東江大飯店

Open Now

Now Closed

上次來到東江大飯店食飯，可能已經是十多年前嘅事。不清楚為何這十多年內我都沒有前來光顧，可能因為附近不斷有很多不同類型食肆作選擇，而遺忘了這裡。當步進飯店後，我腦海裡的記憶慢慢浮現出來，那排卡坐位，圓枱及裝潢都似曾熟悉很懷念。 坐下後，我們二話不說就打開餐牌看看看，看到圖文並茂的菜式很吸引，最後點了四個小菜。※ 梅菜扣肉 ~ 梅菜扣肉用碟盛載份量足， 可以見到一塊一塊疊起來的扣肉肥瘦比例平均，炆得算淋又入味，肥肉部份滑而不膩。梅菜吸收了扣肉及醬汁的味道很香也不咸，這是我最愛的菜式之一，送飯一流。※ 炸大腸 ~ 好吃的炸大腸以皮脆內軟、肉薄及無騷味為最佳，配以酸甜汁調味特別開胃，一片片的炸大腸下拌有少許菠蘿肉供去肥膩。這道菜烹調得宜很好吃。※ 東江豆腐煲 ~ 每件釀豆腐大小適中很嫩滑，豬肉餡份量剛好，夾起整件豆腐時不易散。 豆腐用了炆淋黃豆墊底，唯一遜色的地方是太多芡汁也略咸，若不是用熱辣辣的煲仔盛載，那芡汁會好快凝固黏在豆腐上而不好吃。※ 時菜鮮魷 ~ 如我們所要求，飯店用了通菜炒鮮魷。 油泡過的魷魚很爽滑，只是欠缺一點魷魚的鮮味， 上菜時也沒有提供蝦醬或蠔油作調味，但整體味道不錯。在我

客家菜只吃過泉x居, 自己覺得因為多油多肉不能夠時常吃 ~ 但"梅菜豬肉" 真係不能抗拒~遠征荃灣, 朋友介紹一間稱為"快~靚~正"既客家菜~ 星期四既晚上應該唔太多人吧~ 一入店內全院滿坐, 等了不到15分鐘~ 伙記"樓上有位~快" 立馬沖上去.... 原先食客剛起身~ 由執枱到擺位上茶也不用5分鐘 ~ 勁!!看餐牌~圖文並茂也相當吸引 ! 想也不想一定要叫"梅菜豬肉"............   ""賣晒"" (好down囉)結果叫了霸王雞....牛丸扒菜...豆腐煲....京都骨......等等霸王雞~ 全熟~好煙un豆腐~ 香滑京都骨~好正牛丸扒菜~好彈牙由叫餸到起菜也是快到不得了, 但留意番樣樣也熱辣辣的(正)最後係由入坐到食完也只是........... 20:00 至 20:45!!!

简简单单的一餐，我们点了粟米班块饭，这个很健康，适合一家大细，鱼块很新鲜，送饭一流。另外点了半只盐焗鳮，虽说是半只鳮，都好大碟，份量同外面一只的差不多。最后点了什菜煲，有点咸。怪不得这个饭店在荃湾已经开了四十多年。

見到都流口水😂梅菜扣肉真係好正😋肥而不膩👍🏼再夾啲梅菜撈飯🍚🙊😂間唔中食一次都無野嘅😇😂呢間係食傳統嘅客家菜😚啲小菜嘅味道都唔差 價錢合理👍🏼仲有得食炸大腸添😍😍

大帽山郊野公園行程完成後，等車等了好久，飢寒交迫。到荃灣吃個晚餐，當然要找一間坐得舒舒服服，吃熱食的餐廳。家人提議到『東江大飯店』，正宗客家菜。他們曾經吃過好幾次，覺得不錯的。有兩層，樓底高，環境也不錯。我們點了六餸一湯。羅漢齋$72，賣相不討好，但味道不錯，不過這碟羅漢齋沒有粟米芯有點失望。特製荔芋香酥鴨 $90(半隻)，很喜歡吃芋頭魚，今次改吃荔芋鴨，很香很綿的芋茸，不是太油。鴨肉細細粒夾在內，沒有令味道提升，所以我還是喜歡芋頭魚，簡簡單單。五柳魚 $140 (半條)，份量很多，味道酸酸甜甜也不錯，不過我很怕吃這些多骨的魚。沙薑雞 $120 (半隻)，半隻七人吃已經很夠，雞嫰滑，很好吃。欖菜肉鬆炒豆角 $72，欖菜很咸，很重味，個人覺得一般。紅燒釀豆腐 $78，味道很濃，令原本淡淡的豆腐也很惹味，好吃。陳腎西洋菜湯 $80，湯比較清，覺得媽媽牌的西洋菜湯更好喝。吃飽後一天行程圓滿結束了。快樂就是和家人一起吃喝玩樂，感恩有好天氣好景色。

咕嚕肉話就話係肉,其實全部都係骨嚟,不過個皮都幾薄幾脆,都幾惹味.霸王雞啲蔥油比隻雞仲多,睇落都幾搞笑,但肉質唔鞋,幾滑.魚香茄子煲入面嘅茄子吸晒鹹魚啲味,有少少辣辣哋,味道係幾好,不過油份幾高,食食下就停晒手.百花釀大腸,唔知係我哋理解錯定點,以為係釀咗蝦膠嘅豬大腸,點知實物反而似係豬大腸釀蝦膠,啲蝦膠多到…而且佢本身又唔係全部蝦肉打成,估計夾雜咗麵粉之類,都有少少伏嘅感覺.

老公還我心願，去左荃灣營業有四十年的東江大飯店食飯！環境: 無modern 裝潢、但乾淨雅緻，食飯黎講夠舒服啦！服務：全部都係姐姐，唔hard sell, 但會好有信心咁同你講沙薑雞好味！都好友善上菜好快！有效率！重點--食物：1.沙薑雞：好嫩滑，唔洗點沙薑已經係好正雞味濃厚，半隻雞夠三人份量！2.韮王炒黃鱔：黃鱔香脆，韮王炒得香甜，好味總括：值得一去，尤其是荃新的老街方，這裡必定讓你找回回憶！

在荃灣有30年歷史的東江飯店，由餐廳內的裝潢、門外的招牌、侍應們的制服，別有一番感覺!老飯店點舊式菜式是最好不過， 梅菜心扣肉 $80 是這裡必點之一，一層層厚厚的五花腩，油脂部分入口即溶，醬汁味濃加埋梅菜，送飯一流。印象中，我係第二次黎呢到食飯喇，呢到 鹽焗雞 半隻$115，咸味適中雞件入味（第一次黎食個次最好味，肉質最嫩滑）我地6人低估了這個 四喜大拼盤 $268 的份量，拼盤蠻大的，看相中照片也可以感受到XD (8-10人一齊share食就差唔多，所以我地都食唔晒呀）拼盤有炸大腸 、椒鹽鮮魷 、春卷 、生炒骨，我最鍾意食呢到個炸大腸，是片裝的不會有太多肥膏呢，配酸甜醬食好味。春卷都唔錯用腐皮包著素菜 ，拼盤入面個生炒骨就失望喇，排骨厚粉，上枱時已經凍左所以好硬身，椒鹽魷魚雖然炸粉不是對薄身的，不過魷魚炸完肉質都咁林咁嫩，算係咁。 酸甜醬 正呢個係春卷~如果鐘意清淡的朋友, 呢個 豆腐魚雲羹 $78 可以試下，入口好滑! 紅燒釀豆腐 $75 (今日太飽無食到呢個，放番張相睇下咁啦) 薑蔥炆生蠔。$98 (蠔身細而且好乾身, 唔推介)

豬大人的爸爸生日, 指定要到位於荃灣的''東江大飯店''吃飯慶祝~我們一行人當然不會say no啦 ^^''東江大飯店''對於荃灣人來說絕對不會陌生,不過青蛙倒是第二次光顧呢~看看餐牌, 想不到老牌飯店的食物價格相當合理,令青蛙對其食物質素更加添了期盼。咕嚕骨醬汁酸酸甜甜十分醒胃, 不過肉的質感較為韌了一點點.....酥炸鯪魚球青蛙本身不喜愛吃鯪魚球, 但這裡的鯪魚球外表金黃討好~入口富彈性, 但始終會吃到少少微細魚骨。霸王雞雞肉嫩滑、沒有雪味, 但比較油。而且必須配上醬料才有味道~菜遠炒雙脆青蛙見豬潤尚有血水流出, 不敢試。客家炆豬肉富有非常香的南乳味, 醬汁配飯吃一級棒!!豬肉肥的部分滑而不膩, 下半部瘦肉則有點點韌。炒麵 (全名忘記了)麵質彈牙, 配料豐富, 又夠鑊氣。炒鱔糊色水比平時在上海菜館吃到較為淺,而且鱔魚的質感亦較為爽口, 一般。炸大腸清潔夠乾淨, 但青蛙略嫌炸得太乾身,所以入口太硬....

難得同一大班親戚食飯決定就腳黎呢間野到食餐飯啦都叫左幾多野食既叫左個東江豆腐煲,八珍扒大鴨,魚香茄子煲,蒸鯇魚,菜扒牛丸同油泡鮮魷另外再叫左D炒飯同炒面先講下味道啦大部份都係正常味道 叫唔錯啦印象最深刻係八珍扒大鴨隻鴨味道唔錯架不過配料既芥菜超難食 好鬼苦搞到隻碟味道怪怪地咁另外鯇魚都整得唔錯整得幾香 而且有魚既鮮甜味其他就不過不失啦都入到口既呢間野D服務都唔錯既就咁睇所有員工都幾有笑容唔會黑我地面睇到笑容點都食得開心D嘛食左差唔多1千幾蚊我覺得都算貴 不過難得一班人聚埋一齊都叫OK啦

我們昨晚(2015年3月9日)到東江飯店吃飯,吃了:1) 白果豬肚湯;2) 東江釀豆腐;3) 炸大腸拼炸春卷;4) 東江鹽焗雞;5) 酥炸生蠔;6) 三鮮牛骨髓。7人享用本餐,合共1030元。食物的色香味如何:整體而言,首要推薦的是三鮮骨髓。因為它份量十足,而且極之鮮美爽口,很令人“食髓知味”;東江鹽焗雞鹹味十足,所以是正宗的製作,我連皮也吃下,這樣才能吃到雞的精髓;酥炸生蠔夠大隻，同樣十分鮮美爽口,炸大腸與豬肚分別夠爽脆和爽滑,而炸大腸點上甜酸醬後食用更佳。環境: 60至70年代的裝修,只是如果提高清潔度就更好了。服務: 較一般,最欠佳的是現在是21世紀了,仍然不提供信用卡付款。衷心希望他們改善。衛生: 廁所地面油漬很多,容易令人滑倒。抵食: 價錢一般,和親友聚會可以選擇。

肥妹老豆生日，他喜愛老式菜，剛巧又要就太座時間，最終就揀了這間在荃灣的老店，以前曾來過一次，食物印象不差，只是衛生有點兒那個，今次去到見似乎是翻新過，光猛了一點，令人感覺上衛生也有改善。這晚品嚐了八款食物，水準算是不過不失，以如此價錢食到這個出品，也算物有所值，總比上次筆者自己生日，在尖沙咀"小杬館漁港"的那一餐好得多。梅菜扣肉，豬肉的肥瘦比例不均勻，但就炆得非常夠火喉，肉質淋軟，味道濃郁，送飯一流，所以這晚大家都多吃了飯。三鮮牛骨髓，骨髓軟綿，仙掌夠爽口，草菇和冬菇都清爽，整個菜是十分清淡的口味，而茨汁也做到濃而不咸，保持了這菜的精髓。腰果珍肝，腰果有點淋，顯然不是即炸，新鮮度不足，珍肝有點過火，油味太重，入口還略帶腥，這菜較為失敗。白果豬肚湯，湯呈奶白色，但味道不算濃，感覺上好像落了奶，豬肚清洗得十分乾淨，應該有煎過，入口乾身但無味。霸王雞，做得火喉恰到好處，皮香肉嫩，入口雞皮略帶爽口，雞肉非常嫩滑，肉汁豐富，味道鮮甜，非常美味。薑蔥生蠔，用的不是桶蠔，所以煮熟後縮了水，比較細隻，但火喉十足，蠔味濃郁，入口順滑，鮮甜美味。炸大腸拼生炒骨，炸大腸，炸得非常脆口，但可惜有點過份乾身，油

想坐得舒服、吃得舒服，別去！！🙅🙅🙅一行十多人去食晚飯，本身餐廳擺枱有問題，非常擁擠，環境很骯髒。侍應唔理顧客感受，不招呼客人，坐下也不拿茶水給客人。態度非常差😡1， 啲雞肉又硬又咬不下！2，湯丸沒含又不似湯丸。3，櫈又殘又破爛4，周圍環境及洗手間也非常骯髒，直情想跣低客人之前睇食評都知佢哋態度唔好，食物差，但都估唔到真的咁差，真係唔會再去幫襯！🙅🙅🙅

因為父親關係，我的DNA裡早已藏着對客家菜無限溺愛，每隔一段時間便要吃吃。當衹有連瑣店藥房銀行金行可永生的年代，東江大飯店竟屹立不倒荃灣四十年 (招牌已掛了多年沒改), 是奇蹟。四小碟花生喬頭辣椒醬沙薑粉，必要提這辣椒醬，是客家菜獨有，用許多蒜煮成，不太辣，充滿蒜香，配豆腐東江炒米粉一流。東江豆腐煲必吃之選，啄豬肉咸魚釀豆腐，微煎再放湯，加幾顆生菜，今夜的豆腐仍很香很滑，湯應仍是加了黃豆煲，依舊很清甜，惟黃豆今次沒見了，也少了咸魚香。塩焗雞上次吃這裡的塩焗雞，祇有肥和靭，這似好吃多了，雞滑，很入味，惟雞肶骨有血，從前這是廚藝，今天卻令食客驚心動魄。菜薳炒雙脆脆是豬肚豬腰，薑葱蒜爆香，爽脆香，十分美味。炸大腸拼炸鮮魷大腸炸得很鬆脆，用手舔酸汁吃很痛快; 用炸粉炸的鮮魷從不是我所喜，不提。客家菜興於香港物質缺匱年代，把廉價的食材如肥腩肉豬什牛丸，弄成碟碟大件夾抵食好送飯的美食，我看着今天客家菜舘買少見少，總自覺有責任支持它們生存下去。

梅菜蒸鯇魚做得非常好，梅菜心咸甜適中帶出魚嘅鮮甜，鯇魚肉厚嫩滑，半條魚（都好大份量）一上枱眨下眼就冇晒。鹽焗雞第一次好好食，第二次略嫌太肥，雖然都好食，不過皮脂太厚，搞到唔咁食太多皮。白果豬肚湯奶白色，好香白果同腐竹味，食完唔覺口渴，應該冇乜味精。最大發現係佢竟然有骨髓食，雖然漿粉太多，但係都OK。尤其依家唔係度度都有得食，有機會可以懷念一下，唔錯。