東坡豬手麵 (Closed)

今日同仔仔去荃灣買戲，經過呢間小店，看名字（東坡豬手麵）本身是豬手控所以去試吓，睇睇價錢，十分低食，於是叫了豬手麵食，食物來到，豬手有三隻份量好足👍一試豬手非常入味又夠淋，咁樣的價錢食到咁好味的豬手，我唸第二度食唔到，一定會再去幫襯，支持良心小店👍

荃灣返工,食飯時間就梗係搵野食啦去到楊屋道街市個頭,有一間細細間既小店,入面又坐滿人望下個餐牌係33蚊一個SET連飲品,咁就入去坐望下D食客食緊D咩.最多人食就係鯇魚同排骨客飯咁我地就ORDER左佢兩樣,等緊個陣見到原來好多人叫豬手飯而碟豬手飯都好多好正咁既樣.有少少後悔冇叫喇唔好諗喇,等自己個兩碟先算豆豉鯇魚--幾舊鯇魚唔算多,普通鯇魚,豉汁送飯都唔錯豉汁排骨--都算OK,唔係好雪味.....整體黎講算OK埋單兩個人都係66蚊連每人一杯熱飲

睇報章介紹呢間豬手麵荃灣新開，就黎試下。黎到發現有九成都是叔叔伯伯，甚少女生，難道食豬手麵是伯伯的浪漫？我這女生來，顯得有點格格不入。入到去發現衛生情況相當麻麻，近廚房的路擺放裝了待洗的碗碟放在大桶，食客就在不遠處進食，然後地下又有飯餸殘渣，似乎成日都無掃地。但就勝在夠平，豬手飯$33，加$2有凍飲，豬手麵$22，平過食茶記，難怪吸引咁多退休伯伯。落左單好快送上凍檸茶，味道和茶記差不多，檸檬夠茶又濃。接著就豬手麵，豬手因爲頗肥的關係，入口即溶，已分唔清係脂肪定膠原，忍唔住肥膏既誘惑一野食晒，豬手份量唔孤寒，夠送飯，味道方面偏咸。豬手麵個麵係即煮，所以最後到，先食啖麵，嘩，好重豬臊味，又有鹼水味，雖然麵條屬爽彈，但亦難入口，另外似乎忘了放蔥粒或已無蔥，扣一點分，湯底也是偏咸，麵量偏少，可能豬手多肥少肉，肥膏像一陣風未能停在肚子裡，我食完碗麵都唔覺飽。最後白菜仔黎到，只$12都幾抵食，而且菜靚，夠晒嫩綠，無用蠔油改放豬手汁不錯。因為衛生情況不太好，其實食得唔係咁舒服，而且豬手太肥都唔健康，都不太吸引再來。

同朋友行開附近，下午時段諗住求其搵間茶記食～見到有間新開茶記，望落乾淨舒服，仲有豬手食，價錢又好合理，決定試一試。沙爹牛麵就食得多，豬手麵真係第一次，仲要廿幾蚊。推介秘製豬手麵，夠哂入味又真材實料！