柒拾年代 (Closed)

因為近屋企而且是私人會所，所以一家大細很多活動都會到會所裡進行，這間70年代真係我食過（最差）服務態度的一間，忍到最後我決定不再幫襯這間70年代。到今天得知這70年代不再經營，真的期望會所管理層可以引入有質素的飲食集團。一世都記得短頭髮的女帶位，去到一定似得罪了佢一樣黑口黑面。男部長經理就更加無得頂，有一年新年去食飯，碟北京片皮鴨出來變了斬鴨（即肉連骨咁斬），同個部長經理講，佢就淨係叫我地取消，連解釋或跟進都無，拿走碟斬鴨就一去無回。D傳菜阿姐完全無訓練做餐飲一樣，無法溝通。其實仲有不過唔打啦。終於等到這70年代結業，內心即刻諗起小鳳姐。

有住喺附近嘅親戚話好耐冇去過會所食嘢，於是即興嚟食番餐。呢度一定要有住戶證先入到會所，餐廳喺會所入面，即係冇住戶證入唔到嚟食。可能係咁所以OpenRice 個App見到冇乜人寫過Review, 起初見到負評多過讚，窒咗一下，不過睇返啲相，同諗返嗰晚的嘢食都唔係咁差，決定照寫。第一樣要讚係裝修好懷舊，特別係個收銀處。仲有呢餐係我親身體驗到最快上哂菜嘅一餐。由落單到全部菜上哂只需九分鐘（註：餐廳入面都有十枱八枱客㗎）！落單五分鐘，燉湯先到，湯夠熱，味夠濃。湯料有豬肉、雞、響螺頭……燉完湯都好味，我估真係燉湯，啲雞腳先會好腍，但係仍然保留全形，唔會散晒，啲雞腳趾骨仲腍到可以咬爛嚟吞。😂本來我哋想叫個二吃魚，即是一條魚兩種做法，不過幫我哋落單個經理話，驚我哋三個人食唔晒，建議食自選孖寶，我吔叫咗沙薑雞同酥炸台山蠔。啲蠔漲卜卜，外邊脆入面多汁，啱啱炸起，好好食。👍🏼👍🏼沙薑雞都算okay，起碼啲肉嘅質感仲可以，但係碟蔥油就勁鹹。我哋仲加咗個瑤柱扒豆苗，瑤柱好多，豆苗軟硬適中，啱啱好，味道都唔錯，不過我就覺得個芡結咗啲。最後經理話送糖水，不過剩係得紅豆沙，豆好大粒，真係起沙，有果皮味，唔太甜，唔使

片皮鸭是斩件上，口感如柴，唔知自己食多啲乜，松鼠黄花鱼，基本上就是炸鱼一条，特别少，我住嘉湖山庄 ，想看看有没有什么改变，比之前更差，茶钱加一，两个人食了300元，去食麦当劳都好过佢，过咗咁耐间嘢都仲喺度应该算奇蹟

6月25日晚上7點幾左右我同屋企人同埋老人家去70年代鄉村俱樂部食飯有個四眼著西裝經理囉住個電話睇賽馬仲要開埋聲叫極佢都唔睬我我去完廁所後佢仲係羅住個電話睇賽馬我真係食到一肚氣貴店仲要係南華會旗下分店請咁嘅經理真係執到寶令我大開眼界有啲咁嘅經理喺度我以後唔會幫襯呢間店

同朋友嚟到會所，見到呢間名咁特別嘅茶樓柒拾年代，即刻去嘗試下。但係我哋早咗入去，未夠11點，冇得叫小炒，但係又肚餓，所以叫咗啲點心嘗試。令我最好奇嘅係70年代鮮竹卷，佢嘅特別之處就係有揸過，再加上湯底，咁食落同普通嘅春卷冇乜大分別，只係會比較脆身少少，湯底都比較清甜。跟住就係飲茶必食嘅燒賣，熱辣辣上到枱，係好好食嘅，無失望。比較失望嘅點心就係香煎蘿蔔糕，食落粉嘅比重較重，偏鹹，味道一般蜜汁叉燒腸，上枱嘅時候點心唔夠熱，外皮唔新鮮

為屋苑住戶提供舒適環境飲茶，有早午晚市，仲有雀局套餐，不用排隊是優勢，食物和味道是傳統的，價錢合理，內外空間感十足，冷氣亦都夠足。是日Order鳳爪排骨飯、叉燒腸粉、雞扎、牛肉球、潮州粉果及蘿蔔糕，週日茶錢$12位，埋單$210。

茶冇茶味，牛肉酥林晒唔夠脆，燒腩仔死咸冇肉味，虎皮尖椒咸到唔想食，蔥油餅冇蔥味又硬成口都係粉，一碟薑蓉好多油好少蔥，馬拉糕好難食唔知點形容，唯一好食既如下：牛肉腸，蝦餃，白飯有米飯香。總結：極度不推薦來消費，食呢間野既食物你會食到成肚氣，包你一定飽哂，到埋單睇到價錢個陣，你會懷疑人生繼而燥底想鬧人，返到屋企你會一直思考究竟點解自己會咁"岸靠"去食呢間"會所茶樓"，我呢一世都唔會再黎光顧，食完包你發脾氣😡

今日趁新年和家人第一次到嘉湖鄉村俱樂部飲茶，貪佢環境清靜，不太多人。我地一行5人，叫左12碟點心。食物大致都ok，夠熱，材料亦可以。但食到最後一隻小籠包，咬子一口，先見到包底有隻細曱甴癡住，極之嘔心！我情急之下，即叫個女侍應，佢一知道，想即掉，我叫住佢，攞返籠野，佢態度差，好唔情願放下。我影左相，再叫部長，部長好有歉意，我知佢都唔想，我亦新年流流，唔想同人嘈，cancel就算，但必定無下次！唔會再去！

跟朋友第一次來，貪呢個位置靜中帶旺同有車位泊，環境跟裝修都不錯，大落地玻璃幾舒服。食物點心款式幾有誠意，很多懷舊老香港feel食物，立腸卷、牛肉餃呢類點心已好小見，蛋散要讚下，炸得好鬆脆，另外點了胡椒豬肚煲，非常不錯，會再幫襯的價錢屬正常價

呢間柒拾年代既服務簡直不得了，我食完都唔會再幫襯。之前聽過好多街坊講話唔錯，咁上星期有朋友入黎咪去試吓。果日就坐左系露天出面，諗住有個靚位食下野啦。有個上左年紀既男經理問我哋飲咩茶之後就失咗蹤，叫左啲點心又全部上錯曬。叫個男經理跟下啦，淨係識得講得啦，得完之後啲點心都系錯既。都唔知呢間餐廳點請人，另外啲女侍應個個都好似夢遊咁，叫左好多次加水都冇人理。食野食到一肚氣，打算去埋單，又冇人理，要我地自己出去埋單。跟住個收銀更加不知所謂，問佢張單食咗幾多錢，佢叫我睇飽佢。嘩！真係大開眼界，我嚟消費俾錢仲要睇佢面色。呢間餐廳請着呢啲人我以後都唔會再嚟幫襯。

服務好食物質素不錯值得再去，食物賣相精美，服務人員有禮及懂得向客人推介食物，讓客人食得開心又滿意。客家菜有特色，不妨試試吖。😍😍🥰其實食嘢真係講開唔開心嘅啫，食得開心就得啦

食物味道好，乳豬熱騰騰又脆口，冰鎮咕嚕肉好食但份量可以太點，魚兩味炸得脆口，餸菜夠鑊氣，新裝修環境乾淨整潔，感覺良好，價錢合理，員工服務態度良好，主動推介菜式，整體滿意

做完運動來尼間店食野，店面全面裝修過好乾淨，座响窗邊望住外面嘅風景食飯系一大享受啊⋯⋯最緊要嘅系尼道的懷舊菜真系好好味啊而且價錢唔算貴！值得推介服務態度都几好，仲來問我哋嘅意見，真心唔錯堅持堅持

本人是嘉湖住客，衣光顧好幾次，出品同服務都OK，點心好食 但我從未見果這樣極品嘅收銀員，態度差到極點，竟然可以呼渴客人，我比卡付款，佢竟然可以丟返卑我，莫非卑錢仲要接受這樣的態度嗎？佢已經不是底一次。我諗以後會行多幾步去第二度幫襯，起碼付款唔需要受氣。希望貴店留意一下收銀員嘅態度 ，希望可以改善一下問題。

這間酒樓轉了名後,聽朋友講食物改變左,質素比之前好,就帶家人同小朋友落樓下一試,下午套餐,入去後看餐單職員落單已經唔清楚,態度不算友善沒笑容,食物到來還可以,之後出外結帳時收銀員態度極差, 我跟收銀員說你的態度這麼差,收銀員還跟我說我的態度還算叫差嗎😠😠,之後收銀員還把簽脹卡掉給我,我即找店長投訴,店長說會跟進,我在天水圍酒樓未見過 ,如此沒禮貌的收銀員我不如過頌富酒樓食好過。我只能講食物有改變但職員態度及管理不善都是會令人不想再幫襯😠😠各位想飲茶不如行去商場,不會這麼受氣。