東哥點心籠仔蒸飯專門店

Open Now

Now Closed

今晚到此餐廳晚餐，叫極無人黎下單，直到有人來，態度又差。餐廳電話不知為何勁響，沒有人接聽，簡單疲勞轟炸，客人已下班攰，仲要受埋哩d環境，同侍應講，佢就以外星話哩哩略略回應，唔知佢講緊乜。食物一般，唔算抵食；以佢用燉湯做賣點的話，完全失敗，無咸味、無肉味、無藥材味，自己煲既好過佢十億萬倍。

係元朗夜麻麻口痕肚餓第一時間就會諗起呢間東哥點心，夜晚仲會開到凌晨四點，見到餐牌早餐同午餐都有幾抵食嘅優惠，$33有兩款點心$24仲有細籠仔飯。今日就叫咗呢個抵食套餐，一個飯加個湯都只係$65，我揀咗籠仔鳳爪排骨飯同蟲草花燉土雞。呢度嘅籠仔飯係用荷葉包住蒸，份量都幾大，排骨同鳳爪份量都算多，白飯粒粒分明唔會太濕。蟲草花燉土雞味道鮮甜，足料夠火候，啖啖都係精華。牛柏葉非常爽口，入面嘅蘿蔔都非常入味。蟹子燒賣基本上係飲茶必食之一。最近仲有煲仔飯食，下次嚟到要再試下。

同我friend上完潛水理論堂 係元朗揾下有咩正嘢飲先 好多時係元朗揀食咩真心難 因美食太多喇 最後就去食我哋都想試既點心店 鳳爪同蝦餃我去點心店必嗌的 呢間的鳳爪好入味而不會死咸同蒸到爛哂 like!而蝦餃大大隻 蝦爽鮮味 無臭味 成個蝦餃皮都做得好薄無穿 正！蒜蓉蝦蒸飯 蝦鮮甜 蒜蓉整得好碎 加埋啲䜴油撈飯 正到！ 唯一不足 係我比較喜歡軟少少的飯今日食左個大早餐所以好快飽飽了！只試得三個點心！下次留肚再黎試試其他點心同炸野先！

尋日落到元朗見呢一間東哥點心，都開得幾夜下有時夜麻麻口痕我都會揀呢一間黎食嘅，一入到去環境普通茶餐廳咁嘅樣，之後就叫咗一個章魚肉餅荷葉飯、點心拼盤裏面有蝦餃叉燒包豆苗蝦餃仲有兩個粉果我見呢個拼盤都幾抵食只係$38就叫咗你食普通點心啦我另一半就覺得蒸得太林唔係好得咁囉，我就覺得普通其實都係醫下個肚仔先，跟手我就帶咗一籠燒賣燒賣都好大粒都算唔差嘅，整體來講都可以接受嘅。

琴日經過元朗周圍都好多人，所以我哋就入咗呢一間特色小茶樓試吓佢嘅點心🥧出奇地好食😋我哋叫咗➡️鳳爪排骨飯佢係用蒸籠荷葉蒸，飯方面粒粒分明，排骨份量多👍🏻➡️流沙奶皇包奶皇包味道唔錯，但係今次冇流沙出現😭有少少失望➡️炸煎堆用咗黑芝麻同白芝麻嘅炸煎堆，入面仲有流沙芝麻，味道唔錯！但如果唔鍾意食太甜嘅朋友就唔建議點➡️牛柏葉佢用咗白蘿蔔加牛柏葉一齊蒸，好好食😋但係牛柏葉嘅份量多啲會更加好總括而言食物唔錯，價錢都優惠！兩個人只係食咗120HKD左右！

元宵節有一種浪漫叫「飲夜茶」！😁 呢間餐廳專系食點心同籠仔蒸飯🤩好食過傳統茶樓！好想介紹呢個籠仔排骨鳳爪飯！ 超足料！個籠大過塊面！2-4人食都無問題！食得出係用新鮮排骨！呢排豬肉咁貴，都有10舊排骨三隻鳳爪俾你都算係咁🤓價錢相當平都只不過係$38😳抵食！點心好出色！我要特別推薦大大粒既鮮蝦菜苗餃！一咬落去爆菜😳一籠有三粒我食咗啦2粒！小籠包雖然夾落去啲湯就流出黎但食肉汁非常濃郁👍🏻 東哥係元朗同太子都有分店😀翻食指數：5/5 2個人食左7樣野盛惠：$171我愛東哥😍Instagram:hongkong_discovery

以前收工成日都會同同事嚟呢度食最鍾意食呢度嘅蟹子燒賣、肉餅飯、流心奶黃包仲有燉湯⭐️👍🏼😍奶皇包一定要趁熱食、咬落口啲奶量會即刻流出黎,又香又甜又好食😆啲蒸飯又夠哂大籠、仲有燒賣啲蝦好新鮮又彈牙仲有呢度嘅菜心好嫩好甜、加埋啲甜豉油超好食😍仲有燉湯係超多人飲🥰有時夜晚都未必會有得飲！啲燉湯係好足料好香！特別係豬肺湯、冬天可以補一補！

有時去酒樓飲茶，等位等成個鐘，都覺得幾無聊，今日就試下去個體户的小茶居，這間位於元朗教育路的小茶居叫🎈東哥點心，門面乾淨企理。點餐以套餐較為化算，湯加飯最抵，如果吾系咁大食，两個人都夠，由於價錢經濟，就一於食豪D，所以就點了兩個套餐✨沙參玉竹燉竹絲雞湯，籠仔豉汁鳳爪排骨飯 $62燉湯熱度十足，份量也足夠兩個人分，👌籠仔豉汁鳳爪排骨飯，在一般酒樓根本冇可能食到，荷葉墊底，有心機，吾落豉油食也已經很好味，排骨軟滑，份量豐富。👍✨蟹籽燒賣王拼腸粉$33燒賣的份量跟酒樓的一模一樣，絕無將貨就價👍兩個人👫加埋茶錢食了約110蚊， 這個價錢在正式酒樓絕對冇可能。😁😋👍起碼平了一舊水，當然如果要大家吹水，緊係去返酒樓啦，畢竟都系快餐

元朗好多細間既飲茶地方，東哥系唯一一間可以維持到水準既店鋪。通常一定會叫既點心就緊系蝦餃，燒賣喇！但佢有個特色腸粉叫越式米網腸，入面有脆脆地既米網，加埋外面個腸好滑，所以口感就會好特別！下面有陳村粉，索哂啲汁好好食腐皮卷，好足料，好香脆叉燒腸，啲肉唔會太瘦，腸粉好滑

自幾個月前無意中幫襯過東哥後，呢度已經成為我及另一半的飯堂之一，每當大家唔知食乜好既時候，就自然會去呢度開餐！今晚唔太肚餓，又唔知食乜好，咁就食東哥啦⋯⋯外賣左下列食物返家：籠仔香辣排骨飯 + 生菜：每次例牌必點，而且加點油菜只需$8，好抵食！籠仔飯有荷葉香，排骨香辣惹味，肉汁滲落白飯很開胃😋沙律蝦春卷：每次例牌必點，春卷內有沙律醬，而且香脆惹味😋魚肚滑雞扎：味道ok😄鮮竹牛肉球：味道ok😄東哥點心份量多，價錢又平，味道又不錯，真係好抵食呀👍🏻

好少寫好評，呢間低調點心舖真係用料十足，味道濃郁有鮮味。個人好鍾意食點心，呢個年頭食到嘅點心味道通常都大同小異，但呢一間味道食得出係用心做而且認真有層次。脆米網腸粉入口驚訝，我好多年無食過咁滑既腸粉，頓然回想起童年食舊式酒樓既時光。鵪鶉蛋燒賣，又名春蛋燒賣，我估大概係啲人唔識寫鵪鶉兩隻字。好少可仲食到大大件蝦肉嘅鵪鶉蛋燒賣，抵食。四寶雞扎，最令人深刻就係呢一條嘅芋頭，竟然會有淡淡的紅棗清甜味道，雞件係帶骨既雞胸肉，鬆軟不得了。蘿蔔糕煎得金黃香脆！菜苗餃皮薄餡靚！下午茶時間有特價，不妨試下。

很久沒去這家食點心 這次去沒太多人很快就有位置坐 我們很快便下單了服務員拿茶給我們 家人說要多壺熱水叫了幾次才有人回應🤐搞什麼鬼🙄·百醬蒸鳳爪 HKD$18·流心奶黃包 HKD$22·千層紅棗糕 HKD$18·蜜汁叉燒腸 HKD$22·安蝦鹹水角 HKD$20茶位另外要收HKD$3/位 幸好沒有加一味道不過不失 份量也是一般酒樓份量那個紅棗糕是挻煙韌好咬呢🤤🤤好多時候食點心我會點鳳爪來食的❤但服務員的態度令人有點反感熟客就笑著對住 我們不常光顧就愛理不理大家也是客人 為什麼會這樣大的分店

每次探完老爸經過東哥，總有一班人坐係門口等位，今日竟然冇人等，立即入去攞位。😛店舗只有數張枱，幸好有一張卡位，坐落睇到牆上貼住的餐牌，姐姐好快就話我知，E家未有住因是下午茶優惠，所以要點正常點心紙😅🔸籠仔鳳爪排骨飯 $37點心即叫即蒸，非常新鮮，等咗陣，先來個飯，蒸飯size幾大，唔係一般係酒樓見到個種細細碗，夠曬抵食。排骨份量足，D飯吸晒味好好食，兩個人都有幾碗食到。還有籠仔飯可配燉湯、一飯一湯$62，🔸鮮蝦菜苗餃$22一籠有3 粒，大大隻蝦肉及菜都幾多，薄皮通透👍🏻🔸原隻蝦腸粉$25每條腸粉都有兩粒蝦，上枱自己落豉油茶錢每位$3，免加一，如果想飲茶又唔想去酒樓不妨去這些點心店。

我的家人真的很喜歡飲茶耶 每一次到元朗 有很多次都會去食點心的而這天也不例外耶 東哥的元朗分店食光了2個人點了5個點心食😀·流心奶黃包·百醬蒸鳳爪·鮮竹牛肉球·蜜汁叉燒腸·安蝦咸水角但這間應該不會有下次吧感覺上沒有正店的好食 可能是師傅不同很容易食得出味道是有分別的哦

深夜返歸好多餐廳甜品舖收晒，見呢間仲開緊就想嘆下宵夜茶★★★籠仔鳳爪排骨飯 $36落完單好快就嚟咗，應該係整定嘅，D飯粒又硬★★★★★籠仔香辣排骨飯 $36呢個反而等咗陣，即蒸嘅D飯夠晒入味排骨又夠辣，份量足叫兩籠飯但唔係一齊即蒸有D唔公平 失望★★★加油菜—生菜 $8 抵★★★加甜品—椰汁桂花糕 $8 抵食有2舊，甜甜地★★★★沙參玉竹燉竹絲雞 $28湯燉得入味，夠足料★★★★湯皇鮮竹卷 $18個湯汁好夠味，咬落夠足料★★★蟹柳綿花雞 $20綿花雞係用豬皮，雞件都麻麻地，有骨同唔夠嫩 ，份量少★★小籠包 $20冇湯汁好乾，冇乜肉，正常4粒但呢度得3粒★★★香煎蘿蔔糕 $17 一般★★★蟹子燒賣皇 $22 普通★★★★百醬蒸鳳爪 $18 正常東哥點心籠仔蒸飯專門店整體評分★★★★地理環境★★★★又新街落車B仔斜對面乾淨企理，坐得舒服服務★★★員工友善有禮食物★★★★上菜快，整體夠熱真心推介即蒸嘅飯同鮮竹卷其他不過不失價格★★★偏貴，不過夜茶嚟講算唔錯