東源小食店

Open Now

Now Closed

雖然在長洲很多店都會賣大魚蛋，但見最多人吃過的會是這間 - 東源小食店 不過這間沒有堂食，拿走吃的話要小心醬汁滴在衣服或地上，準備定紙巾較好除了辣和不辣，辣度和種類亦有不同，而且不辣不只有原味，還有梅汁和燒汁兩種。如果您能吃得辣就要挑戰一下囉～那辣的後勁很強，千萬別隨便看輕！分別有四川麻辣、勁辣咖哩、中辣青咖哩、中辣黑椒和小辣沙嗲，一共有5種。東源大魚蛋 ($10/2粒) -  口感彈牙！醬汁亦都很惹味，就不太怎吃到魚肉的鮮!?

入到長洲，首先必經的就是一個四面都有小食店的新興街。東源小食店主打4-6款不同口味的魚蛋，有辣有唔辣任君選擇，每串十蚊兩粒。。入到黎緊係先打大佬，叫了串勁辣魚旦，追求舌尖上的辛辣激情。本人喜歡吃辣，具有一定程度的耐辣能力，感覺兩大舊 "勁辣魚旦"真係未至於去到勁辣的程度，為左追求更大的刺激，叫多串麻辣魚旦，先feel到辣意，同個咀feel到有D麻啦。下次再來長洲會試埋其他口味。長洲有好多魚旦檔，我估呢間都算係數一數二好味啦。

一講起長洲，大家一定會諗起大大粒既魚蛋，今次同埋屋企人襯住週末就黎個快閃長洲，未落船個下已經講定一落船要去食左粒大魚蛋先。係長洲有唔少鋪頭都有買大魚蛋，我地無心選，所以就一路行一路搵，經過見到呢間東源大魚蛋勁多人排隊，咁就緊係唔執輸排埋一份啦🤫呢到既大魚蛋有好多款味道，而且啲味道都幾特別，除左傳統咖喱，重有青咖喱，令我最感到神奇既係竟然有梅汁😂四川麻辣大魚蛋 $10/2粒買既時間店員介紹話係店中第二辣既一咬落去已經覺得有啲辣，食食下個口重麻埋😂，不過個辣道算接受得到，麻反而比辣勁，魚蛋好彈牙，下次會試埋其他味👍🏻

📍東源小食店📍💡長州黎到長州一定諗起大魚蛋，所以就黎試下佢🐥咖哩魚蛋小辣（$10@2）魚蛋熱辣辣又好大粒，咬落好彈牙，沙嗲味叫香嘅，唔係太辣，冇食開辣嘅啱啱好，不過魚蛋好似冇乜味，食原味應該正d

假日入黎長洲，午餐都未食呀，搭緊船已經同朋友傾緊等陣食咩😂，大魚蛋固之然係首選啦，決定一到步就去食大魚蛋💪🏻落左船，都要搵下邊度有大魚蛋食，長洲咁多間大魚蛋小食店行前小小轉角位，見到一大堆人龍，原來排緊大魚蛋，正❤️，可以即刻醫左肚先東源既大魚蛋有辣有唔辣，唔辣既可以選擇燒汁同梅汁我簡左四川麻辣味💪🏻 大大粒，爽口彈牙👍🏻麻會勁過辣，又辣得幾過癮👍🏻無諗過咁長人龍買完後，我粒魚蛋都咁入味😍好食

🍢小辣沙嗲大魚蛋💰10呢間係幾乎次次去都會食！超多口味醬汁選擇！魚蛋熱辣辣又夠大 出面層沙嗲汁唔算好辣 一咬落去都好彈牙 食完一啖係要等唔熱再食🤣會想再試其他味道！📌 東源小食店 (長洲)長洲新興街（出碼頭向山上直行）

黎到長洲 更係要食返粒大魚蛋啦 比起其他店鋪 東源十蚊有兩粒大魚蛋 係長洲黎講性價比好高 仲要有好多款口味揀 今次就試左麻辣同原味 佢個麻辣係比較香辣嘅麻辣 麻味唔算好重 食左一小啖已經要係甘飲水😂但係粒魚蛋好好味 真係有魚味 又彈牙 辣住都要食晒佢 正❤️最後食左兩轉先停到口😂大家可以不妨試下 因為地點便利又好味 性價比好高👍🏻

嚟到長洲一定要食大大粒魚蛋啦～$10有2大粒～好多口味可以揀～有：四川麻辣、勁辣咖喱、中辣青咖喱、中辣黑椒、小辣沙嗲、小辣咖喱、唔辣燒汁、唔辣梅汁、原味魚蛋～有辣有唔辣任君選擇買咗三串～四川麻辣、小辣沙嗲同埋唔辣燒汁～不過如果食原汁原味梗係食原味魚蛋啦～真係好彈牙又有魚味～四川麻辣真係好辣～有D蓋過魚蛋嘅味～不過叫做特別囉～出面未必有得食依隻口味～沙嗲又係嗰種味唔係話太特別～燒汁就係甜囉～變成甜魚蛋～一落船肚空空一次過食兩粒

-下午與友人一行多人抵達長洲這香港特色城中村，由於餓了，便與其中一友人先步行來買串魚蛋墊一下胃（就在碼頭旁邊的小巷里）；- 以前光顧過，印象比較深刻。有些款味道是不錯，所以這次來長洲旅遊，下午一下船直接走過來，打算先買兩串，傍晚離開前再來買多幾款嘗嘗並打包回香港。上兩次來都要排隊買的，這次來不用排隊，阿姨笑容很親切，但有位懷疑是老闆親戚的黑衣胖女店員態度很無禮，不過容後再說。- 沙爹味魚蛋味道比較普通，與平時街上吃到的無分別，淡，個人不推薦。令人最impressive的是黑椒、麻辣... 有國內麻辣燙的味道。咖喱味也ok，但一定要注意是不是剛放進湯底里的，上次吃過很辣，正是想要的味道。曾經在美食平台推薦這家魚蛋店，但這次光顧後決定以後不來了- 要吐嘈一下這次的不愉快光顧體驗（有點長），我朋友是港漂說普通話的，我們友善地問阿姨店員問題時，旁邊那位黑臉年輕女店員總是一直是用廣東話「插嘴」回答，極無禮貌不知是否聽到普通話的人便態度變差，還是一直那麼差。（上次來光顧時是同一人，像老闆親戚或女兒之類）；-我們二人各自點了一串不同口味，阿姨態度很好笑容滿臉。$10/串。當時我一手拿著一張$20紙幣

呢家應該係去長洲第一間會經過嘅大魚蛋鋪，因為如果向沙灘方向，由碼頭出發行就一定會經過，食過幾間大魚蛋，覺得都係大同小異，主要分別係醬汁調味方面，而呢間有我鍾意既口味。所有大魚蛋都係放喺煲入邊滾，好似打邊爐咁，所有大魚蛋都係$10兩粒，有好多款口味嘅醬汁，四川麻辣、勁辣咖喱、中辣青咖喱、中辣黑椒、小辣沙嗲、不辣燒汁同原味，視乎各位食到辣嘅程度而揀，都可以要求雙併口味。-1️⃣ 四川麻辣大魚蛋 💰10（👅: 8/10）食落係非常之麻辣，又麻又辣，但麻會勁過辣，食到花椒同辣椒既味，所以食完個口同條利會好痺，後勁幾強，食落似係大魚蛋浸左麻辣火鍋湯底咁，我自己算食得辣，覺得係痺多，唔需要飲嘢都得，但因為魚蛋都熱辣辣，所以麻味會維持一段時間。而魚蛋食落係爽滑彈牙，所有醬汁都係好入味，但魚味就唔係幾食得出，可能已經俾醬汁嘅濃味蓋過咗，大魚蛋名副其實大，一口係食唔唒。-2️⃣ 勁辣咖哩大魚蛋 💰10（👅: 7.5/10）食落感覺比四川麻辣仲要辣，但就只會得辣麻，我自己算食得辣，但食完呢個都想即刻買嘢飲，食完即刻標汗，辣係幾辣不過個人鍾意四川麻辣多啲。-⭐ 如果唔食得辣可以試吓燒汁同沙嗲，不過味道會偏鹹，燒汁就

來到長洲又點少得食長洲名物 大大粒魚蛋 唔知點解長洲既大大粒魚蛋永遠都特別好食d行經過東源呢間專食長洲大魚蛋嘅鋪頭 見到佢有唔同口味 一於買返兩串去試試佢小辣沙嗲口味大大粒魚蛋 2粒 $10沙嗲味道都算幾香既 不過唔食得辣既我就覺得冇乜辣味 食辣bb班既人都可以試一試佢個沙嗲口味 中辣青咖哩口味大大粒魚蛋 2粒 $10由小辣跳上去中辣哇 對我黎講即刻變左大辣甘 唔食得辣既朋友要有少少心理準備再加多少少勇氣先好試佢青咖哩味比辣味蓋過左少少 不過都仍然好好味。食物：7/10價錢：7/10環境：5/10 。長洲東源小食店長洲海傍街30號後座地下

同男朋友難得入到嚟長梗係食最馳名嘅長洲大魚蛋啦我哋揀咗呢間店嘅大魚蛋嚟試下一去到舖面見到好多人排隊 排曬長龍， 應該好好味咁嘅樣我哋一人嗌咗一串試水溫男朋友嘅係沙嗲味，我嘅係燒汁味第一時間梗係影相呃like啦魚蛋望落去就真係超級大粒同埋都幾抵食， 價錢合理只係影相角度問起，影出嚟好似好細粒咁 同埋d魚蛋好多汁，聞落就幾香嘅不過可能我對佢嘅期望過高啦我嗰串燒汁味嘅魚蛋，食落去反而麻麻地冇錯啲汁係好味嘅，但係魚蛋入面好淡口囉 好似冇乜味咁～入面啲魚肉呢下的確有少少失望嘅，不過的確係好爽口 依下就真係做得好好，啲肉好彈牙 食落去嗦嗦聲

經過好多間大魚蛋 俾呢間門口啲魚蛋相吸引左我哋 我同老婆分別食小辣沙嗲 同埋無辣燒汁 首先小辣沙嗲 雖然大粒 但好入味 最怕魚蛋只係外面有味入面無味 呢個幾好 剛剛好☺️ 無辣燒汁 老婆話有少少辣會好食啲🤣

每次去長洲都一定會食大魚旦😋，最推薦嘅就係落船最近嘅東源！原因好簡單因為最多醬汁可以揀就係得呢一間👍🏻～～/$10有兩大粒，有勁多醬汁可以選擇，黑椒、麻辣、咖喱、青咖喱、燒汁、梅汁、原味、沙嗲～～/今次我就食咗青咖喱，辣度來講都屬於中辣，但超惹味，可能因為佢一度烚住所以醬汁嘅味入晒落魚蛋到，超正！

長洲大魚旦，入親黎都係會食呢一間，諗都開左好多年，同老婆岩岩開始拍拖個陣已經帶我黎食，很多唔同既味道選擇，不過魚旦就唔係彈牙及爽口，可能咁岩煮得耐左少少既關係，而且味道少少入味，不過以10蚊兩粒大魚旦黎講就試下都無防