直接叫=)開開心心食好D，叫左個龍蝦河粉=)有半隻龍蝦，連埋濃濃既龍蝦湯😁再加多幾樣配料，豐盛滿足😄另外，食物方面=)龍蝦多膏好肉，而各樣炸物，佢最好既係，會幫您再翻炸一下，唔會因為放耐左，而變唔好，而且，熱辣辣，剛炸完，食落更可口😆而其中，最正係南乳炸雞翼，一份有兩隻，剛再炸完，香口肉嫩😙而墨魚手指跟炸魚餅都不錯，另外，台灣黑椒腸，估唔好再炸一炸，濃濃黑椒味既香腸，也是一個不錯選擇。💟食物味道不錯，價錢亦不算貴😉💟