Video
Read full review
2021-04-13
126 views
呢家應該係去長洲第一間會經過嘅大魚蛋鋪，因為如果向沙灘方向，由碼頭出發行就一定會經過，食過幾間大魚蛋，覺得都係大同小異，主要分別係醬汁調味方面，而呢間有我鍾意既口味。所有大魚蛋都係放喺煲入邊滾，好似打邊爐咁，所有大魚蛋都係$10兩粒，有好多款口味嘅醬汁，四川麻辣、勁辣咖喱、中辣青咖喱、中辣黑椒、小辣沙嗲、不辣燒汁同原味，視乎各位食到辣嘅程度而揀，都可以要求雙併口味。-1️⃣ 四川麻辣大魚蛋 💰10（👅: 8/10）食落係非常之麻辣，又麻又辣，但麻會勁過辣，食到花椒同辣椒既味，所以食完個口同條利會好痺，後勁幾強，食落似係大魚蛋浸左麻辣火鍋湯底咁，我自己算食得辣，覺得係痺多，唔需要飲嘢都得，但因為魚蛋都熱辣辣，所以麻味會維持一段時間。而魚蛋食落係爽滑彈牙，所有醬汁都係好入味，但魚味就唔係幾食得出，可能已經俾醬汁嘅濃味蓋過咗，大魚蛋名副其實大，一口係食唔唒。-2️⃣ 勁辣咖哩大魚蛋 💰10（👅: 7.5/10）食落感覺比四川麻辣仲要辣，但就只會得辣麻，我自己算食得辣，但食完呢個都想即刻買嘢飲，食完即刻標汗，辣係幾辣不過個人鍾意四川麻辣多啲。-⭐ 如果唔食得辣可以試吓燒汁同沙嗲，不過味道會偏鹹，燒汁就
呢家應該係去長洲第一間會經過嘅大魚蛋鋪，因為如果向沙灘方向，由碼頭出發行就一定會經過，食過幾間大魚蛋，覺得都係大同小異，主要分別係醬汁調味方面，而呢間有我鍾意既口味。
所有大魚蛋都係放喺煲入邊滾，好似打邊爐咁，所有大魚蛋都係$10兩粒，有好多款口味嘅醬汁，四川麻辣、勁辣咖喱、中辣青咖喱、中辣黑椒、小辣沙嗲、不辣燒汁同原味，視乎各位食到辣嘅程度而揀，都可以要求雙併口味。
-
1️⃣ 四川麻辣大魚蛋 💰10（👅: 8/10）
四川麻辣 大魚蛋
$10
8 views
1 likes
0 comments
食落係非常之麻辣，又麻又辣，但麻會勁過辣，食到花椒同辣椒既味，所以食完個口同條利會好痺，後勁幾強，食落似係大魚蛋浸左麻辣火鍋湯底咁，我自己算食得辣，覺得係痺多，唔需要飲嘢都得，但因為魚蛋都熱辣辣，所以麻味會維持一段時間。
而魚蛋食落係爽滑彈牙，所有醬汁都係好入味，但魚味就唔係幾食得出，可能已經俾醬汁嘅濃味蓋過咗，大魚蛋名副其實大，一口係食唔唒。
-
2️⃣ 勁辣咖哩大魚蛋 💰10（👅: 7.5/10）
勁辣咖哩 大魚蛋
$10
16 views
1 likes
0 comments
食落感覺比四川麻辣仲要辣，但就只會得辣麻，我自己算食得辣，但食完呢個都想即刻買嘢飲，食完即刻標汗，辣係幾辣不過個人鍾意四川麻辣多啲。
-
⭐ 如果唔食得辣可以試吓燒汁同沙嗲，不過味道會偏鹹，燒汁就帶少少甜味，食得辣嘅建議試吓四川麻辣，個人覺得比勁辣咖喱好食，唔係得死辣，除咗魚蛋仲有提供涼粉等，不過建議食甜品可以試其他餐廳。
-
👅味道: 8/10
🍴環境: 7/10
💰消費: $20 (服務費: NA)
Post
