棟記飯店

Open Now

Now Closed

今次又要品嚐一下平民飯堂，它沒有豪裝、更沒有華麗佈景，更更沒有別緻的粉飾……它就是位於上環市政大厦二樓的棟記飯店，朋友一吹鷄，八方雲集，聚埋吹下水，有時出來宴會不一定為了吃，更深層意義是互相支持下，勉勵下，共同抵抗生活上無奈及壓迫感！以下會逐一品評價下:1) 德國豬手: 略咸，肉偏乾，欠缺汁感，皮也厚，要用力斯開2. 霸王鷄: 鷄是冰鲜，鷄味不濃，肉沾了醬油還可以3. 鼓椒抄硯: ok ,但硯不算大，肉自然细，汁ok4.蒸魚: 魚不太鲜，略嫌失手，是魚種問題，不太爽口5.京都骨: 全場最好，入味，啖啖肉，快活過神仙6.西芹炒魚片: 有65分，炒得也香口，魚片可切得薄些努力！！加油！可能當晚跑夜馬，所以水準仍浮動！

棟記都算係我由細到大都會嚟嘅街市食堂。通常都係食佢條烏頭，必吃之選。不過今日天氣凍就試下佢個$348嘅枝竹羊腩煲，一路食都ok gei, 跟碟生菜，烚下烚下。點知一夾舊蘿蔔上嚟。。。佢甘嘅味。我唔信唔信都成舊食咗，以為係呢邊皮厚啫。點知我呀爸一試都話叔叔到。。。同個落單講，佢話可能浸太耐，會同老闆講。甘老豆撈哂d怪味蘿蔔上嚟。。。個煲得返幾舊肉，甘我菜王嚟嫁麻。。。無菜點得。甘諗住叫老闆你壞了蘿蔔可否換番啲菜畀我。佢徒手拎咗舊入口，話無嘢呀，係甘。 好啦。。。甘你慣左，我無法。下次唔嚟囉！！！！！！死死氣叫咗d菜，又俾$48

平安夜當日在上環文娛廣場開工，收工之後就到附近的地方與好友來個即興的晚餐，在開工時跟工作上認識多時的前輩交談知道呢間棟記的鹽焗烏頭好好食，所以抱住一試的精神上來食野~~~鹽焗烏頭唔點汁已經夠好食，唔會感覺到鯹味，個汁感覺太咸，如果個汁冇咁咸會更好食雜菜海鮮煲，望落去感覺好大份，真係正到不得了，味道跟去鴻星冇分別~~~西檸雞食落去感覺幾好，好食過石塘咀熟食檔果間~~~ 近年因為跟好友周圍食，開始喜歡到不同的熟食市場用餐，感受小店的風味，聖誕節只是商品化的節日，唔想食太貴的聖誕大餐，去小店食特色小菜都是個不錯的選擇=]

係...又係打邊爐😅😅可能你會話唔厭架咩？小妹實在太鍾意既關係，真係唔會！😂😂今次去到上環熟食檔食嘢，原本想食小菜，不過見有人打邊邊，迅間被🔥著🙈🙈。大排檔姐姐好好人，好耐心講解有咩正嘢（老實講咁nice既係大排檔真係未見過😂）原本想試下魽魚煲，可惜賣晒，姐姐推解美國🇺🇸肥牛煲，話個個客人食過都話正！📌美國肥牛煲🅗🅚$❷⓿❽果然好介紹，d肥牛係雪花❄️❄️，肥瘦分佈得宜，而且切得好薄，只要放入湯中數秒，再點一點辣椒🌶️豉油，牛肉入口融化，肉味香濃！🉐️🉐️ 另外，呢度真係無偷雞，牛肉黎到成座小山丘咁，而下面係完全無墊過任何菜等，係名副其實肥牛山👍🏻👍🏻性價比超高！📌煲裡就真係清湯，如果想食濃郁湯底既朋友可能唔arm，不過我就覺得清如水既湯底唔會蓋過牛肉本身既鮮味啦！都幾好！湯裡有大量既白蘿蔔、腐竹、豆腐卜等，另外都包一籃唐生菜，咁樣食肉獸都有d菜食下平衡一下。📌啪青瓜 🅗🅚$❸❽姐姐推介既另一樣係啪青瓜，有好濃既醋香味，但一點都唔辣，青瓜清甜，打邊爐食一流，可以去一下躁膩既感覺！📌大樽裝可樂 355ᴹᴸ好耐都無見過大支裝可樂，拾回童年回憶！滿足既一餐，為星期五帶來happy ending啊！

舊同事的聚餐同事介紹話呢間正野，果然冇錯必點：鹽焗烏頭同炸豬手我最愛個炸豬手😋魯得入味又炸得夠酥脆鹽焗烏頭好食過平時打冷鋪食個d另外仲叫左豉椒鵝腸，椒鹽鮮尤........etc.服務值得一提，有個靚女waitress 幫我地落單😇，我地話轉枱又拿拿淋幫我地拎野會再去

上環市政大廈二樓熟食中心，不是高貴奢華享樂之地，卻得到男女老幼的青睞 滿滿的座上客不約而同地為了道地風味到來，當然我們亦有同樣想法 即興相約，隨手搜尋到的結果是棟記，平常不多聽聞的熱辣小炒去處 到達才知道原來正是友人們常訪，卻總忘了名字的食店，實在巧合 多得友人力挺，輕鬆收獲心心念念的酸甜之物，菠蘿咕嚕雞球 $66幸不失場 外層帶點脆感，不會過份油膩，裹粉層亦沒有粉爛漿口的感覺 有趣在於雞球是四四方方的切塊，不像平常任性自由的形狀，肉感紥實，尚未至韌 多番斟酌，在眾多牛肉菜式之中選定柱候牛腩煲 $76，起風就想吃濃味一點 牛腩入味之餘保持塊狀，不至韌柴難嚼，又未會散爛化絲 蘿蔔甜美不多纖維韌渣，醬汁微稠濃身而不結塊，確為十分下飯的菜式 滑蛋蝦仁 $78金黃飄香，蛋塊濕潤嫩身不老韌，香氣十足，不加醬料亦無礙 蛋塊不會油滋滋，吃起來毫不帶膩；而蝦仁大件爽彈，仍有些少蝦香，憑此已經合格 唯獨是意料之內蝦仁未挑腸，稍為扣分，介意者食時就要自己動動手去蝦腸了 友人建議加份蔬菜，至少可以說服自己說比較健康，瞄見金銀蛋，頓時心喜 不過一般與此相配的莧菜是晚缺貨，唯有轉向金銀蛋油麥菜 $6

真正的香港本土菜，是圍頭菜。食神滔當年曾推廣此菜系。始終不成氣候，近來更少人談到。此菜系與客家菜有所不同。客家人南移元朗平民後，為保障財產，建立圍牆自守，建立圍村，他們掘塘養魚，耕田，種菜，令元朗成為「魚米之鄉」。由於生活方式，出產食品不同，形成與山地客家人有不同的語言，菜系。雞方面，因欠鹽場和生活較安定，鹽焗雞轉化成為圍頭五味雞。因多子弟移民歐洲，兄弟分隔，衍生「銀蝦蜆肉炒長遠」菜餚，前後者兩海鮮寓意遠走他鄉和留鄉的子弟。最著名是元朗魚塘盛產的烏頭，有白水浸，咸水檸蒸…款式。惜圍頭菜酒樓口碑均強差人意，令人却步。此店供應小部份圍頭菜，特別珍貴。雖是街市大厦格局，都要來食。此店鎮店菜式是鹽焗烏頭，把鹽焗雞和蒸烏頭兩名菜結合了。焗的火候掌握得恰好，入口感覺與炸，蒸，煎有明顯分別，咸咸鮮鮮，佐以豆醬，別有滋味，似潮州風味。筷如雨下，大家都覺得鮮香獨特。若你們來，宜電話預訂。客家菜霸王雞賣相有其特色，豉汁豐盈，紅椒絲與綠葱輝映，顯得雞更黃淨。雞肉嫩滑，水準與泉章居相若。其他菜式均盡顯大牌檔鑊氣，最好是椒鹽鮮魷，夠厚肉，香脆而不乾，咸度適中，有鮮味。較好是京都肉排，酸甜開胃，香酥脆皮。炒菜則一

很久沒有到街市的小店吃飯，對上一次都有三兩年前，該是北角「東寶小館」，吃風沙雞，椒鹽系炸物。這些小館子內在環境甚麻甩，有些破舊又擠迫，卻總是有股魅力令你會間中想來顛狂一下。 上環街市熟食中心的「棟記」，位置不算旯旮，易找的。今次來，一班人叫餸很隨意，唔夠飽想吃什麼，就叫什麼，上菜的次序也有點混亂，一副杯盤狼藉的模樣。 拉開序幕的小食「沙薑雞腳」$45，調味好的，略嫌不夠骨皮分離，屬煙煙韌韌那種，我喜歡再腍些。 「椒鹽炸三寶」$76，是椒鹽鮮魷、豆腐同腰果，第三寶好像有點 hea？！ 「脆皮原隻豬手」$108，這裏的味自慢，由食客自己切開： 皮脆，膠質豐富不油膩，這個推薦！ 「椒鹽九肚魚」$76 九肚魚算厚肉，骨易吐，外皮也沒有如綿胎一樣厚。 「棟記小炒王」$88 好像與想像中有些差距？！沒有韮菜，似炒粒粒，都是爽脆之物，西芹、腰果、菜甫，鑊氣還好。 聲稱所謂「馳名港九」的「鹽焗元朗烏頭魚」$99，想吃的話最好打電話留定： 賣這個價錢真的很平，原條上，自己撕開魚皮，很容易就吃到裏面的肉，吃時可輕點潮州黃豆醬提味。 原本想叫滑蛋蝦仁，後來轉了「白飯魚煎蛋」$78，唔錯

三五知己喺星期日嘅夜晚上環搵食，點知上環嘅鋪頭原來今早就關晒門（九點鐘左右啫，使唔使咁早啊？！），唯有上環街市熟食檔嗰度碰吓運氣啦，不嬲聽人講市政大廈街市啲熟食檔幾夠鑊氣幾有風味，但我自己從來都唔會想去，因為覺得環境麻麻地，但經過今次一試我完全改觀！四條友上去棟記點左咗幾個餸，第一個椒鹽鮮魷，佢炸得好靚完全金黃色，同埋隔左油，食落爽口，同埋魷魚都幾鮮味，食得出係新鮮嘅！第二樣，西檸雞，我覺得呢樣係最好食嘅，佢個雞本身個外皮幾脆，D檸汁裝亦都酸酸甜甜，淨係啲檸汁都送兩碗白飯呀，絕對要去試一試！魚香茄子，味道夠香，茄子夠新鮮，但啲肉碎唔夠多。蝦醬腐乳炒通菜，啲菜幾入味，同埋都夠林。整體來講，呢度嘅菜式夠鑊氣，價錢又平，平均每個小菜都係六十幾七十蚊，絕對值得一試。唯一不足嘅係，上菜時間太耐我哋平均每道菜都要等起碼15分鐘！

Cc結婚後，二人行，變成了一人。最近，周末，愛上了電車遊 - 邊欣賞風景，邊捉精靈也。這天，不自覺地又走到上環上市政熟食中心了。前幾回光顧了瑞記咖啡，這次，揀了楝記，吃飯餐。時值約二點，店內客人不多，員工正在收枱，估計應該差不多打烊了吧﹗女店主挺熱情好客的人，招呼小妹於一圓枱坐下。小妹，要了一客鹹蛋蒸肉餅飯配熱檸茶$38。鹹蛋蒸肉餅飯的賣相挺不錯的，三十八元，大大份的，飽肚之作。白飯應該是蒸的，粒粒乾爽分明。淋上豉油，再撒上蔥粒的鹹蛋蒸肉餅，橙橙綠綠的，看上去挺誘人的﹗吃一口，鹹蛋未夠鹹香；肉餅食味不錯，然豬肉稱不上是鮮味貨色，且肥肉比例過多，不愛也﹗

天寒地凍，想打個邊爈暖下身，見食評不差，就試試去。叫左鯇魚鍋，肥牛，水餃，蟹柳，午餐肉。第一round食完，諗住再點，侍應先發現無比鯇魚同菜😓（原來個鍋係跟埋的），午餐肉，蟹柳⋯ 好common既邊爐食材，吹左兩次，第三次個伙記先話無落單，第四次⋯ 無貨😓去得大排檔，食物質素唔會要求太高，但起碼都比返少少態度吧！邊爐食物種類不多，眼見客人也不多⋯ 都可以攪成咁😓不過鯇魚質素唔差，去唔去，自己選擇！

周一晚上，一个人到上环街市想吃个quick dinner，结果被栋记吃了一肚子气。再也不会回访了。点了一份35港币的梅菜蒸鱼饭，已经预计到耗时会比较长，但是过了半个小时都不见菜上桌，我就询问了一下某女店员，女店员正眼也不看我一下，就只说“等一等”。又过了5分钟，我去问男店员，还需要多久上菜。他很不耐烦地说，你走吧你走吧。岂有此理！！！上菜慢，还嫌顾客催，还赶食客走。差评！！！

好耐冇嚟！掛住呢度個土魷肉餅兩丁友又啤啤佢🍻喜歡呢度冇拘捒啤成晩！照舊土魷蒸肉餅様同味道比前略遜色，肥肉比例多咗少許，土魷較之前略減少及細塊咗，之前係好多細方塊形好香土魷，亦係佢最可取之處！整體味道唔係差，有之前嘅對比下，今次係略肥同冇之前咁好咁吸引我！再枝竹鮮菇炆豆卜唔入味，茨汁普通，豆卜同枝竹都頗硬，整體冇乜特別，呢個價錢食呢個全部以平價材料製作，若然唔好食確然感覺唔抵！再嚟滑蛋蝦仁份量多，蛋滑身尚可以，蝦大隻，蔥粒少唔夠香，整體味道普通！今次各款菜式普普通通，勝在可以慢慢食隊下啤！見佢地D碟頭飯、炒麵飯超抵，只係$36！不過未試

喜歡光顧大排檔同隊下啤的我未曾踏足過上環文娛街市,估唔到有意外驚喜！叫咗霸王雞同土魷蒸肉餅，前者口感不錯有雞味，雞算大隻，後者真心好食唔肥唔多油，土魷切成小方形好香口👍好多好足料👍我夠膽講出街食飯以來呢個肉餅係我食過最好味嘅口味值得推介！

今日同同事又來上環市政大廈搵食，呢度餐廳小本經營，勝在夠抵食。今次食棟記，午飯時間唔洗等太耐，套飯選擇都算多，有10個餐俾你揀。$36連飲品，凍飲唔洗加錢，算好抵食。肉絲炒麵，炒得不算油膩，幾大碟幾好食。鹹魚雞粒炒飯，飯炒得幾好，味道不算太鹹。