Video
Read full review
2005-04-16
103 views
大約兩三年前, "飲食男女"舉辦過一個選舉(讀者投票), 結果此茶餐廳入選成為十大茶餐廳, 但我唔記得佢係入選九龍區, 定係全港十大茶餐廳.不過我好記得, "飲食男女"話呢度單憑一樣海南雞飯, 就已經名揚天下(大意). 咁利害? 就等我會一會你.侍應服務態度唔得, 冇乜禮貌, 放下食物的力度亦很大. 其實我覺得今時今日有唔少茶餐廳, 他們的服務態度已經唔錯, 所以希望"東寶"可以注意一下.講返食物, 餐牌上有很多款食物, 供應的小菜超過六十款, 差不多款款都係$35, 湯羹類亦有六款, 當然一般茶餐廳的食品亦有供應, 所以食物種類真係好多."飲食男女"話呢度的海南雞飯出名, 我於是就叫左一個海南雞飯, 可惜令人失望. 雞油飯算香, 但較"糊", 我都係比較喜歡一粒粒可以分開果隻. 雞係連骨一齊上, 味道亦平平. 沒有黑鼓油, 只有薑蓉同埋一隻酸酸地的醬, 當然亦唔會有驚喜.能夠入選十大, 我相信總有過人之處, 海南雞飯唔得, 或者其他野ok呢, 下次或者我會試下其他野, 但今次一定要比"苦臉".
大約兩三年前, "飲食男女"舉辦過一個選舉(讀者投票), 結果此茶餐廳入選成為十大茶餐廳, 但我唔記得佢係入選九龍區, 定係全港十大茶餐廳.
不過我好記得, "飲食男女"話呢度單憑一樣海南雞飯, 就已經名揚天下(大意). 咁利害? 就等我會一會你.
侍應服務態度唔得, 冇乜禮貌, 放下食物的力度亦很大. 其實我覺得今時今日有唔少茶餐廳, 他們的服務態度已經唔錯, 所以希望"東寶"可以注意一下.
講返食物, 餐牌上有很多款食物, 供應的小菜超過六十款, 差不多款款都係$35, 湯羹類亦有六款, 當然一般茶餐廳的食品亦有供應, 所以食物種類真係好多.
"飲食男女"話呢度的海南雞飯出名, 我於是就叫左一個海南雞飯, 可惜令人失望. 雞油飯算香, 但較"糊", 我都係比較喜歡一粒粒可以分開果隻. 雞係連骨一齊上, 味道亦平平. 沒有黑鼓油, 只有薑蓉同埋一隻酸酸地的醬, 當然亦唔會有驚喜.
能夠入選十大, 我相信總有過人之處, 海南雞飯唔得, 或者其他野ok呢, 下次或者我會試下其他野, 但今次一定要比"苦臉".
Post