東江大飯店

Open Now

Now Closed

今日行經荃灣，走了入去歷史悠久的東江大飯店食午餐，午市餐牌都有幾多選擇，全部都是50蚊內，奉送例湯，價錢合理，叫了蘿蔔牛腩飯，大大件牛腩，肉質軟腍不韌，牛味濃郁，蘿蔔清甜爽口，醬汁香濃不膩，混合白飯一起吃，好惹味 ; 例湯鮮甜味美，不錯。

八個人晚上一心想試下傳統客家菜，點知完全中伏，個白果豬肚湯，味道如即食麵的味粉一樣，好明顯是味粉開水，個沙姜雞肉是紅色的，明顯是不熟或雪得太久，蝦丸不彈牙，炸大腸不趣，蒸黃立倉魚，肉質，一夾就散，放在門口魚缸內的魚，明顯是裝飾品朋友打瀉了酒在檯上後，問有沒有餐巾之類墊一下，個女伙記一聲「冇！」就走了去，話比個經理知個湯有問題，點知佢態度惡劣，還凶巴巴的說賣了幾十年都是這樣，所謂老店實在名不符實。老實說，星期六晚還有那麼多「吉」檯就應間店有問題！

好衰囉，去食午飯，我地成枱8個人都食完，我個雞飯叫佐少飯都未到，已經吹佐2次，我食都冇食過就已經過佐半個鐘頭，冇辦法唯有成個飯帶走，食都冇食過囉之前都覺得飯又硬又唔好食，有時仲要凍既，老細請食飯先去食，而家連服務態度都有問題，點去呀？下次老細請我都唔食，去對而街食面算，浪費我時間都算，仲要黑面，成枱7個雞飯，我又雞飯，點解只係我遲到？就係因為我驚你寫錯，望住你寫單? d 裝潢差，衛生都好差，服務態度更差，有dd 要求都咪去

身為荃灣友，還真的第一次幫襯這老店，倍感羞愧。傳統的花生喬頭配以現代的燈飾，少許古怪。鹽焗雞是招牌菜，雞肥肉滑，口味清雅，不像市面上其他鹽焗雞一味死鹹。梅菜心扣肉，太瘦，貌似湯渣，但看到旁邊桌那碟是很肥美的，可能這方面有參差。雖然食味也不致於太柴，但始終欠了油脂香。百花釀豬腸，整餐中最欣賞這個菜，蝦膠釀橙色炸豬大腸，功夫多了售價也只是貴$10，同時能吃到炸豬大腸的獨特香脆脂騷，又品嚐到蝦膠的鮮味彈牙口感。西檸鴨，一團炸物，也分不清是鴨還是雞，而且油味頗重。洗手間在廚房旁，十級地滑。

今晚与太太來到東江大飯店食飯。東江大飯店分上下二層，我們選擇了上阁楼。舊式樓宇雖然多柱，但裝修及座位都非常舒適。我們要了一個霸王大肥雞半隻，$148。雞的面上鋪着十分多的薑和蔥，雞肉都很淋滑，但是雞味比較淡。菜遠炒腰花$78。腰花 ，有少少爽口，但入口已經有一股骚味，味道比較淡，菜遠比較爽口，都不錯。

説起往事，先生説以前第一日返工，就是與師傅在東江大飯店食午飯。非常怀念那段初入行的日子。有時間的想再去東江大飯店食飯怀缅一下。今晚收工，特意與先生一齊去東江大飯店食飯。可能比較早的關係，人不多，我们選擇了上阁楼。我們要了一個霸王大肥雞半隻，$145。雞的顏色金金黃黃很是吸引，面上鋪滿了薑和蔥，雞肉很淋滑，但是雞味比較淡。有少少遜色。菜遠炒腰花$78。侍應放上枱，見到厨師都有用心地将菜摆設過，菜心整齊地在底層。主角腰花 ，有介井字斜花。外表吸引，腰花有少少爽口，但入口已經有一股骚味，味道比較淡，食落有㸃似雪藏猪腰。面上有很爽脆的韭黃，及少少带三角花形的红蘿蔔片。菜心比較爽口，常好還未沾到猪腰的骚味，味道常算不錯。整道菜因猪腰的骚味而扣分。和先生满怀期待而來，虽然带㸃遺憾。但也無损我和先生的興致。先生本是寡言的人，但今日說起往事，居然口若懸河，滔滔不絕，真是不枉此行呢。

荃灣老飯店屈指可數,其中老豆指名要食東江大飯店有40多年潮州菜館的歷史,位置在荃灣沙咀道莎樂美旁邊,有兩層的鋪位可以容納不多於30台的顧客。星期五晚上跟屋企人來食飯,忘記打電話訂位。六點半打電話到餐廳,說七點來用餐,餐廳跟我說不用定位了直接過來,反正也差不多時間。我們一家大細,我比較行得快先去攞位,一陣去見到前面有一家人，餐廳已經跟他們說沒有定位就沒有位置,聽後心裏打了一個突， 幸好我有打電話過來才能有枱。我們的枱是在二樓，對於有老有嫩的一家，樓梯還是要慢慢走上去。一坐下侍應好快手開茶,上次前菜有花生,橋頭。 差不多七點半二樓就已經坐滿。我們點了霸王雞,四個人半隻份量剛剛好。這個霸王雞非常好食, 肉質鮮嫩不在話下,點上沙薑,風味一流，果然係招牌菜。梅菜東坡肉，梅菜唔會太鹹，用來撈飯一流。東坡肉比我想像中少肥肉，非常適合健康至上的我。八珍豆腐，有蝦，豬潤，豬肚，冬菇，他的豆腐不是白豆腐，用炸豆腐。這樣豆腐外皮就可以吸收醬汁之餘，炒豆腐也不會把它炒散。客家雜錦煲，什麼都有，有豬潤，豬肚，魚蛋，牛丸，墨魚丸，如果再知道有豬內臟，就不用叫八珍豆腐了。今日quota overload 了。其實一

40年的老字號真係唔易，而家香港租金昂貴，餐廳很多時都不敵租金而結業，屹立荃灣超過40 年的東江大飯店就正好為大家演繹如何叫用心經營！ 尋日去荃灣食午餐，見到40 年老字號呢句野，就算再伏都好，都要試一試，睇下您點解可以40 年都仲喺度！午市特價飯選擇眾多，都是即叫即做，我叫左個梅菜扣肉，賣相其實一般，不過飯既份糧真係多，梅菜食落係甜既，扣肉肥膩，不過入口即溶！ 用埋d汁撈飯！ 一流同事叫左個肉片炒河，鑊氣夠，炒出嚟唔太油，份糧也多基本上3個人叫兩樣野食都足夠！食完之後您就會明白，40 年有佢40 年的道理！

荃灣好多野食，但老媽偏愛中餐。喺荃灣住過嘅人，應該都冇人唔識呢間老字號東江大飯店， 因為餐廳已有四十幾年歷史。今晚叫咗幾款小菜，都係呢度嘅招牌菜。脆皮炸大腸 $90 - 外皮炸到爆脆，一件又一件，真係食到唔停口。梅菜心扣肉 $82 - 上枱時香氣撲鼻，半肥瘦扣肉，脂肪分佈好均勻。梅菜撈飯，正得黎又唔油腻。霸王大肥雞 (1隻) $268 - 雞味好濃郁，雞皮爽肉質滑，夾埋上面嘅薑蔥一齊食，味道更加香。八珍炆豆腐 $78 - 份量少咗啲，豆腐只有4，5件。但味道OK。炒油菜 $55 - 菜心新鮮，翠綠鮮甜。

as i remember i have be here just a little boy, having dinner with my family.seems no change for the shop.not only the taste, but also the people here are old.food is good which kept the traditional taste and looks. 牛骨髓not good. but others are nice.

相信經過沙咀道嘅居民都應該見過呢家飯店嘅招牌, 尤其是夜晚, 用霓虹燈制成嘅舊式招牌, 簡直成為荃灣嘅地標.一直都只是經過, 從未光顧, 畢竟荃灣實在太多食肆. 今日突然間想食大碟嘅飯做午餐, 就想起去食鹽焗雞飯.進入店鋪後, 內裏裝修企理, 每張枱上有整潔枱布, 就算只是一人亦開一壺新嘅茶, 不用茶錢.可能因為招牌菜關係, 所以雞飯畀其他中式飯貴幾蚊, 但係送一碗例湯及免茶芥.碟飯嚟到有驚喜, 首先喜歡碟雞分開上, 跟一大碟白飯, 雞嘅份量都好多, 好少見雞飯畀咁多雞, 另外雞骨部分呈現深啡色, 呢個代表係真正嘅熟透, 最近在某連鎖快餐店食一碟雞飯但雞骨部分呈現鮮紅色, 好似流血咁, 感覺唔太好, 今日喺呢間食,呢碟好好多. 整體嚟講, 碟雞飯好好味,不過偏咸, 但係呢隻咸就正正係鹽焗雞飯嘅精髓, 所以會接受到, 一啖雞一啖飯, 剛剛好. 分開上嘅雞, 雞油唔會撈埋落啲飯度. 如果大家經過, 不妨一試, 支持下啲舊式老店 , 餐牌上仲有好多中式飯選擇, 我下次就會試男人的浪漫 (豆腐火腩飯), 因為今日見到隔離枱食好似好正咁.

呢間老字號係荃灣開左咗幾十年, 佢地主打鹹雞、咕嚕肉及梅菜扣肉等傳統舊派菜。街坊生意街坊價錢, 大部份都係幾十炆貨仔, 當然裝潢也是非常街坊的舊派酒樓格局。梅菜芯扣肉 ($82)今晚生日飯....放肆點也不相干, 扣肉不是用五花腩, 入口雖然腍, 但就冇鬆化口感, 底部的梅菜芯盡吸醬油的鹹香及豬油油香, 用嚟撈飯一流, 醬油汁調較得唔錯, 鹹甜適中, 能加重翻少少老抽就更加好, 不過我朋友話味道唔太傳統喎, 贊成, 傳統會再濃味啲, 偏甜少少同用5層花腩肉。羅漢齋扒仙掌 ($78)掛住傾計, 我好似冇食過仙掌。金牌鹽焗雞 ($128/半隻)鹹鹹香香, 實肉型, 但不嚡口, 勝在有咬口, 雞味唔算好濃, 也不差。脆皮炸大腸 ($90)呢啲先叫炸大腸, 大腸要有小許厚度才會香肥美, 點埋佢個甜酸醬食, 邪惡但很美味。煎炆釀豆腐 ($85)上次食佢地嘅清蒸豆腐好好食, 好有豆味, 今次來試一個炆釀豆腐, 豆腐滑得嚟有豆香, 釀入半肥瘦肉碎更香口, 佢個蠔油芡汁都唔錯, 唔死鹹。

同家人食晚飯，一行八人想去童年時期成日去食嘅東江大飯店食鹽焗雞，但回憶中嘅味道始終係最好，食完真係有點兒失望！鹽焗雞，味道及賣想可以，但雞皮實在太厚太肥，整得太熟，有啲鞋口！炸大腸梅菜腩肉腩肉太瘦，硬柴柴，竟然唔係用五花腩，而且啲梅菜浸得太耐，冇晒味炸蝦丸蝦肉太實，蝦味唔夠！中式牛柳阿媽話牛肉夠林佢食到，亦都唔會那到冇晒味。椒絲腐乳通菜八個人食七碟餸，兩支大啤，7碗飯，＄1000有找，算係抵食，但質素真係不及當年！話雖如此，樓下樓上全場爆滿，懷舊服飾及年齡嘅夥計應接不暇。舉手叫餸當睇唔到，加水又加唔切！放低筷子就嗱嗱聲收晒啲碟，有少少趕客feel！下次再幫襯嘅意欲真係唔大。

星期六晚，因為老人家突然話好想食下東江嘅野，所以就一行人去食，東江係一間係荃灣嘅老字號，已經營業左好多個十年，入面裝修都仲保留住懷舊嘅裝飾，一入到去就好似穿越左時空咁。我攣細個開始已經跟屋企人黎呢度食飯，每次食返呢d舊式酒家真係好懷念想當年嘅情景。鹽焗雞一隻：雞好鹽香，皮夠滑，唯一美中不足係太鞋。炒三鮮：我爺爺就中意嘅小菜，有牛骨髓，牛骨髓好似依家好少酒家有，牛骨髓平身冇味但連埋汁料一齊食就剛好，好味。菜芯炒牛丸：呢道菜係我爸爸每次黎食都會叫嘅，因為佢話會令佢諗起童年時食嘅餸。牛丸牛味夠重，菜芯亦都夠鮮甜 。炸釀豆腐：夠香脆，入面嘅肉調味亦剛好，小朋友食到停唔到口。白果豬肚湯：好香白果味，亦都而好多豬肚係入面，夠足料！但就係咸左少少不過都接受到。咕嚕肉：夠脆，汁唔會話好稀，好多菠蘿，肉夠入味，又夠鑊氣。同場加影：好耐冇見過酒家有蕎頭做前菜！好懷舊，我記得細個時我屋企人成日迫我試食，但我就覺得好臭！不過唯一係呢度食唔好嘅就係太迫了，舖位有限。坐就未必會舒服。

昨晚一行三人在這間餐館吃飯，order了半隻鹽焗雞、士招豬肚尖、炒三鮮、羅漢齋鴨掌及白果豬肚湯首先上咗半隻雞、但食咗小小的時候突然有隻蟑螂由冷氣糟跌咗落隻雞內典吓典吓，於是叫他們取消改叫梅菜扣肉。后來有一個羅漢齋未到，就叫侍應追一追，當時佢無追而又大大声話煑緊啦。但到最後都無嚟到，埋單時check單嗰個羅漢齋都計在內，於是吿知她取消，唉，那個侍應好兇咁話：你地食咗啦，我睇住你地食的。呀，我真係好嬲，個餸的確無嚟過，佢仲話睇住我地食。個侍應仲同D同事細細声講話我地搏懵。於是我找經理投訴，佢地話經理唔係到。簡直無王管。奉告各位要唸清楚先幫襯呢間三差菜館（服務差、出品差、衛生差）食物味道麻麻，由其豉椒肚尖就炒得老，一D都唔爽口，而白果豬肚湯好重蒜頭味。唔會再去😠