板燒郎燒肉鐵板放題料理專門店 (Closed)

很伏的放題，牛肉韌度高，其他食物也不怎麽好食。燒爐火不夠大，很久才熟，我看過其他爐也差不多。本來以為多選擇，誰不知食物質素差，環境昏暗，播悲情歌。開始的時候叫我們好評就送88元寶湯，估計很多人就因為這樣寫好評。200多元一d都唔抵食，餐廳比較大，食物大量生產，食物看上去不太新鮮衛生。

上openrice揾佐敦放題，見最高排名，又放題又燒又蒸氣火鍋，於是一家三口去食飯。我地食嘅種類唔多，只叫了一些刺身壽司，一些牛用來燒，泰式小食，全部感覺唔新鮮，仲差過去卡拉ok嘅buffet. 真係無咩胃口食，所以大家只係食少少就走。後來，3個人排隊輪廁所，嚴重腸胃炎，肚痾左兩日！

Blue Monday 要對自己好啲彌補要番工嘅sad mood~所以特別搵左呢間未食過嘅「新放題」板燒郎試食～ ------------------- 星期一至四$229 位，因為book左位，所以2030去到都可以準時入座，一坐低店員就會清楚解釋邊度拎野食野飲，仲會問要唔要加$88 / $138 upgrade，但$138 加得蟹腳同鮑魚好似唔多值，於是試下$88果隻啦（相對好似多野揀啲） ----------------- 呢度出餐都算幾快，平均5分鐘都會上到菜，而且唔會漏單～不過燈光有啲暗藍同座位好逼⋯所以出入有啲難度⋯ 講下$88 upgrade嘅野食先： -海膽燒法國鵝肝：海膽無咩味，鵝肝煎得好金香，不過底下塊青瓜片味道就唔多夾⋯ -鐵板燒·美國穀飼和牛：雖然唔係靚和牛，牛味不足，且條切略嫌口感不佳，但已比平時牛肉好味 -鐵板燒·北海道大元貝：頗大隻但不知為何元貝竟然是苦的⋯所以食完一隻已經唔想食埋第二隻 -鐵板燒·蒲燒鰻魚：鰻魚超級大大塊，很肥美，令人食得滿足，而且再燒之後更加香口 -刺身·美國生蠔：都算幾大隻，不過完全冇蠔味，即使加左成塊檸檬都無助增加鮮甜

阿媽節放題生蚝都唔太差，蝦算新鮮三文魚唔算大得，有d似3蚊一件果d貨式咁嘅價錢有得蟹腳同鮑魚仔，都算值。上野上得都算快。食放題最怕就係上得少，漏單，飯晚d野食都算齊，下次可以再食

第一次黎食嘅,今日同朋友上板燒郎慶祝生日。我地訂左台入左一間獨立房👍🏿我地6個人坐v4房, 環境都幾大下幾舒服。經理介紹我地加88蚊嘅升級任食（生蠔，鵝肝，和牛，大元貝，鰻魚，赤蝦，拖羅，生啤）咁我地就加左試下啦。認真出得好齊, 果然經理冇呃我地。升級版入面要介紹下。經理話海膽鵝肝係新推出可以試下。咁試過之後都覺得幾特別，幾好食👍🏿刺身新鮮又厚切，有我中意嘅甜蝦同三文魚。甜蝦睇得出係人手剝出黎，同埋好鮮甜。三文魚厚切，好正淡淡肉👍🏿壽司同手卷舊飯好迷你，唔好咁快飽。熟食嘅和味一口牛，蝦餅，温泉蛋都好中意❤特別既仲有泰式料理，第一次食泰式野已經愛上左。例如生蝦，雞絲粉卷。生菜包都幾好味，但如果辣少少會更好。甜品嘅芒果布丁同榴蓮糯米池最好味👍🏿好難忘嘅榴蓮味❤主任見到我地個蛋糕細細個，就送埋一個壽司蛋糕比我地，真係好多謝哂！！服務員姐姐好勤力，係咁幫我地汁好d碟同換碟👍🏿仲係咁叫我地食多d👍🏿👍🏿下次會再黎食！

自從上次黎過呢間板燒郎食放題之後一直念念不忘 因為真係太多野食喇 呢間抵食之如仲服務周到 物超所值架 最回本首選緊係升級+88蚊任食生蠔 鮑魚 長腳蟹啦 order左幾轉都算出得好快 生蠔同鮑魚都好大隻 蟹腳仲有蟹膏添 正呀 刺身讚不絕口 好鮮甜 講到燒肉非常柔嫩 肥而不膩 香鮮味美 具有香,酥,嫩的特點 仲有蒸氣火鍋 有很多海鮮比客人選擇 最尾食返d泰式甜品先 食返夠本 果椰汁西米糕 超好食我建議大家同屋企一家大細黎食價錢實惠又味道可以絕对值得推荐

今日7點半左右上黎食野。服務員好有禮貌。坐低冇耐帶位姐姐向我地介紹升級版放題。我地都加左$138升級。咁就有我最中意既生蠔同長腳蟹腳同牛肋骨任食。真心抵食既。雖然生蠔唔太隻。但係又唔會重腥味。長腳蟹腳夠哂粗。正！牛肋骨都好好味。細細舊唔易飽。方便我地食多d野。所以我地都叫左3轉。廚房亦都出齊比我地。唔係間間放題都做到依一點。刺身幾新鮮。有我中意既赤貝同甜蝦同北寄貝。但鱆紅魚就有腥味。吾係太好味。另外，壽司方面，我推薦蟹籽花之戀同海膽花之戀。細細粒既壽司吾會比人有好飽滯既感覺。手卷都吾會好大件。而軟殻蟹手卷都好正。好特別吾係度度都有。講起特別既食物。秋葵天婦羅都幾有特色。真係第一次食！甜品有榴蓮糯米池。真係好正好正好正！！我地下次一定會再幫親。加油！

難得同班朋友食飯，首選推薦食放題，以間地方大唔會迫，岩曬同朋友吹水食飯。成日約朋友食飯，又話要食以樣個樣，意見多多，黎食以間滿足曬大家需求。雖然平時都食開放題，但板燒郎野食款式有驚喜！！大多數放題都偏向日式料理，但板燒郎有埋泰國小食，超級加分。最like泰式生蝦、泰式野飲必食！當然唔少得燒烤，基本豬雞牛都有，個人最仲意食牛舌、肥牛、黑豚肉⋯食物質素好，上菜唔會慢。重有黃金豆腐記得點，外脆內軟好好食。食左一輪燒烤，又可以健康下食蒸氣火鍋，蒸既感覺會鮮甜d，湯底正，真係同班fd攬住個肚走，重有好多甜品，但野食款真係多到試唔曬。強推大家要加$88升級，有生蠔、松葉蟹、大元貝、大赤蝦⋯唔加真係對唔住自己。件件都大隻唔係縮水版，蟹打開蓋隻隻都流曬黃，算多膏有肉，咁既價錢覺得賺左！哈哈 平民價錢高享受，性比價抵！同班FD食得好開心XD  以家好多放題都質素參差不齊，好驚會中伏，我會選擇黎多次板燒郎，帶朋友一起食多幾次，好食價錢又合理。

26號星期一同友人一共三人到板燒郎食放題，價錢收229+88蚊再加一，抵就唔算抵，正常旺區放題價錢啦，但見佢有長腳蟹同生蠔任食就試一試，整體黎講燒肉質素幾好，炸物黎到熱又好食，但反而加錢哎o既生蠔唔太得，蠔殼唔乾淨不突只，聞落仲有陣泥味，長腳蟹就唔錯，係有少少咸，加左88都幾失望。

今次唔係第一次來板燒郎但上次因為加左88為咗唔會蝕本淨係喪食88嘅嘢食今次來嘅目標就係睇吓佢嘅普通版三文魚來講水準比一般嘅放題新鮮問過老細呢隻係真既挪威三文魚燒肉方面就種類都幾多豬雞牛羊基本上都齊晒肉質都幾好尤其係牛肉推薦牛胸腹同埋牛肩胛肉眼小炒方面做得最出色和味一口牛 辣椒炒蜆 炒雜菜全部都好夠鑊氣呢度特色嘅有炸雞軟骨炸魚餅炸蝦餅炸黃金豆腐啤酒都有幾款雞軟骨同埋枝豆配啤酒就最正喇甜品款式超過10款其中最正就係榴槤糯米糍整體來講普通版都非常唔錯249呢個價錢來講款式已經夠晒多

兩三年前食過板燒郎覺得啲嘢又唔新鮮又少選擇但係呢排Facebook日日睇到板燒郎廣告口啤又好似幾好咁所以就去試吓落到來地方都係一樣無變係坐低叫嘢食先發覺原來菜式轉變咗好多以前係屬於刺身壽司同日式鐵板燒放題而家嘅模式就係一個環球美食放題原本有嘅刺身壽司同燒肉依然喺度但係多咗好多嘢食包括有＄88升級版生蠔鮑魚長腳蟹跟住係泰式料理款式都幾多泰式生蝦玉水包嗰啲都有齊特別嘅係仲可以打埋邊爐有蒸氣火鍋老實講二百幾蚊呢個價食咁多嘢食而且味道都過得去出面真係搵唔到呢間野真係食得過

是晚因為地鐵發生故障，幾位朋友都遲到，訂了檯都因推遲入座，最後人齊了也只有加$20坐入房，細房共有兩檯，好彩大家都唔會好嘈，傾下講下食下食得好舒服！睇了食評話加$80的都幾抵食，於是很快就統一了意見再加$80 食豪D，確實超值！成晚基本就是點$80餐單內的食物，都幾滿意，刺身新鮮肥美，蒸海鮮尤其是鮑魚好鮮甜，長腳蟹都幾飽滿，兩個半鐘淨係食了刺身同蒸海鮮，宵夜時段也很full，但冇人入細房，於是我們慢慢做足4個鐘，值得回頭

香港大部份放題都係拉枱食張枱細就唔講啦仲要左逼右逼擺個袋都冇位今次食呢間板燒郎好既地方就在於地方夠闊落基本上張張都係卡位唔需要話搭枱又點點點黃金時段229呢個價放題黎講唔算貴亦唔平不過呢間野勝在多款式呢間唔係一間專門店或者主題店而係美食匯聚雖然唔係款款都出色但大部分都不過不失刺身三文魚係唔錯既生蠔新鮮而且大隻鐵板燒就辛苦d要keep住翻轉d食物唔係就好易燒窿之後又要丟蒸汽火鍋係推介既因為蒸出黎真係好食過燒而且湯底好清甜一定要試

從沒有試過一間日本餐這麽有親切感這裡的人 這裡的事都很有街坊的親切感先不說服務員就拿一個傳菜員來說每次食物送到都會用溫柔的聲線說並且介紹每款食物最後還會加一句讓人聽得心裡一甜我在內地嚐過一家海底撈服務員的主動性讓人感動這家板燒郎讓我再找到這份感動服務員主動而且細心地告訴我們每樣食物的食法，烹調方式食的先後次序幫我們調較火的大小食物準備燒焦時會為我們翻一翻食物並且更換鐵板香港這個地方 缺的不是味道而是真正的服務態度這份熱誠 值得鼓勵

家住在板燒郎附近佐敦這一區來說沒有比板燒郎更加抵食了先講宵夜價錢，159+1，同出面打邊爐既差唔多大鍋口丶大喜家宵夜都係差唔多價錢如果去打邊爐，就真係只得打邊爐，但食呢間放題，本身已經包左打邊爐，仲另外有刺身壽司天婦羅食鐵板燒之外又有蒸汽火鍋中港日泰韓，樣樣齊晒特飲荔枝丶龍眼夠新鮮西瓜甜得來夠晒沙呢兩日咁熱真係爽到痺刺身新鮮，冇咩值得挑剔泰式料理好多小炒手作食物非一般小廚可以做到既賣相和味道鐵板燒有齊豬雞牛羊海鮮種類夠多，擺設尚可價格實惠，必食一家大細 老少咸宜