梅貴緣 (Closed)

知道有哩間素食好耐，疫情之前佢好似係做放題，但係疫情嘅時間，就轉咗做單點；外賣份量唔算好大，一個人食，應該啱啱好 （7分飽嗰款）。🥡『羅漢齋烏冬』$59打開個盒，比想像中清新，無杰撻撻嘅汁，但都有幾多唔同嘅蔬菜，啲蘿蔔仲係心型；比起啲料，烏冬就比較少⋯⋯🍝『黑椒蘑菇意粉』$59除咗黑椒，佢應該加咗少少黑松露（好似有聞到），呢個賣相就普通啲，但係食落都OK，唔會太鹹，意粉都有咬口。📍 梅貴緣 (深水埗)深水埗基隆街188號地下C號舖。好味指數：🌕🌕🌕🌗🌑回味指數：🌕🌕🌕🌗🌑

梅貴緣轉左散叫之後好耐無去食，這天坐低望住餐牌唔知食咩好，見到同檯常客婆婆的羅漢齋烏冬好吸引就跟上，食落同望落一樣咁正，紅蘿蔔片仲要心形咁fancy。深水埗基隆街即是布街，近南昌街一段有大排檔有素食店有小食店，都幾多特色好物㗎。入面裝修簡簡單單，主要係幾張大檯，有機會要同其他人搭檯坐。現在沒有套餐全部散叫，中間一欄有些粉麵套餐，小菜可以加HK$6加個白飯。羅漢齋烏冬 HK$48 / XO醬炒菜心 HK$35本來覺得炒飯炒麵唔太吸引，估唔到個羅漢齋係咁惹味，配料有小白菜、豆腐、草菇、玉米筍、黑木耳和腐竹等等，味道偏重口味，食得健康可以叫少油少鹽。炒菜心倒沒有太鹹，清清地。食到一半驚見個紅蘿蔔片係心形，難以致信睇落咁傳統的齋鋪竟然咁巧心思。

大熱天時中午時間特登去買外賣，見到店內只有兩枱客人，所以打算入店內等候，點知店員一嚟就話.”依邊俾完錢出返去等”，友人指外面好熱，可唔可以係到等一陣。店員就話 “係呀！係好熱，但都要出去等。唔可以係到坐，亦都唔可以喺入面等” 。門外張貼咁多助人事項，但態度如此差，明白商户需要做生意，但認為非繁忙時間，即使唔希望客人在餐廳內等外賣，亦需要給予一點禮貌和體諒依個份量建議大家可以去附近食素來素往，味道好，更可以自己選擇

唔止一個人同我講過梅貴緣嘅素食好好食，上星期終於有機會一試，果然名不虛傳。見到餐牌上面好多樣嘢都想食，但係一條友唔食得多，於是剩係叫咗一個炒飯同一碟小食。我問隔離枱兩位哥哥仔同再隔離枱嗰位姨姨，佢哋都不約而同猛讚個椒鹽豆腐好好食，於是二話不說先點咗呢個，另外再加碟香椿松子炒飯。椒鹽豆腐果然好得👍，外皮炸得勁香脆，入面就非常滑溜，仲有濃濃嘅豆味，配埋灑上嘅椒鹽，非常惹味，唔怪之得個個都讚不絕口。個炒飯一上枱，嚇咗我一跳，因為真係勁大碟😮，味道方面，雖然配料只係以粟米同松子為主，但係炒得香噴噴，除咗麻油香，仲有少少欖菜味，好正😋。我同店員姨姨講，兩樣嘢都好好食，佢笑住話：“我煮㗎！” 好可愛😆。姨姨見我咁 dry，仲送我一碗愛心靚湯，真係貼心又窩心🤗。

素食有一種緣份叫 梅 貴 緣 💛💚—————————————————————又係一間良心飯堂〰️ 梅 貴 緣〰️價錢同味道都冇得頂！啲野食仲要無味精+純素～仲要有埋人性嘅真善美😭😭.🍛三餸飯（$43)本身係自助餐 因為疫情轉咗做三餸飯 今次叫咗👅薯仔/素鴨/菇角脆玉瓜 老闆娘話全部冇落味精👍🏻 味道主要嚟自食材本身嘅味 三道餸加埋個湯都好有家嘅感覺 43蚊大大碟 真係又平又正🥰.🎌日式冷麵配羽衣甘藍 （$53)我平時唔食太多飯麵類都一個人食晒😭膽粗粗問老闆娘佢話係秘制日式醬汁佢係酸酸地咸咸地 我停唔到就食晒了ʕ •ᴥ•ʔ羽衣甘藍好fresh 冇苦味 一級棒！.🍄香椿鮮菇燜淮山 （$43)淮山冇平時食落果種滑潺潺嘅感覺切得薄啲反而有種薯仔嘅口感 加埋個汁可以送飯了！.🥔薯蛋球（$15)15蚊5粒好抵喔!!炸得好脆口～但略為落多左粉 所以小左啲薯味😢.跟餐叫豆漿先3蚊 超抵食真係！好想試下佢個自助餐(>﹏<).老闆娘好有心～同佢傾下計就知佢好關心啲年輕人如果有任何寶寶生活有困難需要開飯可以同我地講聲！(唔洗怕醜！we can help)可以幫你轉達💪🏻😾.📍 梅貴緣深水埗基隆街

本來想去個間素食餐廳大排長龍所以我地轉戰同戰同區第二間素食店💛講下食左咩啦💁🏽‍♀️餃子米線 ($43+$5轉抹茶麵)餃子🥟有5粒入面有唔同既菇粒、紅蘿蔔絲🥕、沙葛等等爽爽既沙葛令到成粒餃既口感加分✨餡料既味道主要黎自芹菜~~抹茶麵麵量都幾多 有淡淡既抹茶味 做冷麵既話味道應該更出!麵食可以配自選小食👉🏼薯蛋球(3粒)薯蛋球表皮炸得香脆!除左有薯蓉 仲咬到d薯粒 整體外脆內黏黏的 應該撈左d木薯粉~~香椿松子炒飯 ($43)飯粒粒粒分明 雖然呢碟炒飯配料比較少 但係有粟米粒同埋松子粒 食落口感幾豐富!整體黎講💁🏽‍♀️梅貴緣既素食味道幾好 單點小食都好抵 $15就已經有幾件👍🏽黎到仲可以飲到福縣白茶 聽老闆娘講係非物質文化遺產黎架!

今日係十五去咗食齋 過咗嚟深水埗搵素本身想去另外一間 但好多人 就去咗另一間黎到左開了已久既梅貴緣 之前一直做緊素食buffet 但因近期疫情 轉左揀三餸飯連湯或單點餸菜 或米缐套餐今日食咗三餸飯連湯 估唔到家庭式經營店味道煮得十分不錯青椒炒豉汁牛腩用猴頭菇整好似模似樣炒薯仔 🥔香口野味蕃茄炒支竹也開胃健康 配白飯 好快淸曬送嘅湯配料十足 唔單止紅青蘿蔔仲花咗好多心思重有好多外賣既選擇門口連蔬菜也有售老闆娘響廚房好好心機做大廚店員 應該係老闆娘兒子 就一腳踢 一個人睇全場鋪面大家要等一等 量度體溫現時小店經營困難大家好好支持一下小店👍🏻#素食餐廳# #深水埗美食 #外賣 #深水埗素食

深水埗很多美味的餐廳，素食其實都有很多選擇。梅貴緣鋪頭出面有新鮮蔬菜售賣。由於疫情影響，平時其實有自助餐可以選擇，但是現在就有職員幫手將食物分到顧客。叫了一個$33雙餸飯，白飯可以添加，仲有一碗湯送。兩餸分別為白汁豆腐扒，西芹炒素帶子。個白汁非常香濃，有一點點芝士的味道，豆腐索曬個汁的精華，咬落去好似在嘴裏爆出來一樣。素帶子的味道真的有點像真的一般，不過質感始終似蒟蒻，整體上以這個價錢吃到一頓晚餐，性價比十分高

大大力懲罰👊🏻👊🏻平日午市自助餐💲73學生均一價$40、長者享8折優惠*逢星期一休息 注意不能帶肉類進餐廳⚠️✅ 食物款式唔算多但質素唔差 推介薯波同芝麻糕🥔✅ 店內貼有大量文宣 亦無間斷播放抗爭歌 令人熱血沸騰🔥❔ 可能因為地理問題 餐廳有烏蠅飛來飛去😭 衛生問題宜改善👅Taste：3.5/5💰CP值：4.25/5🙋🏻‍♂Service：3.75/5👁‍🗨Stylishness：3.25/5

禮拜六晚上到梅貴緣食自助晚餐，無加一，每位$123。初頭看覺得選擇較少，但發現原來每食完再換出來是新的餸！可能礙於餐廳空間較少所以餸菜擺唔到咁多，但換菜時有新款式，其實總共我這晚是吃了有多於25樣菜式包括冷盤甜品。好吃的有炆茄子，炆東瓜，無蛋無奶的蛋糕超高質，仲有椰汁河粉我食了兩碗，天山雪蓮亦係出面比較少食到。價錢唔算太便宜，六日價錢會較平日貴，但選擇都多，飲品都有3款，有飯有粥有湯有糖水，整體食飯質素高。員工親切友善，有主動同我們講解，因朋友是一位全素者。

#支持良心餐廳素食自助午餐 (星期二至五$68; 星期六日$78)食過咁多間素食自助餐 依家都算係最黃嗰間😻😻店入面都係文宣 雖然食物款式唔算話好多但好多都算幾啱食影落唔係幾靚 因為我影相真係好差😂但係其實食落唔錯覺得佢啲薯仔 炸饅頭 椰汁芋頭 炸薯球都好食南瓜如果係甜啲嗰種就更加好！

依家食野之前都會搜尋清楚，費時食到"背脊骨落" 貼錢買難受😩十月份去了呢間良心小店💕 播緊d 自己好鐘意嘅音樂😌18：30 先開始，門口已經有幾個人等緊。呢邊有冷盤 、甜品、小食海帶d 辣油偏辣（自己只食到bb 辣😅）紅豆糕、芝麻糕好好食，特別係芝麻糕好多芝麻好濃味😍左下那個類似"脆麻花"(咸的），好香脆，勁正🤤🤤🤤 素粉粿皮薄多餡，素排骨👍🏻另外一邊，仲有好多熱食菜式，選擇多*如果食唔到咁多，可以叫二/三餸飯另外，佢地只會比一隻碟，如果要分隔汁醬，就要攞隻碗仔😅

喜歡有家的味道，食物不會太油膩和太鹹，食物不停添加，餐前小食選擇特別多，油炸食物出色，素菜款式有心思，甜品糕點種類多，另有涼粉、豆腐花、生果⋯⋯好味😋良心小店👍🏻

放題黎講算唔錯有甜品水果多菜有飯有湯有粥仲有d小食選擇唔算超級多 但味道每樣都唔差清清地 又唔會太咸太淡如果本身唔係揀飲擇食，又唔想其他放題咁多肉咁多雪糕咁唔健康，係可以一試相信為呢度食多少少都唔怕，因為多蔬果不過就有少少油膩，茶有點淡解唔到膩但呢個價錢但可以坐耐少少係唔錯唯一不足係環境太靜，傾計有少少回音

在梅貴緣一間平靚正的純素自助餐，電話訂位＄88位，只食純素香濃朱古力蛋糕、自家製芒果河粉，很香滑。糕點師傅自家製的芝麻糕，很有口感丶馬豆糕丶紅豆糕丶蘿蔔糕丶芋頭糕丶芋頭糕丶薑汁糕⋯很多糕點，新鮮菠蘿丶香脆春卷丶素漢堡包，好多款素菜，不停的添加，亦會不停轉換菜式，所以可以食好多款式的素菜，粥丶粉丶麵丶飯丶足料老火湯丶糖水⋯回晒本了。😍老板娘好好人，會定期派飯，一間良心小店，值得支持👍💪🏼😉