板燒郎燒肉鐵板放題料理專門店 (Closed)

同朋友定期聚餐，有啲朋友話想食放題，有啲又話想食韓燒，有啲又話想打邊爐，為咗滿足晒咁多個人嘅選擇，我決定book咗呢間餐廳，因為佢可以食放題同時又可以韓燒，仲可以有蒸氣火鍋食添約咗晚上七點，果晚同朋友645我已經去到餐廳門口，本身佢話行食兩個鐘，但係餐廳職員都可以俾我哋提早入座，而且開始計算時間亦由七點鐘開始，呢一點處理有人情味，加分加分！由門口入到座位，已經見到有飲品同凍食櫃，分別都已經擺咗好多食坐低左之後梗係第一時間叫野食睇完張點心紙，選擇其實同平時嘅放題餐廳差唔多，如果要話特別嘅，就係佢有多一張泰式料理紙，可以任食生蝦刺身，而且仲唔會好細隻呢啲都係韓燒既嘢食，畫左幾多分佢都會來足，而且上菜都好快！刺身都幾新鮮，而且好大隻，特別係甜蝦，我不停repeat叫左好多次反而飯後甜品，糕點類就麻麻地啦賣相幾靚，但味道的確麻麻，每位$249加一，明白在旺區，但以此食物質素，與友人都覺得不值，太貴，應暫不會有下次

實在好滿足既一餐放題呢間係出得最足尤其係加左升級版88大大個冰盤一個接住一個咁黎枱野食加埋簡直就係霸氣!一個冰盤裝大元貝牛肋骨一個係裝生蠔拖羅赤蝦一個係裝長腳'蟹同鮑魚加埋盤刺身 霸氣十足服務員好好，每碟野食都會講名仲會耐心解釋邊d要燒個爐好奇怪我地開勁耐都唔得服務員一下就搞掂鐵板燒左一陣 發覺有d癡底於是轉左網燒雖然慢小小但燒出黎感覺唔錯最後給大家既意見就係一定要升級88真係一大特色係少數會返check既放題之一gathering 聚會最適合

今日一家四口一齊喺板燒郎食野 七點鐘上到呢個場都唔算太旺 經理話有間vip房加20蚊可以睇埋電視 廿蚊都唔算太貴所以我哋都照加間房地方都幾舒服睇咗電視又可以睇埋街景 坐低之後我哋二話不說係咁叫嘢食 最快嚟嘅係刺身同埋燒肉雖然我自己唔係咁鍾意食生冷嘢 但太太同埋細路仔都話啲刺身好好味好新鮮燒肉嘅種類好多 燒起上嚟都好香我哋仲加咗星級版嘅88 有生蠔長腳蟹鮑魚 等等八種食物 長腳蟹食落非常鮮味 不過星級咗88之後 試唔晒咁多款嘢食已經飽曬 埋單一人三百幾 唔算平亦都唔算貴 但最緊要都係食得開心

應承了學生們，看到他們的努力，考完這科就請他們吃一頓好的！我讓他們自己選，300元以內的，他們看到facebook廣告，給我推薦這一家。於是一行11人，昨晚就上來了。我很少寫食評，但在這裡碰到一個老相識，昔日文學界的才子余先生原來是這裡的高層，他的熱情招待，讓我不得不大讚一番。款待歸款待，畢竟這是一篇食評，還是以評食物為重心。首先是頭盤的刺身盛合，種類多、擺設美觀、量大，刺身都是冰鎮的，我雖然不太喜歡太冰凍，但吃進口裡還是很鮮味的。接著是燒烤用的和牛、羊鞍、黑豚和牛切功細緻，每件的大小都剛好一口，不會讓人感覺太膩，而且肉質口感都一流。羊鞍很香口而沒有騷味，豚肉配上七味粉也是惹味非常。再來就是這裡特色的泰國料理小炒，上菜的速度較慢，但絕對是大廚手藝，和味一口牛、炒蜆、黃金豆腐，絕不亞於中菜館出品。學生們都非常滿意，幫我弄了這張照片，大家可以參考一番，有興趣的也來支持一下！

今日我地公司結業，約埋一齊食散伙飯最後一餐，點都食好啲，坐耐d傾下計但有d同事未搵到工，又唔敢食太貴上網格價格左好耐，終於揀左呢間板燒郎一出lift有個著西裝既斯文哥哥帶入座幾有型把聲都幾好聽，班大食女聽佢講左兩句就話升級88套餐不過佢招呼都算唔錯，加就加啦食野方面，刺身好快到，燒肉都係，快到嚇親品種好多，亦都出足叫果個升級版88，好快就上齊，一共叫左5轉鮑魚同長腳蟹要大讚，肉多而且好鮮味生蠔大隻但就淡左小小，其他不過不失因為好多品種 又泰國菜又韓燒又日本料理又蒸氣火鍋計埋升級版賣單一人三舊水多d食果方面係絕對抵同埋值得推介果晚仲俾我地超過2個鐘後繼續坐服務周到，所以我俾5粒星呢間舖

節日唔知去邊度同情侶慶祝？ 又唔知喺邊度搵到好抵食放題？ 又冇諗過可以任食生蠔長腳蟹同飽魚？ 可能呢度就係你要搵嘅地方。本身都半信半疑咁搵到呢間餐廳， 又話有任食鮑魚又剩， 星期六嘅七點幾打電話諗住book九點兩個人， 又即刻有位喎。 上到去餐廳嘅時候未到九點要坐一陣， 個waiter又好好服務咁搬曬櫈我哋坐。 本身都以為伏， 又見唔係咁多人有俾88蚊去食升級放題。 但當你以為真係伏嘅時候， 原來自己係冇落錯決定嘅你冇睇錯！！！ 呢度嘅生蠔鮑魚長腳蟹真係任食， 而且服務亦都好一流，嘢食又上得快。 雖然最後兩個人食咗成七百蚊，不過女朋友開心冇所謂啦

早兩日同朋友一齊去食 。見到fb有廣告 。擺野食衛生情況唔太好 。d野食擺到好亂 。見到都唔係好想夾黎食 。食物一般 。但員工服務態度都好好 本身book左時間 。但去到門口個員工話仲未有位 建議我地每人加20$ 坐入房裡面 。但我地拒絕左 再等多陣先入 另加左88$ 食蒸氣煲。蒸氣個d海鮮味道都好一般。

去佐敦板燒郎,最緊要食埋升級版。前晚我同三個朋友去,入門口時有經理介紹升級版,我見升級版有生蠔有大元貝有長腳蟹等,都心郁郁。但其中一個朋友話驚太多嘢食唔晒,結果冇升級。食到一半,見隔籬枱班人,又叫潮州翅又叫燕窩又叫龍躉湯又叫吉品鮑,於是捉個經理埋嚟問我哋有冇得食。原來經理介紹升級版時候,已提過有翅窩湯鮑送,不過我當時冇在意。蝕咗章,下次再去,幾大升級版,淨係食翅窩湯鮑已經抵番。特此提醒,去得就唔好慳嗰88蚊,其實食升級版先至真正着數晒。

昨日同兩個同事去食放題,同事上網查到佐敦新寶廣場五樓間板燒郎近期勁多👍,於是就揀咗呢間。網上D👍就係冇👍錯,款式勁多,刺身勁新鮮,羊架勁好味,連甜品都正過人,粒榴槤糯米池已經殺死人。我地食升級品,有天麻湯送,藥材足,味濃。初頭担心D👍係做枚,食過之後,我都拿拿臨畀埋👍佢。值得推介,我肯定個個👍都👍唔切!

本身上facebook睇到人介紹，好似幾正喎又韓燒又好似幾平，就約朋友去試下，果次宵夜時段149+$88，任食啲蠔同鰻魚ok ge,飽魚大隻，但無咩味，野任正正路路，出面自助果啲都ok ge, 但寫字仔果啲肉類真係扣晒分，全部無味咁制，台上得7味分，鼓油，但啲鼓油都好似溝左水咁，啲燒肉全部凍肉舖貨咁，試諗下「葉」都未「葉」過既肉係咩味？比我就試一次好喇，唔會再食飲品都多既，有道地，其他野飲，又有椰汁果啲，

今日有個朋友生日,之後我地成班上左去板燒郎食一去到門口個咨客服務幾好有笑容咁問我地升唔升級加個個$88有鮑魚,長腳蟹見佢同餐廳老闆sell得咁落力咁我地決定試下,點知試完真係好正,d牛肉切得好靚,厚度都適中,食落口真係好多肉汁而長腳蟹就好大舊,就咁食又得燒又得,但燒好味好多我地食到咁上下個勁好服務既女經理黎話有得送燕窩同湯,咁我地每樣都有揀,真心食完真係正啵👍🏻👍🏻👍🏻👍🏻個個燕窩西米露裡面真係有燕窩,真係唔係呃人,比十個like佢地之後再食刺身,刺身都好新鮮,又切得厚,又係正😆😆食完咁次成班朋友都話下次要再黎食,樓面既服務員態度好,又成日幫手換碟,野食又新鮮,款式都又多,價錢唔算貴,因為可以任食,下次再黎幫襯,真係十個like👍🏻👍🏻👍🏻👍🏻👍🏻

前所未有的這麼多食物種類的放題,但價錢卻沒比其他放題貴,不論冷的熱的、甜的鹹的、日式泰式中式的都有!適逄最近有新春優惠,5:00-7:00PM的時段每位入座都送吉品鮑魚、龍躉湯及椰汁燕窩西米露。龍躉湯十分足料,一喝便知不是味精湯。椰汁燕窩西米露內亦有一大匙份量的燕窩!另外每位只要加$88便可升級, 美國生蠔、磯燒鮑魚、北海道松葉蟹、北海道大元貝、珍寶赤蝦都可任食! 鮑魚煮得軟腍不會韌,多吃幾隻就值回票價啦!平日放題都很少有鰻魚,即使有都只用丁點點來做鰻魚卷、鰻魚玉子等等,但這裡可以一條條自己燒!上面已經沾滿甜甜的燒汁,魚比較薄身不肥膩,骨亦不多。看到泰國姨姨在做甜品,就知道這裡的泰式甜品是正宗的!其中最愛榴槤糯米糍! 榴槤味道好濃,外皮又煙韌富彈性。泰式特飲例如龍眼冰、椰汁涼粉冰等都是自助任飲的。亦有泰國姨姨主理的豬肉生菜包、米紙卷,都做得不錯的!除了這些特色食物外,都有基本的刺身,如油甘魚、甜蝦、三文魚等。

今日赤口，同朋友出黎食個開年飯，係fb見到依間野講到好好食，款式多，一於黎試下，見到開飯喇有 coupon 話2位以上每位送生蠔一隻，落單前出示就可以，點知去到so比佢睇，佢話要訂枱果陣講先得，好😞你咁講算la，咁我地都有7個大人，1個小朋友，仲有個BB，建議我地坐房，但要每位收多20蚊，當然唔坐la，邊有間野坐房仲要收20。到叫刺身類試下，甜蝦同三文魚都還可以，帶子同赤口唔新鮮，仲叫咗鱆紅魚，但一直都冇黎，問先知原來冇，司壽類同手卷類都ok，海膽都好味既，到板燒肉類，所有食物都係冇掩過，冇味，如果健康飲食者可以考慮下。到我地埋單落樓，先發現原來留底咗bb個奶樽同碗仔，拿拿聲上返去拎la，佢地竟然掉咗係下欄盆裡面lo，真係好差……😡😡😡

食物勁慢出 ，再者加88蚊食升級海鮮 ，但等成個鐘 ，追極單都吾出 ，部長話廚房冇單 ，我話張單我親手交俾你 ，部長話廚房話冇單就冇單 ，叫我即填 ，心想張枱都將快夠鐘交枱，得返半個鐘都吾夠，仲點食啫 ，同部長講話吾要加88 蚊食升級海鮮，佢就係咁死催你現在落單 ，話即刻出 ，唉 ！好囉 ，照填喇 ，費時嘈 ，點知 ，生食同要煮嘅食物都放埋一盆送出嚟 ，問部長 ，點解會咁放埋一齊 ，部長都吾知佢想點 ，砌詞話:我地建議啲人要將貝殼類燒熟嚟食 ，哈哈 ，當時都吾知好嬲定好笑 ，問非所答 ！我問都部長多一次 ，點建會將生食同要煮嘅食物， 撈埋一齊放 ，部長話入面啲人質素係咁上下 ，咁就走左 ，哈哈 ，咁 ，即係點 ，叫我地照食呀，遲出都算 ，但基本食物衛生做到咁差 ，點可能有下次 

早兩日同幾個廠家去食飲,其中有位話乜菜都試過,係未試過通常係後生仔去嘅放題,事關佢囝囝同啲同學去完佐敦嗰間板燒廊,讚得不得了。我於是上網揾下,發覺板燒廊果然被人like到爆。卜咗間房,環境唔錯,最重要係啲經理同服務員都笑臉迎人,招呼週到。我哋梗係揾啲名貴嘢食,原來板燒廊啲放題有升級版,生蠔、鮑魚、大元貝、長腳蟹有齊。經理話升級版仲有潮州翅、炖燕窩、天麻龍躉湯、吉品鮑送,我哋當時冇乜在意,諗住送呢啲貴嘢,不外噱頭,未必落足料。點知我哋錯晒,全都都堅嘢,雖然冇可能同名人食堂嗰啲出品相比,但以放題價錢而言,卻超值超到離晒譜。吹水間,我哋認識咗板燒廊嘅常老闆和羅經理。我好直接咁問常老闆,話我想加盟板燒廊,斥資入股,問佢受唔受我玩。佢笑謂揾緊舖開分店,屆時可以預埋我,在座其他人個個話要做一份。常老闆笑謂,咁多人撐,開鎖店都有之。